ആരോഗ്യ, കുടുംബക്ഷേമ മന്ത്രാലയം
ഇന്ത്യയില് കോവിഡ് ചികിത്സയിലുള്ളവര് ആകെ രോഗബാധിതരുടെ 4.35% ആയി കുറഞ്ഞു
കഴിഞ്ഞ 7 ദിവസമായി പ്രതിദിന രോഗമുക്തര് പ്രതിദിന രോഗബാധിതരേക്കാള് കൂടുതല്
ആകെ രോഗമുക്തര് 0.9 കോടിയിലേറെ
Posted On:
04 DEC 2020 10:34AM by PIB Thiruvananthpuram
ഇന്ത്യയില് കോവിഡ് ചികിത്സയിലുള്ളവര് ആകെ രോഗബാധിതരുടെ കഴിഞ്ഞ ദിവസത്തെ 4.44 ശതമാനത്തില് നിന്ന് ഇന്ന് 4.35 ശതമാനമായി കുറഞ്ഞു. കഴിഞ്ഞ 7 ദിവസമായി പ്രതിദിന രോഗമുക്തര് പ്രതിദിന രോഗബാധിതരേക്കാള് കൂടുതലാണ്. രോഗമുക്തരുടെ എണ്ണം വര്ധിച്ചതോടെ ചികിത്സയിലുള്ളവരുടെ എണ്ണം കുറഞ്ഞ് നിലവില് 4,16,082 ആയി.
കഴിഞ്ഞ 24 മണിക്കൂറിനിടെ 36,595 പേര്ക്ക് കോവിഡ് സ്ഥിരീകരിച്ചപ്പോള് 42,916 പേര് രോഗമുക്തരായി. പുതിയ രോഗമുക്തരും രോഗബാധിതരും തമ്മിലുള്ള 6,321-ന്റെ അന്തരം കഴിഞ്ഞ 24 മണിക്കൂറിനിടെ ചികിത്സയിലുള്ളവരുടെ എണ്ണത്തില് 6,861-ന്റെ കുറവിന് ഇടയാക്കി.
![http://static.pib.gov.in/WriteReadData/userfiles/image/image001Z3UU.jpg](http://static.pib.gov.in/WriteReadData/userfiles/image/image001Z3UU.jpg)
ദശലക്ഷത്തിലെ രോഗബാധിതരില് ഇന്ത്യയിലാണ് ഇപ്പോഴും ഏറ്റവും കുറവു രോഗബാധിതര് (6,936). പാശ്ചാത്യ രാജ്യങ്ങളെ അപേക്ഷിച്ച് ഇതു വളരെ കുറവാണ്.
![http://static.pib.gov.in/WriteReadData/userfiles/image/image002WPCW.jpg](http://static.pib.gov.in/WriteReadData/userfiles/image/image002WPCW.jpg)
രോഗമുക്തി നിരക്ക് 94.2 ശതമാനമായി ഉയര്ന്നു. ആകെ രോഗമുക്തര് 90,16,289 ആണ്. രോഗമുക്തരും ചികിത്സയിലുള്ളവരും തമ്മിലുള്ള അന്തരം വര്ധിച്ച് 86,00,207 ആയി.
പുതുതായി രോഗമുക്തരായവരുടെ 80.19% പത്ത് സംസ്ഥാനങ്ങളില്/കേന്ദ്രഭരണപ്രദേശങ്ങളില് ആണ്.
മഹാരാഷ്ട്രയില് 8,066 പേര് രോഗമുക്തരായപ്പോള് കേരളത്തിലിത് 5,590-ഉം ഡല്ഹിയില് 4,834-ഉം ആണ്.
![http://static.pib.gov.in/WriteReadData/userfiles/image/image003PPU4.jpg](http://static.pib.gov.in/WriteReadData/userfiles/image/image003PPU4.jpg)
പുതിയ രോഗബാധിതരില് 75.76% പത്ത് സംസ്ഥാനങ്ങളില്/കേന്ദ്രഭരണപ്രദേശങ്ങളില് ആണ്.
കഴിഞ്ഞ 24 മണിക്കൂറിനിടെ കേരളത്തില് 5,376 പേര്ക്കു രോഗം സ്ഥിരീകരിച്ചു. മഹാരാഷ്ട്രയില് 5,182 ഉം ഡല്ഹിയില് 3,734 പേര്ക്കും രോഗം തിരിച്ചറിഞ്ഞു.
![http://static.pib.gov.in/WriteReadData/userfiles/image/image004PTV0.jpg](http://static.pib.gov.in/WriteReadData/userfiles/image/image004PTV0.jpg)
കഴിഞ്ഞ 24 മണിക്കൂറിനിടെ 540 മരണമാണ് രേഖപ്പെടുത്തിയത്. അതില് 77.78% പത്ത് സംസ്ഥാനങ്ങളില്/കേന്ദ്രഭരണപ്രദേശങ്ങളില് ആണ്.
കഴിഞ്ഞ ദിവസം മരണം സ്ഥിരീകരിച്ചവരുടെ 21.29% മഹാരാഷ്ട്രയിലാണ്; 115 മരണം. ഡല്ഹിയില് 82, പശ്ചിമ ബംഗാളില് 49 എന്നിങ്ങനെയാണ് മരണസംഖ്യ.
![http://static.pib.gov.in/WriteReadData/userfiles/image/image005ABIP.jpg](http://static.pib.gov.in/WriteReadData/userfiles/image/image005ABIP.jpg)
ആഗോളതലത്തിലെ കണക്കുപരിശോധിക്കുമ്പോള് ദശലക്ഷത്തിലെ ഏറ്റവും കുറഞ്ഞ മരണനിരക്ക് ഇന്ത്യയിലാണ് (101).
![http://static.pib.gov.in/WriteReadData/userfiles/image/image006WNIS.jpg](http://static.pib.gov.in/WriteReadData/userfiles/image/image006WNIS.jpg)
***
(Release ID: 1678264)
Visitor Counter : 213
Read this release in:
English
,
Urdu
,
Marathi
,
Hindi
,
Manipuri
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada