প্রধানমন্ত্রীগী লোইশঙ
মশা-মরোমদোম লেপচবা ঙম্বা ভারত অমা শেমগৎপদা স্তার্দ-অপশিংনা মরুওইবা থৌদাং অমা লৌরি: প্রধান মন্ত্রী মোদী
Posted On:
16 JAN 2021 9:10PM by PIB Imphal
কোরোনা লাইচৎ মনুংদা অত্মানির্ভরভারত শেমগৎনবা মতেং পাংখিবা ভারতকী স্তার্দ-অপশিং প্রধান মন্ত্রী শ্রী নরেন্দ্র মোদীনা থাগৎখ্রে। ঙসি ভিদিও কনফরেন্সকী খুৎথাংদা পাংথোকপা ‘প্রারম্ভ: স্তার্দঅপ ইন্দিয়া ইন্তরনেসনেল সমিৎ’তা মহাক্না ৱা ঙাংখি।
থৌরম অদুদা প্রধান মন্ত্রীনা হায়খি স্তার্দঅপশিংগী চাদা ৪৫ তয়র-২ অমসুং তয়র-৩ সহরশিংদা লৈরি অমসুং লমদম অসিদা পুথোকপা পোৎথোকশিংগী ব্রান্দ এম্বেসেদর ওইনা থবক তৌরি। রাজ্য খুদিংমক্না স্তার্দঅপশিং শৌগৎলি অমসুং য়োকখৎলি অমসুং হৌজিক লৈবাক অসিগী জিলাশিংগী চাদা ৮০ স্তার্দঅপ ইন্দিয়া মিসনগী শরুক অমা ওইরে। মীয়াম্না মখোয়গী চীঞ্জাক্কী মরমদা হেন্না ৱাখল তাবা হেল্লকপদগী চীঞ্জাক অমসুং লৌউ-শিংউগী থবকশিংদা অনৌবা খুদোংচাবা কয়া লৈরে। লুপা করোর লাখ ১গী এগ্রি ইনফ্রা ফন্দ অমা শেমদুনা হায়রিবা সেক্তরশিং অসি চাউখৎহন্নবা ভারতনা অখন্নবা মিৎয়েং চঙলে। হায়রিবা অনৌবা খুদোংচাবশিং অসিগা লোয়ন্না, স্তার্দপনা লৌমীশিংগা পুন্না থবক তৌমিন্নরি অমসুং হেন্না লাইনা মগুন লৈবা পোৎথোকশিং লৌবুক্তগী তেবল ফাওবা য়ৌরক্নবা মরুওইবা থৌদাং অমা লৌরি।
কোরোনা লাইচৎ মনুংদা অত্মানির্ভরভারত শেমগৎনবা মতেং পাংখিবা ভারতকী স্তার্দ-অপশিং থাগৎলদুনা প্রধান মন্ত্রীনা হায়খি সেনিতাইজরশিং, পি.পি.ই কিৎশিং অমসুং মরী লৈনবা পোৎলমশিং ফংহনবদা স্তার্দঅপশিংনা মরুওইবা থৌদাং অমা লৌখি। চানবা পোৎলমশিং অমসুং হিদাক-লাংথকশিং ফংহনবা, মমাঙ থাবা থবক তৌরিবা মীওইশিং চৎথোক-চৎশিনগী থবক অমসুং ওনলাইন স্তদি মেতরিএল ফংহনবদা মখোয়না মরুওইবা থৌদাং লৌখি। অৱাবা তারিঙৈ মতমদা খুদোংচাবা থিনবা হোৎনবা অমসুং খুদোংথিবা মনুংদা মখোয়না থাজবা পীখিবা স্তার্দঅপকী থৌনা অদু প্রধান মন্ত্রীনা থাগৎখি।
*****
(Release ID: 1689286)
Visitor Counter : 86
Read this release in:
English
,
Urdu
,
Hindi
,
Marathi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam