হৌখিবা চয়োল খরসিদা ওইরকখিবা ফীভমদা চাং নাইন লাক্তুনা ভারতকী হৌজিক নারিবা মীশিং অসি অপুনবা নাখিবা মীশিংগী চাদা ৩.৬২দা হন্থখ্রে‍।

হৌখিবা পুং ২৪সিদা ভারত্তা নৌনা ফগৎলকপা মীশিংনা নৌনা নারকপা মীশিংদগী হেনখি‍। নুংতিগী ফগৎলকপা মীশিংনা নুংতিগী নৌনা নারকপা মীশিংদগী হেন্দুনা চৎপগী ফীভম অসিনা ভারতকী হৌজিক নারিবা মীশিং মখা তানা হন্থরক্তুনা ঙসি ৩,৫৬,৫৪৬তা লৈরি‍।

হৌখিবা পুং ২৪সিদা লৈবাকসিদা মীওই ৩০,২৫৪ নৌনা কোবিদ নারকখিবা থেংনবদা হায়রিবা মতমসিদা মীওই ৩৩,১৩৬ নৌনা ফগৎলকপগী পাউ লাকখি‍। মসিনা হৌজিক নারিবা অপুনবা মীশিংদগী ৩,২৭৩ হৌখিবা পুং ২৪সিদা হন্থরকখি‍।

হৌখিবা নুমিৎ ৭নিসিদা মালেমগী মীশিং মিলিয়ন অমগী মনুংদা খ্বাইদগী নেম্না নাবশিংগী মরক্তা ভারত (১৫৮) অমা ওইখি; নোংচুপ লৈবাকশিংগীদা লৈরিবা চাংদগী য়াম্না নেম্না লৈখি‍।

অপুনবা ফখ্রবা মীশিং ঙসি ৯৩,৫৭,৪৬৪ ওইখি‍। ফখ্রবা মীশিং অমসুং হৌজিক নারিবা মীশিংগী মরক্তা লৈবা খেন্নবা তপ্না তপ্না হেনগৎলক্লি অমদি ঙসি লাখ ৯০ (৯০,০০,৯১৮) লানখ্রে‍। ফগৎলকপগী চাং ঙসি চাদা ৯৫ (৯৪.৯৩)দা হেনগৎলক্লে‍।

নৌনা ফগৎলকখিবা মীশিংগী চাদা ৭৫.২৩দি স্তেত/য়ু.তি. তরাদগীনি‍।

কেরলানা মীওই ৫,২৬৮ কোবিদতগী ফগৎলক্তুনা মকোক চিংলি‍ অদুগা মহারাস্ত্রনা মীওই ৩,৯৪৯ ফগৎলক্তুনা মতুং ইল্লি‍। দিল্লীদা মীওই ৩,১৯১ নোংমদা ফগৎলকপগী পাউ লাকখি‍।

নৌনা নারকখিবা মীশিংগী চাদা ৭৫.৭১দি স্তেত/য়ু.তি. তরাদগীনি‍।

কেরলাদা হৌখিবা পুং ২৪দা মীওই ৫,৯৪৯ নৌনা নারকপা থেংনখি‍। মহারাস্ত্রদা ঙরাং মীওই ৪,২৫৯ নৌনা নারকখি অদুগা ৱেস্ত বেঙ্গলদা মীওই ১,৯৩৫ নৌনা নারকখি‍।

হৌখিবা পুং ২৪সিদা মীওই ৩৯১ নৌনা শিখিবগী পাউ লাকখি‍। মখোয়গী মনুংদা চাদা ৭৭.৭৮তি স্তেত/য়ু.তি. তরাদগীনি‍। হৌখিবা পুং ২৪দা স্তেত/য়ু.তি. অমতদা নৌনা শিখিবা মীশিং দিজিত অনি য়ৌখিদে‍।

নৌনা শিখিবা মীশিংগা চাদা ৭৯.২৮তি মহারাসত্রদা মীওই ৮০ শিদুনা ওইখি‍। দিল্লীদা মীওই ৪৭ অদুগা ৱেস্ত বেঙ্গলদা মীওই ৪৪ নৌনা শিখিবগী পাউ লাকখি‍।

মালেমগী ওইনা চাংদম্নবা মতমদা ভারতনা হৌখিবা নুমিৎ ৭নিসিদা মীশিং মিলিয়ন অমগী মনুংদা নৌনা শিখিবা মীশিং (২) খ্বাইদগী নেম্বশিংগী মরক্তা ওইখি‍।

****