প্রধানমন্ত্রীগী লোইশঙ

শান্তি, চাখৎপা অমসুং মীয়ামগীদমক্তা ভারত-ভিএৎনামগী অপুনবা মিৎয়েং

Posted On: 21 DEC 2020 7:51PM by PIB Imphal

ভারত রিপব্লিক্কী প্রধান মন্ত্রী, ঐচ.ই. নরেন্দ্র মোদী অমসুং ভিএৎনাম সোসিএলিস্ত রিপব্লিক্কী প্রধান মন্ত্রী, ঐচ.ই. ঙুয়েন জুআন ফুক্না দিসেম্বর ২১, ২০২০দা ভর্চুএল সমিৎ অমদা পুন্না ময়াই তাংবল লৌমিন্নখি, মদুদা মখোয়না পাক-চাউরবা নাকল অনিগী, লমদমদুগী অমসুং মালেমগী ওইবা হিরম কয়াদা খন্ন-নৈনখি অমসুং ভারত-ভইএৎনামগী পাক-চাউরবা ত্রেতেজিক পার্তনরশিপকী তুংলমচৎতা লমজিং-লমতাকপীনবা শান্তি, চাউখৎপা অমসুং মীয়ামগীদমক্তা অপুনবা মিৎয়েং (জোইন্ত ভিজন ফোর পীস, প্রোস্পরিতী এন্দ ভিজন) অমা পুথোকখিঃ

শান্তি


. মখোয়গী পাক-চাউরবা স্ত্রেতেজিক পার্তনরশিপ অদুবু মাংদা পুখৎনবা অমসুং মপাঙ্গল কলহন্নবগীদমক মখোয়গী মরক্তা অপাম্বা ফোংদোক্নরদুনা, লুচিংবশিংনা য়াম্না লুথবা পুৱারী অমসুং নাৎকী মরীশিং, শরুক য়ামিন্নরিবা ভেল্যুশিং অপাম্বশিং, নাকল অনিগী মরক্তা স্ত্রেতেজিক্কী থাজনবা অমসুং মালেমগী কাংলোনগীদমক্তা শিয়র তৌমিন্নরিবা ফিরেপশিংগী য়ুম্ফমদা লেপ্তনা অৱাংবা থাক্কী অমসুং ইন্সতিত্যুন্সেনলাইজ তৌরবা এক্সচেঞ্জশিং শেম-শাবদা অয়াবা পীনখি। মখোয়না মরী লৈনরিবা মফম পুম্নমক্তা নাকল অনিগী ওইবা তেংবাং পীননবগীদমক অনৌবা ৱাহন্থোক অমসুং ইথিল অদু হাপচিনগনি, লৈবাক্কী চাউখৎনবা অমনা অমগী মতেং পাংনগনি অমসুং ইং-তপ্পা, তংদু লৈতাবা, শোইদ-ঙামদবা, মনীং তম্বা, অফোংবা, অপুনবা অমসুং কাংলোন্দা য়ুম্ফম ওইবা মফম অমা ওইহন্নবা থবক তৌগনি।


. লমদম অসোমগী অমসুং মসিগী মপান্দা শাহৌরক্লিবা জিওপোলিতিকেল অমসুং জিওইকোনোমিক লেন্দস্কেপ অসিগী মরক্তা মখোয়গী তেংবাং পীনবগী মরুওইরবা থৌদাং অদুবু য়ানরদুনা, লুচিংবশিংনা অয়াবা পীনখি মদুদি ভারত অমসুং ভিএৎনামগী মরক্তা হেন্না কনবা দিফেন্স অমসুং সেক্যুরিতী পার্তনরশিপ অসি ইন্দো-পেসিফিক লমদমগী তংদু লৈতাবা পুরক্নবগী মরুওইবা মচাক অমা ওইরগনি। মসিবু ফংনবগীদমক, নাকল অনিমক্কী সর্বিস অহুম্মক অমসুং কোস্ত গার্দশিংগীদমক্তা মিলিতরীগী থাক্তা পীথোক-পীশিন তৌনবা, ত্রেনিং অমসুং কেপাসিতী বিল্দিংগী থৌরমশিং হেনগৎহনগনি অমসুং ভিএৎনাম ফাওবা শন্দোক্লিবা ভারতকী দিফেন্স ক্রেদিৎ লাইনশিংদা দিফেন্স ইন্দস্ত্রীদা মসিগী শরুক য়ামিন্নবা অসি হেন্না মপাঙ্গল কলহনগনি। মখোয়না শরুক য়ামিন্নরিবা লোজিস্তিক্স সপোর্ত, চাং নাইনা চৎথরিবা জহাজগী খোংচৎশিং, অপুনবা এক্সর্সাইসশিং, মিলিতরী সাইন্স অমসুং তেক্নোলোজী পীথোক-পীশিন তৌনবা, ই-পাউশিং পীথোক-পীশিন তৌনবা অমসুং য়ু.এন. পীচকীপিংদা তেংবাং পীনবগী থোংদা ঙাক-শেল-পীথোক-পীশিন তৌনবদা মখা তানা ইন্সতিত্যুস্নেলাইজ তৌগনি। নাকল অনিমক্না সাইবর অমসুং সমুদ্রগী লমদা ত্রেদিস্নেল অমসুং নন-ত্রেদিস্নেলগী ওইবা সেক্যুরিতীগী কিহল্লকপশিং, তেরোরিজম, মহৌশানা থোকহনবা অমাং-অতা, হেল্থ সেক্যুরিতী, ৱাতর সেক্যুরিতী, মথৌ তাবা মফম অদুদা লিগেল অমসুং জুদিসিএলগী তেংবাং পীনবা য়াওনা ত্রান্সনেস্নেল ক্রাইম অসিনচিংবদা ইন্সতিত্যুস্নেলাইজ দাইলোগ মেকানিজমগী থোংদা য়াম্না অচেৎপা মওংদা শরুক য়ামিন্নগনি।



. চাউখৎপা অমসুং সেক্যুরিতীগী মরক্তা লৈনরিবা মরী অদুবু পল্লদুনা, লুচিংবশিংনা ইন্তর্নেস্নেল লো, মরুওইনা ১৯৮২গী য়ুনাইতেদ নেসন্স কনভেন্সন ওন লো ওফ সী (য়ু.এন.সি.এল.ও.এস.)গী মতুং ইন্না, করিগুম্বা মখল অমত্তগী কিহনবা অমদি থৌনা শিজিন্নদনা, চয়েৎনবশিংগী ইং-তপ্না পাম্বৈ পুথোকপদা শৌগৎলদুনা খা থংবা চাইনাগী সমদ্রদা শান্তি, তংদু লৈতাবা, ঙাকশেল অমসুং সমুদ্রগী অমসুং ওভর্ফ্লাইৎকী মনীং-মখা তম্বা অদু কাইহন্দনা থম্বগী কান্নবা অদু অমুক হন্না ফোংদোক্নখি। লুচিংবা অনিনা ক্লেম তৌরিবশিং অমসুং অতৈ লৈবাক পুম্নমক্কী মায়কৈদগী থবক-থৌরম পুম্নমক্তা নন-মিলিতরাইজেসন অমসুং-সেল্ফ রেস্ত্রেন্ত, অমসুং ফিভম অদু হেন্না লুশিলহনবা য়াবা নত্ত্রগা শান্তি অমসুং তংদু লৈতাবদা শোকহনবা য়াবা চয়েৎনবা থোরকপা য়াবা থবকশিং অদু তৌবদগী ঙাকথোকচবগী কান্নবশিং অদুগী মতাংদসু পন্নখি।


. লমদম অচোমদা শান্তি, সেক্যুরিতী অমসুং চাউখৎপা অসি তুং কোইবা ওইহন্নবা অসিয়ান-ভারতকী কোওপরেসনগী মরুওইবা অদু য়ানরদুনা, লুচিংবশিংনা অসিয়ান-সেন্ত্রেলিতীদা শিয়র তৌনবদা পুক্নীং চংবগা লোইননা ইন্দো-পেসিফিক লমদমদা পার্তনরশিপ য়োকখৎনবা মরুওইবা মফমশিং অসিয়ান আউৎলুক ওন ইন্দো-পেসিফিক (এ.ও.আই.পি.) অমসুং ইন্দিয়াজ ইন্দো-পেসিফিক অসিয়ান্স ইনিসিএতিব (আই.পি.ও.আই.)দা ফোংদোকখিবা পান্দমশিং অমসুং ফিদমশিংগী মতুং ইন্না অসিয়ান অমসুং ভারতগী মরক্তা তেংবাং পীনবা হেনগৎহনবা তাঞ্জাশিং অদু তরাম্না ওক্নখি। নাকল অনিনা লমদম অসোমদা পু্ম্নমক্কীদমক্তা ঙাক-শেল অমসুং চাউখৎপা পুরক্নবগী মতুং ইন্না সমুদ্রগী শেন্মিৎলোন (ব্লু ইকোনোমী), মেরিতাইম সেক্যুরিতী অমসুং সেফতী, মেরিন ইনভাইরনমেন্ত অমসুং সমুদ্রগী রিসোর্সশিং তুংকোইনা শিজিন্নবা অমসুং মেরিতাইম কনেক্তিবিতীগী লমদা অনৌবা অমসুং প্রাক্তিকেল কোলাবোরেসনশিংসু থিদোক্কনি।

. লমদম অসোমগী অমসুং মালেমগী ওইবা ইসুশিংদা মখোয়গী মিৎয়েং অমসুং ৱাখল্লোন্দা মান্নবা, ইন্তর্নেস্নেল লো অমসুং রুল্সতা য়ুম্ফম ওইবা ওর্দরগী মায়কৈদা মখোয়গী শিয়র তৌনরিবা ইকাই খুম্নবা, অমসুং গ্লোবেল দিস্কসন্দা ইক্বুইতী অমসুং মীচং চুংশিন্নদবদা মখোয়না থাজবা থম্বদগী থৌনা লৌজদুনা, নাকল অনিনা মল্তিলেতরেল অমসুং রিজনেল কোওপরেসন মপাঙ্গল কলহনগনি, মদুদা য়ুনাইতেদ নেসন্স, অসিয়ান-লেদ মেকানিজমশিং অমসুং মেকোঙ্গ সব-রিজনেল কোওপরেসন য়াওরি। নাকল অনিনা য়ুনাইতেদ নেসন্স সেক্যুরিতী কাউন্সিল য়াওনা ইন্তর্নেস্নেল ওর্গনাইজেসনশিংবু হেন্না রিপ্রজেন্তেতিব, কন্তেম্পোরেরী অমসুং লৈরিবা শিংনবশিংগা মায়োক্নবা ঙমহন্নবগীদমক্তা রিফোর্ম তৌরবা মল্তিলেতরেলিজম মতিক লৈনা য়োকখৎকনি। মখোয়না কোবিদ-১৯ লাইচৎকী থৌরাং তৌবদা মখোয়গী খঙ-হৈবশিং শিয়র তৌনগনি অমসুং তেংবাং পীনববু শৌগৎকনি, হেল্থ প্রোফেস্নেলশিংগী ওনলাইন ত্রেনিং শৌগৎকনি, ভেক্সিন শাবদা ইন্সতিত্যুস্নেল কোওপরেসন পুরক্কনি, ওপন সপ্লাই চেনশিংদা ইনোৎ হাপকনি, ক্রোস-বোর্দর চৎথোক-চৎশিন তৌবা হেন্না খুদোংচাহনগনি অমসুং দবল্যু.ঐচ.ও.গুম্বা মল্তিলেতরেল বোদীশিংগা অচেৎপা অমসুং থোং মান্ননবা মরী থমগনি।  

. তেরোরিজম, ভাইওলেন্ত এক্সত্রিমিজম অমসুং রেদিকেলিজমদগী মালেমগী শান্তি অমসুং মীওইবগীদমক্তা ওইরকপা খুদোংথিববু য়াজরদুনা, ক্রোস-বোর্দর তেরোরিজম, তেরোরিজমদা শেলগী মতেং পাংলিবা নেতৱর্ক অমসুং সেফ হেবনশিং য়াওনা তেরোরিজমগী মশক পুম্নমক অমসুং মেনিফেস্তেসনশিংগা মায়োক্ননবগী মখোয়গী ৱাশক অদু নাকল অনিগী, লমদম অসোমগী অমসুং মালেমগী হোৎনরিবশিং অসিদা হেন্না চুশিন্ননবগা লোইননা থবক পায়খৎকনি। নাকল অনিনা ইন্তর্নেস্নেলে তেরোরিজমদা কম্প্রিহেন্সিব কনভেন্সন (সি.সি.আই.তি.)বু অথুবা মতমদা চৎনহন্নবগীদমক চেৎনা অয়াবা ফোংদোক্নবা মখা তানা পুন্না হোৎনমিন্নগনি।

চাউখৎপা

. কোবিদ-১৯ লাইচৎনা ওইহল্লিবা অনৌবা শিংনবশিংগা লোইননা অনৌবা তাঞ্জাশিং অদুবু লৌশিল্লদুনা, নাকল অনিনা থাজনীংঙাই ওইবা, হৈ-শিংবা অমসুং অনোপ-অতিং নাইবা সপ্লাই চেন শেম্নবগী মায়কৈদা থবক পায়খৎকনি অমসুং হ্যুমেন সেন্ত্রিক গ্লোবেলাইজেসন্দা ইনোৎ হাপকনি। মখোয়না অথুবা মতমদা US $ বিলিয়ন ১৫গী ত্রেদ তর্নওভর অদু ফংননবা হোৎনগনি অমসুং অচেৎপা এক্সন প্লান্ত অমসুং অমনা অমগী লৈবাক্তা লৈরিবা অনৌবা সপ্লাই চেনশিংগী মতুং ইন্না নাকল অনিগী ওইবা ত্রেদকীদমক্তা এম্বিসনগী অৱাংবা মতোল অদু লেপকনি।

. অমরোমদা ভারতকী অচৌবা দোমেস্তিক মার্কেৎ অমসুং আত্মনির্ভরতাগী মিৎয়েং অমসুং অতোপ্পা নাকল অমরোমদা ভিএৎনামগী ইকোনোমিক ভাইতেলিতী অমসুং কেপাবিলিতীশিং, অনিগী মরক্তা অমনা অমগী ইকোনোমীদা লোং-তার্ম ইনভেস্তমেন্তশিং ফংহন্দুনা, জোইন্ত ভেঞ্চরশিং য়োকখৎতুনা, অনৌবা গ্লোবেল ভেল্যু চেনশিংদা শরুক য়ামিন্নদুনা, ফিজিকেল অমসুং দিজিতেল কনেক্তিবিতী হেনগৎহন্দুনা, ই-কমর্সতা পুক্নীং থৌগৎতুনা, বিজিনেস ত্রাবেলশিং ফংহন্দুনা, রিজনেল ত্রেদিং আর্কিতেকচর অপগ্রেদ তৌদুনা অমসুং নকল অনিগী ওইবা হেন্না চাউবা মার্কেৎ এক্সেস ফংহন্দুনা মখোয়গী বাইলেতরেল ইকোনোমিক ইঙ্গেজমেন্ত মখা তানা অপগ্রেদ তৌগনি।

. নহা ওইরিবা মী মশিংগা লোইননা প্রোগ্রেস অমসুং প্রোস্পরিতীগী মথৌ তাবা শিয়র অদু পল্লদুনা, ভারত অমসুং ভিএৎনামগী মরক্তা ইকোনোমিক অমসুং দিবেলপমেন্ত পার্তনরশিপ অদু লেপ্তনা অফবা লৈঙাক, মীয়াম্বু মপাঙ্গল কলহনবা, অমসুং অহোংবা অমসুং অপুনবা দিবেলপমেন্তকীদমক্তা অনৌবা তেক্নিক, ইনোবেসন, অমসুং দিজিতেলাইজেসনগী ৱাশকশিংদগী পায়খৎকনি। মসিগীদমক্তা, নাকল অনিমক্না ভারতকী “দিজিতেল ইন্দিয়া” মিশন অমসুং ভিএৎনামগী “দিজিতেল সোসাইতী”গী ভিজনগী মরক্তা থোং মান্ননা, ন্যুক্লিয়র অমসুং স্পেস তেক্নোলোজী শান্তি ওইনা শিজিন্নবা, ইনফোর্মেসন অমসুং কম্যুনিকেসন তেক্নোলোজীদা ত্রান্সফোর্মেতিব তেক্নোলোজীশিং, এসিন সাইন্সশিং, অহোংবা লৌউ-শিংউ, ৱাতর রিসোর্স মেনেজমেন্ত, হোলিস্তিক হেল্থকেয়র, ভেক্সিন অমসুং ফার্মাস্যুতিকেলশিং, স্মার্ত সিতীশিং অমসুং স্তার্তঅপশিংদা অচেৎপা তেংবা পীনগনি।

১০. তুং কোইবা দিবেলপমেন্ত অমসুং ক্লাইমেৎ এক্সনগীদমক্তা মখোয়গী শিয়র কমিৎমেন্ত অদু অমুক হন্না ফোংদোক্লদুনা, চাউখৎলক্লিবা লৈবাক অমা ওইনা মখোয়গী ইনর্জী সেক্যুরিতীবু মপুং ফাহল্লদুনা, নাকল অনিনা অনৌবা অমসুং রেন্যুএবল ইনর্জী রিসোর্সশিং, ইনর্জী কঞ্জর্বেসন অমসুং অতৈ ক্লাইমেৎ-রেসিলেন্ত তেক্নোলোজীশিংদা শরুক য়াগনি। তুংলমচৎতা ইন্তর্নেস্নেল সোলর এলাইন্সতা ভিএৎনাম্না য়াওরকপগী ওইথোকপা অসিনা সোলর ইনর্জী মশিং য়াম্না শিজিন্নবদা তেংবাং পীনবগী অনৌবা তাঞ্জা অমা পুরক্লগনি।

১১. লমদম অসোমগী কাংলুপশিংদা অচেৎপা অমসুং মখল-মখাগী খুদোংচাবশিং য়ৌহন্নবা অমসুং তুং কোইবা চাউখৎ-থৌরাংগী পান্দম ফংনবা হোৎনবদা অসিগুম্বা থৌদাংদা মখোয়গী দিবেলপমেন্ত পার্তনরশিপকী মরুওইবা থৌদাং অদু য়ানরদুনা, মেকোঙ্গ-গঙ্গা ক্বুইক ইম্পেক্ত প্রোজেক্তশিং অমসুং আই.তি.ই.সি. অমসুং ই-আই.তি.ই.সি. থৌরমশিংবু তোঙান তোঙানবা লমদা শন্দোক্লদুনা ভারতকী ভিএৎনামদা চাউখৎ-থৌরাংদা তেংবাং অমসুং কেপাসিতী বিল্দিং অদু হেন্না মপাঙ্গল কলহনগনি।


মীয়াম

১২. ভারত অমসুং ভিএৎনামগী মরক্তা লৈনরিবা অচেৎপা কলচরেল অমসুং পুৱারীগী মরীশিংদা শাফু পীরদুনা, নাকল অনিনা বুদ্ধ অমসুং চাম কলচর, ত্রেদিসন অমসুং এন্সিএন্ত স্ক্রিপচরশিং য়াওনা শিয়র তৌনরিবা কলচর অমসুং সিবিলাইজেসনগী লন-থুম অদু নীংথিজনা য়োকখৎকনি, মসিদা খঙবা অমদি থিজিনবগী থবক থৌরম হেনগৎহনগনি। শরুক য়ামিন্নরিবা কলচরেল হেরিতেজ ঙাক-শেনবদা তেংবাং পীনববু মখোয়গী দিবেলপমেন্ত পার্তনরশিপকী মরুওইবা য়ুম্বী ওইনা লৌশিনগনি। লৈবাক অনিনা তুং কোইবা চাউখৎ-থৌরাংগী পান্দম ২ অমসুং ৩ অদু ফংনবদা মেদিসিনগী ত্রেদিস্নেল সিস্তেম অসি য়াম্না মরুওই। হৌখিবা চহি লিশিং কয়াদগী লৈবাক অনিগী মরক্তা কলচরেল এক্সচেঞ্জ তৌনবনা মরম ওইদুনা, ত্রেদিস্নেল মেদিসিন সিস্তেম খুদম ওইনা আয়ুর্বেদ অমসুং ভিএনামগী ত্রেদিস্নেল মেদিসিন সিস্তেম, হকশেলগী পাক-চাউরবা লৌশিং য়াওরবা কমন ওইরবা থ্রেদ কয়া শিয়র তৌনরি। লৈবাক অনিনা ২০২২দা ভারত-ভিএৎনাম দিপ্লোমেতিক্কী মরীশিংগী চহি ৫০শুবা কুমওন পাংথোক্নবগীদমক্তা ভারত-ভিএৎনাম কলচরেল অমসুং সিবিলাইজেসনগী মরীশিংদা ইনসাইক্লোপেদিয়া অমা ফোংনবগীদমক অচেৎপা মওংদা তেংবাং পীনগনি।

১৩. লৈবাক অনিগী মীয়ামগী মরক্তা মরূপ-মপাং ওইবগী ৱাখল্লোন্দগী ওইরকপা মখোয়গী মরীশিংগী মপাঙ্গল অমসুং তেংবাং পীনবদা অয়াবা পীরদুনা, নাকল অনিনা দাইরেক্ত ফ্লাইৎশিং হেনগৎহন্দুনা, অরাইবা ভিজাগী থৌওংশিংদগী চৎথোক-চৎশিন তৌবা হেনগৎহন্দুনা তুরিজমগী খুদোংচাবা পীরদুনা মীয়ামগী থাক্তা অচেৎপা পীথোক-পীশিন হেনগৎহন্নবগী হোৎনরিবশিংগী খোংজেল য়াংশিলহনগনি। মখোয়না মখোয়গী মরীশিং অদু হেন্না চেৎশিলহনগনি অমসুং ইন্সতিত্যুস্নেল ওইহনগনি। মসি পার্লিয়েমেন্তরী এক্সচেঞ্জশিং, পোলিতিকেল পার্তীশিংগী মরক্তা এক্সচেঞ্জশিং, সোসিএল ওর্গনাইজেসনশিং, ফ্রেন্দশিপ গ্রুপ অমসুং য়ুথ ওর্গনাইজেসনশিং, এজুকেস্নেল অমসুং একাদমিক ইন্সতিত্যুসনশিংগী মরক্তা কোলাবোরেসন, থিঙ্ক তেঙ্কশিংগী মরক্তা শরুক য়ামিন্নবা, জোইন্ত রিসর্স প্রোগ্রামশিং, এজুকেস্নেল স্কোলরশিপ, অমসুং মেদীয়া, ফিল্ম, তি.ভি. শোশিং অমসুং স্পোর্ত্তা এক্সচেঞ্জশিং তৌনবা অসিনচিংবা লমশিংদা পাংথোক্কনি।

১৪. প্রধান মন্ত্রী অনিনা থাজবা ফোংদোক্নখি মদুদি মখোয়গী মথক্তা পনখ্রিবা শেয়র ভিজন অসিনা ভারত-ভিএৎনাম কম্প্রিহেন্সিব স্ত্রেতেজিক পার্তনরশিপকী অনৌবা য়ুগকীদমক্তা য়ুম্ফম অমা ওইনা থবক তৌগনি। ভিজন অসিবু মায় পাকহন্নবগীদমক্তা, নাকল অনিমক্না মতম-মতমগী ওইবা অচেৎপা এক্সন প্লানশিং শেমগনি, মদু ২০২১-২০২৩ ফাওবগী মনুংদা হৌদোক্কনি।

ফল:

() জোইন্ত ভিজন স্তেৎমেন্ত অসিবু লৌশিল্লদুনা, লুচিংবা অনিনা ২০২১-২০২৩গী মনুংগীদমক এক্সন প্লান্দা খুৎয়েক পীনববু তরাম্না ওকখি।


() প্রধান মন্ত্রীনা অনিনা ভারত সরকারগী মায়কৈদগী ভিএৎনামদা পীখিবা US$ মিলিন ১০গী দিফেন্স লাইন ওফ ক্রেদিৎকী মখাদা ভিএৎনাম বোর্দর গার্দ কমান্দগীদমক্তা হাই স্পীদ গার্দ বোৎ (ঐচ.এস.জি.বি.) মেন্যুফেকচরিং প্রোজেক্তপু মায় পাক্না হৌখিবা, মপুং ফানা শেম-শারবা ঐচ.এস.জি.বি.বু ভিএৎনামদা শিন্নবা, ভারত্তা শাবা ঐচ.এস.জি.বি. হৌদোকপা অমসুং ভিএৎনামদা ঐচ.এস.জি.বি. শাবগী থবক হৌখিবদা অপেনবা ফোংদোক্নখি।


() লুচিংবা অনিনা ভিএৎনামগী নিনহা থুআন প্রোভিন্সতা লোকেল কম্যুনিতীগী কান্ননবগীদমক ভারতকী মায়কৈদগী পীখিবা US$ মিলিয়ন ১৫গী ‘গ্রান্ত-ইন-এদ’না দিবেলপমেন্ত প্রোজেক্ত তরেৎ লোইশিনখিবগীদমক থাগৎপা ফোংদোক্নখি।


() প্রধান মন্ত্রী অনিনা অপেনবা ফোংদোক্নখি এম.ও.য়ু./এগ্রীমেন্ত/ইম্প্লিমেন্তিং এরেঞ্জমেন্তশিংদা খুৎয়েক পীনবগা লোইননা লিস্ত তৌরবা তোঙান তোঙানবা লমশিংদা নাকল অনিগী ওইবা তেংবাং পীননবা লাওথোকখিবশিং অদুগীদমক্তসু অপেনবা ফোংদোক্নখিঃ


খুয়েক পীনখিবা এম.ও.য়ু./এগ্রীমেন্তশিং:


. দিফেন্স ইন্দস্ত্রী কোওপরেসন্দা থবক হৌনবা এগ্রীমেন্ত।

. নেস্নেল তেলিকোম ইন্দস্ত্রী, নহা ত্রাঙ্গদা আর্মী সোফৱেয়র পার্ক্কীদমক্তা US$ মিলিয়ন ৫গী ভারতকী গ্রান্ত এসিস্তেন্সকী এগ্রীমেন্ত।

. য়ুনাইতেদ নেসন্স পীসকীপিংদা তেংবাং পীননবা CUNPKO-VNDPKOগী মরক্তা থবক হৌনবা এগ্রীমেন্ত।


. ভারতকী এতোমিক ইনর্জী রেগুলেতরী বোর্দ অমসুং ভিএৎনামগী রেদিএসন অমসুং ন্যুক্লিয়র সেফতী এজেন্সীগী মরক্তা এম.ও.য়ু.


. সি.এস.আই.আর.-ইন্দিয়ন ইন্সতিত্যুৎ ওফ পেত্রোলিয়ম অমসুং ভিএৎনাম পেত্রোলিয়ম ইন্সতিত্যুৎকী মরক্তা এম.ও.য়ু.


. নেস্নেল সোলর ফেদরেসন ওফ ইন্দিয়া অমসুং ভিএৎনাম ক্লীন ইনর্জী এসোসিএসনগী মরক্তা এম.ও.য়ু.


. তাতা মেমোরিএল সেন্তর অমসুং ভিএৎনাম নেস্নেল কেন্সর হোস্পিতালগী মরক্তা এম.ও.য়ু.

লাওথোকখিবশিং:
 

. ক্বুইক ইম্পেক্ত প্রোজেক্তশিং অসি লৈরিবা চহি খুদিংগী ৫দগী হেনগৎতুনা ২০২১-২০২২ ফাওবদা চহি খুদিংগী ১০ ওইহনবা।

. ভিএৎনামদা হেরিতেজ (মাই সনদা মন্দিরগী এফ.-ব্লোক, ক্বাং নামদা দোঙ্গ দুআঙ্গ বুদ্ধ মথ অমসুং ফু য়েন্দা নহান চাম তাৱর) ঙাক-শেন্নবদা অনৌবা দিবেলপমেন্ত পার্তনরশিপ হৌদোকপা।


. ভারত-ভিএৎনাম সিবিলাইজেসন অমসুং কলচরেল ইন্তরেক্সনশিংগী মরীদা ইন্সাইক্লোপেদিয়াগীদমক্তা নাকল অনিগী ওইবা প্রোজেক্ত অমা হৌদোকপা।

*****

 



(Release ID: 1683474) Visitor Counter : 8