সাইন্স অমসুং তেক্নোলোজী মন্ত্রালয়

কোরোনাভাইরস খঙদোক্নবা সি.এস.আই.আর.-সি.সি.এম.বি.গী দ্রাই স্বাব দাইরেক্ত আর.তি.-পি.সি.আর.গী পাম্বৈ অসি আই.সি.এম.আর.না অয়াবা পীখ্রে


অহেনবা রিসোর্সশিং য়াওদনা খুদক্তা তেস্ত তৌবা শরুক অনিদগী অহুম ফাওবা হেনগৎহনগনি

Posted On: 28 NOV 2020 2:58PM by PIB Imphal

সি.এস.আই.আর.গী কন্সতিত্যুয়েন্ত লেব সেন্তরগী সেলুলর এন্দ মোলিক্যুলর বাইওলোজী (সি.সি.এম.বি.) হাইদ্রবাদনা সার্স-কোব-২- খঙদোকপা হেনগৎনবা দিবেলপ তৌবা অরায়বা অমদি অথুবা পাম্বৈ ওইরিবা দ্রাই স্বাব-দাইরেক্ত আর.তি-পি.সি.আর অসি হৌজিক্তি মখোয়গী ইন্দিপেন্দেন্ত ভেলিদেসন্দা য়ুম্ফম ওইরগা আই.সি.এম.আর.না অয়াবা পীখ্রে। সি.এস.আই.আর.-সি.সি.এম.বি.না দিবেলপ তৌখিবা পাম্বৈ অসি হৌজিক লৈরিবা  গোল্দ স্তেন্দর্দ আর.তি-পি.সি.আর. মেথদগী অরায়বা ভেরিএসন অমনি মসিনা অনৌবা রিসোর্সশিংদা ইনবেস্তমেন্ত তৌবা য়াওদনা তেস্ত তৌবা শরুক ২দগী ৩ ফাওবা লায়না হেনগৎহনবা য়াগনি। পাম্বৈ অসি ইভাল্যুএৎ অমদি ওভরওল কোনকর্দেন্স ৯৬.৯% ফংলবা তৌরবা মতুংদা, আই.সি.এম.আর.না মসিগী শেল চংবা হন্থবা অমসুং মতম চংদবা অসি য়েংলগা হৌজিক সি.এস.আই.আর.-সি.সি.এম.বি. দ্রাই স্বাব মেথদ শীজিন্ননবা এদভাইজরী অমা থোকখ্রে।

 

http://static.pib.gov.in/WriteReadData/userfiles/image/image004C3PW.jpg

ফিগর ১: ত্যুব অমদা তেস্ত অসি তৌনবা দ্রাই স্বাব অমসুং রিএজেন্তশিং

 

ফিগর ২: দ্রাই স্বাব আর.এন.এন. এক্সত্রেক্সন ফ্রী কোরোনাভাইরস তেস্তিংগী স্কীমেতিক
http://static.pib.gov.in/WriteReadData/userfiles/image/image006SLBE.jpg

সি.এস.আই.আর.-সি.সি.এম.বি., হাইদ্রবাদনা এপ্রিল ২০২০দগী হৌনা কোরোনাভাইরসকী সেম্পলশিং তেস্ত তৌদুনা লাকখি। তেলঙ্গনাগী হেল্থকিয়র ৱার্করশিংগা লোইননা মাইপুননা হোৎন্দুনা মসিনা তেস্ত তৌবগী থবক থৌওংদা তপথহনবগী মরু ওইবা মরম খরা খঙদোকপা ঙমখি। মসিগী পাউখুম ওইনা মফম অসিগী রিসর্চররশিংনা কোবিদ-১৯ ভাইরসকী দ্রাই স্বাব আর.এন.এন.- এক্সত্রেক্সন ফ্রী তেস্তিং মেথদ দিবেলপ তৌখি।

অখন্নবা ওইনা, দ্রাই স্বাব-দাইরেক্ত আর.তি.-পি.সি.আর. মেথদ অসিদা নজেল স্বাব অদু সদ্রাই স্তেৎতা (ভাইরেল ত্রান্সপোর্ত মীদিয়ম ভি.তি.এম.গী মহুৎ ওইনা)লৌবা অমসুং পুথোক-পুশিন তৌবা য়াওরি, মসিনা সেম্পলশিং পুথোক-পুশিন ঔবা অমসুং হেন্দল তৌবদা লায়হল্লি অমসুং হৈদোকপা অমসুং লাইনা শন্দোকপগী চাং হন্থহল্লি। অনিশুবদা সেম্পলদগী আর.এন.এ. আইসোলেসনগী স্তেপ অদু কানগনি অমসুং অচম্বা সেম্পল প্রোসেস তৌবা খক্তা য়াওরি মতুংদা আই.সি.এম.আর.না রিকম্মেন্দ তৌবা কিৎ শীজিন্নদুনা দাইরেক্ত আর.তি.-পি.সি.আর. পাঙথোক্কনি। আর.এন.এ. আইসোলেসনগী স্তেপ কানবা অসিনা হান্নগী লৈরিবা মেথদ অসিদগী চাউনা কান্নবা ফংহল্লি মরমদি আর.এন.এ. আইসোলেসন অসিনা মতম, শেল অমসুং ত্রেন মেনপাৱরদা চাউনা অপনবা অমা ওই। মসি ওইবনি চপ মান্নবা রিসোর্সশিং অমসুং অহেনবা শেল য়াওদনা অহেনবা সেম্পলশিং তেস্ত তৌবা য়ারগনি অমসুং খুদক্তা য়ামদ্রবদা শরুক ২-৩ লায়না হেনগৎহনবা ঙম্লগনি।

মসি পুথোকপা অসিগী মতাংদা দি.জি.-সি.এস.আই.আর., দা. শেখর সি মন্দেনা হায়, দ্রাই-স্বাব দাইরেক্ত আর.তি.-পি.সি.আর. মেথদ অসি শেল চংদে, লায়না ইমপ্লিমেন্ত তৌবা য়াই লোইননা অনৌবা কিৎশিং মথৌ তাদে অমদি হৌজিক লৈরিবা মেনপাৱর অসিনা অহেনবা ত্রেনিং য়াওদনা পাঙথোকপা য়াই মরম অসিনা লৈবাক অসিনা তেস্ত তৌবগী চাং খোঙজেল য়াংনা হেনগৎহনবদা শীংথানিংঙাই ওইনা মতেং পাংগনি।

সি.সি.এম.বি.গী দিরেক্তর দা. রাকেশ মিশ্রানা হায়, “আর.এন.এ. এক্সত্রক্সন অসি ওতোমেসন য়াওরবসু সেম্পল ৫০০গী চাউরাক্না পুং ৪ চংঙি। ভি.তি.এম. অমসুং আর.এন.এ. এক্সত্রক্সন  অনিমক্না কোরোনাভাইরসকী মশিং য়াম্না তেস্ত তৌরপা মতমদা শেল অমদি মতম চাউনা চংহল্লি। তেক্নিক অসিগী কান্নবা অসিনা সেত্তিং মখল পুম্নমক্তা অমসুং তেস্ত তৌবদা চংবা শেল অমসুং মতম ৪০-৫০% হন্থহনবা ঙমগনি হায়না ঐখোয়না থাজৈ”।

শীংথানিংঙাই ওইরিবদি সি.এস.আই.আর.-সি.সি.এম.বি.গী শেমদোক্লবা মেথদ অসি সেন্তর ফোর দি.এন.এ. ফিঙ্গরপ্রিন্তিং এন্দ দাইগ্নোস্তিক্স (সি.দি.এফ.দি.), আই.আই.এস.ই.আর.-বেরহপমুর, সি.এস.আই.আর.-এন.ই.ই.আর.আই., জি.এম.সি.ঐচ.-নাগপুর, পুনেদা বেজ তৌবা গেনেপাথ, আই.জি.জি.এম.এস.ঐচ. অমসুং এম.এ.এফ.এস.য়ু., নাগপুর অমসুং হাইদ্রবাদকী এপোল্লো হোস্পিতাল্স অসিগুম্বা তোঙান তোঙানবা মাংজিল থারিবা ইন্সতিত্যুতশিং অমসুং হোস্পিতালশিংনা ইন্দিপেন্দেন্ত ওইনা কোরোবোরেতেদসু তৌখি। মখা তানা শেমদোক্লবা মেথদ অসি সি.এস.আই.আর.-সি.সি.এম.বি.গী পীয়র রিভ্যু জর্নেলদা অমসুং মালেম শিনবা থুংনা অতোপ্পা সাইন্তিস্ত গ্রুপশিংনা মখল কয়াগী মমিং লৈরবা সাইন্তিফিক জর্নেলশিংদা ফোঙখ্রে।

******



(Release ID: 1677109) Visitor Counter : 163