ଭାରତରେ ଦୈନିକ କରୋନା ମାମଲାରେ ହ୍ରାସ ଜାରି ରହିଛି । ବିଗତ 7 ଦିନ ଧରି ଦୈନିକ 20 ହଜାରରୁ କମ୍ ମାମଲା ଆସୁଛି ।

ଗତ 24 ଘଣ୍ଟା ମଧ୍ୟରେ ଭାରତରେ ମାତ୍ର 16ହଜାର 946ଜଣ କୋଭିଡରେ ସଂକ୍ରମିତ ହୋଇଥିବା ଚିହ୍ନଟ ହୋଇଛନ୍ତି । ଏହି ଅବଧିରେ ଭାରତରେ17 ହଜାର 652 ଜଣ କରୋନାରୁ ସୁସ୍ଥ ହୋଇଥିବାରୁ ସକ୍ରିୟ କରୋନା ମାମଲାରେ ସିଧାସଳଖ 904 ହ୍ରାସ ହୋଇଛି ।

ଭାରତରେ ଦୈନିକ କରୋନା ମୃତ୍ୟୁ ସଂଖ୍ୟା ମଧ୍ୟ ହ୍ରାସ ପାଉଛି । ବିଗତ 20 ଦିନ ଧରି ଦୈନିକ 3ଶହରୁ କମ୍ ମୃତ୍ୟୁ ହେଉଛି ।

 ଆଜି ଭାରତରେ ମୃତ୍ୟୁହାର ରହିଛି 1.44% । ଜାତୀୟ ମୃତ୍ୟୁହାର ତୁଳନାରେ 22 ରାଜ୍ୟ/କେନ୍ଦ୍ରଶାସିତ ଅଞ୍ଚଳରେ ମୃତ୍ୟୁହାର କମ୍ ରହିଛି ।

ଦେଶରେ ଏବେ ସକ୍ରିୟ କରୋନା ମାମଲାର ସଂଖ୍ୟା ରହିଛି 2,13,603 । ମୋଟ କରୋନା ମାମଲା ତୁଳନାରେ ସକ୍ରିୟ କରୋନା ମାମଲା 2.03% ହ୍ରାସ ପାଇଛି ।

25 ରାଜ୍ୟ/କେନ୍ଦ୍ରଶାସିତ ଅଞ୍ଚଳରେ ସକ୍ରିୟ କରୋନା ମାମଲା 5 ହଜାରରୁ କମ୍ ରହିଛି ।

ଆଜି ଭାରତରେ ମୋଟ ସୁସ୍ଥଙ୍କ ସଂଖ୍ୟା 10,146,763 ରହିଛି । ସୁସ୍ଥତା ହାର ମଧ୍ୟ 96.52% କୁ ବୃଦ୍ଧି ପାଇଛି ।

ନୂଆ ସୁସ୍ଥଙ୍କ ମଧ୍ୟରୁ 82.67% କେବଳ 10 ରାଜ୍ୟ/କେନ୍ଦ୍ରଶାସିତ ଅଞ୍ଚଳରୁ ଆସିଛନ୍ତି । କେରଳରେ ଗୋଟିଏ ଦିନରେ ସର୍ବାଧିକ 5258 ଜଣ ସୁସ୍ଥ ହୋଇଛନ୍ତି । ଗତ 24 ଘଣ୍ଟାରେ ମହାରାଷ୍ଟ୍ରରେ 3009 ଏବଂ ଛତିଶଗଡ଼ରେ 930ଜଣ ସୁସ୍ଥ ହୋଇଛନ୍ତି ।

ନୂଆ କରୋନା ମାମଲା ମଧ୍ୟରୁ 76.45% ଆସିଛନ୍ତି 10 ରାଜ୍ୟ/କେନ୍ଦ୍ରଶାସିତ ଅଞ୍ଚଳରୁ । କେରଳରେ ସର୍ବାଧିକ 6000ଜଣ ସଂକ୍ରମିତ ହୋଇଛଛନ୍ତି । ଏହା ପଛକୁ ମହାରାଷ୍ଟ୍ରରେ 3556 ଏବଂ କର୍ଣ୍ଣାଟକରେ 746 ଜଣ ସଂକ୍ରମିତ ହୋଇଛନ୍ତି ।

ଗତ 24 ଘଣ୍ଟା ମଧ୍ୟରେ ଦେଶରେ 198ଜଣଙ୍କ କରୋନାରେ ମୃତ୍ୟୁ ହୋଇଛି । ଏଥିରୁ 75.76% ମୃତ୍ୟୁ ହୋଇଛି 6ଟି ରାଜ୍ୟ/କେନ୍ଦ୍ରଶାସିତ ଅଞ୍ଚଳରୁ । ମହାରାଷ୍ଟ୍ରରେ ସର୍ବାଧିକ 70 ଜଣଙ୍କ ମୃତ୍ୟୁ ହୋଇଛି । ଏହା ପଛକୁ କେରଳରେ 26 ଜଣ ଏବଂ ପଶ୍ଚିମବଙ୍ଗରେ 18 ଜଣଙ୍କ ମୃତ୍ୟୁ ହୋଇଛି ।

2021 ଜାନୁଆରୀ 16 ତାରିଖରୁ ବ୍ୟାପକ କୋଭିଡ-19 ଟିକାକରଣ ନିମନ୍ତେ ଦେଶ ପ୍ରସ୍ତୁତ ହେଉଛି । ସଂଗ୍ରହ କରାଯାଇଥିବା ମୋଟ 1.65 କୋଟି ଡୋଜ୍ କୋଭିସିଲ୍ଡ ଓ କୋଭାକ୍ସିନ କୋଭିଡ-19 ଟିକାକୁ ସ୍ୱାସ୍ଥ୍ୟ କର୍ମୀଙ୍କ ଡାଟାବେସ୍ ଅନୁଯାୟୀ ସମସ୍ତ ରାଜ୍ୟ/କେନ୍ଦ୍ରଶାସିତ ଅଞ୍ଚଳକୁ ବାଣ୍ଟି ଦିଆଯାଇଛି । ତେଣୁ କୌଣସି ରାଜ୍ୟକୁ ଟିକା ବଣ୍ଟନରେ ପାତରଅନ୍ତର ହେବାର ପ୍ରଶ୍ନ ଉଠୁନାହିଁ । ଏହା ଟିକା ଡୋଜ୍ ବଣ୍ଟନର ପ୍ରାରମ୍ଭିକ ପର୍ଯ୍ୟାୟ ପରବର୍ତ୍ତୀ ସପ୍ତାହ ଗୁଡ଼ିକରେ ଏହା ବୃଦ୍ଧି ପାଇବ । ତେଣୁ ଟିକା ଡୋଜ୍ ବଣ୍ଟନରେ ଅଭାବ ରହିବ ବୋଲି କୁହାଯିବା ସମ୍ପୂର୍ଣ୍ଣ ଅବାସ୍ତବ ।

ରାଜ୍ୟଗୁଡ଼ିକୁ 10 ପ୍ରତିଶତ ଟିକା ଡୋଜ୍ ସଂରକ୍ଷଣ/ନଷ୍ଟକୁ ଦୃଷ୍ଟିରେ ରଖି ଦୈନିକ ଶତ ପ୍ରତିଶତ ଟିକାକରଣ ପାଇଁ କୁହାଯାଇଛି । ତେଣୁ କୌଣସି କ୍ଷେତ୍ରରେ ରାଜ୍ୟ ଗୁଡ଼ିକରେ ଦୈନିକ ଟିକାକରଣ କେନ୍ଦ୍ରରେ ସମସ୍ୟା ଉପୁଜିବ ନାହିଁ । ଟିକାକରଣ କେନ୍ଦ୍ରର ସଂଖ୍ୟା ବୃଦ୍ଧି କରିବାକୁ ରାଜ୍ୟ/କେନ୍ଦ୍ରଶାସିତ ଅଞ୍ଚଳଗୁଡ଼ିକୁ କୁହାଯାଇଛି, ଯଦ୍ୱାରାକି ଏହା ଦୈନିକ ଚାଲୁ ରହିପାରିବ ଏବଂ ଟିକାକରଣ ପ୍ରକ୍ରିୟାକୁ ଆଗେଇ ନେଇ ହେବ ।

                                                 *****

SR / SLP