হকশেল অমসুং য়াইফ-য়ুম্বাল মন্ত্রালয়
কেন্দ্রগী অৱাংবা থাক্কী তিমশিং রাজ্য ৪দা থাজিনখ্রে; অতোপ্পদসু থাজিন্নবা খন্নরি
কেন্দ্রনা রাজ্যশিং/য়ু.তি.শিংদা দিতেক্ত তৌহৌদবা অমসুং য়েংহৌদবা অনাবা মীওইশিং ত্রেক্ত তৌনবা তেস্তিং তৌবগী থাকশিং কনশিন্নবা খঙহনখ্রে
তেস্ত তৌবগী থাকশিং ৱাংবনা পোজিতিব ওইবগী চাং হন্থহনবা ঙমখ্রে
এক্তিব কেসলোদ অসি অপুনবা কেসকী ৫%গী মখাদা লৈখ্রে
Posted On:
20 NOV 2020 12:13PM by PIB Imphal
কেন্দ্র সরকারনা হরিয়ানা, রাজস্থান, গুজরাত অমসুং মনিপুরদা অৱাংবা থাক্কী তিম মরি থাজিনখ্রে। তিমশিং অসিনা কোবিদ কেসশিং মশিং ৱাংনা রিপোর্ত তৌরক্লিবা জিলাশিংদা চৎকনি অমসুং রাজ্য অসিনা কন্তেনমেন্ত তৌবা, সর্ভিলেন্স চত্থবা, তেস্ত তৌবা, লাইনা নাদনবা অমসুং লাকশিন্নবা খোঙথাংশিং অমসুং পোজিতিব কেসশিং মপুং ফানা ক্লিনিকেল মেনেজমেন্ত তৌবগী হোৎনরিবা অসি মপাঙ্গল কনখৎহনগনি। কেন্দ্রগী তিমশিংনা মতম চানা দাইগ্নোসিস অমসুং ফোলো-অপ তৌবগা মরী লৈনবা খুদোংচাদবশিং মপুং ফানা য়েংশিনবদসু লমজিং-লমতাকপীগনি। কেন্দ্রনা কোবিদ-১৯গী পোজিতিব কেসশিং হেনগৎলকপগী রিপোর্ত তৌরক্লিবা অতোপ্পা রাজ্য/য়ু.তি.শিংদসু অৱাংবা থাক্কী মল্তিদিসসিপ্লিনরী তিমশিং থানবা তৌরি।
কেন্দ্র সরকারনা রাজ্য/য়ু.তি. সরকারশিংদা পোজিতিব ওইবা কোবিদ-১৯ কেসশিং য়েংহৌদবা অমসুং দিতেক্ত তৌহৌদবা অদু মতম চানা ত্রেস তৌনবা, কন্তেনমেন্ত তৌনবা অমসুং মরী লৈনবা লায়েং চত্থনবা খঙদোকপা ঙম্নবা পাকশন্না অমসুং অকনবা মওংদা তেস্ত তৌনবা খঙহনখ্রে।
ঙসি ফাওবদা ভারতনা পুন্না সেম্পল ১২,৯৫,৯১,৭৮৬ তেস্ত তৌখ্রে। হৌখিবা পুং ২৪দা তেস্ত লাখ ১০ (১০,৮৩,৩৯৭)গী মথক্তা তৌখি। অৱাংবা থাক্তা পাকশন্না তেস্ত তৌবা অসিনা পোজিতিব ওইবগী চাংগী অপুনবা অসি নেম্না থম্বা ঙমখি অমসুং হৌজিক্কী ওইনা অনেম্বা ত্রেজেক্তরী অমদা চৎলি। লৈবাক অসিগী পোজিতিব ওইবগী চাংগী অপুনবা অসি ঙসি ৬.৯৫% ওইদুনা ৭%দগী তাখ্রে। তেস্ত তৌবগী মশিং ৱাংখৎলকপনা পোজিতিব ওইবগী চাং নেমহনবা ঙমখি।
![http://static.pib.gov.in/WriteReadData/userfiles/image/image00135BZ.jpg](http://static.pib.gov.in/WriteReadData/userfiles/image/image00135BZ.jpg)
দবল্যু.ঐচ.ও.না মখোয়গী সস্পেক্তেদ কেসশিংগী কম্প্রিহেন্সিব সর্ভিলেন্সকীদমক্তা থোকখিবা “পব্লিক হেল্থ ক্রাইতেরিয়া তু এদজস্ত পব্লিক হেল্থ এন্দ সোসিএল মিজর্স ইন দি কন্তেক্সত ওফ কোবিদ-১৯”গী গাইদেন্স নোৎতা পীবা মশিংগী মতুং ইন্না রাজ্য/য়ু.তি. ৩৪না মিলিয়ন পোপুলেসন অমদা নোংমদা তেস্ত ১৪০গী মথক্তা তৌরি।
![http://static.pib.gov.in/WriteReadData/userfiles/image/image002O3F3.jpg](http://static.pib.gov.in/WriteReadData/userfiles/image/image002O3F3.jpg)
রাজ্য/য়ু.তি. ২০না লৈবাক অসিগী লৈরিবা অপুনবা পোজিতিব ওইবগী চাং অসিগী চাংচৎতগী (৬.৯৫%) তান্না রিপোর্ত তৌরক্লি।
![http://static.pib.gov.in/WriteReadData/userfiles/image/image003JBHL.jpg](http://static.pib.gov.in/WriteReadData/userfiles/image/image003JBHL.jpg)
হৌখিবা পুং ২৪দা মীওই ৪৫,৮৮২ কোবিদনা নাবা থেংনখি। ভারতকী হৌজিক লৈরিবা এক্তিব কেসলোদ ৪,৪৩,৭৯৪ অসি ভারতকী অপুনবা পোজিতিব কেসশিংগী ৪.৯৩%নি অমসুং ৫%গী মখাদা লৈহনবা ঙমখ্রে।
অপুনবা এক্তিব কেসলোদকী ৭৮.২%দি রাজ্য/য়ু.তি. তরাদগী ওইখি। মহারাস্ত্রনা ১৮.১৯% ওইদুনা তেলীদা মকোক্তা লৈ।
![http://static.pib.gov.in/WriteReadData/userfiles/image/image004BVX8.jpg](http://static.pib.gov.in/WriteReadData/userfiles/image/image004BVX8.jpg)
ঙসি ফাওনা রাজ্য/য়ু.তি. ২৮না এক্তিব কেস ২০,০০০দগী তানা লৈ।
![http://static.pib.gov.in/WriteReadData/userfiles/image/image005VI7Y.jpg](http://static.pib.gov.in/WriteReadData/userfiles/image/image005VI7Y.jpg)
হৌখিবা পুং ২৪দা ভারতনা নৌনা নাবা ফগৎখিবা ৪৪,৮০৭ রেজিস্তর তৌদুনা পুন্না নাবা ফগৎখিবা কেস ৮৪,২৮,৪০৯ শুখ্রে। ঙসি নাবা ফগৎলকপগী চাং অসি ৯৩.৬০% দা হেনগৎখ্রে। নাবা ফগৎখ্রবা কেসশিং অমসুং এক্তিব কেসশিংগী মরক্তা লৈরিবা খেৎনবা অসি তপ্না-তপ্না হেনগৎলক্লি অমসুং হৌজিক ৭৯,৮৪,৬১৫ ওইরি।
নৌনা নাবা ফগৎলকখ্রবা কেসশিংগী ৭৮.০২% অসি রাজ্য/য়ু.তি. তরাদগী ওইখি।
কোবিদতগী মীওই ৬,৮৬০ নাবা ফগৎলকখিবগা লোইননা কেরেলানা নাবা ফগৎলকপগী মশিং খ্বাইদগী য়াম্বা ওইরি মতুংদা নোংমদা মীওই ৬,৬৮৫ নাবা ফগৎলক্তুনা দিল্লীনা মতুং ইল্লি। মহারাস্ত্রনা নৌবা ৫,৮৬০ নাবা ফগৎলকপগী রিপোর্ত তৌরকখি।
![http://static.pib.gov.in/WriteReadData/userfiles/image/image0069FDZ.jpg](http://static.pib.gov.in/WriteReadData/userfiles/image/image0069FDZ.jpg)
অনৌবা কেসশিংগী ৭৭.২০%দি রাজ্য/য়ু.তি. তরাদগী ওইখি।
হৌখিবা পুং ২৪দা দিল্লীদগী কেস ৭,৫৪৬ রিপোর্ত তৌরকখি। কেরেলানা অনৌবা কেস ৫,৭২২ রেকোর্দ তৌখি অমরোমদা ঙরাং মহারাস্ত্রনা নুংতিগী থেংনবা কেস ৫,৫৩৫ রিপোর্ত তৌরকখি।
হৌখিবা পুং ২৪দা রিপোর্ত তৌরকখিবা শীখিবা কেস ৫৮৪গী মনুংদা ৮১.৮৫%দি রাজ্য/য়ু.তি. তরাদগী ওইখি।
শীখিবা ১৫৪ রিপোর্ত তৌরকপগা লোইননা নৌনা শীখিবগী রিপোর্ত তৌরকখিবা ২৬.৩২%দি মহারাস্ত্রদগী ওইখি। দিল্লীদা মীওই ৯৩ শীখি অমরোমদা ৱেস্ত বেঙ্গলদা নৌনা ৫৩ শীখিবগী রিপোর্ত তৌরকখি।
![http://static.pib.gov.in/WriteReadData/userfiles/image/image0083OMB.jpg](http://static.pib.gov.in/WriteReadData/userfiles/image/image0083OMB.jpg)
****
(Release ID: 1674354)
Visitor Counter : 279
Read this release in:
Telugu
,
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Tamil
,
Malayalam