ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ
ନଭେମ୍ବର 26ରେ ଅକ୍ଷୟ ଶକ୍ତି ଇନଭେଷ୍ଟ 2020 ସମ୍ମିଳନୀ ଉଦ୍ଘାଟନ କରିବେ ପ୍ରଧାନମନ୍ତ୍ରୀ
प्रविष्टि तिथि:
24 NOV 2020 6:13PM by PIB Bhubaneshwar
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ତୃତୀୟ ବୈଶ୍ଵିକ ଅକ୍ଷୟ ଶକ୍ତି ପୁଞ୍ଜି ବିନିଯୋଗ (ଆରଇ ଇନଭେଷ୍ଟ) ଏବଂ ଏକ୍ସପୋକୁ ଆସନ୍ତା 26 ତାରିଖରେ ଭର୍ଚୁଆଲ ମୋଡରେ ଉଦ୍ଘାଟନ କରିବେ । ସନ୍ଧ୍ୟା 5.30 ମିନଟରେ ଉଦ୍ଘାଟିତ ହେବାକୁ ଥିବା ଏହି ଶିଖର ସମ୍ମିଳନୀକୁ କେନ୍ଦ୍ର ନୂତନ ଓ ଅକ୍ଷୟ ଶକ୍ତି ମନ୍ତ୍ରଣାଳୟ ଆୟୋଜନ କରୁଛି । ଏହି ତିନିଦିନିଆ ସମ୍ମିଳନୀ 26ରୁ 28 ତାରିଖ ପର୍ଯ୍ୟନ୍ତ ଅନୁଷ୍ଠିତ ହେବ ।
ଅକ୍ଷୟ ଶକ୍ତି ଇନଭେଷ୍ଟ 2020 ସମ୍ପର୍କରେ ସୂଚନା
ଆରଇ 2020ର ବିଷୟ ବସ୍ତୁ ସଷ୍ଟେନେବୁଲ ଏନର୍ଜି ଟ୍ରାଞ୍ଜିସନ ରଖାଯାଇଛି । ଏହି ତିନିଦିନିଆ ସମ୍ମିଳନୀରେ ଅକ୍ଷୟ ଶକ୍ତି ଓ ଭବିଷ୍ୟତରେ ଶକ୍ତିର ଚାହିଦା, ପ୍ରସ୍ତୁତକାରୀଙ୍କ ପ୍ରଦର୍ଶନୀ, ବିନିଯୋଗକାରୀ ଓ ଉଦ୍ଭାବନକାରୀଙ୍କ ସମ୍ପର୍କରେ ଆଲୋଚନା ହେବ । 75ରୁ ଉର୍ଦ୍ଧ୍ଵ ଆନ୍ତର୍ଜାତିକ ମନ୍ତ୍ରୀସ୍ତରୀୟ ପ୍ରତିନିଧିମଣ୍ଡଳୀ, 1000ରୁ ଉର୍ଦ୍ଧ୍ଵ ବୈଶ୍ଵିକ ଶିଳ୍ପପତି ଏବଂ 50 ହଜାର ପ୍ରତିନିଧି ଏଥିରେ ଅଂଶଗ୍ରହଣ କରିବାର କାର୍ଯ୍ୟକ୍ରମ ରହିଛି । ବିଶ୍ଵବ୍ୟାପୀ ବିକଳ୍ପ ଶକ୍ତି ଜରିଆରେ ବିକାଶ କରିବା ନେଇ ବୈଶ୍ଵିକ ପୁଞ୍ଜି ନିବେଶକାରୀ ଏବଂ ଭାରତୀୟ ଅଂଶୀଦାରଙ୍କ ମଧ୍ୟରେ ଆଲୋଚନା ହେବ । 2015 ଏବଂ 2018ରେ ହୋଇଥିବା ଏହି ସମ୍ମିଳନୀର ପୁନରାବୃତ୍ତି ହେବ ଯାହାଫଳରେ ବିକଳ୍ପ ଶକ୍ତିର ବ୍ୟବହାର ନେଇ ଏକ ଆନ୍ତର୍ଜାତିକ ମଞ୍ଚର ସୃଷ୍ଟି ହୋଇପାରିବ ।
**********
(रिलीज़ आईडी: 1675445)
आगंतुक पटल : 250
इस विज्ञप्ति को इन भाषाओं में पढ़ें:
English
,
Urdu
,
Marathi
,
हिन्दी
,
Bengali
,
Manipuri
,
Assamese
,
Punjabi
,
Gujarati
,
Tamil
,
Telugu
,
Kannada
,
Malayalam