হৌজিক চৎথরিবা মওং অসিদা ইন্দিয়াগী নুংতিগী ওইবা অনৌবা কেসশিং হন্থরকপা লেপ্পা লৈতনা চৎথরি। ইন্দিয়াদা হৌখিবা নুমিৎ ৭নি অসিদা নুংতিগী লাকপা অনৌবা কেসশিং ২০,০০০গী মখাদা লৈবগী রেকোর্দ লৈরি।

হৌখিবা পুং ২৪ অসিদা, মীওই ১৬,৯৪৬ খক ইন্দিয়াদা কোবিদনা নাবা থেংনখি। হায়রিবা মতম অসিমক্তদা ইন্দিয়াদা নৌনা অনাবা ফগৎলকপা ১৭,৬৫২ রেজিস্তর তৌদুনা এক্তিব কেসলোদ ৯০ কেসতা হন্থদুনা লৈরি।    

ইন্দিয়া মনুংদা নুংতিগী শিবা অসি লেপ্পা লৈতনা হন্থরক্লি। হৌখিবা নুমিৎ ২০নি অসিদা নুংতিগী শিবা ৩০০গী মখাদা লৈবগী রেজিস্তর তৌরি।

ইন্দিয়াদা ঙসি অশিবগী চাং অসি ১.৩৩%দা লৈরি।

লৈবাক অসিদা এক্তিব কেসলোদ ২,১৩,৬০৩তা লৈরি। অপুনবা পোজিতিব কেসশিংদা এক্তিব কেস অসি মখা তানা ২.০৩%দা হন্থরি।

স্তেত/য়ু.তি. ২৫দা এক্তিব কেস ৫,০০০গী মখাদা লৈরি।

ইন্দিয়াগী অপুনবা অনাবা ফগৎলকপা অসি ঙসি ১০,১৪৬,৭৬৩ ওইরি। অনাবা ফগৎলকপগী চাং অসি ৯৬.৫২% দা হেনগৎলক্লি।

অনৌবা অনাবা ফগৎলকপা ৮২.৬৭% স্তেত/য়ু.তি. ১০দা পুন্না উরি।

কেরলানা নোংমদা অনৌবা অনাবা ফগৎলকপা ৫,১৫৬ রিপোর্ত ফংদুনা খ্বায়দগী য়াম্বা ওইরি। পুং ২৪ অসিগী মনুংদা মহারাশ্৬না মীওই ৩,০০৯ অনাবা ফগৎলি অমসুং ছত্তিসগরদা ৯৩০ ওইদুনা মতুং ইন্নরি।

৭৬.৪৫% অনৌবা কেসশিং স্তেত অমসুং য়ু.তি. তরেৎতা লৈরি।

কেরলানা নুংতিগী লাকপা অনৌবা কেস ৬,০০৪গী রিপোর্ত লৈরি। মসিদা মহারাস্ত্র অমসুং কর্নাতকানা ৩,৫৫৬ অমসুং ৭৪৬ অনৌবা কেস মথংশিৎনা মতুং ইল্লি।

হৌখিবা পুং ২৪ অসিগী মনুংদা শিবগী রিপোর্ত কেস ১৯৮ লৈরি।

স্তেত/য়ু.তি. তরুক্তা অনৌবা শিবা ৭৫.৭৬% লৈরি। মহারাস্ত্রদা অশি-অনা খ্বায়দগী য়াম্না উবা ফংলি (৭০)। কেরলা অমসুং ৱেস্ত বেঙ্গালদা ২৬ অমসুং ১৮ মথংশিৎনা মতুং ইল্লি।

লৈবাক অসিদা কোবিদ-১৯ ভেক্সিন্নেসন ২০২১গী জানুৱারীগী ১৬তগী পাক শন্না দ্রাইব হৌনবা শেম-শাদুনা লৈরে।

মপুং ফানা অহানবা ওইনা হকশেলগী চেকশিন থৌরাং লৌরিবশিংগীদমক লুপা করোর ১.৬৫কী ওইগদবা কোবিদ-১৯গীদমক কোবিদশিল্দ অমসুং কোবাসিন ভেক্সিন লৈশিন্দুনা স্তেত/য়ু.তি.শিং পুম্বদা য়েন্থোকখ্রে। মরম অদুনা ভেক্সিন্নেসন অসিগীদমক স্তেতশিং অসিদা খেন্নবা অমত্তা লৈত্রে। মসি ভেক্সিন দোজেস অসি য়েনবা অহানবনি অমসুং লাক্লিবা চয়োলশি অসিদা মখা তানা ফংহনগনি। মরম অদুনা য়েল্লিবা অসিগী অৱাৎপগী নুঙাইতবা অমত্তা লৈরোই।    

স্তেতশিংদা ভেক্সিন্নেসন সেসন অসি ১০% অমদি খাক্তুনা থম্বা/মাংখিবা য়েংলগা চাংদা ১০০ ভেক্সিন্নেসন নোংমদা পীনবা হায়রি। মরম অদুনা স্তেতকী মফমশিংদা মরম চাদনা ভেক্সিন্নেসন পীদনবা পাউতাক পীরি।

স্তেত অমসুং য়ু.তি. শিংদা সেসনগী মফমশিংদা ভেক্সিন্নেসন মশিং হেনগৎহন্দুনা ভেক্সিন্নেসন পীবগী থৌওং অসি হেন্না থুনা য়াংশিন্নবা পাউতাক পীরি।

****