অচৌবা মাই পাকপা অমদা ভারতকী ফগৎখিবা কেসশিংগী অপুনবনা এক্তিব কেসলোদতগী ঙসি করোর অমা হেন্না হেনখ্রে।

ফগৎখিবশিংগী অপুনবা মশিং ১,০২,১১,৩৪২ য়ৌখ্রে অমরোমদা লৈবাক অসিগী এক্তিব কেসশিং ঙসি ২,০৮,০১২দা লৈখ্রে। অনি অসিগী মরক্তা লৈবা খেৎনবা অসি লেপ্তনা হেনগৎলক্তুনা ১,০০,০৩,৩৩০ য়ৌখ্রে। ফগৎখিবা কেসশিংগী অপুনবনা লৈবাক্কী এক্তিব কেসশিংগী শরুক ৫০গী ময়া ওইরি।

মসিগা লোইননা ভারতকী ফগৎলকপগী চাং ৯৬.৫৯% য়ৌখ্রে।

লৈবাক অসিদা হৌখিবা পুং ২৪দা ফগৎখিবা ১৪,৪৫৭ রেজিস্তর তৌখ্রে অমরোমদা হৌখিবা পুং ২৪দা নৌনা কনফর্ম ওইখিবা কেসশিংগী মশিং ১৩,৭৮৮ ওইখ্রে।

ভারতকী নুংতিগী থেংনবা পোজিতিব কেসশিং অসি মখা তানা হন্থরকপনা লৈবাক অসিদা কোবিদ-১৯না মরম ওইরগা নুংতিগী শীখিবশিং অসি লেপ্তনা হন্থরকপা উবা ফংখ্রে। লৈবাক অসিনা হৌখিবা পুং ২৪দা চাউরাক্না থা ৮ (থা ৭ নুমিৎ ২৩)গী মতুংদা শীখিবগী মশিং ১৫০দগী তানা (১৪৫) রেকোর্দ থম্বা ঙমখ্রে।

পীরিবা গ্রাফ অসিনা হৌখিবা পুং ২৪দা তোঙান তোঙানবা রাজ্যশিংদগী নুংতিগী শীখিবশিংগী মশিং উৎলি। রাজ্য ১৫না শীখিবা ০, রাজ্য ১৩দগী নুংতিগী শীখিবা ১দগী ৫, রাজ্য ৪দগী শীখিবা ৫দগী ১০, আজ্য ১দগী শীখিবা ১০দগী ২০ অমসুং রাজ্য ২০ হেনবনা শীখিবা ২ ওইখি।

নৌনা ফগৎখিবা কেসশিংগী ৭১.৭০%দি রাজ্য/য়ু.তি. তরেৎতগী ওইখি।

কেরেলানা নোংমা খক্তদা নৌনা ফগৎখিবা কেস ৪,৪০৮গা লোইননা মশিং খ্বাইদগী য়াম্না ফগৎপগী রিপোর্ত তৌরকখ্রে। হৌখিবা পুং ২৪দা মহারাস্ত্রদা মীওই ২,৩৪২ ফগৎখ্রে মতুংদা কর্নাতকাদা ৮৫৫ ফগৎখ্রে।

নৌবা কেসশিংগী ৭৬.১৭%দি রাজ্য অমসুং য়ু.তি. তরুক্তগী ওইখ্রে।

কেরেলানা মখা তানা অনৌবা কেস ৫,০০৫ থেংনদুনা মশিং খ্বাইদগী য়াম্না রিপোর্ত তৌরকখ্রে। মসিগী মতুংদা কেস মথং শিৎনা ৩,০৮১ অমসুং ৭৪৫ ওইদুনা মহারাস্ত্র অমসুং কর্নাতকানা মতুং ইন্নখ্রে।

হৌখিবা পুং ২৪দা পুন্না শীখিবগী ৮৩.৪৫%দি রাজ্য অমসুং য়ু.তি. তরেৎতগী ওইখ্রে।

মহারাস্ত্রনা শীখিবা ৫০ রিপোর্ত তৌরকখ্রে। কেরেলাদা ২১ শীখি অমরোমদা ৱেস্ত বেঙ্গলনা নৌনা শীখিবা ১২ রিপোর্ত তৌরকখ্রে।

****