মন্ত্রীমন্দলদা ঐগী খোংলোই ওইবীরিবা শ্রী রবিশঙ্কর প্রসাদ, তেলিকোম ইন্দস্ত্রীগী লুচিংবশিং অমসুং শক্নাইরবশিং,

ঐহাক ইন্দিয়ন মোবাইল কংগ্রেস ২০২০দা ৱা ঙাংবা ফংজবা অসিদা য়াম্না নুংঙাইবা ফাওই। মফম অসিদা ঐখোয় তেলিকোমগী লমদা হৈথোই-শিংথোইরবা কয়াগা পুল্লরি। কাংলুপ অসিদা তেলিকোমগী লমদা হন্দক্তা মরুওইবা থৌদাং লৌখিবা কয়ামরুম য়াওরি অমসুং মখোয়গী মতেংদগী ভারতপু হেন্না চাউখৎপা তুংলমচৎ অমদা পুখৎনবগী থাজবা থম্লি।

মরূপশা,

ঐখোয়না কনেক্তিবিতী অসি ফগৎলকপা ফাওরি, ঐখোয়না মসিসু খঙই খোংজেল অসি হৌজিক্তা য়াংখৎলক্লি। ঐখোয়না অহানবদা অহানবা তিলিফোন কোলগী মতুংদগী, ঐখোয় য়াম্না শাংবা খোংচৎ অমদা লাকখ্রে। তশেংবদি, চহি ১০গী মমাংদসু মসি খনবদা লুনা থোকই মদুদি মোবাইলগী য়াওলদা অসিগুম্বা মখলগী শাফু অসি ঐখোয়গী লৈবাক্তা, খুন্নাই অমসুং মালেম অসিদা পীগনি।

মরূপশা,

মালেম অসিনা লাইচৎ মনুং অসিদসু মথৌ পাংথোক্লিবা অসি অদোমগী ইনোভেসন অমসুং ফোর্তশিং অদুননি। তোঙানবা শহরদা লৈখ্রবা মচানুপা অমনা মমাগা পাউ ফাওনবা ঙমলিবা, ক্লাসরুমদা ফমদনা মহৈরোই অমনা ওজাদগী তম্বা ঙম্লিবা, মহাক্কী ময়ুমদগী অনাবা অমনা দোক্তরগা তান্নবা ঙম্লিবা, তোঙান তোঙানবা মফমদগী ললোনবা অমনা কঞ্জ্যুমরগা পাউ ফাওনবা ঙম্লিবা অসি অদোমগী মপান্দগীনি।

সরকার অমা ওইনা, ঐখোয়সু আই.তি. অমসুং তেলিকোম সেক্তরগী তৌব-ঙম্বশিং অনলোক তৌনবগীদমক্তা থবক তৌবা ঙম্লিবা অসিসু অদোমগী মপান্দগীনি। অনৌবা সর্বিস প্রোভাইদর গাইদলাইনশিংনা অনৌবা মতোল লোম্বা ঙম্নবগীদমক্তা ভারতকী আই.তি. সর্বিস, ইন্দস্ত্রীদা মতেং পাংগনি। মসিনা লাইচৎকী মতুংদা সেক্তর অসিগী শাহৌদা ইনোৎ পীবা ঙম্লগনি। ইনিসিএতিব অসিনা আই.তি. সর্বিস ইন্দস্ত্রীবু দিমোক্রেতাইজ তৌবদা মতেং পাংগনি অমসুং মসিবু ঐখোয়গী লৈবাক্কী কাচিন কোয় খুদিংমক্তা পুগনি।

মরূপশা,

ঙসি ঐখোয় অসিগুম্বা মতম অমদা লৈরি মদুদি, চহি খরগী মমাংদা লাকখিবা মোবাইল এপ্না, চহি কয়াদগী লৈরক্লবা কম্পনীশিংদগী হেনগৎখ্রে। মসি ভারত ঐখোয়গী নহা ওইরিবা ইনোভেস্তরশিংগীদমক্তা অফবা খুদম অমনি। ঐখোয়গী নহারোলশিংনা পোৎথোকশিংগী মতাংদা থবক তৌরি মদুদা মখোয়বু মালেমগী থাক্তা পুখৎনবগী পাঙ্গল য়াওরি।

নহা কয়ামরুম্না ঐঙোন্দা তম্মি মদুদি অখন্নবা পোৎথোক শেম্লিবা অসি কোদননি। ওন্ত্রপ্রিনর খরনা ঐঙোন্দা তম্মি মদুদি মসি য়াম্না মরুওইবা ৱাখল্লোন্নি। ইনভেস্তরশিংনা সজেসন পী মদুদি পোৎথোক অমগী থাক লেপ্পদা মরুওইরিবসি কেপিতেলনি। অদুনা ঐগী নহা ওইরিবা মরূপশিংগীদমক্তা পাউজেল অসি পীজরি মদুদি, পোৎথোকশিংগা লোইননা মখোয়গী তৌব-ঙম্বশিং অদুদা থাজবা থমগদবনি।

ঙসিদি ঐখোয় করোর অমা হেন্না ফোন শিজিন্নবা লৈবাক অমা ওইরে। ঐখোয়গী য়ুনিক দিজিতেল আইদেন্তিতী লৈবা মীওই করোর অমা হেল্লে। ঙসি ঐখোয়গী ইন্তর্নেৎ শিজিন্নবা মিলিয়ন ৭৫০ হেল্লে। ঐখোয়গী খুন্নাইদা ইন্তর্নেৎকী লাকপগী খোংজেল অসি মখাগী অসিদা য়েংবা য়াইঃ ভারত্তা ইন্তর্নেৎ শিজিন্নবগী তঙ্খাইদি হৌখিবা চহি ৪ অসিদা য়াওখিবনি। অপুনবা ইন্তর্নেৎ শিজিন্নবগী তঙ্খাইদি ঐখোয়গী খুঙ্গংগী লমদমনা লৈরি। ঐখোয়গী দিজিতেল সাইজ অমসুং ঐখোয়গী দিজিতেল এপিতাইৎ অসি অমুক্তা ওইখিদ্রিবা মওংনি। মালেমদা তারিফ খ্বাইদগী নেম্বা লৈবাক্তা ঐখোয় লৈরি। ঐখোয় মালেমদা মোবাইল এপ মার্কেৎতা খ্বাইদগী য়াংনা চাউখৎলকপশিংগী মনুংদা অমনি। ঐখোয়গী লৈবাক্কী দিজিতেল পোতেন্সিএল অসি চাংদম্নীংঙাই লৈতে, মীওইবগী পুৱারীদা অমুক্তা ওইখিদ্রিবা মওংনি।

ঐখোয়না মীওই লাখ কয়াদা কান্নবা দোলর বিলিয়ন কয়া পীবা ঙম্লিবা অসি মোবাইল তেক্নোলোজীগী মপান্ননি। লাইচৎ মনুং অসিদসু ঐখোয়না লাইরবশিংগী অমসুং মথৌ তারবশিংগী মতেং য়াম্না থুনা পাংবা ঙম্লিবা অসিসু মোবাইল তেক্নোলোজীগী মরমদগীনি। কেসলেশ ত্রান্সেক্সন বিলিয়ন কয়া মওং চুম্না অমদি নুং-পান উনা তৌবা ঙম্লিবা অসি মোবাইল তেক্নোলোজীগী মরমদগীনি। ঐখোয়না তোল বুথশিংদা কন্তেক্তলেস ইনতর্ফেস নীংথিজনা পাংথোকপা ঙমলিবা অসি মোবাইল তেক্নোলোজীগী মরমদগীনি। ঐখোয়না য়াম্না থুনা খ্বাইদগী চাউবা কোবিদ-১৯গী ভেক্সিনাইজেসনগী খোংজং হৌগদৌরিবা অসিদা মোবাইল তেক্নোলোজীনা মতেং পাংগনি।

মরূপশা,

ঐখোয়না ভারত্তা মোবাইল মেন্যুফেকচরিংদা মায় পাকপা ময়াম অমা ফংখ্রে। ভারত অসি মোবাইল মেন্যুফেকচরিংগী খ্বাইনা পাম্নবা মফম অমা ওইনা শাফোংলক্লি। ঐখোয়না ভারত্তা তেলিকোম মেন্যুফেকচরিং য়োকখৎনবগীদমক্তা প্রদক্সন ইন্সেন্তিব স্কিমগসু লোইননা লাক্লি। ঐখোয়না ভারত অসি তেলিকোম ইক্বুইপমেন্ত, দিজাইন, দিবেলপমেন্ত অমসুং মেন্যুফেকচরিংগীদমক্তা মালেমগী হব অমা ওইহন্নবগী মতাংদা পুন্না থবক তৌরসি।

মরূপশা,

তেক্নোলোজিকেল অপগ্রেদেসন্না মরম ওইদুনা, ঐখোয় হৌজিক মোবাইল হেন্দসেৎ অমসুং ইলেক্ত্রোনিক গেজেৎশিং লেপ্তনা শিন্দোরক্লি। ইন্দস্ত্রীনা ইলেক্ত্রোনিক্কী ৱেস্তশিং হেন্না ফবা মওংদা লোইশিন্নবা অমসুং সর্ক্যুলর ইকোনোমী অমা শেম্নবা তাস্ক-ফোর্স অমা শেম্বা য়াই।

মরূপশা,

ঐনা হান্নসু হায়খিবগুম্না, মসি শুপ্নগী অহৌবনি। খোংজেল য়াংবা তেক্নোলোজীগা লোইননা তুংলমচৎ অসি য়াম্না আশা লৈরি। ঐখোয়না ভারত মচা লাখ কয়াগী মঙাল নাইবা তুংলমচৎ অমসুং মপাঙ্গল হাপ্নবগীদমক্তা মতম চানা ৫ জি. সর্বিস হৌননবা ঐখোয় পুন্না থবক তৌমিন্নবা মথৌ তাই। ঐনা থাজৈ মদুদি কনক্লেব অসিনা অসিগুম্বা হিরম খুদিংমক্তা মতিক চানা খন্নগনি অমসুং মহৈ চাগদবা ফল পুরক্কনি, মদুনা ঐখোয়বু মসিগী মরুওইরবা ইনফ্রাস্ত্রকচরগী চাউখৎ-থৌরাংদা মাংদা পুখৎকনি।

ঐনা পুম্নমক্তা য়াইফ-পাউজেল পীজরি।

অদোম্বু থাগৎচরি।

***