ભારતમાં સક્રિય કેસનું ભારણ ગઇ કાલે 4.44% હતું ત્યાંથી વધુ ઘટીને આજે 4.35% સુધી પહોંચી ગયું છે.

ભારતમાં છેલ્લા 24 કલાકમાં નવા નોંધાયેલા પોઝિટીવ કેસની સંખ્યાની સરખામણીએ સાજા થનારા દર્દીઓની સંખ્યા વધુ નોંધાઇ છે અને છેલ્લા 7 દિવસથી આ વલણ એકધારું જળવાઇ રહ્યું છે. દૈનિક સાજા થનારા દર્દીઓની વધુ સંખ્યા નોંધાવાનું વલણ જળવાઇ રહ્યું હોવાથી ભારતમાં સક્રિય કેસનું ભારણ સતત ઘટી રહ્યું છે અને આજે કુલ સક્રિય કેસની સંખ્યા ઘટીને 4,16,082 સુધી પહોંચી ગઇ છે.

ભારતમાં છેલ્લા 24 કલાકમાં કોવિડની બીમારીમાંથી વધુ 42,916 દર્દીઓ સાજા થઇ ગયા હોવાનું નોંધાયું છે જ્યારે સમાન સમયગાળામાં નવા સંક્રમિત થયેલા પોઝિટીવ દર્દીઓની સંખ્યા 36,595 નોંધાઇ છે. નવા સાજા થયેલા દર્દીઓ અને નવા પોઝિટીવ નોંધાયેલા દર્દીઓ વચ્ચેનો તફાવત વધ્યો હોવાથી છેલ્લા 24 કલાકમાં સક્રિય કેસના ભારણમાં 6,861 કેસનો ઘટાડો નોંધાયો છે.

ભારત હજુ પણ દુનિયામાં પ્રત્યેક દસ લાખની વસ્તીએ સૌથી ઓછા કેસ (6,936) ધરાવતા દેશોમાં છે અને સંખ્યાબંધ પશ્ચિમી દેશોની સરખામણીએ ભારતમાં આ આંકડો ઓછો છે.

આજે દેશમાં દર્દીઓનો સાજા થવાનો સરેરાશ દર વધીને 94.2% સુધી પહોંચી ગયો છે. કુલ સાજા થયેલા દર્દીઓની સંખ્યા વધી 90,16,289 થઇ ગઇ છે. સાજા થયેલા દર્દીઓ અને સક્રીય કેસ વચ્ચેનો તફાવત સતત વધી રહ્યો છે અને હાલમાં આ આંકડો વધીને 86,00,207 સુધી પહોંચી ગયો છે.

નવા સાજા થયેલા દર્દીઓમાંથી 80.19% દર્દીઓ 10 રાજ્યો/ કેન્દ્ર શાસિત પ્રદેશોમાંથી નોંધાયા છે.

મહારાષ્ટ્રમાં એક દિવસમાં સૌથી વધુ 8,066 દર્દીઓ કોવિડમાંથી સાજા થઇ ગયા છે જ્યારે ત્યારબાદ કેરળમાં સૌથી વધુ 5,590 દર્દી સાજા થયા છે. દિલ્હીમાં દૈનિક ધોરણે સાજા થનારાની સંખ્યા 4,834 નોંધાઇ છે.

નવા નોંધાયેલા પોઝિટીવ કેસમાંથી 75.76% દર્દીઓ દસ રાજ્યો/ કેન્દ્ર શાસિત પ્રદેશોમાંથી હોવાનું નોંધાયું છે.

કેરળમાં છેલ્લા 24 કલાકમાં સૌથી વધારે 5,376 દર્દીઓ સંક્રમિત થયા હોવાની પુષ્ટિ થઇ છે. મહારાષ્ટ્રમાં ગઇકાલે નવા 5,182 દર્દીઓ જ્યારે દિલ્હીમાં નવા 3,734 દર્દીઓ નોંધાયા છે.

છેલ્લા 24 કલાકમાં દેશમાં વધુ 540 દર્દીઓના મૃત્યુ થયા છે જેમાંથી 77.78% દર્દી દસ રાજ્યો/ કેન્દ્ર શાસિત પ્રદેશોમાંથી હોવાનું નોંધાયું છે.

નવા નોંધાયેલા મૃત્યુમાંથી 21.29% દર્દીઓ મહારાષ્ટ્રમાં નોંધાયા છે જ્યાં વધુ 115 દર્દીએ જીવ ગુમાવ્યો છે. દિલ્હીમાં વધુ 82 જ્યારે પશ્ચિમ બંગાળમાં વધુ 49 દર્દીઓ મૃત્યુ પામ્યા હોવાનું નોંધાયું છે.

વૈશ્વિક સરખામણી કરીએ તો, ભારત પ્રત્યેક દસ લાખની વસ્તીએ સૌથી ઓછી મૃત્યુ સંખ્યા (101) ધરાવતા દેશોમાંથી છે.

SD/GP/BT