ସ୍ୱାସ୍ଥ୍ୟ ଓ ପରିବାର ମନ୍ତ୍ରଣାଳୟ
ଦେଶରେ ସକ୍ରିୟ ମାମଲା ହ୍ରାସ ଧାରା ଜାରି; 136 ଦିନ ପରେ 4.10 ଲକ୍ଷରୁ ତଳକୁ ଖସିଲା
● ଗତ 8 ଦିନ ଧରି ଦୈନିକ ସୁସ୍ଥଙ୍କ ସଂଖ୍ୟା ନୂଆ ଆକ୍ରାନ୍ତଙ୍କଠାରୁ ଅଧିକ
Posted On:
05 DEC 2020 11:13AM by PIB Bhubaneshwar
ଆଜି ଭାରତରେ ସକ୍ରିୟ କରୋନା ମାମଲା ସଂଖ୍ୟା 4.10 ଲକ୍ଷ (4,09,689)ରୁ ତଳକୁ ହ୍ରାସ ପାଇଛି । 136 ଦିନ ପରେ ଏହା ସର୍ବନିମ୍ନ । 2020 ଜୁଲାଇ 22ରେ ଦେଶରେ ସକ୍ରିୟ କରୋନା ମାମଲା ଥିଲା 4,11,133 ।
ଦୈନିକ ଅଧିକରୁ ଅଧିକ ଆକ୍ରାନ୍ତ ସୁସ୍ଥ ହେବା ଧାରା ବଜାୟ ରହିବାରୁ ଦେଶରେ ସକ୍ରିୟ କରୋନା ମାମଲା ହ୍ରାସ ପାଇଛି । ଭାରତରେ ଏବେ ମୋଟ କରୋନା ମାମଲାର 4.26% ସକ୍ରିୟ ମାମଲା ରହିଛି । ଗତ 24 ଘଣ୍ଟା ମଧ୍ୟରେ ସୁସ୍ଥଙ୍କ ସଂଖ୍ୟା ବୃଦ୍ଧି ଯୋଗୁ ସକ୍ରିୟ କରୋନା ମାମଲା ସିଧାସଳଖ 6,393 ହ୍ରାସ ପାଇଛି ।
ଗତ ଆଠ ଦିନ ଧରି ଦୈନିକ ସୁସ୍ଥ ଲୋକଙ୍କ ସଂଖ୍ୟା ଆକ୍ରାନ୍ତଙ୍କ ଠାରୁ ଅଧିକ ରହିଛି । ଗତ 24 ଘଣ୍ଟା ମଧ୍ୟରେ 36,652 ଜଣ କରୋନାରେ ଆକ୍ରାନ୍ତ ହୋଇଛନ୍ତି । ଏହି ଅବଧିରେ ସୁସ୍ଥ ହୋଇଛନ୍ତି 42,533 ।
ସୁସ୍ଥଙ୍କ ସଂଖ୍ୟା ବୃଦ୍ଧି ପାଉଥିବାରୁ ଦେଶରେ ସୁସ୍ଥତା ହାର ବୃଦ୍ଧି ପାଇ 94.28% ହୋଇଛି । ଦେଶରେ ଏବେ ମୋଟ ସୁସ୍ଥଙ୍କ ସଂଖ୍ୟା ରହିଛି 90,58,822 । ସୁସ୍ଥ ସଂଖ୍ୟା ଏବଂ ସକ୍ରିୟ ମାମଲା ମଧ୍ୟରେ ପାର୍ଥକ୍ୟ 86.50 ଲକ୍ଷ ପାଖାପାଖି ପହଞ୍ଚିଛି ଏବଂ ଏବେ ଅଛି 86,49,133 ।
ନୂଆ ସୁସ୍ଥଙ୍କ ମଧ୍ୟରୁ 78.06% ଆସିଛନ୍ତି 10 ରାଜ୍ୟ/କେନ୍ଦ୍ରଶାସିତ ଅଞ୍ଚଳରୁ ।
ଗତ 24 ଘଣ୍ଟାରେ ମହାରାଷ୍ଟ୍ରରେ ସର୍ବାଧିକ 6,776 ଜଣ ସୁସ୍ଥ ହୋଇଛନ୍ତି । ଏହା ପଛକୁ କେରଳରେ 5,496 ଜଣ ଏବଂ ଦିଲ୍ଲୀରେ 4,862 ଜଣ ସୁସ୍ଥ ହୋଇଛନ୍ତି ।
ଗତ 24 ଘଣ୍ଟାର ନୂଆ କରୋନା ଆକ୍ରାନ୍ତଙ୍କ ମଧ୍ୟରୁ 76.90% ଆସିଛନ୍ତି 10 ରାଜ୍ୟ/କେନ୍ଦ୍ରଶାସିତ ଅଞ୍ଚଳରୁ । କେରଳରେ ସର୍ବାଧିକ 5,718 ଜଣ ଆକ୍ରାନ୍ତ ହୋଇଛନ୍ତି । ଏହା ପଛକୁ ମହାରାଷ୍ଟ୍ରରେ 5,229 ଜଣ ଏବଂ ଦିଲ୍ଲୀରେ 4,067 ଜଣ ଆକ୍ରାନ୍ତ ହୋଇଛନ୍ତି ।
ଗତ 24 ଘଣ୍ଟା ମଧ୍ୟରେ ଦେଶରେ 512 ଜଣଙ୍କର କରୋନାରେ ମୃତ୍ୟୁ ହୋଇଛି । ଏଥିରୁ 78.32% ମୃତ୍ୟୁ ହୋଇଛି 10 ରାଜ୍ୟ/କେନ୍ଦ୍ରଶାସିତ ଅଞ୍ଚଳରେ । ମହାରାଷ୍ଟ୍ରରେ ସର୍ବାଧିକ 127 ଜଣଙ୍କ ମୃତ୍ୟୁ ହୋଇଛି । ଏହା ପଛକୁ ଦିଲ୍ଲୀରେ 73 ଏବଂ ପଶ୍ଚିମବଙ୍ଗରେ 52 ଜଣଙ୍କ ମୃତ୍ୟୁ ହୋଇଛି ।
**********
(Release ID: 1678648)
Visitor Counter : 174
Read this release in:
Tamil
,
English
,
Urdu
,
Hindi
,
Marathi
,
Assamese
,
Bengali
,
Manipuri
,
Punjabi
,
Gujarati
,
Telugu
,
Kannada