কমর্স অমসুং ইন্দস্ত্রী মন্ত্রালয়
বোর্দ ওফ ত্রেদকী মীফম দিসেম্বর ২, ২০২০দা পাঙথোক্কদৌরি
মীফম অসিনা অনৌবা ফোরেন ত্রেদ পোলিসী অমদি লমদমসিদা পোৎ পুথোকপা অমদি মপান্দা থাদোকপগী থবক থৌরমশিং খুমাঙ চাউশিন্নবা লাল্লোং অমসুং থৌরাংশিংদা মীৎয়েঙ থমগনি
प्रविष्टि तिथि:
01 DEC 2020 12:25PM by PIB Imphal
বোর্দ ওফ ত্রেদ (বি.ও.তি.)গী মীফম অমা য়ুমশকৈশ নুমিৎ, দিসেম্বর ২, ২০২০দা ভিদিও কন্ফরেন্সিংগী খুত্থাঙদা কম্মর্স অমসুং ইন্দস্ত্রী মন্ত্রী শ্রী পিয়ুস গোয়লনা থৌরম মপু ওইদুনা পাঙথোক্কদৌরি।
মীফম অদুদা খন্ন-নৈনগদৌরিবা অদুদা অনৌবা ফোরেন ত্রেদ পোলিসী (এফ.তি.পি.) (২০২১-২৬) অমদি লমদমসিদা পোৎ পুথোকপা অমদি মপান্দা থাদোকপগী থবক থৌরমশিং খুমাঙ চাউশিন্নবা লাল্লোং অমসুং থৌরাংশিংদা মীৎয়েঙ থমগনি। বি.ও.তি. ফম্পাক্না চাং নাইন খন্ন-নৈনবা অমদি লল্লোন ইতিকশিং অমসুং ইন্দস্ত্রীশিংগা তাথোক তাশিন তৌনদুনা ভারতকী লল্লোন ইতিক্কী ফীভম ফগৎহন্নবগী পান্দম ফংনবগীদমক লৈঙাক্তা এফ.তি.পি.গা মরী লৈনবা থৌরাংশিংগী মতাঙদা পাউতাক পীননবা তাঞ্জা অমা পীরি। মসিনা স্তেত অমদি য়ু.তি.গী লৈঙাকশিংদা ত্রেদ পোলিসীগী মতাঙদা মখোয়গী মীৎয়েঙ ফোঙদোক্নবা অমদি ভারত লৈঙাক্তসু ভারতকী লল্লোন ইতিক্কী মঙম অমদি খুদোংচাবশিংদা অহোংবা পীরক্কদবা মালেমগী হোংলক্লিবা ৱাফমশিং খঙহন্দুনা ওল্লক্লিবা ফীভমদুগা চুশিন্ননবা থৌরাং য়াৎহৌনবা খুদোংচাবসু পীরি।
মীফম অদুদা কম্মর্স অমসুং ইন্দস্ত্রীগী রাজ্য মন্ত্রী শ্রী সোম প্রকাশ অমসুং শ্রী হর্দীপ সিংহ পুরিনা ৱা ঙাঙগনি। ভারত লৈঙাক্কী তোঙান তোঙানবা দিপার্তমেন্তশিংগী সেক্রেতরীশিং, নিতি আয়োগকী সি.ই.ও., তোঙান তোঙানবা লৈঙাক্কী বোদীশিংগী মকোকশিং, অপুনবা ইন্দস্ত্রী লুপশিংগী মীহুৎশিং অমদি এক্সপোর্ত প্রমোসন কাউন্সিলশিংনা বি.ও.তি.গী মেম্বরশিং ওইরি।
বোর্দ ওফ ত্রেদনা এক্সপোর্ত/ইমপোর্ত পর্ফোর্মেন্স, আত্মনিরভর ভারতকীদমক (পব্লিক প্রোক্যুরমেন্ত – মেক ইন ইন্দিয়া য়াওনা) ইনভেস্তমেন্ত প্রমোসনকী লাল্লোং, ত্রেদ রিমিদিজ – নৌনা পায়খৎখিবা থৌরাংশিং অমদি খোঙথাংশিং, অনৌবা লোজিস্তিক্স পোলিসী, কস্তম্না পায়খৎলিবা ত্রেদ ফেসিলিতেসনগী থৌরাংশিং, মমাঙগী বি.ও.তি. মতুংদগী পায়খৎলিবা থৌরাংশিং, জি.ই.এম. – কোনশিনবা অমদি পাকথোক চাউথোকহনবা অসিনচিংবগী চাউরাকপা মশক মওংশিং নৈনগনি অমদি ফোরেন ত্রেদ পোলিসীগা মরী লৈননবা পীরকপা তোঙান তোঙানবা ৱাফমশিং খন্ন-নৈনগনি।
*******
(रिलीज़ आईडी: 1677583)
आगंतुक पटल : 181