ভারতকী অপুনবা হৌজিক নারিবা মীশিং ঙসি লাখ ৪.১০গী মখাদা (৪,০৯,৬৮৯) হন্থরকখ্রে‍। হায়রিবা অসি নুমিৎ ১৩৬কী মতুংদা খ্বাইদগী হন্থবা মশিংনি‍। জুলাই ২২, ২০২০দা লৈখিবা অপুনবা হৌজিক নারিবা মীশিং ৪,১১,১৩৩ ওইখিবনি‍।

ফীভম অসি নৌনা নারকপা মীশিংদগী ফগৎলকপা মীশিংনা হেন্দুনা অসুম লাকপনা অপুনবা হৌজিক নারিবা মীশিংদা হন্থরকপা ঙমহল্লিবনি‍। ভারতকী হৌজিক নারিবা মীশিং অসি ভারতকী অপুনবা নাখিবা মীশিংগী চাদা ৪.২৬খক্তনি‍। নৌনা ফগৎলকপা মীশিংশিং অসিনা অপুনবা হৌজিক নারিবা মীশিংদগী মীওই ৬,৩৯৩ হন্থহল্লে‍।

হৌখিবা নুমিৎ নিপান্নিসিদা লৈবাকসিদা নুংতিগী ফগৎলকপা মীশিংনা নুংতিগী নৌনা নারকপা মীশিংদগী হেন্দুনা লাক্লি‍। হৌখিবা পুং ২৪দা নৌনা নারকখিবা মীশিং ৩৬,৬৫২নি‍। হৌখিবা পুং ২৪দা ফগৎলকখিবা অমদি ময়ুমদা হলহনখ্রবা মীশিংনা ৪২,৫৩৩নি‍।

ফগৎলকপগী মীশিং অসুম হেনগৎলকপনা ফগৎলকপগী চাং ঙসি ফাওবদা চাদা ৯৪.২৮ ওইরে‍।

অপুনবা ফখ্রবা মীশিং ৯,০৫৮,৮২২ ওইরি‍। অপুনবা ফখ্রবা মীশিং অমদি হৌজিক নারিবা মীশিংগী মরক্তা লৈরিবা খেন্নবা লাখ ৮৬.৫০গী ময়া নকশিল্লক্তুনা হৌজিক ৮,৬৪৯,১৩৩দা লৈরি‍।

নৌনা নারকপা মীশিংগী চাদা ৭৮.০৬তি স্তেত/য়ু.তি. ১০দগীনি‍।

মীওই ৬,৭৭৬ নৌনা ফগৎলক্তুনা মহারাস্ত্রনা খ্বাইদগী মশিং য়াম্না ফগৎলকপা ওইখি‍। কেরলাদা মীওই ৫,৪৯৬ অদুগা দিল্লীদা মীওই ৪,৮৬২ নৌনা ফগৎলকখি‍।

নৌনা নারকপা মীশিংগী চাদা ৭৬.৯০দি স্তেত অমসুং য়ু.তি. ১০দগীনি‍।

মীওই ৫,৭১৮ নৌনা নারক্তুনা কেরলানা খ্বাইদগী মশিং য়ামবা ওইরি‍। মীওই ৫,২২৯ নৌনা নারক্তুনা মহারাস্ত্রনা মতুং ইল্লি‍। দিল্লীদা মীওই ৪,০৬৭ নৌনা নারকখি‍।

হৌখিবা পুং ২৪সিদা মীওই ৫১২ নৌনা শিখিবগী পাউ লাকই‍।

নৌনা শিখিবা মীশিংগী চাদা ৭৮.৩২দি স্তেত.য়ু.তি. তরাদগীনি‍। মহারাস্ত্রনা মীশিং খ্বাইদগী য়াম্না (১২৭) শিবগী পাউ ফংখি‍। দিল্লী অমসুং ৱেস্ত বেঙ্গলনা মথংশিৎনা মীওই ৭৩ অমদি ৫২ শিদুনা মতুং ইল্লি‍।

****