কল্চর মন্ত্রালয়

চহি খুদিংগী জনুৱারি ২৩দা “পরাক্রম দিৱস” হায়না থৌরম পাংথোক্নবা সরকারনা লাউথোক্লে

জনুৱারি ২৩ অসি “পরাক্রম দিৱস” হায়না লাউথোক্নবা গেজেত নোতিস থোক্লে

Posted On: 19 JAN 2021 4:00PM by PIB Imphal

জনুৱারি ২৩, ২০২১দগী হৌদুনা জাতি অমসুং মালেমগী থাক্তা য়াম্না চাউনা নেতাজি সুভাস চন্দ্র বোসকী ১২৫শুবা মপোক নুমিৎ থৌরম পাংথোক্নবা সরকারনা ৱারেপ লৌরে। পাংথোক্কদবা থৌরমশিংগী ৱারেপ লৌনবা অমসুং থৌরম অদু য়েংশিন্নবা অমসুং লমজিংনবা প্রধান মন্ত্রী শ্রী নরেন্দ্র মোদীনা লুচিংবা অৱাংবা থাক্কী কমিতি অমা শেম্লে।

নেতাজিগী মাইথিবা পীবা ঙমদবা থৌনা অমসুং মশাগী ওইজবা থাদোক্তুনা লৈবাক্কীদমক পাংথোকখিবা থবকশিং অদু নিংশিংনবা অমসুং ইকায়খুম্নবা উৎনবা, চহি খুদিংগী মহাক্কী মপোক নুমিৎ জনুৱারি ২৩ অসি “পরাক্রম দিৱস” হায়না পাংথোক্নবা ভারত সরকারনা ৱারেপ লৌরে। মসিনা লৈবাক অসিগী মীয়ামদা মরুওইনা নহারোলশিংদা, নেতাজিনা পাংথোকখিবগুম অৱাবা তারকপা মতমদা থৌনা লৈনা থেংন্নবা অমসুং মখোয়দা মরৈবাক নুংশিবগী থৌনা অমা পোকহনবা ঙমগনি।

জনুৱারি ২৩ অসি “পরাক্রম দিৱস” হায়না লাউথোক্নবা গেজেত নোতিস থোক্লে।

*****



(Release ID: 1690107) Visitor Counter : 15