ଭାରତରେ ସକ୍ରିୟ କରୋନା ମାମଲାର ନିମ୍ନଗତି ଜାରି ରହିଛି । ଆଜି ଏହା 2.13 ଲକ୍ଷ (2,13,702)କୁ ହ୍ରାସ ପାଇଛି । ଭାରତରେ ଏବେ ମୋଟ ପଜିଟିଭ୍ ମାମଲାର ମାତ୍ର 2.03% ରହିଛି ସକ୍ରିୟ ମାମଲା ।

ବିଗତ କେଇ ଦିନ ଧରି ଦୈନିକ ନୂଆ କରୋନା ମାମଲା 20 ହଜାରରୁ ତଳେ ରହିଛି । ଗତ 24 ଘଣ୍ଟା ମଧ୍ୟରେ ଦେଶରେ 15,590 ନୂଆ କରୋନା ମାମଲା ଚିହ୍ନଟ ହୋଇଛି । ଗତ 24 ଘଣ୍ଟା ମଧ୍ୟରେ 15,975 ଜଣ କରୋନାରୁ ସୁସ୍ଥ ହୋଇ ଘରକୁ ଫେରିଛନ୍ତି ।

ବିଗତ 7ଦିନ ଧରି ଭାରତରେ ପ୍ରତି ଦଶଲକ୍ଷ ଜନସଂଖ୍ୟାରେ ନୂଆ କରୋନା ମାମଲା ରହିଛି 87। ଏହା ସମଗ୍ର ବିଶ୍ୱରେ ଅନ୍ୟତମ ସର୍ବନିମ୍ନ । ରୁଷ, ଜର୍ମାନୀ, ବ୍ରାଜିଲ, ଫ୍ରାନ୍ସ, ଇଟାଲି, ଯୁକ୍ତରାଷ୍ଟ୍ର ଆମେରିକା ଏବଂ ବ୍ରିଟେନ ଭଳି ଦେଶ ସହ ତୁଳନା କଲେ ଭାରତର ନୂଆ କରୋନା ମାମଲା ଯଥେଷ୍ଟ କମ୍ ।

ଦେଶରେ ମୋଟ 10,162,738ଜଣ କରୋନାରୁ ସୁସ୍ଥ ହୋଇଛନ୍ତି । ସୁସ୍ଥ ସଂଖ୍ୟା ଏବଂ ସକ୍ରିୟ କରୋନା ମାମଲା ମଧ୍ୟରେ ପାର୍ଥକ୍ୟ ଦ୍ରୁତ ଗତିରେ ବୃଦ୍ଧି ପାଉଛି ଏବଂ ଏହା 99ଲକ୍ଷକୁ ଅତିକ୍ରମ କରି ଏବେ 99,49,711ରେ ପହଞ୍ଚିଛି । ନୂତନ ସୁସ୍ଥଙ୍କ ସଂଖ୍ୟା ଓ ନୂତନ କରୋନା ମାମଲାରୁ ଅଧିକ ହେଉଥିବାରୁ ଦେଶରେ ଆଜି ସୁସ୍ଥତା ହାର 96.62% ରେ ପହଞ୍ଚଛି । ନୂଆ ସୁସ୍ଥଙ୍କ ମଧ୍ୟରୁ81.15% ଆସିଛନ୍ତି 10 ରାଜ୍ୟ/କେନ୍ଦ୍ରଶାସିତ ଅଞ୍ଚଳରେ । କେରଳରେ ଗୋଟିଏ ଦିନରେ ସର୍ବାଧିକ 4337 ଜଣ ସୁସ୍ଥ ହୋଇଛନ୍ତି । ସେହିପରି ଗତ 24 ଘଣ୍ଟା ମଧ୍ୟରେ ମହାରାଷ୍ଟ୍ରରେ3309 ଜଣ ଏବଂ ଛତିଶଗଡ଼ରେ 970 ଜଣ ସୁସ୍ଥ ହୋଇଛନ୍ତି ।

ଗତ 24ଘଣ୍ଟା ମଧ୍ୟରେ ଆସିଥିବା ନୂଆ କରୋନା ମାମଲା ମଧ୍ୟରୁ77.56% ଆସିଛନ୍ତି 7 ରାଜ୍ୟ/କେନ୍ଦ୍ରଶାସିତ ଅଞ୍ଚଳରୁ । କେରଳରେ ଗୋଟିଏ ଦିନରେ ସର୍ବାଧିକ 5490ଜଣ ଚିହ୍ନଟ ହୋଇଥିବା ବେଳେ ଏହା ପଛକୁ ମହାରାଷ୍ଟ୍ରରେ 3579 ଜଣ ଏବଂ ପଶ୍ଚିମବଙ୍ଗରେ 680 ଜଣ ଚିହ୍ନଟ ହୋଇଛନ୍ତି ।

ଗତ 24 ଘଣ୍ଟା ମଧ୍ୟରେ 191 ଜଣଙ୍କ ମୃତ୍ୟୁ ହୋଇଛି । ଏଥିରୁ 73.30% ମୃତ୍ୟୁ ହୋଇଛି 7ଟି ରାଜ୍ୟ/କେନ୍ଦ୍ରଶାସିତ ଅଞ୍ଚଳରୁ । ମହାରାଷ୍ଟ୍ରରେ ସର୍ବାଧିକ 70 ଜଣଙ୍କ ମୃତ୍ୟୁ ହୋଇଛି । ଏହା ପଛକୁ କେରଳରେ 19 ଜଣ ଏବଂ ପଶ୍ଚିମବଙ୍ଗରେ 17 ଜଣଙ୍କ ମୃତ୍ୟୁ ହୋଇଛି ।

ବିଗତ 7 ଦିନ ହେଲା ଭାରତରେ ପ୍ରତି ଦଶଲକ୍ଷ ଜନସଂଖ୍ୟାରେ ମାତ୍ର ଗୋଟିଏ କରୋନା ମୃତ୍ୟୁ ହେଉଛି । ମୃତ୍ୟୁ ହାର 1.44% ଥିବା ବେଳେ ପ୍ରତି ଦଶଲକ୍ଷ ଜନସଂଖ୍ୟାରେ ମୃତ୍ୟୁ କ୍ଷେତ୍ରରେ ସମଗ୍ର ବିଶ୍ୱରେ ଭାରତରେ ବହୁତ କମ୍ ରହିଛି ।   

*****

SR / SLP