ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ
ଭାରତକୁ ଆତ୍ମନିର୍ଭରଶୀଳ କରିବାରେ ଷ୍ଟାର୍ଟଅପ୍ର ରହିଛି ଗୁରୁତ୍ୱପୂର୍ଣ୍ଣ ଭୂମିକା: ପ୍ରଧାନମନ୍ତ୍ରୀ
Posted On:
16 JAN 2021 9:10PM by PIB Bhubaneshwar
କରୋନା ମହାମାରୀ କାଳରେ ଦେଶକୁ ଆତ୍ମନିର୍ଭରଶୀଳ କରାଇବାରେ ଷ୍ଟାର୍ଟଅପ୍ର ଭୂମିକାକୁ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ପ୍ରଶଂସା କରିଛନ୍ତି । ଆଜି ଭିଡିଓ କନ୍ଫରେନ୍ସିଂ ଜରିଆରେ ଷ୍ଟାର୍ଟଅପ୍ ଇଣ୍ଡିଆ ଆନ୍ତର୍ଜାତିକ ଶିଖର ସମ୍ମିଳନୀ ପ୍ରାରମ୍ଭରେ ଉଦ୍ବୋଧନ ଦେବା ଅବସରରେ ପ୍ରଧାନମନ୍ତ୍ରୀ ଏହା କହିଛନ୍ତି ।
ଏହି ଅବସରରେ ପ୍ରଧାନମନ୍ତ୍ରୀ କହିଛନ୍ତି ଯେ, ଦେଶର ଶତକଡା 45ଭାଗ ଷ୍ଟାର୍ଟଅପ୍ ଦେଶର ଟୁ ଟାୟାର ଓ ଥ୍ରୀ ଟାୟାର ସିଟିରେ କାର୍ଯ୍ୟରତ ଅଛନ୍ତି । ସେମାନେ ସ୍ଥାନୀୟ ସାମଗ୍ରୀର ବିପଣନର ଅଗ୍ରଦୂତଭାବେ କାର୍ଯ୍ୟ କରିଥାନ୍ତି । ପ୍ରତ୍ୟେକ ରାଜ୍ୟ ଷ୍ଟାର୍ଟଅପ୍କୁ ଆପଣାଇବାରେ ସ୍ଥାନୀୟ ଆବଶ୍ୟକତା ଅନୁସାରେ ସେମାନଙ୍କୁ ସମର୍ଥନ କରିଥାନ୍ତି । ଦେଶରେ ଶତକଡା 80ଭାଗ ଜିଲ୍ଲା ବର୍ତ୍ତମାନ ଷ୍ଟାର୍ଟଅପ୍ ଇଣ୍ଡିଆ ମିଶନର ଅଂଶ ବିଶେଷ ହୋଇପଡିଛି । ଆଜିକାଲି ଜନସାଧାରଣ ସେମାନଙ୍କ ଖାଦ୍ୟପେୟ ନେଇ ବେଶ୍ ସଚେତନ ହେଉଥିବା ଯୋଗୁଁ କୃଷି ଓ ଖାଦ୍ୟ କ୍ଷେତ୍ରରେ ଏହାର ସମ୍ଭାବନା ଅଧିକ । ଭାରତ ଏହି କ୍ଷେତ୍ରର ଅଭିବୃଦ୍ଧି ଦିଗରେ ବିଶେଷ ଧ୍ୟାନ ଦେଉଛି । ଏକ ଲକ୍ଷ କୋଟି ମୂଳଧନ ପୁଞ୍ଜି ବିନିଯୋଗରେ ଏକ ଆଗ୍ରି ଇନ୍ଫ୍ରା ଫଣ୍ଡ ମଧ୍ୟ ଗଠନ କରାଯାଇଛି । ଏହି ନୂତନ ସୁଯୋଗର ସଦ୍ବ୍ୟବହାର ସହ ଷ୍ଟାର୍ଟଅପ୍ଗୁଡିକ କୃଷକମାନଙ୍କୁ ସହଯୋଗ କଲେ ସେମାନଙ୍କ ସାମଗ୍ରୀ କ୍ଷେତରୁ ପରସା ଖାଦ୍ୟ ପର୍ଯ୍ୟନ୍ତ ନେବାରେ ଲାଗିଛନ୍ତି ।
କରୋନା ମହାମାରୀ କାଳରେ ଆତ୍ମନିର୍ଭର ଭାରତ ଗଠନରେ ସେମାନଙ୍କ ଅବଦାନର ପ୍ରଧାନମନ୍ତ୍ରୀ ପ୍ରଶଂସା କରିଛନ୍ତି । ସାନିଟାଇଜର, ପିପିଇ କିଟ୍ ଇତ୍ୟାଦି ଉପଲବ୍ଧତା ସୁନିଶ୍ଚିତ କରାଇବା ସହ, ଘରେ ଘରେ ଅତ୍ୟାବଶ୍ୟକ ସାମ୍ରଗୀ ଔଷଧ ପହଞ୍ଚାଇବାରେ ମଧ୍ୟ ଷ୍ଟାର୍ଟଅପମାନେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଛନ୍ତି । ବାଧାବିଘ୍ନ କାଳରେ ଷ୍ଟାର୍ଟଅପ୍ମାନଙ୍କ ଉଦମ୍ୟ ଓ ଅଦ୍ୟମ ଉତ୍ସାହକୁ ପ୍ରଧାନମନ୍ତ୍ରୀ ଭୂୟସୀ ପ୍ରଶଂସା କରିଛନ୍ତି ।
******
SM/ SLP
(Release ID: 1689854)
Visitor Counter : 87
Read this release in:
English
,
Urdu
,
Hindi
,
Marathi
,
Bengali
,
Assamese
,
Manipuri
,
Punjabi
,
Gujarati
,
Tamil
,
Telugu
,
Kannada
,
Malayalam