প্রধানমন্ত্রীগী লোইশঙ
জনুৱারি ২০দা প্রধান মন্ত্রীনা উত্তর প্রদেসতা প্রধান মন্ত্রী অৱাস য়োজনা(গ্রামিন)গী মখাদা বেনিফিসরি লাখ ৬ হেনবদা শেন্থং য়েন্থোক্কনি
Posted On:
19 JAN 2021 3:49PM by PIB Imphal
ভিদিও কনফরেন্সকী খুৎথাংদা জনুৱারি ২০গী নুমিৎ য়ুংবা পুং ১২ তাবদা প্রধান মন্ত্রী শ্রী নরেন্দ্র মোদীনা উত্তর প্রদেসতা প্রধান মন্ত্রী অৱাস য়োজনা(গ্রামিন)গী মখাদা কান্নবা ফংলবা মীওই লাখ ৬ হেনবদা লুপা করোর ২৬৯১ হেনবগী শেন্থং য়েন্থোক্কনি। থৌরম অদুদা রুরেল দিবলপমেন্তগী য়ুনিয়ন মিনিস্তর অমসুং উত্তর প্রদেসকী চীফ মিনিস্তরশু শরুক য়াগনি। য়েন্থোক্কদৌরিবা শেন্থং অসিগী মনুংদা বেনিফিসরি লাখ ৫.৩০গী অহানবা ইন্সতোলমেন্ত অমসুং য়োজনা অসিগী মখাদা অহানবা ইন্সতোলমেন্ত ফংখ্রবা বেনিফিসরি লিশিং ৮০গী অনিশুবা ইন্সতোলমেন্ত য়াওরি।
প্রধান মন্ত্রী অৱাস য়োজনা-গ্রামিন
প্রধান মন্ত্রীগী “২০২২ ফাওবগী মনুংদা মী খুদিংমক য়ুম লৈহনবা” পান্দমগী মখাদা মাঙজিল থাবা থৌরম অমা ওইরিবা প্রধান মন্ত্রী অৱাস য়োজনা(গ্রামিন) নবেম্বর ২০, ২০১৬দা হৌদোকখি। স্কিম অসিগী মখাদা হৌজিক ফাওবদা লৈবাক শীনবা থুংনা য়ুম করোর ১.২৬ শাখ্রে। প্রধান মন্ত্রী অৱাস য়োজনা(গ্রামিন)গী কান্নবা ফংলবা মীওই অমদা লুপা লাখ ১.২০(তম্পাক্কী লমশিংদা)গী গ্রান্দ চাদা ১০০ পীরি অমসুং চীংগী রাজ্যশিং, অৱাং-নোংপোক রাজ্যশিং, খুদোংথিবা মফমশিং, জে অমসুং কে অমসুং লাদাখ য়ু.তিশিং, এ.আই.পি/এল.দব্লিউ.ই জিলাশিংদা লুপা লাখ ১.৩০ পীরি।
প্রধান মন্ত্রী অৱাস য়োজনা(গ্রামিন)গী মখাদা কান্নবা ফংলবা মীওশিংদা অহেনবা ওইনা মহাত্মা গান্ধী নেসনেল রুরেল ইমপ্লোইমেন্ত গরেন্তি স্কিমগী মখাদা থবক শুবগী খুদোংচাবা পীরি অমসুং শ্বাছ ভারত মিসন-গ্রামিন, এম.জি.এন.আর.ই.জি.এস নত্রগা অতোপ্পা ফন্দগী মখাদা তোইলেতশিং শানবা লুপা ১২,০০০গী মতেং পীরি। স্কিম অসিদা ভারত সরকার অমসুং রাজ্য/য়ু.তিশিংগী তোঙান-তোঙানবা স্কিমশিং পুনশিন্দুনা প্রধান মন্ত্রী উজৱালা স্কিমগী মখাদা এল.পি.জি ফংহল্লি, মৈ ফংহল্লি, জল জিবন মিসনগী মখাদা অফবা থক্নবা ঈশিং ফংহল্লি।
*****
(Release ID: 1690057)
Visitor Counter : 190
Read this release in:
Hindi
,
Tamil
,
English
,
Urdu
,
Marathi
,
Bengali
,
Assamese
,
Punjabi
,
Gujarati
,
Odia
,
Telugu
,
Kannada
,
Malayalam