(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• কেন্দ্রগী অৱাংবা থাক্কী তিমশিং রাজ্য ৪দা থাজিনখ্রে; অতোপ্পদসু থাজিন্নবা খন্নরি
• কেন্দ্রনা রাজ্যশিং/য়ু.তি.শিংদা দিতেক্ত তৌহৌদবা অমসুং য়েংহৌদবা অনাবা মীওইশিং ত্রেক্ত তৌনবা তেস্তিং তৌবগী থাকশিং কনশিন্নবা খঙহনখ্রে
• এক্তিব কেসলোদনা অপুনবা কেসকী চাদা ৫গী মখাদা লৈরি
• হৌখিবা পুং ২৪দা মীওই ৪৫,৮৮২ কোবিদনা নাবা থেংনখি
• ভারতকী হৌজিক লৈরিবা এক্তিব কেসলোদ ৪,৪৩,৭৯৪ অসি ভারতকী অপুনবা পোজিতিব কেসশিংগী ৪.৯৩%নি অমসুং ৫%গী মখাদা লৈহনবা ঙমখ্রে
• হকশেল মন্ত্রালয়গী ইসঞ্জীবনিনা কন্সল্তেসন লাখ ৮ শুখ্রে
   

কেন্দ্রগী অৱাংবা থাক্কী তিমশিং রাজ্য ৪দা থাজিনখ্রে; অতোপ্পদসু থাজিন্নবা খন্নরি, কেন্দ্রনা রাজ্যশিং/য়ু.তি.শিংদা দিতেক্ত তৌহৌদবা অমসুং য়েংহৌদবা অনাবা মীওইশিং ত্রেক্ত তৌনবা তেস্তিং তৌবগী থাকশিং কনশিন্নবা খঙহনখ্রে, তেস্ত তৌবগী থাকশিং ৱাংবনা পোজিতিব ওইবগী চাং হন্থহনবা ঙমখ্রে, এক্তিব কেসলোদ অসি অপুনবা কেসকী ৫%গী মখাদা লৈখ্রে

কেন্দ্র সরকারনা হরিয়ানা, রাজস্থান, গুজরাত অমসুং মনিপুরদা অৱাংবা থাক্কী তিম মরি থাজিনখ্রে। তিমশিং অসিনা কোবিদ কেসশিং মশিং ৱাংনা রিপোর্ত তৌরক্লিবা জিলাশিংদা চৎকনি অমসুং রাজ্য অসিনা কন্তেনমেন্ত তৌবা, সর্ভিলেন্স চত্থবা, তেস্ত তৌবা, লাইনা নাদনবা অমসুং লাকশিন্নবা খোঙথাংশিং অমসুং পোজিতিব কেসশিং মপুং ফানা ক্লিনিকেল মেনেজমেন্ত তৌবগী হোৎনরিবা অসি মপাঙ্গল কনখৎহনগনি। ঙসি ফাওবদা ভারতনা পুন্না সেম্পল ১২,৯৫,৯১,৭৮৬ তেস্ত তৌখ্রে। হৌখিবা পুং ২৪দা তেস্ত লাখ ১০ (১০,৮৩,৩৯৭)গী মথক্তা তৌখি। অৱাংবা থাক্তা পাকশন্না তেস্ত তৌবা অসিনা পোজিতিব ওইবগী চাংগী অপুনবা অসি নেম্না থম্বা ঙমখি অমসুং হৌজিক্কী ওইনা অনেম্বা ত্রেজেক্তরী অমদা চৎলি। লৈবাক অসিগী পোজিতিব ওইবগী চাংগী অপুনবা অসি ঙসি ৬.৯৫% ওইদুনা ৭%দগী তাখ্রে। তেস্ত তৌবগী মশিং ৱাংখৎলকপনা পোজিতিব ওইবগী চাং নেমহনবা ঙমখি। দবল্যু.ঐচ.ও.না মখোয়গী সস্পেক্তেদ কেসশিংগী কম্প্রিহেন্সিব সর্ভিলেন্সকীদমক্তা থোকখিবা “পব্লিক হেল্থ ক্রাইতেরিয়া তু এদজস্ত পব্লিক হেল্থ এন্দ সোসিএল মিজর্স ইন দি কন্তেক্সত ওফ কোবিদ-১৯”গী গাইদেন্স নোৎতা পীবা মশিংগী মতুং ইন্না রাজ্য/য়ু.তি. ৩৪না মিলিয়ন পোপুলেসন অমদা নোংমদা তেস্ত ১৪০গী মথক্তা তৌরি। রাজ্য/য়ু.তি. ২০না লৈবাক অসিগী লৈরিবা অপুনবা পোজিতিব ওইবগী চাং অসিগী চাংচৎতগী (৬.৯৫%) তান্না রিপোর্ত তৌরক্লি। হৌখিবা পুং ২৪দা মীওই ৪৫,৮৮২ কোবিদনা নাবা থেংনখি। ভারতকী হৌজিক লৈরিবা এক্তিব কেসলোদ ৪,৪৩,৭৯৪ অসি ভারতকী অপুনবা পোজিতিব কেসশিংগী ৪.৯৩%নি অমসুং ৫%গী মখাদা লৈহনবা ঙমখ্রে। অপুনবা এক্তিব কেসলোদকী ৭৮.২%দি রাজ্য/য়ু.তি. তরাদগী ওইখি। মহারাস্ত্রনা ১৮.১৯% ওইদুনা তেলীদা মকোক্তা লৈ। ঙসি ফাওনা রাজ্য/য়ু.তি. ২৮না এক্তিব কেস ২০,০০০দগী তানা লৈ। হৌখিবা পুং ২৪দা ভারতনা নৌনা নাবা ফগৎখিবা ৪৪,৮০৭ রেজিস্তর তৌদুনা পুন্না নাবা ফগৎখিবা কেস ৮৪,২৮,৪০৯ শুখ্রে। ঙসি নাবা ফগৎলকপগী চাং অসি ৯৩.৬০% দা হেনগৎখ্রে। নাবা ফগৎখ্রবা কেসশিং অমসুং এক্তিব কেসশিংগী মরক্তা লৈরিবা খেৎনবা অসি তপ্না-তপ্না হেনগৎলক্লি অমসুং হৌজিক ৭৯,৮৪,৬১৫ ওইরি। নৌনা নাবা ফগৎলকখ্রবা কেসশিংগী ৭৮.০২% অসি রাজ্য/য়ু.তি. তরাদগী ওইখি। কোবিদতগী মীওই ৬,৮৬০ নাবা ফগৎলকখিবগা লোইননা কেরেলানা নাবা ফগৎলকপগী মশিং খ্বাইদগী য়াম্বা ওইরি মতুংদা নোংমদা মীওই ৬,৬৮৫ নাবা ফগৎলক্তুনা দিল্লীনা মতুং ইল্লি। মহারাস্ত্রনা নৌবা ৫,৮৬০ নাবা ফগৎলকপগী রিপোর্ত তৌরকখি। অনৌবা কেসশিংগী ৭৭.২০%দি রাজ্য/য়ু.তি. তরাদগী ওইখি। হৌখিবা পুং ২৪দা দিল্লীদগী কেস ৭,৫৪৬ রিপোর্ত তৌরকখি। কেরেলানা অনৌবা কেস ৫,৭২২ রেকোর্দ তৌখি অমরোমদা ঙরাং মহারাস্ত্রনা নুংতিগী থেংনবা কেস ৫,৫৩৫ রিপোর্ত তৌরকখি। হৌখিবা পুং ২৪দা রিপোর্ত তৌরকখিবা শীখিবা কেস ৫৮৪গী মনুংদা ৮১.৮৫%দি রাজ্য/য়ু.তি. তরাদগী ওইখি।

অকুপ্পা ৱারোলগীদমক :

আয়ুশমান ভারত হেল্থ এন্দ ৱেলনেস সেন্তর (ঐচ.দবল্যু.সি.শিং) ৫০,০০০গী মথক্তা চল্লাইবগা লোইননা ভারতনা অচৌবা তানফম অমা য়ৌবগী রেকোর্দ থমখ্রে

ভারতনা মীপুম খুদিংদা হেল্থকিয়র ফংহন্নবা চংশিল্লিবা খোঙচৎ অসিদা অচৌবা তানফম অমা লানখ্রে। লৈবাক শিনবা থুংনা আয়ুশমান ভারত-হেল্থ এন্দ ৱেলনেস সেন্তর (ঐচ.দবল্যু.সি.শিং) ৫০,০০০গী মথক্তা (৫০,০২৫) হৌজিক চল্লাইরি। মীয়ামদা মখোয়গী য়ুমগী অনকপদা কম্প্রিহেন্সিব প্রাইমরী হেল্থম কিয়র (সি.পি.ঐচ.সি.) সর্ভিসশিং ফংহন্নবা পান্দম থমদুনা দেসেম্বর ২০১১ ফাওবদা এ.বি.-ঐচ.দবল্যু.সি. লাখ ১.৫ লিংখৎকনি। ৫০,০০০গী মথক্তা লিংখৎখিবগা লোইননা থম্লিবা পান্দম অসিগী ১/৩দি ফংবা ঙমখ্রে। মসিনা মরম ওইরগা মীওই করোর ২৫গী মথক্তা অহোংবা মমলদা প্রাইমরী হেল্থকিয়র সর্ভিসশিং ফংহনবা হেনগৎহনখ্রে। কেন্দ্রগী হকশেল অমসুং য়াইফ-য়ুম্বাল মন্ত্রালয়গী মন্ত্রী দা. হর্শ বর্ধন্না রাজ্যশিং/য়ু.তি.শিংনা কোবিদ-১৯গী লাইচৎ অসিনা থোকহল্লিবা অৱাবশিং অসি লৈজরবসু ঐচ.দবল্যু.সি.শিং চল্লাইনবা হোৎনখিবা অসিগীদমক থাগৎপা ফোঙদোকখি। “মসি সেন্তর অমসুং রাজ্য/য়ু.তি.শিংনা থাক পুম্নমক্তা প্লানিং, মোনিতর তৌবা, প্রোসেসশিং স্তেন্দর্দাইজ তৌবা, রাজ্যশিং/য়ু.তি.শিংদা শেমদোক-শেমজিন তৌবা য়াহনবা পুন্নবা হোৎনখিবশিং অমসুং হৌজিক লৈরিবা হেল্থকিয়র সিস্তেমশিং অসিনা মরম ওইরগা ওইথোকপা ঙমখিবনি”, হায়না মহাক্না ফোঙদোকখি। ঐচ.এফ.এম.না ফ্রন্তলাইন হেল্থ ৱার্করশিং, মেদিকেল ওফিসরশিং, কম্ম্যুনিতী হেল্থ ওফিসরশিং অমসুং আশাশিংনা কম্প্রিহেন্সিব প্রাইমরী হেল্থম কিয়র সর্ভিসশিং ফংহন্নবা অমসুং অৱাবা তারিবা মতম অসিদা মথৌ তাবা সর্ভিসশিংগা লোইননা মীওই মিলিয়ন কয়াদা মতেং পাংদুনা হিরম অসিদা কত্থোকপগা লোইননা হোৎনখিবা অসিগীদমক অখন্ননা থাগৎপা ফোঙদোকখি।

অকুপ্পা ৱারোলগীদমক :

হকশেল মন্ত্রালয়গী ইসঞ্জীবনিনা কন্সল্তেসন লাখ ৮ শুখ্রে

ভারতনা দিজিতেল হেল্থকী লমদা পাইখৎপা থৌরাংশিংদা অচৌবা মাই পাকপা অমা ফংবা ঙমখ্রে। হকশেল অমসুং য়াইফ-য়ুম্বাল মন্ত্রালয়গী ইসঞ্জীবনি, লৈবাক অসিগী তেলিমেদিসিনগী থৌরাং অসি ঙসি কন্সল্তেসন লাখ ৮ শুখ্রে। মরু ওইনা কোবিদকী মতম অসিগী মনুংদা মসিনা ক্বালিতী লৈবা সর্ভিসশিংগী কান্নবা অদুমক ফংহনবগা লোইননা ফিজিকেল কন্তেক্ত লৈহন্দনা হেল্থ কিয়র লৌনবা মীয়াম্না পাম্নরিবা পাম্বৈ অমা ওইরক্লি। রাজ্য/য়ু.তি. ২৭তা নুংতিগী ওইনা অনাবা মীওই ১১,০০০গী মথক্না হেল্থ সর্ভিস লৌরি। রাজ্য খরদা মোদেল অমা ওইনা চহি চুপ্পা অনাবা মীওইশিং শেবা তৌনবা মরু ওইনা অরাপ্পা মফমশিংদা ইসঞ্জীবনি অসিনসু হোৎনরি। ইসঞ্জীবনি অমসুং ইসঞ্জীবনি ও.পি.দি. প্লেৎফোর্মশিংগী খুত্থাংদা কন্সল্তেসনশিং খ্বাইদগী য়াম্না রেজিস্তর তৌখিবা মকোক থোংবা রাজ্য তরা অদুদি তামিল নাদু (২৫৯৯০৪), উত্তর প্রদেশ (২১৯৭১৫), কেরেলা (৫৮০০০), হিমাচল প্রদেশ (৪৬৬৪৭), মধ্য প্রদেশ (৪৩০৪৫), গুজরাত (৪১৭৬৫), অন্ধ্র প্রদেশ (৩৫২১৭), উত্তরাখন্দ (২৬৮১৯), কর্নাতকা (২৩০০৮), মহারাস্ত্র (৯৭৪১)নি।

অকুপ্পা ৱারোলগীদমক :

অয়ুশ-দি.বি.তি. কোলাবোরেসননা কোবিদ-১৯গী মতাংদা পাংথোকপা সাইন্তিফিক রিসর্চ অদু সোফিস্তিকেসনগী এদভান্স ওইরবা লেভেলশিংদা পুখৎখ্রে

সার্স-কোব-২ ভাইরসকী(কোবিদ-১৯ নাহল্লিবা) মতাংদা অয়ুশ মন্ত্রালয় অমসুং দিপার্তমেন্ত ওফ বাইও-তেক্নোলোজী(দি.বি.তি.) অনিনা খুৎশম্নদুনা ভারততা তৌরিবা ইহান হানবা এনিমেল স্তদী অসি অরোইবা স্তেজ য়ৌশিনখ্রে৷ লৈবাক অসিদা কোবিদ-১৯গী মতাংদা পাংথোকপা খ্বাইদগী সোফিস্তিকেতেদ রিসর্চ প্রোজেক্তশিংগী মনুংদা অমা ওইবনা ওরেল ইন্তরভেন্সন মরিদা পাংথোক্লিবা মসিগী প্রি-ক্লিনিকেল স্তদী অসি অয়ুশ মন্ত্রালয় অমসুং কাউন্সিল ফোর সাইন্তিফিক অমসুং ইন্দস্ত্রিয়েল রিসর্চ(সি.এস.আই.আর.)না কোলাবোরেসন তৌদুনা ক্লিনিকেল স্তদীশিংগীদমক মাংজৌননা পাংথোকখ্রে৷ এনিমেল স্তদীগা(ইন-ভিভো স্তদী) মরী লৈনবা এম.ও.য়ু. অদু অয়ুশ মন্ত্রালয়গী নেস্নেল মেদিস্নেল প্লান্ত বোর্দ(এন.এম.পি.বি.) অমসুং দি.বি.তি.গী মরক্তা শহি পীনখ্রে অমসুং মসি অয়ুর্ভেদাগুম্বা মেদিকেল প্রেক্তিস অসিবু সাইন্তিফিক রিজনিং পীরিবা রিভর্স ফার্মকোলোজী(পি.ঐচ.)গী কন্সেপ্ত অদুদা বেস তৌই৷ মসিগী স্তদী অসি তৌদুনা লৈবাক অসিনা সার্স-কোব-২ ভাইরস/কোবিদ-১৯ রিসর্চতা লেন্দমার্ক অমা রেজিস্তর তৌখ্রে, মসিনা ভারতনা ওরেল ইন্তরভেন্সনশিং শিজিন্নদুনা ইহান হানবা ইন-ভিভো এন্তি-সার্স-কোব-২ভাইরস স্তদী ওইরি৷

অকুপ্পা ৱারোলগীদমক :

ফ্যুচরগীদমক কোস্ত-ইফেক্তিব অমসুং ইন্নোভেতিব হেল্থকেয়র সোলুসনশিং ফংহনবদা ইন্দিয়ানা য়াম্না মরু ওইবা থৌদাং লৌরগনি: শ্রী পিয়ুশ গোয়ল

ঐখোয়না নেসন অমা ওইনা পীবা য়াবা খ্বাইদগী ৱাংবা একোলেদশিং অদু হোস্পিতালশিং, দোক্তরশিং অমসুং কোরোনা ৱরিয়রশিং অসিদা পীফম থোকই হায়না কম্মর্স অমসুং ইন্দস্ত্রীগী মন্ত্রী শ্রী পিয়ুশ গোয়লনা ফোংদোকখ্রে৷ মখোয়শিং অসিনা হোৎনরিবা ময়াম অদু লেম্না মাংলরোই হায়না ইন্দিয়ন ইন্দস্ত্রীগী কনফেদেরেসনগী এসিয়া হেল্থ ২০২০ সম্মিত অদুদা শ্রী পিয়ুশ গোয়লনা ফোংদোকখ্রে৷ কোবিদ ভেক্সিন অসিগী মতাংদা ৱা ঙাংলদুনা ঐখোয়গী লৈবাক অসিদা শাজবা ভেক্সিন অসি খোংজেল য়াংনা ফগৎলক্লি হায়না শ্রী গোয়লনা অসুম্না ফোংদোকখ্রে অদুবু প্রধান মন্ত্রীনদি অসুম্না ফোংদোকখ্রে। ইন্দিয়ন ১.৩ বিলিয়নদা কোবিদ হেল্থকেয়র নিংথীজনা ফংহন্নবা হোৎনবদা ঐখোয়না পব্লিক-প্রাইভেৎ পার্তনর্শিপ অমদা থবক তৌরগনি হায়না মহাক্না ফোংদোকখি৷ মসিনা মাংদা লান্থেংনরিবা অসি মাই পাকহল্লগনি হায়না মহাক্না মখাতানা ফোংদোকখি৷ কা হেন্না চাওখৎত্রিবা অমসুং লাইরবা লৈবাকশিং য়াওনা ময়াম পুম্নমক্তা কোবিদ-১৯গী ভেক্সিন অসি অহোংবা মমলদা ফংহনবা তঙাই ফদে অমসুং হায়রিবা ময়াম অসি ঐখোয় ময়াম পুম্নমক্কী অপুনবা থৌদাং ওইরগনি হায়না শ্রী গোয়লনা ফোংদোকখ্রে৷ ফ্যুচরগীদমক কোস্ত-ইফেক্তিব অমসুং ইন্নোভেতিব হেল্থকেয়র সোলুসনশিং ফংহনবদা ইন্দিয়ানা য়াম্না মরু ওইবা থৌদাং লৌরগনি হায়না মহাক্না ফোংদোকখ্রে৷

অকুপ্পা ৱারোলগীদমক :

দা. হর্শ বর্ধন্না কনফেদরেসন ওফ ইন্দিয়ন ইন্দস্ত্রীস (সি.আই.আই.)গী নেস্নেল কাউন্সিলদা ৱা ঙাংখ্রে

হকশেল অমসুং য়াইফ-য়ুম্বালগী কেন্দ্রগী মন্ত্রী দা. হর্শ বর্ধন্না ঙসি ভিদিও কনফরেন্সকী খুত্থাংদা কনফেদরেসন ওফ ইন্দিয়ন ইন্দস্ত্রীস (সি.আই.আই.)গী নেস্নেল কাউন্সিলদা ৱা ঙাংখ্রে। মালেমগী ওইনা মীশিং খ্বাইদগী য়াম্বা ওইরিবা অসিগী য়াইফনবা ভারত সরকারনা লাইচৎ অসিগী মতাংদা তোইনা দাইলোগ তৌবা অমসুং খন্ন-নৈনবা ফংহন্নবা শিল-লাংবা অমসুং মখল কয়াগী প্লেৎফোর্মশিং পুনশিনহনবা অসিগীদমক সি.আই.আই.বু থাগৎলদুনা দা. হর্শ বর্ধন্না হায়খি, “ভারতকী হেল্থকিয়র ইন্দস্ত্রী অসি রিবেন্যু অমসুং থবক পীবগী প্রোবিজন্দা য়েংলবদি ভারতকী খ্বাইদগী চাউবা সেক্তর অমা ওইরি অমসুং মসিগী মার্কেৎ অসি ২০২২ ফাওবদা শরুক অহুম হেনগৎতুনা লুপা ত্রিলিয়ন ৮.৬ য়ৌনবা প্রোজেক্ত তৌবগা লোইননা ইন্দস্ত্রী মনুংদা স্তেকহোল্দরশিং পুনশিনহনবা য়ানবা খোঙথাংশিং লৌখৎপা তঙাই ফদে। কোবিদনা ঐখোয়গী অপুনবা সিস্তেমদা অকাইবশিং পীবা অসিনা মরম ওইরগা হান্নদগী হেন্না হৌজিক্না ফংহনবা অমসুং শেল চংদবা হেল্থকিয়র ফংহন্নবা মথৌ তারে।”

অকুপ্পা ৱারোলগীদমক :

পি.এম.না নবেম্বর ২২দা উত্তর প্রদেশকী বিন্ধ্যাচল রিজনদা রুরেল দ্রিঙ্কিং ৱাতর সপ্লাই প্রোজেক্তশিংগী উরেপ উয়ুং তমগনি

মন্ত্রী শ্রী নরেন্দ্র মোদীনা ভিদিও কনফরেন্সিংগী থোংদা নবেম্বর ২২গী অয়ুক পুং ১১.৩০ তাবা মতমদা উত্তর প্রদেশকী বিন্ধ্যাচল রিজনগী মির্জাপুর অমসুং সোনভদ্রা জিলাশিংদা রুরেল দ্রিঙ্কিং ৱাতর সপ্লাই প্রোজেক্তশিংগী উরেপ উয়ুং তমগনি। প্রধান মন্ত্রীনা থৌরম অসিদা ভিলেজ ৱাতর এন্দ সেনিতেসন কম্মিতি/ পানি সমিতি মেম্বরশিংগা লোইননা ৱারীসু শাগনি। থৌরম অসিদা উত্তর প্রদেশকী মুখ্য মন্ত্রী শ্রী য়োজি অদিত্যানাথসু শরুক য়াগনি। প্রোজেক্তশিং অসিনা খুঙ্গংগী য়ুমথোং ২,৯৯৫ পুম্নমক্তা য়ুমদা তোতি ঈশিং ফংহনগনি অমসুং জিলাশিং অং ং জিলাপুম্নমক্তা য়ুমদা তোতি ঈ/ পানি সমিতি মেম্বরসিগী মীশিং লাখ ৪২রোমদা কান্নবা ফংহল্লগনি। খুঙ্গংশিং অসিদা ভিলেজ ৱাতর এন্দ সেনিতেসন কম্মিতি/ পানি সমিতি শেমখ্রে, মখোয়না চল্লাইবা অমসুং য়েংশিনবগী থবক পুম্নমক্কী থৌদাং লৌগনি। প্রোজেক্তশিং অসিদা পুন্না চংগদবা চাউরাকপা শেল অসি লুপা করোর ৫,৫৫৫.৩৮নি। প্রোজেক্তশিং অসি থা ২৪গী মনুংদা লোইশিন্নবা থৌরাং তৌখি।

অকুপ্পা ৱারোলগীদমক:

প্রধান মন্ত্রীনা নবেম্বর ২১দা পন্দিৎ দীনদয়াল পেত্রোলিয়ম য়ুনিবর্সিতী, গান্ধীনগরগী ৮শুবা কনভোকেসন্দা শরুক য়াগনি

প্রধান মন্ত্রী শ্রী নরেন্দ্র মোদীনা ভিদিও কনফরেন্সিংগী থোংদা নবেম্বর ২১গী অয়ুক পুং ১১ তাবদা পন্দিৎ দীনদয়াল পেত্রোলিয়ম য়ুনিবর্সিতীগী ৮শুবা কনভোকেসন্দা শরুক য়াগনি। কনভোকেসন অসিদা মহৈরোই চাওরাক্না ২৬০০না মখোয়গী মরী লৈনবা দিগ্রী/দিপ্লোমাশিং ফংলগনি।

অকুপ্পা ৱারোলগীদমক:

পি.এম.না গ্রান্দ দচী ওফ লক্সেম্বর্গকী প্রধান মন্ত্রী ঐচ.ই. জেবিয়র বেত্তলগা লোইননা ইন্দিয়া-লক্সেম্বর্গ ভর্চ্যুএল সম্মিৎ পাঙথোকখ্রে

প্রধান মন্ত্রী শ্রী নরেন্দ্র মোদীনা গ্রান্দ দচী ওফ লক্সেম্বর্গকীকী প্রধান মন্ত্রী ঐচ.ই. জেবিয়র বেত্তলগা লোইননা ভর্চ্যুএল ফোর্মেৎতা ঙসি বাইলেতরেল সম্মিৎ অমা পাঙথোকখ্রে। প্রধান মন্ত্রীনা লক্সেম্বর্গকীতা কোবিদ-১৯গী মালেমগী লাইচৎ অসিনা মরম ওইরগা পুন্সি কয়া মাংখিবা অসিদা মহাক্না অৱাবা ফোঙদোকখি অমসুং খুদোংথিবা অসি লাকশিন্নবা ঐচ.ই. জেবিয়র বেত্তলনা লুচিংদুনা হোৎনখিবা অসিবু থাগৎপা ফোঙদোকখি। প্রধান মন্ত্রী অনিনা মরু ওইনা ফাইনান্সিএল তেক্নোলোজী, গ্রীন ফাইনান্সিং, স্পেস এপ্লিকেসনশিং, দিজিতেল ইন্নোবেসনশিং অমসুং স্তার্তঅপশিংগী লমশিংদা কোবিদ মতুংদা ওইরক্কদবা মালেম অসিদা ভারত-লক্সেম্বর্গকীকী মরী মপাঙ্গল কনখৎহন্নবা ৱাখল্লোনশিং ফোঙদোক্নখি। মখোয়না লৈবাক অনিগী মরক্তা মখোয়গী ফাইনান্সিএল মার্কেৎ রিগুলেতরশিং, স্তোক একচেঞ্জশিং অমসুং ইন্নোবেসন এজেন্সীশিংগী মরক্তা লৈরিবশিং অসি য়াওরগা তোঙান তোঙানবা এগ্রীমেন্তশিং য়ান্নখি। মন্ত্রী অনিনা মল্তিলেতরেলিজমগী কান্নবা ফংহন্নবা অমসুং কোবিদ-১৯ লাইচৎ, তেরোরিজম অমসুং অইং-অশাগী হোংলক্লিবা অসিগুম্বা মালেমগী ওইবা অৱাবশিং অসি লাকশিন্নবা খুৎশম্নদুনা চৎমিন্নবগী মপাঙ্গল কনখৎহন্নবা য়ান্নখি। লক্সেম্বর্গকীনা ইন্তরনেস্নেল সোলর এলাইন্স (আই.এস.এ.) অসি য়াওনবা লাউথোকীবা অদু প্রধান মন্ত্রীনা তরাম্না ওকখি অমসুং কোলিজন ফোর দিজাস্তর রেজিলেন্ত ইনফ্রাস্ত্রকচর (সি.দি.আর.আই.) য়াওনবা বর্তন তৌখি।

অকুপ্পা লারোলগীদমক :

ইন্দিয়া – লক্সেমবর্গ বর্চুএল সম্মিত্তা অপুনবা ৱারোল

অকুপ্পা ৱারোলগীদমক:

পাথ ব্রেকিং ওইরবা লেবর রিফোর্মশিং চৎন্ননবগীদমক ২০২০গী ওকুপেস্নেল সেফতী, হেল্থ অমসুং ৱর্কিং কন্দিসন্স কোদগী মখাদা কেন্দ্রগী লেবর মন্ত্রালয়না দ্রাফত রুলশিং ফোংখ্রে

স্তেকহোল্দরশিংদগী ওবজেক্সনশিং অমসুং সজেসনশিং কৌদুনা ২০২০গী ওকুপেস্নেল সেফতী, হেল্থ অমসুং ৱর্কিং কন্দিসন্স কোদকী মখাদা ১৯.১১.২০২০দা লেবর অমসুং এমপ্লোইমেন্তগী কেন্দ্রগী মন্ত্রালয়না দ্রাফত রুলশিং ফোংখ্রে৷ অসিগুম্বা ওবজেক্সনশিং অমসুং সজেসনশিং অসি দ্রাফত রুলশিং অদু ফোংখিবা নুমিৎ অদুদগী হৌদুনা নুমিৎ ৪৫নিগী মনুংদা পীশিনগদবনি৷ দোক্ত ৱর্করশিং, বিল্দিং অমসুং কন্সত্রক্সন ৱর্করশিং, মাইন ৱর্করশিং, ইন্তর-স্তেত মাইগ্রেন্ত ৱর্কর, কন্ত্রেক লেবর, ৱর্কিং জর্নেলিস্ত, ওদিও-ভিজ্যুল ৱর্করশিং অমসুং সেল্স প্রোমোসন এমপ্লোইয়ীশিংগী সেফতী, হেল্থ অমসুং ৱর্কিং কন্দিসনশিং অসিগা মরী লৈননা ২০২০গী ওকুপেস্নেল সেফতী, হেল্থ অমসুং ৱর্কিং কন্দিসন্স কোদতা য়াওরিবা প্রোভিজনশিং অসি ওপরেস্নেলাইজ তৌনবা দ্রাফত রুলশিং অসিদা য়াওরি৷

অকুপ্পা ৱারোলগীদমক:

পি.আই.বি. ফিল্দ ওফিসশিংদগী ফংবা পাউ

•           অসাম: অসামদা ঙরাং কোবিদ-১৯গীদমক্তা মীওই ১৭৫ পোজিতিব ওইখি: অপুনবা কেসশিংগী মশিং অদু ২১১০৪০ হেনগৎলকখ্রে, দিসচার্জ তৌখিবা পেসেন্তশিংগী অপুনবা মশিং ২০৬৮৭৫ ওইখি, এক্তিব ৩১৯৩ লৈরি অমসুং ৯৬৯ শিখ্রে।

•           সিক্কিম: সিক্কিমদা কোবিদ-১৯গীদমক্তা মীওই ২৪ অমুক পোজিতিব ওইখ্রে অমসুং ১ শিখিবগী পাউ লৈখি। অপুনবা কেস মশিং ৪৬৩২দা হেনগৎখ্রে, ফদুনা অমসুং দিসচার্জ তৌখিবশিংগী মশিং ৪১৮৬নি অমসুং এক্তিব কেসশিংগী মশিংনা ২৬৫নি।

•           মহারাস্ত্র: গ্রেতর মুম্বাইগী মুনিসিপাল কোরপোরেশনগী জুরিসদিক্সনগী মখাদা লৈবা স্কুল পুম্নমক কোবিদ-১৯ শন্দোরকপা অসি থিংনবা, ২০২০গী দিসেম্বর ৩১ ফাওবা লোনদুনা লৈগনি। মরক অসিদা মহারাস্ত্রগী এজুকেশন মন্ত্রীনা হায়খি মদু নবেম্বরগী ২৩দগী ক্লাস ৯দগীনা ১১ ফাওবগী মহৈরোইশিংগীদমক্তা স্কুলশিং অমুক হন্না হাংদোকপা মতমদা লোকল এদমিনিস্ত্রেশনশিংনা চপচাবা ৱারেপ অমা লৌবগী মথৌ তাগনি।

•           গুজরাত: গুজরাত সরকারনা ঙসিগী নুমিদাং পুং ৯দগী ৱীকেন্দ মনুংদা এহমাদাবাদতা মফুং ফানা করফ্যু থমজিন্নবা ৱারেপ লৌখ্রে। তৌইগুম্বশুং, মখাতাবা ওর্দরশিং লাক্ত্রিবফাওবা নিংথৌকাবা নুমিত্তগী নুংদাংগী করফ্যু অদু মখাতানা অদুমক লৈখিগনি। হাবরিবা ৱারেপ অসি হন্দক্কী মতম খরা অসিদা কোবিদ-১৯ কেসশিংগী মশিং হেনগৎলকপা অসি লাকশিন্নবা লৌখিবা ৱারেপ্নি। ৱীকেন্দ করফ্যু অসি এহমাদাবাদতা ঙসিগী নুমিদাং পুং ৯দগীনা নিংথৌকাবা অয়ুক্কী পুং ৬ ফাওবা চৎনগনি।

•           রাজস্থান: রাজস্থানদা হৌখিবা পুং ২৪গী মনুংদা কোবিদ-১৯গীদমক্তা মীওই ২,৫৪৯ পোজিতিব ওইবা থেংনখি। হায়রিবা অসি হৌজিক ফাওবদা নোংমদা থেংনখিবা ইনফেক্সনশিংগী খ্বাইদগী হেন্না য়াম্বা মশিং ওইখি। কোরোনা কেস হেনগৎলবা মতুংদা, মুখ্য মন্ত্রী, অশোক ঘেহলোতনা ভীদিো কনফরেন্সিকী খুত্থাংদা লানিগী হোসপিতালশিংগী মীহুৎশিংগা লোইননা ৱারি-ৱাতাই শানখি। জয়পুরগী কেপিতল সিতীদা লৈরিবা এক্তিব পেসেন্তশিংগী মশিং অদু ৭,০০০ ময়া নক্না য়ৌখ্রে, অদুগা রাজ্য অসিদা এক্তিব কেস ২০,১০০গী মথক্তা লৈখি।

•           মধ্য প্রদেশ: মধ্য প্রদেশতা হৌজিক এক্তিব কেস ৯,৮০০ লৈরি। ভোপালদা ইনফেক্তেদ ওইরবা মীওইশিংগী মশিং অদু অমুক্কা হন্না ৩০০গী মথক্তা হেনখ্রে। সরকার অসিনা মাস্কশিং উপ্তবগী, নোংমগী ওইনা য়ামদ্রবদা মীওই ১০০দি হকচিন্না পেনল্তী থম্নবা য়াথং পীরকখ্রে।

•           ছত্তিসগর: রায়পুরগী কেপিতল সিতীদা, চীফ মেদিকেল ওফিসরনাসিতি অসিদা ইনফেক্সন হেনগৎলকপগী মতাংদা পল্লদুনা, সিতী অসিগী এন্ত্রী পোইন্তশিংদা কোবিদ-১৯ সেন্তরশিং হাংদোক্নবগী অয়াবা লৌনবগীদমক্তা জিলাগী কলেক্তরদা প্রোপোজল কয়া অমা থাগৎখি। মেদিকেল ওফিস অদুনা হায়খি মদুদি কোবিদ-১৯গী অনূশুবা ৱেব অসি অতোপ্পা রাজ্যশিংদা থেংনরক্লি অমসুং মরম অদুনা এন্ত্রী পোইন্তশিংদা তেস্ত তৌবনা ইনফেক্সন অসিবু লাকশিনবদা মতেং পাংগনি হায়না হায়খি। রাজ্য অসিদা এক্তিব কেস ১৯,৪০০গী মথক্তা লৈরি।

•           গোৱা: শগোলশেল নুমিত্তা গোৱাদা অনৌবা কেজুৱেল্তীশিং থেংনখিবা লৈখিদে। কোস্তেল স্তেত অসিদা হৌজিক এক্তিব কেস ১,৩৪৩ লৈরি অদুগা নুমিৎ অসিমক্তদা সেমপল ১,৬২১ তেস্ত তৌখি।

•           কেরলা: কোবিদ-১৯ থোকহল্লিবা ভাইরস এস.এ.আর.এস.-সি.ও.ভি.-২ নৈননবগী প্রোগ্রাম অমা কেরলাদা চয়োল অমগী মনুংদা হৌরগনি। জিলা খুদিংমক্তগী  খোমগৎলকখিবা সেমপলশিং অদু আই.সি.এ.আর.গী মখাদা লৈবা দিল্লীদা বেস তৌবা ইন্সতিত্যুত ওফ জেনোমিক্স অমসুং ইন্তিগ্রেতিব বায়োলোজীনা পাংথোক্কদবা কমপ্রেহেন্সিব স্তদী আমদা য়েংশিল্লগনি। রাজ্য অসিদা পুন্না সেমপল ১,৪০০ থা অমগী মনুংদা কোমগৎলগনি। মরক অসিদা ঙরাং অনৌবা কেস ৫,৭২২ থেংনখিবগা লোইননা রাজ অসিদা কোবিদ-১৯গী অপুনবা কেস মশিং অদু ৫,৪৫,৬৪১ য়ৌখ্রে। হৌজিক ফাওবদা লাইনা অসিদগী মীওই ৪,৭৫,৩২০ ফগৎখ্রে, অদুগা পেসেন্ত ৬৮,২২৯ হৌজিক ফাওবা লাইয়েংদুনা লৈরি। তেস্ত তৌবদা পোজিতিব ওইবগী চাং অসি ৮.৫৪%দা হন্থখ্রে।

•           তামিল নাদু: মুখ্য মন্ত্রী, এদাপ্পদি কে.পলানিস্বামিনা লৈবাকপোকপা নুমিত্তা লুপা করোর ১২৫,৫৩গী প্রোজেক্ত ৮৬ উৎখ্রে আমসুং বেনিফসরী করোর ৬,৮৩২দা লুপা করোর ৪৬.৩২গী ওইবা য়াইফনবগী তেংবাং য়েন্থোকখ্রে। মহাক্না সালেমদা থরামঙ্গলম মনাাক্তা লৈবা ভনাবাসি পোলীতেক্নিক কোলেজতা পাংথোকখিবা থৌরম অমদা লুপা করোর ১১৮.৯৩গী ওইবা প্রোজেক্ত ৪৪গী উরেপ-উয়ুং তমখ্রে অমসুং দিপার্তমেন্ত কয়া অমগীদমক্তা ওইবা লুপা করোর ৩.০৯গী অনৌবা গারি ১০ অমসুং থাদোকখ্রে।

 •          কর্নাতকা: কোবিদকী কর্ব অসি হন্থরক্লে, করআনতকানা অহানবা তাঙ্কক্তা হেনগৎলকখিবা অদু লান্থোকখ্রে হায়না এক্সপার্তশিংনা হায়খি। এক্পার্তশিংনা হায়খি মদুদি য়ুপরোপ্তা লৈরিবা  লাইনা অসিগী পেতর্ন অসি তাক্লি মদুদি থা ২-৩ ফাওবগী মনুংদা অনিশুবা ওইনা হেনগৎলকপা লৈখিগনি কেন্দ্রগী মন্ত্রী, দি.ভি. সদানন্দা গৌদা পোজিতিব ওইখ্রে। কর্নাতকাগী হাই কোর্তনা কোবিদ-১৯গী নোর্মশিং খোংগাওনবগী মতাংদা নোতিস অমা থাদোক্নবা পোলিতিকেল পার্তীশিংগী লিস্ত আদু হঙখ্রে।

•           অন্ধ্র প্রদেশ: মুখ্য মন্ত্রী, ৱাই এস জগন মোহন রেদ্দীনা শেংলবা তুঙ্গভদ্রা পুস্করালু হৌদোকখ্রে, হায়রিবা অসি কর্নুলগী সঙ্কলভাগঘাত্তা তুঙ্গাভদ্রা তুরেলদা অখন্নবা পুজা তৌদুনা অমসুং হারাথি তৌরদুনা তৌখিবনি। কোবিদনা মরম ওইরগা শোকহনখিবা কয়া লৈরবসু, সরকার অসিনা দিভোতীশিংগী সেন্তিমেন্তশিংবু ইকাইখুম্নবা উৎলদুনা কা হেন্না অচাউ-অরম করিমত্তা তৌদনা নাতকী ওইবা মওংদা অমসুং সাইন্তিফিক ওইবা মওংদা পাংথোক্তুনা মাইপাক্না পাংথোক্নবা শিনখিবনি। তুঙ্গভদ্রা পুস্কারালু অসি নুমিৎ ১২নি চুপ্না পাংথোক্কনি।

•           তেলঙ্গনা: হৌখিবা পুং ২৪দা অনৌবা কেস ৮৯৪ থেংনখি, ১০৫৭ ফগৎখি অমসুং ৪ শিখিবগী পাউ লৈখি; অপুনবা কেসশিং: ২,৬১,৭২৮; এক্তিব কেসশিং: ১২,৫১৫; শিখিবশিং: ১৪২৩; দিসচার্জ তৌখিবশিং:ফগৎলকখিবগী চাং চাদা ৯৪.৬৭ ওইখিবগা লোইননা ২,৪৭,৭৯০ দিসচার্জ তৌখ্রে, অদুগা লেবাক অসিগী ফগৎলকপগী চাং অসি চাদা ৯৩.৬ ওইখি।

ফেক্ত চেক

*****