ভারতনা থংনা-থংননা নুংতিগী থেংনবা অনৌবা কেসশিং অসি য়াম্না তানা রিপোর্ত তৌরকখি। হৌখিবা পুং ২৪দা লৈবাক অসিদা মীওই ১৮,১৩৯ খক্তা পোজিতিব ওইবা থেংনখি।

অনৌবা কেসশিংদা লেপ্তনা তাথরকপা অসিনা অপুনবা এক্তিব কেসশিং হন্থরকপা ঙমহনখি। লৈবাক অসিগী এক্তিব কেসলোদ অসি ঙসি ২,২৫,৪৪৯ ওইখি। অপুনবা পোজিতিব কেসশিংদা লৈরিবা এক্তিব কেসশিংগী শরুক অসি মখা তানা ২.১৬%দা হায়থখ্রে।

হৌখিবা পুং ২৪দা ২০,৫৩৯ নাবা ফগৎখিবগা লোইননা রেজিস্তর তৌখিবা অপুনবা এক্তিব কেসলোদতগী কেস ২,৬৩৪ হন্থহনখি।

ফিগর অসিনা হৌখিবা পুং ২৪দা এক্তিব কেসশিংদা চেঞ্জ অদু উৎলি। অনৌবা কেস ৩০৭গা লোইননা মহারাস্ত্রনা পোজিতিব চেঞ্জ খ্বাইদগী য়াম্বগী রেকোর্দ তৌখি অমরোমদা কেস ৬১৩ তাথরক্তুনা কেরেলানা নেগেতিব চেঞ্জ খ্বাইদগী য়াম্না উৎখি।

হন্দক্তা পুন্না ফগৎখিবশিং অসি করোর ১ হেনখ্রে। নুংতিগী ফগৎলকপশিং অসি লেপ্তনা ৱাংখৎলকপনা মশিং অসি চাউনা হেনগৎলক্লি। ঙসি ১০,০৩৭,৩৯৮ ওইখি। নাবা ফগৎলকপগী চাংনা ৯.৩৯%দি হেনগৎখি।

নৌনা ফগৎলকখিবা কেসশিংগী ৭৯.৯৬%দি রাজ্য/য়ু.তি. ১০দগী ওইবা উবা ফংখি।

নৌনা ফগৎখিবা কেস ৫,৬৩৯গা লোইননা কেরেলানা নোংমদা মশিং খ্বাইদগী য়াম্না দগৎলকপগী রিপোর্ত তৌখি। হৌখিবা পুং ২৪দা মহারাস্ত্রদা মীওই ৩,৩৫০ ফগৎখি অমদি ৱেস্ত বেঙ্গলদা ১,২৯৫ ফগৎখি।

অনৌবা কেসশিংগী ৮১.২২%দি রাজ্য অমসুং য়ু.তি. ১০দগী ওইখি।

কেরেলানা মখা তানা নুংতিগী থেংনবা অনৌবা কেস ৫,০৫১ থেংনদুনা খ্বাইদগী য়াম্না রিপোর্ত তৌখি। মসিগী মতুং মহারাস্ত্র অমসুং ছত্তিসগরনা মথং শিৎনা অনৌবা কেস ৩,৭২৯ অমসুং ১,০১০ ওইদুনা মতুং ইন্নখি।

হৌখিবা পুং ২৪দা কেস ফেতেলিতী ২৩৪ রিপোর্ত তৌখি।

নৌনা শীখিবগী ৭৬.৫০% রাজ্য/য়ু.তি. নিপানদগী ওইখি। মহারাস্ত্রনা শীখিবা মশিং খ্বাইদগী য়ামখি (৭২)। কেরেলা অমসুং দিল্লীনা নুংতিগী ওইনা শিবা মথং শিৎনা ২৫ অমদি ১৯ ওইদুনা মতুং ইন্নখি।

ভারতকী মীশিং মিলিয়ন অমদা শীখিবশিং অসি ১০৯ ওইখি। রাজ্য/য়ু.তি. ১৮গী মীশিং মিলিয়ন অমদা শীখিবশিংগী অসি লৈবাক্কী লৈরিবা চাংচৎতগী হেন্না তাখি।

অমরোমদা রাজ্য/য়ু.তি. ১৭কী মীশিং মিলিয়ন অমদা শীখিবশিংগী অসি লৈবাক্কী লৈরিবা চাংচৎতগী হেন্না ৱাংখি।

দিল্লীনা মীশিং মিলিয়ন অমদা শীখিবা খ্বাইদগী ৱাংখি (৫৬৯)।

য়ু.কে.দা অহানবা ওইনা রিপোর্ত তৌখিবা নোবেল কোরোনাভাইরসকী অনৌবা স্ত্রেন অদুনা নাবা কেসশিংগী অপুনবা মশিং হৌজিক ৮২ শুখ্রে।

****