PIB Headquarters
কোবিদ-১৯গী মতাংদা নুমিৎ খুদিংগী ফোংবা পি.আই.বি.গী বুলেতিন
Posted On:
27 NOV 2020 5:47PM by PIB Imphal
(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )
- ঙসি ভারতকী হৌজিক নারিবা মীশিং ঙসি ৪,৫৫,৫৫৫ ওইরি
- অপুনবা হৌজিক নারিবা মীশিংগী চাউরাক্না চাদা ৭০দি স্তেত/য়ু.তি. নিপানদগীনি
- লৈবাকসিদা হৌখিবা পুং ২৪দা নৌনা কোবিদ নারে খঙলবা মীশিং ৪৩,০৮২ থেংনখি
- লৈবাক্কী ফগৎলকপগী চাং ঙসি ঙসি চাদা ৯৩.৬৫ ওইরি
- রাস্ত্রপতীনা হায়খ্রে মদুদি কোবিদ-১৯না পীরিবা অকনবা শাফু অসিনা মপুং ফাবা অমসুং অচুম্বা ৱায়েল অমা পীনবগী অনৌবা লম্বী অমা পুথোকপদা মতেং পাংলি
- শেল-থুম মন্ত্রী শ্রীমতী নির্মলা সীতারমন্না শেন্মিৎলোন্দা বুস্ত এক্সপেন্দিচরগীদমক্তা সি.পি.এস.ই.শিংগী কেপেক্সতা ৫শুবা মীফম পাংথোকখ্রে
ভারতকী হৌজিক নারিবা মীশিংগী চাদা ৭০দি মহারাস্ত্র, কেরলা, দিল্লী, রাজস্থান, উত্তর প্রদেশ, কর্নাতকা, ৱেস্ত বেঙ্গল অমদি ছতিসগরদগী ওইরি
ভারতকী হৌজিক নারিবা মীশিং ঙসি ৪,৫৫,৫৫৫ ওইরি। হৌজিক নারিবা মীশিংনা ভারতকী অপুনবা পোজিতিব কেসকী চাদা ৪.৮৯ ওইরি। অপুনবা হৌজিক নারিবা মীশিংগী চাউরাক্না চাদা ৭০দি (৬৯.৫৯) স্তেত/য়ু.তি. নিপানদগী হায়বদি মহারাস্ত্র, কেরলা, দিল্লী, রাজস্থান, উত্তর প্রদেশ, কর্নাতকা, ৱেস্ত বেঙ্গল অমদি ছতিসগরদগীনি। তেল্লী অসি মহারাস্ত্রনা ঙসি ফাওবগী ওইনা অপুনবা হৌজিক নারিবা মীশিং ৮৭,০১৪ ওইদুনা মকোক চিংলি। কেরলানা হৌজিক নারিবা মীশিং ৬৪,৬১৫ লৈরি, অদুগা দিল্লীনা অপুনবা হৌজিক নারিবা মীশিং ৩৮,৭৩৪ ওইদুনা মতুং ইল্লি। হৌখিবা পুং ২৪সিদা স্তেত/য়ু.তি.শিংদা হৌজিক নারিবা মীশিংদা হোংলকপশিং মখাদা পীরি। মহরাস্ত্রদা মীশিং ১,৫২৬ হাপচিন্দুনা খ্বাইদগী য়াম্না হেনগৎলকখি অদুগা ছতিসগরদা হৌজিক নারিবা মীশিং ৭১৯ হন্থরক্তুনা খ্বাইদগী য়াম্না হন্থবা ওইখি। লৈবাকসিদা হৌখিবা পুং ২৪দা নৌনা কোবিদ নারে খঙলবা মীশিং ৪৩,০৮২ থেংনখি। মসিগী মনুংদা চাদা ৭৬.৯৩দি স্তেত/য়ু.তি. তরাদগী ওইখি। মহারাস্ত্রনা মীশিং ৬,৪০৬ নৌনা কোদিব নাদুনা মকোক চিংলি। হৌখিবা পুং ২৪দা দিল্লীদা মীশিং ৫,৪৭৫ নৌনা নারকপা থেংনখি, অদুগা কেরলাদা মীশিং ৫,৩৭৮ নৌনা নারকপা থেংনখি। ভারতকী অপুনবা ফখ্রবা মীশিং লাখ ৮৭ (৮৭,১৮,৫১৭) লানখ্রে। লৈবাক্কী ফগৎলকপগী চাং ঙসি চাদা ৯৩.৬৫ ওইরি। লৈবাকসিদা হৌখিবা পুং ২৪সিদা মীশিং ৩৯,৩৭৯ নাবা ফগৎলকখি। নৌনা ফগৎলকপা মীশিংগী চাদা ৭৮.১৫তি স্তেত/য়ু.তি. ১০দগীনি। কেরলানা মীশিং ৫,৯৭০ দিসচার্জ তৌখিদুনা নোংমদা মশিং খ্বাইদগী য়াম্না ফগৎলকপা থেংনখি। দিল্লীদা মীশিং ৪,৯৩৭ ফগৎলকখি অমদি মহারাস্ত্রনা মীশিং ৪,৮১৫ ফগৎলক্তুনা মতুং ইল্লি। অপুনবা শিখিবা মীশিংগী চাদা ৮৩.৮০দি স্তেত/য়ু.তি. ১০ হায়বদি মহারাস্ত্র, কর্নাতকা, তামিল নাদু, দিল্লী, ৱেস্ত বেঙ্গল, উত্তর প্রদেশ, অন্ধ্র প্রদেশ, পঞ্জাব, গুজরাত অমদি মধ্য প্রদেশতগীনি। মহারাস্ত্রনা মীশিং ৪৬,৮১৩ শিদুনা অপুনবা শিখ্রবা মীশিংগী খ্বাইদগী মশিং য়ামবা (চাদা ৩৪.৪৯) ওইরি। হৌখিবা পুং ২৪সিদা শিখিবা মীশিং ৪৯২গী চাদা ৭৫.২০দি স্তেত/য়ু.তি. তরাদগীনি। দিল্লীদা মীশিং ৯১ নৌনা শিদুনা খ্বাইদগী য়াম্বা ওইরি। মহারাস্ত্রতা মীশিং ৬৫ নৌনা শিখি অদুগা ৱেস্ত বেঙ্গলদা মীশিং ৫২ নৌনা শিদুনা মতুং ইল্লি।
অকুপ্পা ৱারোলগীদমক:
কোবিদ-১৯না পীরিবা অকনবা শাফু অসিনা মপুং ফাবা অমসুং অচুম্বা ৱায়েল অমা পীনবগী অনৌবা লম্বী অমা পুথোকপদা মতেং পাংলি: প্রসিদেন্ত কোবিন্দ
ইন্দিয়াগী প্রসিদেন্ত, শ্রী রাম নাথ কোবিন্দনা, ইন্দিয়াগী সুপ্রীম কোর্তনা শিনবা, কন্সতিত্যুসন নুমিৎকী থৌরম অসি কন্সতিত্যুসন শেমখিবগী ৭১শুবা কুমোন ওইনা ঙসি (২০২০গী নবেম্বর, ২৬)তা ভর্চুএলি ওইনা হৌদোকখ্রে। থৌরম অসিদা ৱা ঙাংলদুনা প্রসিদেন্তনা, সুপ্রীম কোর্তনা ভিদিও কনফরেন্স অমসুং ই-ফাইলিং শিদিন্নদুনা মথৌ চৎথরিবা অমসুং লায়চৎ মনুং অসিদা ৱায়েল চৎথরিবা অসিদা অপেনবা ফোংদোকখি। মহাক্না বার, বেনচ অমসুং ওফিসেলশিংবু মীয়ামগী ওইবা ৱায়েল চৎথবদা কোরোনাভাইরসনা অথিংবা পীহনখিদবা অসিদা থাগৎপা ফোংদোকখি। মহাক্না হায় মদুদি কোবিদ-১৯না অয়েৎপা পীরিবা অসিনা হেন্না মতেং পীদুনা অনৌবা ৱায়েল চৎথবগী থবক্তা চংশিল্লগনি। প্রসিদেন্তনা হায় মদুদি ইন্দিয়াগী সুপ্রীম কোর্ত অসি মসিগী য়াম্না ৱাংবা থাক অমসুং তমজনিঙাই ওইবা অসিদা মিংচৎ থম্লি। মহাক্না মশক থোক্না পীরিবা সুপ্রীম কোর্তকী ৱায়েল অসিগী মপাঙ্গল অমসুং ঐখোয়গী লৈবাক্কী কন্সতিত্যুসনগী ফ্রেমৱার্ক অমসুং মসিগী বেনচ অমসুং বার অসি মখোয়গী হৈ-শিংবা অমসুং আইনগী ওইবা স্কোলারশীপ অসি খঙখি। মহাক্না থাজবা থম্লি মদুদি কোর্ত অসিনা মতম লৈবা খিবিক্তা অচুম্বা ৱায়েল চৎথগনি।
অকুপ্পা ৱারোলগীদমক:
পি.এম.না হয়েং শহর অহুমদা লৈবা ভেক্সিন ফেসিলিতীশিংদা চৎকনি
প্রধান মন্ত্রী শ্রী নরেন্দ্র মোদীনা ভেক্সিন পুথোকপা অমসুং শাবগী থবক থৌরমশিং মশামক্না য়েংশিন্নবা শহর ৩দা চৎকনি। মহাক্না অহমদাবাদকী জাইদস বাইওতেক পার্ক, হাইদ্রাবাদকী ভারত বাইওতেক অমসুং পুনেগী সিরম ইন্সতিত্যুত ওফ ইন্দিয়াদা চৎকনি। ভারতনা কোবিদ১৯গী মায়োক্তা লান্থেংনবদা লাইবক লেপকদবা তাঙ্কক অমদা চংলকপা অসিদা প্রধান মন্ত্রীনা ফেসিলিতীশিং অসিদা চৎতুনা সাইন্তিস্তশিংগা লোইননা খন্নগদবা অসিনা ভারতনা মাগী প্রজাশিংদা ভেক্সিন ফংহন্নবা হোৎনরিবা অসিগী শেম-শারিবা, শীংনবশিং অমসুং রোদমেপকী মতাংদা হকথেংননা ফিভম খঙবদা মতেং পাংলগনি।
অকুপ্পা ৱারোলগীদমক:
পি.এম.না রি-ইনভেস্ত ২০২০ হৌদোকখ্রে
প্রধান মন্ত্রী শ্রী নরেন্দ্র মোদীনা ঙসি ভিদিও কনফরেন্সকী থোংদা অহুমশুবা গ্লোবেল রেন্যুএবল ইনর্জী ইনভেস্তমেন্ত মীতিং অমসুং এক্সপো (রি-ইনভেস্ত ২০২০) হৌদোকখ্রে। সমিৎ অসি ন্যু অমসুং রেন্যুএবল ইনর্জী মন্ত্রালয়না শিল-লাংবনি। রি-ইনভেস্ত ২০২০গী থিম অসি ‘ইনোভেসন ফোর সস্তেনেবল ইনর্জী ত্রাঞ্জিসন’নি। প্রধান মন্ত্রীনা রেন্যুএবল ইনর্জীগী লমদা মেগাৱাৎতগী গিগাৱাৎতা ফাওবগী জেনরেসন কেপাসিতীদা হন্দক্তা ওইরক্লিবা খোংহৌ অমসুং ‘ৱন সন, ৱন ৱর্ল্দ, ৱন গ্রিদ’না অচুম্বা ওইরকপদা হরাওবা ফোংদোকখ্রে, হৌখিবা এদিসনশিংদা মসিগী মতাংদা খন্ন-নৈনখিবনি। শ্রী মোদীনা হায়খি মদুদি হৌখিবা চহি ৬তা, ভারতনা চাংদমনীংঙাই লৈতবা খোংচৎ অমদা চৎলি। মহাক্না হায়খি মদুদি ভারতকী জেনরেসন কেপাসিতী অমসুং ইনফ্রাস্ত্রকচরদা শাফরক্লি।
অকুপ্পা ৱারোলগীদমক:
৩শুবা রি-ইনভেস্ত ২০২০দা পীখিবা পি.এম.গী ৱারোল
অকুপ্পা ৱারোলগীদমক:
শেল-থুম মন্ত্রী শ্রীমতী নির্মলা সীতারমন্না শেন্মিৎলোন্দা বুস্ত এক্সপেন্দিচরগীদমক্তা সি.পি.এস.ই.শিংগী কেপেক্সতা ৫শুবা মীফম পাংথোকখ্রে
কেন্দ্রগী শেল-থুম অমসুং কোর্পোরেৎ এফিয়র্সকী মন্ত্রী শ্রীমতী নির্মলা সীতারমন্না ঙসি পাৱর, মাইন্স মন্ত্রালয় অমসু এতোমিক ইনর্জী দিপার্তমেন্তকী সেক্রেতরীশিং অমসুং মন্ত্রালয় অসিদা য়াওরিবা সি.পি.এস.ই ১০গী সি.এম.দি.শিংগা লোইননা শেনবা চহি অসিগী কেপিতেল এক্সপেন্দিচর (কেপেক্স)গী মতাংদা য়েংশিন্নবা ভিদিও কনফরেন্স অমা পাংথোকখ্রে। কোবিদ-১৯ লাইচৎকী মরুমদা শেনমিৎলোনগী শাহৌগীদা খোংজেল য়াংশিন্নবগীদমক্তা শেল-থুম মন্ত্রীনা তোঙান তোঙানবা স্তেকহোল্দরশিংগা লোইননা মফম পাংথোক্লি। মসি পরিং অসিগী মঙাশুবা মীফম্নি। নবেম্বর ২৩, ২০২০দা ২০২০-২১গী লুপা করোর ৬১৪৮৩গী কেপেক্সকী পান্দমগা য়েংনরুবদা অপুনবা এচিবমেন্ত লুপা করোর ২৪২২৭ (৩৯.৪%) ওইখি। সি.পি.এস.ই.শিংগী থবকশিং য়েংশিল্লদুনা শ্রীমতী সীতারমন্না হায়খি মদুদি সি.পি.এস.ই.না পাইখৎপা কেপেক্স অসি শেন্মিৎলোনগী শাহৌগী মরুওইবা দ্রাইবর অমনি অমসুং শেনবা চহি ২০২০-২১ অমসুং ২০২১-২২গীদমক্তা মসি হেনগৎহনগদবনি। শেল-থুম মন্ত্রীনা কেপেক্সকী পান্দমশিং অদু মপুং ফাহন্নবগীদমক্তা মন্ত্রালয় অমসুং সি.পি.এস.ই.শিংনা হোৎনরিবশিং অদুদা থাগৎপা ফোংদোকখি। অদুবু শ্রীমতী সীতারমন্না হায়খি মদুদি শেনবা চহি ২০২১গী ৩শুবা ক্বাতর ফাওবা ৭৫% কেপেক্সকী পান্দম অমসুং ৪শুবা ক্বাতর ফাওবদা ১০০%দগী হেন্না কেপেক্সকী পান্দম ফংনবগীদমক্তা অমসুং হেন্না কন্না হোৎনবগী মথৌ তাই। মহাক্না সি.পি.এস.ই.বু পুক্নীং থৌগৎখি মদুদি মখোয়না পান্দম ফংনবগীদমক্তা হেন্না ফবা থবক তৌগদবনি অমসুং মখোয়না মসি লেপথোক্কদবনি মদুদি ২০২০-২১গীদমক্তা কেপিতেল আউৎলে মতিক চাবা মওংদা অমসুং মতমগী মনুংদা চাদিং তৌগদবনি।
অকুপ্পা ৱারোলগীদমক:
সম্বীধান নুমিত্তা কেবরিয়াদা পাংথোকখিবা অখন্নবা মল্তি-মেদিয়া একজিবিসন পর্লিয়ামেন্তরিয়ানশিং অমসুং লেজিসলেচরশিংনা থাগৎখ্রে
রাস্ত্রপতি শ্রী রাম নাথ কোবিন্দনা লুচিংদুনা লৈবাক শীনবা থুংনা প্রিয়েম্বল পাদুনা হরাও-তয়াম্না ভারতনা ৭১সুবা সম্বীধান নুমিৎ পাংথোকপগা লোয়ন্না সম্বীধান নুমিত্তা গুজরাতকী কেবরিয়াদা পাংথোকখিবা অখন্নবা মল্তি-মেদিয়া একজিবিসন অমা পর্লিয়ামেন্তরিয়ানশিং অমসুং লেজিসলেচরশিংনা থাগৎখ্রে। য়ুমশকৈশা নুমিত্তা লোক সভাগী স্পিকর শ্রী ওম বিরলানা গুজরাতকী স্তেচু ওফ য়ুনিতিদা হৌদোকখিবা ৮০সুবা ওল ইন্দিয়া প্রেসাইদিং ওফিসারস কনফরেন্সকী শরুক অমা ওইনা একজিবিসন অসি ইনর্ফোমেসন অমসুং ব্রোদকাস্তিং মিনিস্ত্রিগী বিউরো ওফ আউদরিচ অমসুং পর্লিয়ামেন্তরি মিউজম অমসুং আর্কাইবসনা শীনবনি। বেদগী মতমদগী হৌরগা লিচ্চাভি রিপব্লিক্তগী অনৌবা ভারত শেমখিবগী লৈবাক অসিগী গনতন্ত্রগী খোঙচৎ একজিবিসন অসিদা উৎখি। ইসক্বার ফিত ১,৬০০গী মল্তি-মেদিয়া একজিবসন অদুদা পেনেল ৫০গী য়াওনা প্লাজমা দিসপ্লে, ইন্তরএক্তিব দিজিতেল ফ্লিপ বুক, আর.এফ.আই.দি কার্দ রিদর, ইন্তরএক্তিপ স্ক্রিন, দিজিতেল তচ ৱাল অসিনচিংবা য়াওখি। একজিবিসন অদু য়েংখিবা শক্নাইরবশিংগী মনুংদা পর্লিয়ামেন্তরি এফেয়ার্স, কোএল অমসুং মাইন্সকী য়ুনিয়ন মিনিস্তর শ্রী প্রালহাদ জোসি অমসুং পর্লিয়ামেন্তরি এফেয়ার্সগী রাজ্য মন্ত্রী শ্রী অর্জুন রাম মেঘৱাল অমসুং তোঙান-তোঙানবা স্তেৎ এশেমব্লিশিংগী স্পিকরশিং য়াওখি। কোবিদকা চুনবা চৎন-লোনচৎশিং ঙাকখি অমসুং মরুওইনা তচ স্ক্রিন দিসপ্লেশিংদা সেনিতেসনগী অকনবা চেকশিন-থৌরাং লৌখৎখি।
অকুপ্পা ৱারোলগীদমক:
ইন্দিয়ানা কোবিদ মতুং এরাদা ইকোনোমী হন্না ফগৎনবা মরুওইবা থৌদাং লৌগনি: দাঃ জিতেন্দ্র সিংহ
দিবলপমেন্ত ওফ নোর্থ ইস্তর্ন রিজন (দি.ও.এন.ই.আর.), এম.ও.এস. পি.এম.ও., পর্সোনেল, পব্লিক গ্রিবেন্স, পেন্সন, এতোমিক ইনর্জি অমসুং স্পেসগী স্তেত (ইন্দিপেন্দেন্ত চার্জ)গী য়ুনিয়ন মিনিস্তর দাঃ জিতেন্দ্রা সিংহনা হায় মদুদি ইন্দিয়ানা কোবিদ মতুং এরাদা ইকোনোমী হন্না ফগৎনবা মরুওইবা থৌদাং লৌগনি। এফ. আই.সি.সি.আই. অমসুং সাইন্স অমসুং তেক্নোলোজি দিপার্তমেন্তনা শিনবা গ্লোবেল আর. অমসুং দি. সম্মিৎ-২০২০দা মহাক্না হায় মদুদি ইন্দিয়াদা সাইন্তিফিক কম্ম্যুনিতিনা লায়চৎ অসি শিংনদুনা লিৎখৎলকপা অসি মসিগী সাখীনি। ‘বিল্দিং রিসাইলিএন্ত ইকোনোমী’গী হীরম অসিদা ৱা ঙাংলদুনা দাঃ জিতেন্দ্র সিংহনা হায় মদুদি সরকারনা লেপ্পা লৈতনা অনৌবা পুথোকপা অমসুং হৈ-শিংবা অসিদা মিয়েং থমদুনা য়াম্না শাংনা লৈবাক অসিগী চাওখৎপা পুরক্কনি। নোর্থ ইস্ত ইন্দিয়ানা কোবিদ মতুংগী এরাদা ইকোনোমিক অমসুং তুরিজম সেক্তর অনিমক অসি চাওনা ফুক্কৎপা ঙমবগী থাজবা থমদুনা দাঃ জিতেন্দ্র সিংহনা হায় মদুদি মালেম পুম্বা কোরোনানা তুরিস্তকী মফমশিং অসি শোকহল্লবসু, নোর্থ ইস্ত ইন্দিয়াদদি তুরিস্তকী মফমশিং অসি কোরোনা লৈতবা মফম ওইরি। মসিগা মান্ননা নোর্থ ইস্ত ইন্দিয়াদা লৈরিবা য়াম্না চাওরবা ৱা লল অসি অমসুং মসিগী মখল কয়াদা শিজিন্নদুনা মফম অসিদা ইকোনোমী ফগৎহনবা য়ারি।
অকুপ্পা ৱারোলগীদমক :
পি.আই.বি. ফিল্দ ওফিসশিংদগী ফংবা পাউ
• অসাম: অসামদা হৌখিবা পুং ২৪গী মনুংদা তেস্ত ২০৭৭৮ পাথোকখিবগী মনুংদা পোজিতিব ওইবগী চাং ০.৭২% ওইখিবগা লোইননা কোবিদ-১৯গী কেস ১৫০ থেংনখি।
• মহারাস্ত্র: মহারাস্ত্রদা নৱি মুম্বাই মুনিসিপাল কোর্পোরেশন্না সিতী অসিদা তেস্ত তৌখিবা সেন্তরশিংদগী কোবিদ তেস্তশিংগী রিপোর্তশিং অদু লৌখৎনবা হায়খ্রে। মুনিসিপাল কমিশনরনা কোবিদ তেস্ত তৌখিদবা মীওইশিংগী মমিং অদু অরানবা মওংদা হাপচিনবগী রিপোর্তশিং লাকখিবদগী মসিগী দাইরেক্তিবশিং অসি থোকখিবনি।
• গুজরাত: গুজরাত্তা হৌখিবা পুং ২৪গী মনুংদা অনৌবা কে ১৫৬০ থেংনখি, হায়রিবা অসি থংনা-থংননা নিনিশুবা ওইনা নোংমদা খ্বাইদগী হেন্না ৱাংবা ওইখি।ফগৎলকপগী চাং অসি চাদা ৯০.৯৩ ওইখি। গুজরাতনা হৌজিক ফাওবদা পুন্না কেস ২,৩,৫০৯ থেংনখি। হৌজিক্কী ওইনদি রাজ্য অসিদা লৈরিবা এক্তিব কেস অসি ১৪,৫২৯নি, মসিগী মনুংদা পেসেন্ত ৯২দি ভেন্তিলেতর হাপ্তুনা লৈরি। ঙরাং পেসেন্ত ১৬ শিখি, মসিনা কোবিদ-১৯না মরম ওইরগা শিখিবশিংগী অপুনবা মশিং অদু ৩৯২২ য়ৌখ্রে।
• রাজস্থান: শগোলশেল নুমিত্তা রাজস্থানদা অনৌবা কেস ৩,১৮০ থেংনখি। খ্বাইদগী ৱাংবা কেস ৬৩০দি জয়পুরদগী থেংনখি অদুগা কেস ৫১৭দি জোধপুরদগী থেংনখি। জয়পুর অমসুং জোধপুর সিতীশিং অসি কোবিদ ইনফেক্সন্না খ্বাইদগী হেন্না শোকহনখি। জয়পুরদা লৈরিবা এক্তিব পেসেন্তশিংগী মশিং অদু লিশিং ৯ ময়া নকখ্রে।
• মধ্য প্রদেশ: মধ্য প্রদেশতা কোভেক্সিনগী অহুমশুবা তাঙ্কক্কী ক্লিনিকেল ত্রায়ল ঙসিদগী হৌখ্রে। ইন্দিয়ন কাউন্সিল ওফ মেদিকেল রিসর্চ অমসুং ভারত বায়োতেক ইন্তর্নেস্নেলগী কোরোনা ভেক্সিনগী ফেজ IIIগী ক্লিনিকেল ত্রায়ল অদু ভোপালদা লৈবা হোসপিতালশিংদা পাংথোক্লগনি। ভেক্সিন অসি রেজিস্তর তৌরবা ভোলন্তিয়রশিংদা কাপ্লগনি। ভেক্সিন অসিগী বুস্তর দিজ অদু নুমিৎ ২৮গী কাপকনি।
• ছত্তিসগর: ছত্তিসগরগী হকশেল মন্ত্রী, তি.এস. সিংদিওনা হায়খি মদুদি রাজ্য অসিদা লৈরিবা কোবিদ-১৯গী ফিভম লাকশিন্দুনা থম্লে। ওক্তোবরদগী অনৌবা কেসশিংগী মশিং অদু তপ্না-তপ্না হন্থখ্রে। রাজ্য অসিদা লৈরিবা কোবিদ কেসশিং অদু চাদা ৫০ হন্থখ্রে। রাজ্য অসিদা কোবিদ স্ক্রীনিং তেস্ত চাউরাক্না ২৩,০০০ নুমিৎ খুদিংগী পাংথোক্লি। হৌজিক ফাওবদা তেস্ত ২৩,০০,০০০ হেন্না পাংথোকখ্রে।
• গোৱা: গোৱাগী কোরোনাভাইরস কেসলোদ অসি শগোলশেল নুমিত্তা ইনফেক্সনগীদমক্তা মীওই ১৪৮ পোজিতিব ওইখ্রবা মতুংদা ৪৭,৩৪১দা হেনগৎখ্রে। নুমিৎ অদুমক্তদা পেসেন্ত অনি অমুক লৈখিদবগা লোইননা কোস্তল স্তেত অসিগী শিখিবশিংগী মশিং অদু ৬৮৫ য়ৌখ্রে। য়ামদ্রবদা পেসেন্ত ১১১দি ওসপিতালশিংদগী দিসচার্জ তৌখ্রে, মসিনা ফগৎখিবশিংগী মশিং অদু ৪৫,৩৪০দা হেনগৎহনখ্রে। হৌজিক রাজ্য অসিদা পেসেন্ত ১,৩১৬ লাইয়েংদুনা লৈরি; নুমিৎ অসিদা সেমপল ১,৮৯২ তেস্ত তৌখি।
• কেরলা: কেরলা সরকারনা রাজ্য অসিদা কোবিদ-১৯নামরম ওইরগা শিখিবশিং পুম্নমক রিপোর্ত তৌখ্রে অমসুং লিস্ত তৌখ্রে হায়না সুপ্রীম কোর্ত্তা ঙসি খঙহনখ্রে। থাংগৎলকখিবা রিপোর্ত অমদা, কেরলানা হায়খি মদুদি কোবিদকী চিংনবা অশিবশিং ফাওবা কুপ্থনা এজামিনেশন তৌহনখি। রাজ্য অসিদা লৈরিবা ফগৎলকপগী চাং অসি চাদা ৮৭নি অমসুং তেস্ত পোজিতিব ওইবগী চাং অসি ৯.৬%নি; দিভোতীশিংনা কোবিদকী প্রোতোকোলশিং ঙাক্না চত্তুনা দিসেম্বর ১দগী গুরুৱয়ুর স্রি কৃষ্ণস্বামী তেম্পলগী নালম্বালম চংবগী অয়াবা পীরগনি।
• তামিল নাদু: কোবিদ-১৯গী লাইচৎ অসিনা চেন্নাইদা রিয়েল এস্তেতকী প্রিফরেন্সশিংদা অহোংবা পুরকখ্রে, বায়রশিংনা হৌজিক প্লোতশিং ওইনা পাম্লে; চেন্নাইদা লেন্দ ইনভেস্তমেন্ত তৌবা অসি মতম খুইনদগী চৎনরক্লবা চৎনবী ওইজরবসু, হৌখিবা দিকেদ খরা অসিদা এপার্তমেন্তকী ত্রেন্দশিং অসিনা বায়রশিংগী পুক্নিং চিংশিল্লকখি; তৌইগুম্বসুং, কোবিদ-১৯ লাইচৎ অসিনা অমুক্কা হন্না মতম কুইনগী ওইগদবা ইনভেস্তমেন্তকী অতোপ্পা পাম্বৈ অমা ওইনা লমগী দিমান্দ হেনগৎহনখ্রে। তামিল নাদুদা এক্তিব কেসশিংগী মশিং ১২,০০০গী মখাদা হন্থখ্রে; তামিল নাদুদা শগোলশেল নুমিত্তা কোবিদ-১৯গী অনৌবা পোজিতিব কেস ১৪৬৪ থেংনখি, মসিনা রাজ্য অসিগী অপুনবা মশীং অদু ৭,৬৭,১৭৪ য়ৌহনখ্রে। মসিগী মরক্তা চেন্নাইদা পোজিতিব কেস ৩৯৬ থেংনখি, মসিনা সিতী অসিগী অপুনবা মশিং অদু ২,১৩,৮০১দা য়ৌহনখ্রে।
• কর্নাতকা: কর্নাতকাগী হাই কোর্তনা শগোলশেল নুমিত্তা সরকারগী এমপ্লোয়ী পুম্নমক অমসুং মখোয়গী ওতোনোমস এজেন্সীশিংনা দ্যুতীগীদমক্তা মশা-মশাগী ওফিসশিংদা রিপোর্ত তৌনবা হায়রদুনা মে ১৮, ২০২০গী ৱারেপ অদু মরু ওইনা মিৎ তাংলবা এমপ্লোয়ীশিংনা কোবিদ-১৯গী নোর্মশিং ঙাক্না চৎপদা মায়োক্নরিবা অৱাবশিং অদু য়েংলগা রাজ্য সরকারনা অমুক হন্না খন্থনবা খঙহল্লকখ্রে।
• অন্ধ্র প্রদেশ: ৱজয়াৱাদা দিস্ত্রিক্ত কলেক্তর, এ. মুহাম্মদ ইম্তিয়াজনা মরী লৈনবা ওফিসিয়েলশিংদা ইন্দ্রকীলাদ্রিদা ভৱানি দিক্সাদা কৎপা লাক্লিবশিংগীদমক্তা কোবিদকী গাইদলাইনশিং অদু চেকশিন্না চৎনবা খঙহল্লকখ্রে; দর্শনগীদমক্তা নোংমদা দিভোতী ১০,০০০ খক্তমক দর্শন তৌবগী অয়াবা পীবা। অন্ধ্র প্রদেশকী কোবিদ-১৯গী অপুনবা মশিং অদু শগোলশেল নুমিত্তা ১,০৩১ হেনগৎলক্তুনা ৮,৬৫,৭০৫ য়ৌ্খ্রে। পেসেন্ত ১,০৮১ ফগৎখ্রবা মতুংদা ফখিবশিংগী অপুনবা মশিং অদু ৮,৪৬,১২০ য়ৌখ্রে।
• তেলঙ্গনা: পি.এম. মোদিনা নবেম্বরগী ২৮দা হাইদ্রবাদতা কোভেক্সিনগী প্রোগ্রেস অদু য়েংশিল্লগনি; পাউগী লিখুন অমগী মতুং ইন্না, প্রধান মন্ত্রীনা হাকিমপেত এয়র ফোর্স স্তেশনদা নুমিদাংৱাইরমগী পুং ৪ অদুৱাইদা য়ৌরক্কনি অমসুং শামীর্পেত্তা লৈরিবা ভারত বায়োতেক ফেসিলিতীদা চৎকনি।
ফেক্ত চেক
*****
(Release ID: 1676804)
Visitor Counter : 102