শেনমিৎলোন্দা মন্ত্রীমন্দলগী মীফম (সি.সি.ই.এ.)

মন্ত্রীমন্দলনা লৈবাক অসিদা ইথানোল দিস্তিলেসন কেপাসিতী হেনগৎহন্নবগীদমক মোদিফাই তোরবা স্কিমদা অয়াবা পীখ্রে
মসিনা মহৈ-মরোং (চেং, গেহু, চনান, কোর্ন অমসুং সোরঘুম), চু অমসুং সুগর বীৎকুম্বা চানবা পোৎলমশিংদগী ইথানোল পুথোক্কনি, মসিদগী লৌমীশিংগী ইনকম হেনগৎহনগনি

য়াম্লবা লৌমীশিংদা কান্নবা পীননবা, সরকারনা এফ.সি.আই.দা ফংলিবা চুজাক অমসুং চেংদগী ইথানোল পুথোক্নবা দিস্তিসরীশিংদা পুক্নীং থৌগৎলি

ভারতনা ২০২২ ফাওবদা ১০% য়ানশিন্নবগী পান্দম ফংনবগী লম্বীদা চংশিল্লি। মসিনা ঐখোয়গী লৌমীশিংগী ইনকম অমসুং লাইবলিহুদ হেনগৎহনবদা মতেং পাংগনি
সরকারনা ২০২২ ফাওবদা পেত্রোলগা লোইননা ফুএল গ্রেদ ইতানোল গী ১০%, ২০২৬ ফাওবদা ১৫% অমসুং ২০২০দা ২০% য়ানশিন্ননবা পান্দম থম্লি। সরকারনা ২০% য়ানশিন্নবগী পান্দম অদু ২০২৫কী মমাংদা মপুং ফাহন্নবগী থৌরাং শেম-শারি
অহেনবা চু অমসুং চীনী ইথানোল শুংবদা শিজিন্নবদগী লৌমীশিংদা মখোয়গী চুগী মমলগী শেন্দোলশিং পীথোকপা ঙম্লগনি
চুগী লৌমীশিংনা হৌখিবা চহি তরুক্তা কান্নবা ফংলে মরমদি মোলাস্তা য়ুম্ফম ওইবা দিস্তিলরীশিংগী কেপাসিতী শরুক অনিদগী হেন্না হেনগৎতুন লীতর করোর ৪২৬ ওইখ্রে

Posted On: 30 DEC 2020 3:44PM by PIB Imphal

২০১০-১১গী সুগর সীজন্দগী চুগী হেন্না ফবা মখল লাক্লবা মতুংদগী লৈবাক অসিদা চিনিগী অহেনবা পোৎথোক পুথোক্লে (২০১৬-১৭কী চিনিগী সিজন্দা ইকং থোকপনা মরম ওইদুনা হন্থনা পুথোকখিবা অদু য়াওদনা) অমসুং থাজবা থম্লি মদুদি লাক্কদৌরিবা চহি খরা অসিদসু থৌওং অসি চৎথখিগনি। নোর্মেল সুগর সিজন (ওক্তোবরদগী সেপ্তেম্বর ফাওবা)দা চাউরাক্না চিনি মেত্রিক তন লাখ ৩২০ পুথোকই, অদুম ওইনমক ঐখোয়গী দোমেস্তিক কঞ্জুম্পসন চাউরাক্না মেত্রিক তন লাখ ২৬০নি। নোর্মেল সুগর সিজন্দা মেত্রিক তন লাখ ৬০গী অহেনবা পোৎথোক্তগী চিনিগী মিলশিংনা মখোয়গী মমল লেপ্পদা প্রেসর মায়োক্নবা তাই। মেত্রিক তন লাখ ৬০গী অহেনবা স্তোক অসি য়োনবা ঙমদে অমসুং মতৌ অসুম্না চিনি মিলশিংগী লুপা করোর লিশিং ১৯গী শেনফম পন্দুনা লৈ অমসুং লিক্বুইদিতী পোজিসন্দা চৈথেং পী। মদুনা মরম ওইদুনা চুগী লৌমীশিংনা মখোয়গী পোৎথোক্কী লেমহৌবা শেনফমশিং ফংবা ঙমদে।

মরম অসিনা, মসিগী অহেনবা চু অমসুং চিনিগী ইথানোলগী পোৎথোক্কীদমক্তা শিজিন্নবা অসি চিনিগী অহেনবা স্তোকশিং লোইশিনবগী অচুম্বা লম্বী ওইরি। অহেনবা চিনিগী পোৎথোক অসিদগী মিলশিংনা পীগদবা চিনিগী এক্স-মিল সুগর প্রাইস্তা তং তাবা পুরক্লগনি অমসুং চিনি মিলশিংনা মসিগী স্তোক্কী সমস্যা সিদগী কোক্লগনি।

সরকারনা ২০২২ ফাওবদা পেত্রোলদা ১০%, ২০১৬ ফাওবদা ১৫% অমসুং ২০৩০ ফাওবদা ২০% ইথানোল য়ানশিন্নবগী পান্দম থম্লি। চিনিগী সেক্তরদা মতেং পাংনবগীদমক অমসুং চুগী লৌমীশিংগী কান্ননবগীদমক সরকারনা বি-হেবী মোলাসশিং, চুহি/চিনি/চিনিগী সিরপ্তগী ইথানোল পুথোক্নবগীদমক অয়াবা পীরি। ইথানোল সপ্লাই অসি কুমজা ২০২০-২১গীদমক্তা সরকারনা হৌজিক তোঙান তোঙানবা মরু-মরাংদগী শুংবা ইথানোলগী এক্স-মিল প্রাইস অসিসু হেনগৎহনখ্রে।

ফুএল গ্রেদ ইথানোলগী পোৎথোক হেনগৎহন্নবা সরকারনা দিস্তিলরীশিংবুসু এফ.সি.আই.দা ফংলিবা চুজাক অমসুং চেংদগী ইথানোল পুথোক্নবগীদমক পুক্নীং থৌগৎলি। সরকারনা চুজাক অমসুং চেংদগী শুংবা ইথানোলগী কান্নগদবা মমলসু লেপখ্রে।

সরকারনা পেত্রেলদা ইথানোলগী ২০% য়ানশিনবগী পান্দম অদু ২০২৫গী মমাংদা ফংনবগী থৌরাং শেম্লি। অদুমওইনমক লৈবাক অসিদা হৌজিক চিনিগী অহেনবা স্তোক্তগী ইথানোল শুংনবা অমসুং মদুগী সপ্লাই ওইল মার্কেতিং কম্পনী (ও.এম.সি.)শিংদা তৌনবগীদমক্তা মতিক চাবা কেপাসিতী লৈত্রি।

মরম অদুনা, সরকারনা মসিগীদমক্তা মখাগী ৱারেপশিং অসি লৌরেঃ

১. মখাগী কেতেগোরীশিং অসিদা ইথানোল প্রদক্সন কেপাসিতী হেনগৎহন্নবা সরকারনা লোন্দা লৌবা শেন্দোইগী তেংবাংদা শেমদোক্লবা স্কিম অমা হৌদোক্লেঃ

অ. ইথানোলগী পোৎথোক্কীদমক মরু-মরাংদা য়ুম্ফম ওইবা দিস্তিলরীশিং লিংখৎপা/লৈরিবা মরু-মরাংদা য়ুম্ফম ওইবা দিস্তিলরীশিং পাকথোক-চাউথোকহনবা, অদুবু স্কিম অসিগী কান্নবা শুপ্নগী দ্রাই মিলিং প্রোসেস শিজিন্নবা দিস্তিলরীশিংতনা ফংগনি।  

আ. ইথানোলগী পোৎথোক্কীদমক্তা মোলাস্তা য়ুম্ফম ওইবা অনৌবা দিস্তিলরীশিং শেমগৎপা/লৈরিবা দিস্তিলরীশিং পাকথোক-চাউথোকহনবা (মখোয় মিলগা মরী লৈনববু ওইরবসু নত্ত্রগা তোঙানববু ওইরবসু) অমসুং সেন্ত্রেল পোলুসন কন্ত্রোল বোর্দনা জিরো লিক্বিদ দিসচার্জ (জেদ.এল.দি.) অদু ফংননবা অয়াবা পীরবা অতোপ্পা পাম্বৈ অমা হেক্তা ইন্সতোল তৌববু ওইরো।

ই. অনৌবা দুএল ফীদ দিস্তিলরীশিং লিংখৎনবা নত্ত্রগা লৈরিবা দুএল ফীদ দিস্তিলরীশিংগী কেপাসিতী হেনগৎহন্নবা।

ঈ. লৈরিবা মোসাস্তা য়ুম্ফম ওইবা দিস্তিলরীশিং (মখোয় মিলগা মরী লৈনববু ওইরবসু নত্ত্রগা তোঙানববু ওইরবসু) দুএল ফীদ (মোলাসশিং অমসুং মরু-মরাং/নত্ত্রগা ১জি. ইথানোল পুথোকপা অতৈ ফীদ স্তোক অমা হেক্তা)তা ওন্থোকপা’ অমসুং গ্রেন বেজ দিস্তিলরীশিংবু দুএল ফীদতা ওন্থোকপা।

উ. ১জি. ইথানোল পুথোকপা অতৈ ফীদ স্তোকশিং খুদম ওইনা – সুগর বীৎ, অথুম্বা সোরঘুম, য়াম অসিনচিংবদগী ইথানোল পুথোক্নবা অনৌবা দিস্তিলরীশিং শেমগৎপা/লৈরিবা দিস্তিলরীশিংপাকথোক চাউথোকহনবা।

ঊ. লৈরিবা দিস্তিলরীশিং অসিদা রেক্তিফাই তৌরবা স্পিরিৎপু ইথানোলদা ওন্থোক্নবা মোলিক্যুলর সিব দিহাইদ্রেসন (এম.এস.দি.ঐচ.) ইন্সোল তৌবা।

২. সরকারনা প্রোজেক্ত প্রোপোনেন্তশিংনা বেঙ্কশিংদগী লৌবা লোনগী শেন্দোইগী তেংবাং ওইনা চহি মঙা পুথোক্কনি, মদুদা চহি অমগী মোরেতোরিয়মগী মতমসু য়াওগনি। শেনফম অসি চহি খুদিংগী ৬%গী চাংদা নত্ত্রগা বেঙ্কনা লৌবা শেন্দোইগী চাংগী ৫০% নত্ত্রগা হন্থবা ওইগনি।  

৩. কান্নবা অসি শুপ্নগী মখোয়গী হেনগৎলক্লিবা কেপাসিতীগী য়ামদ্রবদা ইথানোলগী পোৎথোক্কী ৭৫% ও.এম.সি.দা পেত্রেলগা য়ানশিন্ননবা সপ্লাই তৌবা দিস্তিলরীশিং অদুখনা শেন্দোইগী তেংবা অসি ফংগনি।

দিস্তিলেসন কেপাসিতী অমসুং য়ানশিন্নবগী থাক হেনগৎহনবদা হৌখিবা চহি তরুক্তা সরকারনা মায় পাকখিবশিং:

সরকারনা মোতোর ফুএলদা ইথানোল অসি ২০২২ ফাওবদা ১০% অমসুং ২০৩০ ফাওবদা ২০% য়ানশিন্নবা পান্দম থম্লি। কুমজা ২০১৪ ফাওবদা মোলাস্তা য়ুম্ফম ওইবা দিস্তীলরীশিংগী ইথানোল পুথোক্নবগী কেপাসিতী লীতর করোর ২০০দগী তাখি। হৌখিবা চহি ৬তা মোলাস্তা য়ুম্ফম ওইবা দিস্তীলরীশিংগী কেপাসিতী অসি হেনগৎখিদুনা শরুক অনি ওইখি অমসুং হৌজিক মসি লীতর করোর ৪২৬ ওইরে।   

ইথানোল সপ্লাই ইয়র (ই.এস.ৱাই) ২০১৩-১৪দা ও.এম.সি.শিংদা ইথানোলগী সপ্লাই তৌবা লীতর করোর ৪০ হন্থখি অমসুং য়ানশিন্নবগী থাকশুপ্নগী ১.৫৩%তমক ওইখি। অদুমওইনমক কেন্দ্র সরকারগী অপুনবা হোৎনখিবশিং অদুনা ফুএল গ্রেদ ইথানোলগী পোৎথোক অমসুং ও.এম.সি.শিংদা মসিগী সপ্লাই হৌখিবা চহি ৬ অসিদা শরুক মরি হেনগৎখ্রে। ইথানোল সপ্লাই ইয়র ২০১৮-১৯দা ঐখোয়না পুৱারী ওইবা মওংদা চাউরাক্না লীতর করোর ১৮৯গী অৱাংবা ফিগর অমা অমসুং ৫%গী য়ানশিন্নবগী থাক ফংবা ঙমখি। অদুমওইনমক মহারাস্ত্রা অমসুং কর্নাতক্কী মফম খরা ইকং থোকপনা মরম ওইদুনা চিনি অমসুং মোলাসকী পোৎথোক ২০১৯-২০গী থাক্তা খরা তাথখি অমসুং মরম অসিদগী দিস্তিলরশিংনা চাউরাক্না ইথানোলগী থাও লীতর ১৭২.৫০ ও.এম.সি. কম্পনীশিংদা সপ্লাই তৌখি।  

য়ানশিনবগী থাক হেনগৎলকপদগী ইম্পোর্ত তৌরকপা ফোসিল ফুএলগী মপাল তাংবা হন্থরগনি অমসুং নুংশিৎ মোৎশিনবসু হন্থহল্লগনি। কেপাসিতী এদিসন/অনৌবা দিস্তিলরীশিংদা তৌগদৌরিবা ইনভেস্তমেন্তনা মরম ওইদুনা, খুঙ্গংগী লমদমশিংদা অনৌবা থবক কয়ামরুমসু ফংহল্লগনি, মদুনা মরম ওইদুনা আত্মনির্ভর ভারতকী পান্দম ফংবা ঙমহল্লগনি।

*****



(Release ID: 1684902) Visitor Counter : 100