প্রধানমন্ত্রীগী লোইশঙ

১৫শুবা জি.২০ লীদরশিংগী সমিৎ (নবেম্বর ২১-২২, ২০২০)

Posted On: 19 NOV 2020 8:33PM by PIB Imphal

শেংলবা মসজিদ অনিগী মপু অমসুং সাউদী অরবকী নিংথৌ হিজ এক্সিলেন্সী সলমান বিন অব্দুলঅজীজ অল সৌদকী চেবাউদগী প্রধান মন্ত্রী শ্রী নরেন্দ্র মোদীনা ১৫শুবা জি.২০ সমিৎতা শরুক য়াগনি। সৌদী অরবকী লুচিং মখাদা নবেম্বর ২১-২২, ২০২০দা পাংথোক্কদৌরিবা সমিৎকী থিম ‘পুম্নমক্কীদমক্তা ২১শুবা চহি চাগী তাঞ্জা লৌবা’ হায়না থোল্লি। মীফম অসি ভর্চুএল ওইনা পাংথোক্কনি।

লাক্কদৌরিবা সমিৎ অসি চহি অসিগী জি.২০গী অনিশুবা মীফম্নি। পি.এম. অমসুং সাউদীগী ক্রাউন প্রিন্সকী মরক্তা তেলিফোন্দা ৱারী শানরবা মতুংদা মার্চ ২০২০দা অরোইবা জি.২০গী থোইদোক-হেন্দোকপা লুচিংবশিংগী সমিৎ পাংথোকখি, মদুদা লুচিংবশিংনা জি.২০গী লৈবাকশিংগী মরক্তা কোবিদ-১৯গী লাইচৎ শন্দোকপা অসিবু থিংননবা হোৎনবদা মতেং পাংনবা অমসুং মালেমগী অপুনবা থৌরাংগীদমক্তা মতম চানা ৱাখল তামিন্নবদা য়ানখি।

লাক্কদৌরিবা জি.২০ সমিৎকী মিৎয়েং অসি কোবিদ-১৯দগী ইনক্লুসিব, রেসিলেন্ত, অমসুং তুংকোইবা রিকভরীদা থমগনি। জি.২০ সমিৎ মনুংদা, লুচিংবশিংনা লাইচৎ অসিগীদমক শেম-শারিবশিং অমসুং অমুক হন্না থবক পীবা ঙম্নবগী মতাংদা খন্নগনি। মান্নবা, ইনক্লুসিব, তুং কোইবা অমদি রেসিলেন্ত ওইবা তুংলমচৎকীদমক মখোয়গী ৱাখল্লোন শেয়র তৌনগনি।

সৌদী অরবকা লোইননা ভারতনা জি.২০ ত্রোইকাদা য়াওগনি, দিসেম্বর ১, ২০২০দা জি.২০গী প্রসিদেন্সী ইতলীনা লৌগনি।

***



(Release ID: 1675482) Visitor Counter : 125