ভারতনা নুংতিগী থেংনবা অনৌবা কেসশিংদা চাউনা হন্থবা অমসুং মসিনা মরম ওইরগা এক্তিব কেসশিংদা হন্থরকপগী রিপোর্ত তৌবগী লেপ্পা নাইদবা ত্রেজেক্তরীদা মখা তানা চংশিনখ্রে।

অহানবা ওইনা ভারতকী অপুনবা পোজিতিব কেসশিংগী মনুংদা লৈরিবা এক্তিব কেসশিংগী শরুক অসি ২%গী মখা (১.৯৮%)দা হন্থখ্রে।

হৌখিবা পুং ২৪দা নুংতিগী থেংনবা কেস ১৫,১৪৪ রেকোর্দ তৌখ্রে। লৈবাক অসিগী এক্তিব কেসলোদ অসি ২,০৮,৮২৬তা হন্থখ্রে। হৌখিবা নুমিৎ ১০নিদগী নুংতিগী থেংনবা অনৌবা কেসশিং ২০,০০০গী মখাদা লৈখ্রে।

ফিগর অসিনা হৌখিবা পুং ২৪দা এক্তিব কেসশিংদা হোংলকপা অদু উৎলি। কেরেলানা অনৌবা কেস ৯২২ হাপচিনবগা লোইননা পোজিতিব চেঞ্জ খ্বাইদগী য়াম্না রেকোর্দ তৌখ্রে। মধ্য প্রদেশনা কেস ৪৩৩ হায়থখিবগা লোইননা নেগেতিব চেঞ্জ খ্বাইদগী তাবা ওইখ্রে।

হৌখিবা পুং ২৪দা নৌনা ফগৎখিবা ১৭,১৭০ রেজিস্তর তৌখ্রে। ফগৎখিবা কেসশিংগী শরুক অসি ৯৬.৫৮% ওইখ্রে। পুন্না ফগৎখিবা কেসনা ১০,১৯৬,৮৮৫ শুখ্রে। মখোয়না এক্তিব কেসশিংদগী ৯৯,৮৮,০৫৯ হেনগৎখ্রে (শরুক ৪৮.৮৩ হেন্না)।

নৌনা ফগৎখিবা কেসশিংগী ৮০.৫৩%দি রাজ্য/য়ু.তি. ১০দগী ওইখ্রে।

কেরেলানা নোংমা খক্তদা নৌনা কেস ৫,০১১ ফগৎখিবগা লোইননা মশিং খ্বাইদগী য়াম্না ফগৎখিবগী রিপোর্ত তৌরকখ্রে। হৌখিবা পুং ২৩দা মহারাস্ত্রদা মীওই ৩,০৩৯ ফগৎখ্রে মতুংদা উত্তর প্রদেশতা ৯৩০ ফগৎখ্রে।

অনৌবা কেসশিংগী ৮১%দি রাজ্য অমসুং য়ু.তি. ৮দগী ওইখ্রে।

কেরেলানা কেস ৫,৯৬০ রিপোর্ত তৌদুনা নুংতিগী থেংনবা অনৌবা কেস খ্বাইদগী ৱাংবা ওইখ্রে। মহারাস্ত্র অমসুং তামিল নাদুনা মথং শিৎনা অনৌবা কেস ২,৯১০ অমসুং ৬১০গা লোইননা মতুং ইন্নখ্রে।

ভারত্তা নুংতিগী শীবগী মশিংসু লেপ্তনা হন্থরকপগী রেজিস্তর তৌরি। হৌখিবা নুমিৎ ২৩দা ভারতনা নুংতিগী শীবা অসি ৩০০তগী তানা রেকোর্দ তৌখ্রে।

হৌখিবা পুং ২৪দা শীখিবগী কেস ১৮১গী ৬৬.৩০%দি রাজ্য অমসুং য়ু.তি. তরুক্তগী ওইখ্রে।

মহারাস্ত্রনা শীখিবা ৫২ রিপোর্ত তৌখ্রে। কেরেলাদা শীখিবগী মশিং ২৭ ওইখ্রে অমরোমদা ৱেস্ত বেঙ্গলদা নৌনা শীখিবা ১৫ রিপোর্ত তৌখ্রে।

****