প্রধানমন্ত্রীগী লোইশঙ
প্রধান মন্ত্রীনা য়ু.কে.গী পি.এম. শ্রী বোরিস জোন্সনগা তেলিফোন্দা ৱারী শানখ্রে
Posted On:
27 NOV 2020 7:48PM by PIB Imphal
প্রধান মন্ত্রী, শ্রী নরেন্দ্র মোদীনা য়ুনাইতেদ কিংদমগী প্রধান মন্ত্রী হিস এক্সিলেন্সী শ্রী বোরিস জোন্সনগা ঙসি তেলিফোন্দা ৱারী শানখ্রে।
লুচিংবা অনিমক্না কোবিদ-১৯ লাইচৎনা মরম ওইদুনা ওইরক্লিবা শিংনবশিংগী মতাংদা ৱারী শানখি অমসুং ভেক্সিন পুথোকপগী মতাংদা ভারত অমসুং ব্রিতেনগী মরক্তা পীনরিবা তেংবাং অদু য়েংশিনখি।
লুচিংবা অনিনা ব্রেক্সিৎ অমসুং পোস্ত-কোবিদকী মতুংদা ভারত-য়ু.কে. পার্তনরশিপ্পু অনৌবা মতোন অমদা পুখৎনবগী মখোয়গী অপাম্বশিং অদু অমুক হন্না ফোংদোক্নখি অমসুং ত্রেদ অমসুং ইনভেস্ত, সাইন্তিফিক রিসর্সশিং, প্রোফেস্নেল অমসুং মহৈরোইশিংগী মোবিলিতী, অমসুং দিফেন্স অমসুং সেক্যুরিতী হেনগৎহনবদা অয়াবা ফোংদোক্নখি।
মখোয়না ক্লাইমেৎ চেঞ্জগী মায়োক্তা চংশিল্লিবা লাঞ্জংদা ভারত অমসুং য়ু.কে.গী মরক্তা তেংবাং পীনবদা অখন্ননা শাফু পীখি অমসুং ইন্তর্নেস্নেল সোলর এলাইন্স অমসুং কোলিজন ফোর দিজাস্তর রেসিলেন্ত ইনফ্রাস্ত্রকচরগুম্বা প্লেৎফোর্মগী মখাদা অমনা অমগী মতেং পাংনববু থাগৎপা ফোংদোক্নখি।
নাকল অনিমক্না ৱাফম অসিদা অয়াবা ফোংদোক্নখি মদুদি লৈবাক অনিগী ওফিসরশিংনা ভারত-য়ু.কে পার্তনরশিপকীদমক্তা অনীংবা-অপাম্বা থম্নরিবা তুং কোইনা চৎনগদবা রোদমেপ অমদা অরোইবা মশক পীনবা মখোয়গী থবক মখা চৎথিগনি।
*****
(Release ID: 1676631)
Visitor Counter : 179
Read this release in:
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam