భారత్ లో ప్రస్తుతం చికిత్స పొందుతున్న కోవిడ్ కేసుల సంఖ్య 4,43,486 కాగా ఇది మొత్తం పాజిటివ్ కేసులలో 4.85%. ఆ విధంగా 5% లోపే కొనసాగుతునన్నట్టయింది. కోలుకున్నవారి శాతం 93 కు పైగా ఉంటూ ప్రస్తుతం 93.68% గా నమోదైంది. గడిచిన 24 గంటలలో 41,024 మంది కొత్తగా కోలుకున్నారు. దీంతో ఇప్పటివరకు కోవిడ్ నుంచి బైటపడిన వారి సంఖ్య  85,62,641 కు చేరింది. కోలుకున్నవారికీ, చికిత్సలో ఉన్నవారికీ మధ్య తేడా పెరుగుతూ ప్రస్తుతం 81,19,155 కి చేరింది.

గత 24 గంటలలో  44,059 మందికి కొత్తగా కరోనా సోకింది. ఆ విధంగా గత 16 రోజులుగా 50 వేల కంటే తక్కువ కొత్త కేసులు నమోదవుతూ వస్తున్నాయి. చలి తీవ్రత పెరిగేకొద్దీ పశ్చిమార్థ గోళంలోని అనేక దేశాలలో పెరుగుతున్న  పరిస్థితికి భిన్నంగా భారత్ లో కోవిడ్ అదుపులో ఉన్నట్టు ఈ లెక్కలను బట్టి అర్థమవుతోంది.

కొత్తగా కోలుకున్న కోవిడ్ కేసులలో 77.44% కేసులు పది రాష్ట్రాలలోనే నమోదయ్యాయి. అందులో కేరళ రాష్ట్రం 6,227  కేసులతో ముందుండగా ఢిల్లీ  6,154 కోలుకున్న కేసులతో, మహారాష్ట్ర  4,060  కోలుకున్న కేసులతో ఆ తరువాత స్థానాల్లో ఉన్నాయి.

కొత్తగా పాజిటివ్ గా తేలిన కేసులలో 78.74% కేవలం పది రాష్ట్రాలలోనే బైటపడ్దాయి. అందులో ఢిల్లీలో 6,746 కేసులు, మహారాష్ట్రలో 5,753 , కేరళలో 5,254 కేసులు నిర్థారణ అయ్యాయి.

ప్రతి పదిలక్షల జనాభాలో జాతీయ స్థాయిలో సగటున 6,623 మందికి సోకినట్టు తేలగా 15 రాష్ట్రాలు, కేంద్రపాలిత ప్రాంతాలలో తకంటే తక్కువ స్థాయిలో పాజిటివ్ కేసులు నమోదయ్యాయి.

గత 24 గంటలలో 511 మంది కోవిడ్ కారణంగా మరణించినట్టు తేలింది. ఈ మరణాలలో 74.95% కేవలం పది రాష్ట్రాల్ల్కో నమోదయ్యాయి.  ఢిల్లీ లో అత్యధికంగా 121 మంది మరణించటంతో నిన్నటి మృతుల్లో  23.68% ఢిల్లీకే వెళ్ళింది. మహారాష్ట్రలో 50 మంది, పశ్చిమ బెంగాలో 49 మంది కోవిడ్ వల్ల చనిపోయారు.

ప్రతి పది లక్షల జనాభాల్లో కోవిడ్ మృతులు సగటున 97 మంది ఉన్నట్టు తేలగా 21 రాష్టాలు, కేంద్ర పాలిత ప్రాంతాల్లో ఈ జాతీయ సగటు కంటే తక్కువ మరణాలు నమోదయ్యాయి.   

***