ଆସନ୍ତା ଡିସେମ୍ବର 15, 2020ରେ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଗୁଜରାଟ କଚ୍ଛ ଜିଲ୍ଲାର ଧୋର୍ଡୋ ଅଞ୍ଚଳ ଗସ୍ତ କରି ସେଠାରେ ରାଜ୍ୟର ବିଭିନ୍ନ ଉନ୍ନୟନ ପ୍ରକଳ୍ପର ଭିତ୍ତିପ୍ରସ୍ତର ସ୍ଥାପନ କରିବେ । ପ୍ରକଳ୍ପଗୁଡିକ ମଧ୍ୟରେ ଏକ ଡିସାଲିନେସନ କାରଖାନା, ଏକ ଉନ୍ନତ ଅକ୍ଷୟ ଶକ୍ତି ପାର୍କ ଏବଂ ସମ୍ପୂର୍ଣ୍ଣ ସ୍ୱୟଂଚାଳିତ ଦୁଗ୍ଧ ପ୍ରକ୍ରିୟାକରଣ ଏବଂ ପ୍ୟାକିଂ କାରଖାନା ଅନ୍ତର୍ଭୁକ୍ତ । ଏହି କାର୍ଯ୍ୟକ୍ରମରେ ଗୁଜରାଟ ମୁଖ୍ୟମନ୍ତ୍ରୀ ମଧ୍ୟ ଉପସ୍ଥିତ ରହିବେ । ଏହି ଅବସରରେ ପ୍ରଧାନମନ୍ତ୍ରୀ ମଧ୍ୟ ରଣ ଗସ୍ତ କରି ଏକ ସାଂସ୍କୃତିକ କାର୍ଯ୍ୟକ୍ରମରେ ଯୋଗଦେବେ । 

ଗୁଜୁରାଟର ବିଶାଳ ଉପକୂଳବର୍ତ୍ତୀ ଅଞ୍ଚଳକୁ ବ୍ୟବହାର କରି ମାଣ୍ଡଭି, କଚ୍ଛଠାରେ ଡିସାଲିନେସନ କାରଖାନା ସ୍ଥାପନ କରି ସମୁଦ୍ର ଜଳକୁ ପାନୀୟ ଜଳରେ ପରିଣତ କରିବା ଦିଗରେ ରାଜ୍ୟ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ନେଉଛି । ଦୈନିକ 10 କୋଟି ଲିଟର କ୍ଷମତା (100 ଏମଏଲଡି) ଥିବା ଏହି କାରଖାନା ନର୍ମଦା ଗ୍ରୀଡ, ସାଉନି ନେଟୱାର୍କ ଏବଂ ବିଶୋଧିତ ବର୍ଜ୍ୟଜଳ ଭିତ୍ତିଭୂମି ଦ୍ଵାରା ଗୁଜୁରାଟରେ ଜଳ ନିରାପତ୍ତାକୁ ସୁନିଶ୍ଚିତ କରିବ । ଦେଶରେ ସ୍ଥାୟୀ ଏବଂ ସୁଲଭ ଜଳ ଉତ୍ସ ସୃଷ୍ଟି ଦିଗରେ ଏହା ଏକ ଗୁରୁତ୍ୱପୂର୍ଣ୍ଣ ମାଇଲଖୁଣ୍ଟ ହେବ । ମୁଣ୍ଡ୍ରା, ଲଖପାଟ, ଅବଦାସା ଏବଂ ନାଖତ୍ରନା ତାଲୁକାର ପ୍ରାୟ 8 ଲକ୍ଷ ଲୋକ ଏହି କାରଖାନାରୁ ଜଳ ପାଇବେ, ଯାହାକି ବଳକା, ରାପର ଏବଂ ଗାନ୍ଧୀଧାମର ଉପର ଅଞ୍ଚଳରେ ଥିବା ଜିଲ୍ଲାକୁ ଯୋଗାଇବାରେ ସହାୟକ ହେବ । ଏହା ଗୁଜୁରାଟର ପାଞ୍ଚଟି ଲୁଣ ଅପସାରଣ କାରଖାନା ଦହେଜ (100 ଏମଏଲଡି), ଦ୍ୱାରକା (70 ଏମଏଲଡି), ଘୋଘା ଭାବନଗର (70 ଏମଏଲଡି) ଏବଂ ଗିର ସୋମନାଥ (30 ଏମଏଲଡି) ମଧ୍ୟରୁ ଅନ୍ୟତମ ।

ଗୁଜୁରାଟର କଚ୍ଛ ଜିଲ୍ଲାର ଭିଗାକୋଟ ଗ୍ରାମ ନିକଟରେ ଥିବା ଉତ୍ତମ ଧରଣର ଅକ୍ଷୟ ଶକ୍ତି ପାର୍କ ଦେଶର ସର୍ବ ବୃହତ ଅକ୍ଷୟ ଶକ୍ତି ଉତ୍ପାଦନ ପାର୍କ ହେବ । ଏହା 30 ଗିଗାୱାଟ ଅକ୍ଷୟ ଶକ୍ତି ଉତ୍ପାଦନ କରିବ । 72,600 ହେକ୍ଟର ଜମିରେ ସ୍ଥାପିତ ହୋଇଥିବା ଏହି ପାର୍କରେ ପବନ ଏବଂ ସୌର ଶକ୍ତି ସଂରକ୍ଷଣ ପାଇଁ ଏକ ଉତ୍ସର୍ଗୀକୃତ ଉତ୍ତମ ଧରଣର ପାର୍କ ଜୋନ ରହିବ ଏବଂ ପବନ ଶକ୍ତି ଉତ୍ପନ୍ନ କାର୍ଯ୍ୟକଳାପ ଚାଲୁ ରହିବ |  

ପ୍ରଧାନମନ୍ତ୍ରୀ କଚ୍ଛର ସରହାଦ ଦୁଗ୍ଧ ଅଞ୍ଜରଠାରେ ସମ୍ପୂର୍ଣ୍ଣ ସ୍ୱୟଂଚାଳିତ ଦୁଗ୍ଧ ପ୍ରକ୍ରିୟାକରଣ ଏବଂ ପ୍ୟାକିଂ କାରଖାନାର ଆଧାରଶିଳା ରଖିବେ । ଏହି କାରଖାନାର ମୂଲ୍ୟ 121 କୋଟି ଟଙ୍କା ହେବ ଏବଂ ଏହା ପ୍ରତିଦିନ 2 ଲକ୍ଷ ଲିଟର କ୍ଷୀର ପ୍ରକ୍ରିୟାକରଣ କରିପାରିବ । 

**********