প্রধানমন্ত্রীগী লোইশঙ
পি.এম.না নবেম্বর ২৬তা রি-ইনভেস্ত ২০২০ হৌদোক্কনি
Posted On:
24 NOV 2020 6:13PM by PIB Imphal
প্রধান মন্ত্রী শ্রী নরেন্দ্র মোদীনা নবেম্বর ২৬, ২০২০কী নুমিদাংৱাইরম পুং ৫:৩০ তাবা মতমদা অহুমশুবা গ্লোবেল রিন্যুএবল ইনর্জী ইনভেস্তমেন্ত মীতিং অমসুং এক্সপো (রি-ইনভেস্ত ২০২০) ভর্চুএল ওইনা হৌদোক্কনি। সমিৎ অসি ন্যু অমসুং রিন্যুএবল ইনর্জী মন্ত্রালয়না শিল-লাংবনি অমসুং নবেম্বর ২৬-২৮, ২০২০ ফাওবা পাংথোক্কনি।
রি-ইনভেস্ত ২০২০গী মতাংদা
রি-ইনভেস্ত ২০২০গী হিরম অসি ‘তুং কোইবা ইনর্জীগীমক্তা ইনোবেসনশিং’নি। মসিদা রিন্যুএবল অমসুং তুংলমচৎকী ইনর্জীগী অপাম্বশিংদা নুমিৎ হুম্নিগী সমিৎ, অমসুং মেন্যুফেকচররশিং, দিবেলপরশিং, ইনভেস্তরশিং অমসুং ইনোভেতরশিংগী এগজিবিসন অমা পাংথোক্কনি। মসিদা মালেমগী মন্ত্রীগী থাক্কী দেলিগেসন ৭৫দগী হেনবনা, মালেমগী ইন্দস্ত্রীগী লুচিংবশিং ১০০০দগী হেনবা, অমসুং দিলিগেৎ ৫০,০০০না শরুক য়াবগী থাজবা থম্লি। মসিগী পান্দম রিন্যুএবল ইনর্জী চাউখৎহনবা অমসুং দিপ্লোইমেন্ত হেনগৎহন্নবগীদমক্তা মালেমগী ইনভেস্তমেন্ত কম্যুনিতী ভারতকী ইনর্জী স্তেকহোল্দরশিংগা লোইননা পুনশিন্নবগীদমক্তা মালেম পুম্বনা হোৎনরিবা অসি খোংজেল য়াংশিলহনবনি। মসিগী পান্দম ২০১৫ অমসুং ২০১৮দা পাংথোকখিবা মমাংগী এদিসন অনিগী মায় পাকপদা শেমগৎপা অমসুং রিন্যুএবল ইনর্জীদা ইনভেস্ত তৌবা হেনগৎহন্নবগীদমক্তা মালেমগী ফম্বাক অমা ফংহনবনি।
***
(Release ID: 1675487)
Visitor Counter : 171
Read this release in:
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam