PIB Headquarters
কোবিদ-১৯গী মতাংদা নুমিৎ খুদিংগী ফোংবা পি.আই.বি.গী বুলেতিন
Posted On:
18 NOV 2020 6:01PM by PIB Imphal
![](https://static.pib.gov.in/WriteReadData/userfiles/image/image0015IFJ.jpg)
(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )
- ভারতনা মখা তানা নুমিৎ ৪৬নি শুবা ওইনা নুংতিগী থেংনবা কেসশিংদগী নুংতিগী নাবা ফগৎলকপনা হেনবগী রেকোর্দ তৌখ্রে
- লেপ্তনা নুমিৎ তরামাথোইনি শুবা ওইনা লৈবাক অসিদা নুংতিগী নৌনা থেংনবা কেস অসি ৫০,০০০দগী তানা রিপোর্ত তৌরকখি
- হৌখিবা পুং ২৪দা নৌনা কেস ৩৮,৬১৭ খক্তা থেংনখিবা অসিদা কোবিদ-১৯ নাবা মীওই ৪৪,৭৩৯না নাবা ফগৎখি
- ঙসি নাবা ফগৎলকপগী চাং অসি ৯৩.৫২%দা হেনগৎলকখ্রে
![](https://static.pib.gov.in/WriteReadData/userfiles/image/image005W14G.jpg)
![Image](https://static.pib.gov.in/WriteReadData/userfiles/image/image006DY0V.jpg)
ভারতনা মখা তানা নুমিৎ ৪৬নি শুবা ওইনা নুংতিগী থেংনবা কেসশিংদগী নুংতিগী নাবা ফগৎলকপনা হেনবগী রেকোর্দ তৌখ্রে, নুমিৎ তরামাথোইনি শুবা ওইনা নুংতিগী নৌনা থেংনবা কেসশিং অসি লিশিং ৫০দগী তাখ্রে
থা অমা মখাই হেন্না ভারতনা নুংতিগী নৌনা হাপচিল্লকপা কেসশিংদগী নুংতিগী নৌবা নাবা ফগৎলকপী খোঙচৎ অসি মখা তানা কাইদনা চংশিল্লি। লেপ্তনা নুমিৎ তরামাথোইনি শুবা ওইনা লৈবাক অসিদা নুংতিগী নৌনা থেংনবা কেস অসি ৫০,০০০দগী তানা রিপোর্ত তৌরকখি। হৌখিবা পুং ২৪দা নৌনা কেস ৩৮,৬১৭ খক্তা থেংনখিবা অসিদা কোবিদ-১৯ নাবা মীওই ৪৪,৭৩৯না নাবা ফগৎখি। মসিনা তাক্লি মদুদি এক্তিব কেসলোদতা অপুনবদা ৬,১২২ হন্থদুনা হৌজিক ৪,৪৬,৮০৫ ওইরি। ঙসি ফাওবদা এক্তিব কেসলোদ অসি অপুনবা কোবিদ-১৯ কেসশিংগী ৫.০১% খক্তা ওইরি। ঙসি নাবা ফগৎলকপগী চাং অসি ৯৩.৫২%দা হেনগৎলকখ্রে। পুন্না নাবা ফগৎলকখিবা কেসশিং অসি ৮৩,৩৫,১০৯ ওইখি। নৌনা নাবা ফগৎলকখ্রবা কেসশিংগী ৭৪.৯৮%দি রাজ্য/য়ু.তি. তরাদগী ওইখি। কোবিদতগী মীওই ৬,৬২০ নাবা ফগৎখিবগা লোইননা কেরেলানা নাবা ফগৎলকপগী মশিং খ্বাইদগী হেনখ্রে। মহারাস্ত্রনা নুংতিগী নাবা ফগৎলকপা অসি ৫,১২৩ রেজিস্তর তৌখি অমরোমদা দিল্লীনা নৌনা নাবা ফগৎলকখিবা ৪,৪২১ রিপোর্ত তৌখি। অনৌবা কেসকী ৭৬.১৫%দি রাজ্য/য়ু.তি. তরানা ওইখি। হৌখিবা পুং ২৪দা দিল্লীদা কেস ৬,৩৯৬ রিপোর্ত তৌরকখি। কেরেলাদা অনৌবা কেস ৫,৭৯২ রেকোর্দ তৌরকখি অমরোমদা ঙরাং ৱেস্ত বেঙ্গলদগী অনৌবা কেস ৩,৬৫৪ রিপোর্ত তৌরকখি। হৌখিবা পুং ২৪দা রিপোর্ত তৌরকখিবা শীখিবগী কেস ৪৭৪গী ৭৮.৯%দি রাজ্য/য়ু.তি. তরাদগী ওইখি। দিল্লীদা শীখিবা ৯৯ রিপোর্ত তৌরকপগা লোইননা নৌনা শীখিবগী ২০.৮৯% ওইখি। মহারাস্ত্র অমসুং ৱেস্ত বেঙ্গলদগী মথং শিৎনা ৬৮ অমসুং ৫২ নৌনা শীখিবগা লোইননা মতুং ইনখি।
অকুপ্পা ৱারোলগীদমক:
প্রধান মন্ত্রী নরেন্দ্র মোদী অমসুং য়ুনাইতেদ স্তেৎস ওফ অমেরিকাগী প্রসিদেন্ত ওইনা খল্লক্লবা হিস এক্সিলেন্সী জোসেফ আর. বাইদেনগা তেলিফোন্দা ৱারী শাবা
প্রধান মন্ত্রী নরেন্দ্র মোদীনা ঙসি য়ুনাইতেদ স্তেৎস ওফ অমেরিকাগী প্রসিদেন্ত ওইনা খল্লক্লবা হিস এক্সিলেন্সী জোসেফ আর. বাইদেনগা লোইননা তেলিফোন্দা ৱারী শাখ্রে। প্রধান মন্ত্রী মোদীনা বাইদেননা মহাক্কী মীখলদা প্রসিদেন্ত ওইনা খল্লকপদা থাগৎপা ফোঙদোক্লদুনা মসি য়ুনাইতেদ স্তেৎসকী দেমোক্রেতিক্কী লৈরিবা চৎনবী অসিগী মপাঙ্গল অমসুং থৌনা অদুগী খুদম অমনি হায়না ফোঙদোকখি। প্রধান মন্ত্রীনা ভাইস-প্রসিদেন্ত ওইনা খল্লক্লবা সেনেতর কমালা হেরিসতসু মহাক্না থম্মোই শেংনা থাগৎপা ফোঙদোকখ্রে অমদি য়াইফ পাউজেল পীখ্রে। মান্নবা ভেল্যুশিং অমসুং নাকল অনিমক্কী কান্নবদা য়ুম্ফম ওইবা ভারত-য়ু.এস.কী কম্প্রিহেন্সিব গ্লোবেল স্ত্রেতেজিক পার্তনরশিপ মখা তানা খুমাং চাউশিন্নবা পুন্না থবক তৌমিন্ননবা লুচিংবশিংনা য়ানখি। লুচিংবশিংনা কোবিদ-১৯ লাইচৎ লাকশিন্নবা, অহোংবা মমলদা বেক্সিনশিং ফংহন্নবা, অইং-অশাদা হোংলক্লিবা অসি লাকশিন্নবা অমসুং ইন্দো-পেসিফিক রিজনগী কো-ওপরেসন য়াওনা মরু ওইবশিংগী মতাংদসু লুচিংবশিংনা খন্নখি।
অকুপ্পা ৱারোলগীদমক:
নবেম্বর ১৭, ২০২০দা পাঙথোকখিবা ৩শুবা এনুএল ব্লুমবর্গ নিউ ইকনমী ফোরমদা পীখিবা পি.এম.গী ৱারোল
অকুপ্পা ৱারোলগীদমক:
অর্বানাইজেসন্দা ইনবেস্তমেন্ত তৌনবা ভারতকী অচৌবা খুদোংচাবশিং লৈ হায়না পি.এম.না ইনবেস্তরশিংদা হায়খ্রে, কোবিদ মতুংদা মালেম অসিদা ৱাখল্লোন অমসুং খোঙথাংশিং অমুক হন্না শেমদোকপা মথৌ তাগনি
প্রধান মন্ত্রী শ্রী নরেন্দ্র মোদীনা ভারতকী অর্বানাইজেসনদা ইনবেস্তরশিংনা ইনবেস্ত তৌনবা হায়খ্রে। ভিদিও কনফরেন্সিংগী থোংদা ঙসি ৩শুবা এন্যুএল ব্লুমবর্গ ন্যু ইকনোমী ফোরমদা ৱা ঙাংলদুনা প্রধান মন্ত্রীনা হায়খি “করিগুম্বা অদোমনা অর্বানাইজেসনদা ইনবেস্ত তৌবা পাম্লবদি অদোমগীদমক্তা ভারত্তা অচৌবা খুদোংচাবশিং লৈ। শ্রী মোদীনা হায়খি কোবিদ-১৯গী মতুংদা মালেম অসি অমুক হন্না হৌবা অমা মথৌ তাগনি অদুবু হৌগদৌরিবা অসি শেমদোকপা অমা য়াওদ্রবদি ওইথোক্লোই। ৱাখল্লোন শেমদোকপা। প্রোসেসশিং শেমদোকপা অমসুং খোঙথাংশিং শেমদোকপা। লাইচৎ অসিনা ঐখোয়দা লম খুদিংমক্তা অনৌবা প্রোতোকলশিং দিবেলপ তৌনবগী খুদোংচাবা অমা পীরি। “করিগুম্বা ঐখোয়না তুংলমচৎতা মপাঙ্গল কনবা সিস্তেমশিং দিবেলপ তৌবা পাম্লবদি মালেম অসিনা খুদোংচাবা অসি লৌহৌগদবনি। ঐখোয়না মালেমদা কোবিদকী মতুংদা মথৌ তারক্কদবশিং অদুগী মতাংদা খন্থবা মথৌ তাই। ঐখোয়গী অর্বান সেন্তরশিং শেমগৎপা অসিনা অফবা অহৌবা তানফম অমা ওইগনি” হায়না প্রধান মন্ত্রীনা মখা তাখি।ংদা ব ঐখোয়না মালেমদা কোবিদকী অর্বান সেন্তরশিং শেমগৎপা হায়বা থিম অসিদা য়ুম্ফম ওইরগা প্রধান মন্ত্রীনা রিকবরীগী প্রোসেস অসিদা মীয়ামনা মপুং ওইনা শরুক য়ানবা ফোঙদোকখি। মীয়াম্না খ্বাইদগী অচৌবা রিসোর্সনি অমসুং কাংলুপশিংনা খ্বাইদগী অচৌবা বিল্দিং ব্লোকনি হায়না ফোঙদোক্লদুনা প্রধান মন্ত্রীনা হায়খি, “লাইচৎ অসিনা খুন্নাইশিংগী অমসুং বিজিনেসশিংগী ওইনা ঐখোয়গী খ্বাইদগী চাউবা রিসোর্স অসি ঐখোয়গী মীয়াম্না হায়বা অমুক হন্না খঙহনখ্রে। কোবিদ মতুংগী মালেম অসি মসিগী মরু ওইবা অমসুং ফন্দামেন্তেল রিসোর্স অসি য়ৌখৎলকপা শেমগৎকদবনি।”
অকুপ্পা ৱারোলগীদমক:
ইন্দিয়া-লকসেম্বর্গ ভর্চ্যুএল সম্মিৎ
প্রধান মন্ত্রী শ্রী নরেন্দ্র মোদী অমসুং লকসেম্বর্গকী প্রধান মন্ত্রী ঐচ.ই. মিস্তর জেবিয়র বেত্তেলগী মরক্তা নবেম্বের ১৯, ২০২০দা ভর্চ্যুএল সম্মিৎ অমা পাঙথোক্কনি। মসি হৌখিবা দিকেদ অনি অসিদা ভারত অমসুং লকসেম্বর্গকী মরক্তা পাঙথোকপা অহানবা স্তেন্দ-এলোন সম্মিৎ ওইরগনি। লুচিংবশিংনা কোবিদ মতুংগী মালেমদা ভারত-লকসেম্বর্গকী খুৎশম্ননা থবক তৌমিন্নবগী মপাঙ্গল কনখৎহনবা য়াওনা বাইলেতরেলগী ওইবা মরীগী হিরম পুম্নক্তা খন্নগনি। মখোয়না নাকল অনিমক্কী ওইবা ইন্তরনেস্নেল অমসুং গ্লোবেলগী সমস্যাশিংগী মতাংদা ৱাখল্লোনসু ফোঙদোক্নগনি।
অকুপ্পা লারোলগীদমক:
ইনক্লুজন, দাইভর্সিতী অমসুং এক্সিলেন্সকী অপুনবগী শক্তম অদু জে.এন.য়ু.না উৎলি: রাস্ত্রপতি কোবিন্দ
ভারতকী মফম পুম্নমক্তদগী অমসুং সমাজকী স্ত্রাতা পুম্নমক্তদগী লাক্লিবা মহৈরোইশিংনা এক্সিলেন্সকীদমক মান্নবা খুদোংচাবা ফংলিবা এতমোস্ফিয়র অমা ওইরিবা জৱাহর্লাল নেহরু য়ুনিভর্সিতী (জে.এন.য়ু.)দা মহৈ তম্লি৷ তোঙান তোঙানবা তুংগী লম্বেল থিরিবা মহৈরোইশিং অসিনা জে.এন.য়ু. অসিদা তম্নবা লাক্লি৷ ঙসি (২০২০গী নবেম্বর ১৮) ভিদিও মেসেজ অমগী খুৎথাংদা ভারতকী রাস্ত্রপতি শ্রী রাম নাথ কোবিন্দনা জে.এন.য়ু.গী ৪শুবা চহীগী ওইবা কনবোকেসন অদুদা ৱা ঙাংদুনা ইনক্লুজন, দাইভর্সিতী অমসুং এক্সিলেন্সকী অপুনবগী শক্তম অদু য়ুনিভর্সিতী অসিনা উৎলি হায়না ফোংদোকখি৷ কোবিদ-১৯ লাইচৎ অসিগী মতাংদা ৱা ঙাংলদুনা ঙসিদি মসিগী লাইনা-লাইচৎ অসিনা মরম ওইরগা মালেম অসি ক্রাইসিস্কী ফিভম অমদা লৈরে হায়না রাস্ত্রপতি অসিনা ফোংদোকখ্রে৷ ইপিদেমিক্স অমসুং পেন্দেমিক্সকী লৈরিবা ফিভম অসিদা ইনফেক্সিয়র্স দিজিসশিং, ইপিদেমিওলোজী, ভাইরোলোজী, দাইয়েগ্নোস্তিক, ইন্সত্রুমেন্তেল, ভেক্সিনোলোজী অমসুং অতোপ্পা মরী লৈনবা হিরমশিংদা রিসর্চ পাংথোকপদা হাইয়র এদজুকেসন ইন্সতিত্যুসনশিং অসিনা লমজিংবা য়াম্না মরু ওই হায়না ২০২০গী অনৌবা নেস্নেল এদজুকেসন পোলিসী অসিনা পল্লি৷ মরী লৈনবা সোসিয়েল ইসুশিং মরু ওইনা মল্তি-দিসিপ্লিনরী এপ্রোর্চ নৈনবা তঙাই ফদে৷ অসিগুম্না হোৎনরিবা অসিদা য়ুনিভর্সিতীশিং খুদম ওইনা জে.এন.য়ু. অসিনা স্পিসিফিক হেন্দ হোল্দিং মেকানিজমশিং শেম্বদা লমজিংনবা মমাং থানা হোৎনগদবনি অমসুং মহৈরোই কম্ম্যুনিতীশিং অসিগী মরক্তা ইন্নভেসন তৌনবা মহাক্না ফোংদোকখ্রে৷
অকুপ্পা ৱারোলগীদমক:
দা. হার্শ বর্ধননা ঐচ.আই.ভি. প্রিভেন্সনগীদমক গ্লোবেল প্রিভেন্সন কোলিসন(জি.পি.সি.)দা ৱা ঙাংখ্রে
ঙসি ঐচ.আই.ভি. প্রিভেন্সনগীদমক গ্লোবেল প্রিভেন্সন কোলিসন(জি.পি.সি.)গী মতাংদা পাংথোকখিবা মিনিস্ত্রিয়েল মীফম অমদা হকশেল অমসুং য়াইফ য়ুম্বালগী কেন্দ্রগী মন্ত্রী দা. হার্শ বর্ধননা দিজিতেল্লী ওইনা ৱা ঙাংখ্রে৷ কোবিদ-১৯ লাইনা-লাইচৎ অসিগী মনুংদা ভারতনা মতৌ করম্না ঐচ.আই.ভি. ঙাকথোকখিবগে হায়বা অদু দা. হার্শ বর্ধননা শন্দোক্না তাকখ্রে৷ “ ঐচ.আর.ভি. দিস্পেন্সেসন অসিগীদমক রোবর্স্ত ইমপ্লিমেন্তিং প্লান অমগা লোইননা মীয়াম শিনবা থুংনা য়ৌহন্নবা ভারত সরকার অসিনা কম্ম্যুনিতীশিং, সিভিল সোসাইতী, দিভেলপমেন্ত পার্তনরশিং য়াওহন্দুনা মতম চানা খোংথাংশিং লৌখৎখ্রে৷ সরকার অসিনা মরু ওইবা পোপুলেসনশিং অমসুং পি.এল.ঐচ.আই.ভি. অসি তোঙান তোঙানবা সোসিয়েল ৱেল্ফেয়র স্কিমশিং অসিগা শম্নহনখ্রে৷ এদভাইজরীশিং অমসুং গাইদেন্স নোৎশিং অসি গ্লোবেল গাইদলাইনশিং অসিগী মতুং ইন্না মতম মতমগী ওইনা এন.এ.সি.ও.না ইসু তৌখ্রে”, হায়না মহাক্না ফোংদোকখি।
অকুপ্পা ৱারোলগীদমক:
আই.আই.এস.এফ.-২০২০গী কর্তেন রাইজর অদু দা. হার্শ বর্ধননা হৌদোকখ্রে, আই.আই.এস.এফ.-২০২০ অসি ভর্চুয়েল ইভেন্ত অমা ওইরগনি
আই.আই.এস.এফ.কী ৬শুবা ইদিসনগী তোঙান তোঙানবা থৌরমশিং অদু হৌদোক্ননবগীদমক আই.আই.এস.এফ.-২০২০গী কর্তেন রাইজর অদু সাইন্স অমসুং তেক্নোলোজী, আর্থ সাইন্সেস অমসুং হকশেল অমসুং য়াইফ য়ুম্বালগী কেন্দ্রগী মন্ত্রী দা. হার্শ বর্ধননা ঙরাং ন্যু দিল্লীদা হৌদোকখ্রে৷ থৌরম অসিদা দা. হার্শ বর্ধননা মধ্য প্রদেশ সরকারগী সাইন্স অমসুং তেক্নোলোজীগী মন্ত্রী শ্রী ওম প্রকাশ সখলেচাগা লোইননা অসিগুম্বা মেগা ইভেন্ত অসিগী ই-ব্রোঞ্চর অমা থাদোকখ্রে৷ মসি আই.আই.এস.এফ. অসি দি.আই.এস.তি., দি.বি.তি., এম.ও.ই.এফ., এম.ও.ঐচ.দবল্যু.এফ. অমসুং ভারত সরকারগী সি.এস.আই.আর. অমসুং বিজননা ভারতি(বিভা) অমসুং অতোপ্পা ওর্গনাইজেসন কয়ামরোম্না সপোর্ত তৌদুনা পুন্না খুৎশম্নরগা চহী খুদিংগী শিনবা থৌরম অমনি৷ আই.আই.এস.এফ.-২০২০গী ৱেবসাইত অদুসু থৌরম অসিদা লোঞ্চ তৌখ্রে।
অকুপ্পা ৱারোলগীদমক:
সি.এস.আই.আর.-সি.আই.এম.এফ.আর.গী প্লেতিনম জুবিলী ফাউন্দেসন দে সেলেব্রেসন্স দা. হার্শ বর্ধননা হৌদোকখ্রে
কাউন্সিল ওফ সাইন্তিফিক অমসুং ইন্দস্ত্রিয়েল রিসর্চ(সি.এস.আই.আর.)গী মমিং লৈরবা আর. অমসুং দি. লেবোরেতরীশিংগী মনুংদা অমা ওইরিবা সি.এস.আই.আর.-সেন্ত্রেল ইন্সতিত্যুত ওফ মাইনিং অমসুং ফ্যুল রিসর্চ, ধনবাদকী প্লেতিনম জুবিলী ফাউন্দেসন দে সেলেব্লেসন্স অসি ঙরাং ন্যু দিল্লীদা ভিদিও কনফরেন্সিংগী খুৎথাংদা সাইন্স অমসুং তেক্নোলোজী, আর্থ সাইন্সেস অমসুং হকশেল অমসুং য়াইফ য়ুম্বালগী কেন্দ্রগী মন্ত্রী দা. হার্শ বর্ধননা হৌদোকখ্রে৷
অকুপ্পা ৱারোলগীদমক:
৫১শুবা আই.এফ.এফ.আই. দেলিগেৎ রেজিস্ত্রেসন হৌখ্রে
অকুপ্পা ৱারোলগীদমক:
পি.এম.-এস.ভি.এ.নিধি স্কিমগী মখাদা এপ্লিকেসন লাখ ২৫ হেন্না থাজিল্লকখ্রে
অখন্নবা মাইক্রো-ক্রেদিৎ ফেসিলিতী স্কিম অমা ওইরিবা পি.এম.-এস.ভি.এ.নিধি-প্রধান মন্ত্রী স্ত্রিৎ ভেন্দর অত্মনির্ভর নিধিগী মখাদা এপ্লিকেসন লাখ ২৫ হেন্না থাজিল্লকখ্রে, মসিগী মনুংদা লাখ ১২ হেন্না সেঙ্কসন তৌদুনা লুপা লাখ ৫.৩৫গী লোনশিং কাইথখ্রে৷ উত্তর প্রদেশ রাজ্যদা এপ্লিকেসন লাখ ৬.৫ হেন্না এপ্লিকেসন থাজিল্লকখি অমসুং মসিগী মনুংদা লাখ ৩.২৭ সেঙ্কসন তৌদুনা লুপা লাখ ১.৮৭গী লোনশিং কাইথখ্রে৷ য়ু.পি.দা এস.ভি.এ.নিধি য়োজনাগী লোন এগ্রিমেন্ত অদুগীদমক স্তাম্প দ্যুতী অদু লৌথোকখ্রে৷ কোবিদ-১৯ লোকদাউন অসিনা মরম ওইরগা মশাগী পোকফম লমদমদা চৎখ্রবা ভেন্দরশিং অদুসু মখোয়না হল্লক্লবা মতমদা লোনশিং অসি এপ্লাই তৌবা য়াগনি৷ লোনশিং অসিগী প্রোভিজন অসি হেসল-ফ্রী ওইরে অমসুং মীওই অমনা এপ্লিকেসন অদু মশা মশাগী অপাম্বগী মতুং ইন্না কম্মন সর্ভিস সেন্তর নত্রগা মুনিসিপাল ওফিস নত্রগা বেঙ্ক অমদা চৎতুনা থাজিনবা য়াই৷ বোঙ্কশিংনা মখোয়শিং অদুবু মতেং পাংদুনা মখোয় মখোয়গী থৌবক থৌরম অদু হৌদোকপদা মতেং পাংন্নবগীদমক মীয়ামদা লোনশিং পীনবা হোৎনরি৷ বেঙ্ক স্তাফ অসিনা য়াম্না কন্না হোন্নদুনা তৌরিবা থবকশিং অসি থাগৎলদুনা প্রধান মন্ত্রীনা অসুম্না ফোংদোকখ্রে, “মতম অমদা স্ত্রিৎ ভেন্দরশিংনা বেঙ্ক মনুংদা চংনরমদে অদুবু ঙসিদি বেঙ্ক অসিনা মখোয় মখোয়গী য়ুমদা চৎলি৷”
অকুপ্পা ৱারোলগীদমক:
পি.আই.বি. ফিল্দ ওফিসশিংদগী ফংবা পাউ
• মহারাস্ত্র: কোরোনাভাইরস ইনফেক্সন শন্দোরকপা থিংনবগী পান্দমগা লোইননা মুম্বাইগী সিভিক বোদীনা হায়খি মদুদি শমুদ্র মপানশিং অমসুং তুরল খোংবানশিংদা ছথ পুজা তৌবা য়াহল্লরোই। গ্রেতর মুম্বাইগী মুনিসিপাল কোরপোরেশন্না হায়খি মদুদি সিতী পুলিসনা নুমিৎ তারবা মতুংদা পাংথোকপা লাইগী থৌরমশিংগীদমক্তা তাং ২০গী নুমিদাংৱাইরমদা তুরেল মপালশিংদা মীয়াম তিলহনদনবা হোৎনগদবনি। মখোয়না হায়খি মদুদি মরী লৈনবা ওফিসিয়েলশিংনা নুমিৎকী লাইদা মীয়াম্না লাই খুরুম্বা য়ানবা খুৎশেমগী পুখ্রিদা অকক্নবা মশিংদা মীয়াম তিনবগী অয়াবা পীগনি অমসুং মসিদা পি.পি.ই. অমসুং তেস্তিং কিতশিং মতিক চানা য়াওরবা মথৌ তাবা মেদিকেল তীমশিংনা খুৎশেমগী পুখ্রিশিং থম্লিবা মফমশিংদা লৈগনি। মহারাস্ত্রদা ফগৎলকপগী চাং অসি ৯২.৪৯%দা লৈরি অদুগা কেস ফেতেলিতী রেতনা ২.৬৩% ওইখি।
• গুজরাত: ফগৎলকপগী চাং অসি মখাতানা হেনগৎলক্তুনা ৯১.৪%দা লৈখ্রে। গুজরাত্তা হৌজিক ফাওবদা থেংনখিবা কোবিদ-১৯গী কেসশিংগী অপুনবা মশিং অদু লাখ অমগা লিশিং ৯০ হেনখ্রে।
• রাজস্থান: কোবিদ-১৯গী এক্তিব কেসশিংগী মশিং অদু নুমিৎ ২৬কী মতুংদা ১৯,০০০ হেনখ্রে। য়ুমশকৈশা নুমিত্তা থেংনখিবা কেসশিং অদু অয়াম্বনা জয়পুর জিলাদগী ওইখি (অনৌবা কেস ৪৮৪), মথংদা জোধপুর জিলা (অনৌবা কেস ৩১৭) অমসুং মথংদা অলৱার (অনৌবা কেস ২৪৭)। কেপিতল সিতী জয়পুরদা নুমিৎ খুদিংগী মীওই ৪৫০গী মথক্তা পোজিতিব ওইবা থেংনখি। এক্তিব পেসেন্তশিংগী মশিং অসি মফম অসিদা ৬,৫০০গী মথক্তা ওইখি। হৌজিক ফাওবদািনফেক্সন্না মরম ওইরগা মীওই ৪০০গী মথক্তা লৈখিদ্রে। অনৌবা ইনফেক্সনশিংগী য়াম্লবা মশিং কয়া অমা বিকেনের, অলৱার, অজমের অমসুং কোতাদগী থেংনখি। রাজ্য অসিদা হৌজিক ফাওবদা সেমপল লাখ ৪০গী মথক্তা তেস্ত তৌখ্রে।
• মধ্য প্রদেশ: য়ুমশকৈশা নুমিত্তা কেসশিংগী মশিং খ্বাইদগী য়াম্না ভোপাল জিলাদগী থেংনখি (অনৌবা কেস ২০৭), মথংদা ইন্দোর জিলাদগী (অনৌবা কেস ১৭৮) অমসুং মথংদা গ্বালিয়র (কেস ৫৫)। তেস্ত তৌখিবা মীশিংগী অপুনবা মশিং অদু হৌজিক্তি ৩৩,৫৪,৮৮৪ ওইখ্রে।
• ছত্তিসগর: কোবিদ-১৯না মরম ওইরগা শিখিবশিংগী মশিং অদু হৌখিবা চয়োল অনিগী মনুংদা হেনগৎলকখ্রে। হৌখিবা নুমিৎ ১৫নিদা রাজ্য অসিদা কোরোনাভাইরসনা মীওই ২০০গী মথক্তা পুন্সি লৌখ্রে। চীফ সেক্রেতরীনা রাজ্য অসিদা কোবিদ-১৯না মরম ওইরগা শিখিবশিংগী মশিং হেনগৎলকপগী মতাংদা পাখৎপা ফাওখি অমসুং রেপিদ কোবিদ তেস্তশিংদা অখন্নবা মিৎয়েং চংনবা ওথোরিতীশিংদা খঙহল্লকখ্রে। মহাক্না দিস্ত্রিক্ত হোসপিতালশিংদা ওক্সিজেন ফেসিলিতী লৈবা ফমুংশিংগী মশিং মতিক চানা ফংহন্নবা জিলাগী কলেক্তরশিংদসু হায়খ্রে। মহাক্না মখাতানা কোবিদকা চুনবা লমচৎ-শাজৎশিং চৎননবা মীয়ামবু পুক্নিং থৌগৎনবা ইন্তেন্সিব এৱেয়রনেস কেমপেন অমা পাংথোকপা অমসুং সীম্তমশিং অমা হেক্তা থেংনবগা পুং ২৪গী মনুংদা কোবিদ তেস্ত তৌনবা খঙহল্লকখ্রে।
• গোৱা: রাজ্য অসিদা ফগৎলপগী চাং অসি ৯৫.৫৬% ফাওবা য়ৌখ্রে। ভারত বায়োতেক্কী কোবিদ-১৯ ভেক্সিন কেন্দিদেত কোভেক্সিনগী ফেস III ক্লিনিকেল ত্রায়লশিং অদু গোৱাগী রেদকর হোসপিতালদা হৌরগনি।
• অসাম: মথংগী চয়োলদগী ইনকমিং ফ্লাইত পেসেঞ্জরশিংগীদমক্তাকোবিদ-১৯ তেস্ত তৌবা অদু সারুসজাইগী মহুত্তা গুৱাহাতি এবরপোর্ত মশামক্তা পাংথোক্লগনি হায়না অসামগী হকশেল মন্ত্রীনা ত্বীত তৌরকখি। অসামগী মনুংদা অমসুং নোর্থ ইস্ত রাজ্যশিংগী মরক্তা চৎথোক-চৎশিন তৌরিবা এয়র পেসেঞ্জরশিংনা তঙাইফদনা কোবিদ-১৯ তেস্ত তৌবা অদু মথৌ তাররোই।
• নাগালেন্দ: অনৌবা কেস ১৬৩ লৈখিবগা লোইননা নাগালেন্দগী কোবিদ-১৯গী অপুনবা মশিং অদু ১০,১৮৮ শুখ্রে। এক্তিব কেসশিংগী মশিং ১,১৩৪দা হেনগৎলকখ্রে।
• কেরলা: স্তেত ইলেক্সন কমিশন্না রাজ্য সরকারদা কোবিদ-১৯ পেসেন্তশিং অমসুং ক্বারেন্তিন্দা লৈরিবশিং অদুদা ভোত থাধগদবা নুমিৎ অদুগী নোংমা ৱাৎলিঙৈদা নুংথিলগী পুং ৩ ফাওবা পোস্তেল বেলোতশিংগীদমক্তা এপ্লাই তৌবগী খুদোংচাবা পীননবা হায়রকখ্রে। হেল্থ দিপার্তমেন্তনা কলেক্তরশিংগী মতেংগা লোইননা হোসপিতালশিং অমসুং ক্বারেন্তিনদা লৈরিবা কোবিদ পেসেন্তশিংগীদমক্তা মখোয়গী ভোত থাধনবা এরেঞ্জমেন্তশিং তৌরগনি। মশাগী য়ুমদা লৈরিবা কোবিদ পেসেন্তশিংনা ইরোই-লোইবদা বুথতা লাক্তুনা অমসুং মখোয়গী ভোতশিং অদু থাধগনি।মরক অসিদা হান্নগী মুখ্য মন্ত্রী অমসুং সেনিয়র কোংগ্রেস লীদর, এ.কে.এন্থোনী ঙসি কোবিদ-১৯গী দাইগ্নোস তৌখ্রে। কেরলাদা ঙরাং কোবিদ-১৯গী অনৌবা কেস ৫,৭৯২ কনফ্রম তৌখ্রে অদুগা পেসেন্ত ৬,৬২০ ফগৎখি। তেস্ত পোজিতিব ওইবগী চাং অসি ১০.৩১%নি অমসুং রাজ্য অসিদা কোবিদকা মরী লৈননা শিখিবশিংগী মশিং অদু ১,৯১৫ শুখ্রে।
• তামিল নাদু: আই.সি.এম.আর.গা লোইননা ত্রায়ল ওইনা মমাংদা পাংথোকখিবা, কোবিদ-১৯ পেসেন্তশিংগীদমক্তা ওইবা কনভালেসেন্ত প্লাস্মা থেরাপী অসি হৌজিক্তি তামিল নাদুদা ক্লিনিকেল ত্রীতমেন্তকী শরুক অমা ওইখ্রে। পুলমোনোলোজিস্তশিংনা সি.ও.পি.দি. (ক্রোনিক ওবস্ত্রক্তিব পুলমোনরী দিজীজ) লৈবা কোবিদ-১৯ পেসেন্তশিংনা হোসপিতেলাইজেশন তৌবগী মতাংদা হেন্না খুদোংথিনীংঙাই ওই হায়না চেকশিন্নবা খঙহল্লকখ্রে। সি.ও.পি.দি. পেসেন্তশিংদা শিবগী চাংসু ৱাংঙি। হেল্থ ওফিসিয়েলশিংনা হন্দক্তা পাংথোকখিবা সেরো সর্ভে অদুগী মতুং ইন্না খঙবা ঙমখি মদুদি সালেমগী পোপুলেশনগী চাদা ২০.৫দি কোবিদ-১৯দা এক্সপোস তৌই অমসুং ভাইরস অসিগী মায়োক্তা এন্তিবোদীশিংশু পুথোকই হায়বসু খঙবা ঙমখি। কোইম্বাতোর হেল্থ ওফিসিয়েলশিংনা হায়খি মদুদি মখোয়না নুমিৎ ১৪নিগী ইনক্যুবেশন পেরদ মতুংদা খক্তমক জিলা অসিদা দীপাৱলিগী মনুংদা ভাইরস অসি কদাই ফাওবা শন্দোকখিবগে হায়বদু খঙবা ঙমগনি।
• কর্নাতকা: কর্নাতকা সরকারনা কোবিদ-১৯ পেসেন্তশিংগীদমক্তা লনাইগী হোসপিতালশিংদা ফমুং ৫০% রিজার্ব তৌনবগী ওর্দর অদু রিভাইস তৌখ্রে; হায়রিবা অসি লনাইগী অমসুং সরকারগী হোসপিতালশিংদা কোবিদ-১৯ লাইয়েংবা লাক্লিবা পেসেন্তশিংগী মশিংদা হন্থরকপা মতুংদগী তৌরকখিবনি। পব্লিক হেল্থ ফাউন্দেশন ওফ ইন্দিয়া অমসুং জিৱন রক্সানা পীবা প্রোজেক্সনশিং অদুগী মতুং ইন্না দিসেম্বর ১২ ফাওবদা কর্নাতকাদা কোবিদ কেস লাখ ৯.২৫ য়ৌবা য়াই।বেঙ্গলুরুগী কোবিদ-১৯ কেস ফেতেলিতী রেত (১.১%) অসি ভারতকী মরু ওইবা সিতীশিংগী মরক্তা খ্বাইদগী নেম্বা ওইখি। ধারৱাদ জিলাদা এক্তিব কোবিদ কেসশিংগী মশিং অসি থা মরিরকশুবা ওইনা নেমনা লৈখি।
• অন্ধ্র প্রদেশ: লোকল বোদী পোলশিং অদু ফেব্রৱারীদা পাংথোক্লগনি হায়না অন্ধ্র ইলেক্সন কমিশন্না হায়খি। লাইচৎ অসিনা মরম ওইরগা লৈরিবা ফিভম অসি পঞ্চয়ত ইলেক্সনশিং পাংথোকপদা শাফদে হায়না অন্ধ্র সরকারনা হায়খি। গোভর্নমেন্ত রেসিদেন্সিয়েল স্কুল স্রিকাকুলমগী ক্লাস ৯গী মহৈরোইশিংনা কোবিদ-১৯ শন্দোরক্লিবা অসি য়েংলগা স্কুলদা মহৈরোইশিংগী মরক্তা ফিজিকেল দিসতেন্সিং ঙাক্না চৎহন্নবা সেন্সরশিং য়াওরবা য়াম্না য়াংবা দিজিতেল আই.দি.কার্দশিং শেমখ্রে।
• তেলঙ্গনা: লৈবাকপোকপা নুমিত্তা রাজ্য অসিগী কোবিদ-১৯গী অপুনবা মশিং অদু কেস ৯৫২ থেংনখিবগা লোইননা ২,৫৮,৮২৮ য়ৌখ্রে। নুমিৎ অদুদা পেসেন্ত ১,৬০২ দিসচার্জ তৌখিবগা লোইননা এক্তিব কেসশিংগী মশিং অদু ১৩,৭৩২দা হন্থরকখ্রে অমসুং ফগৎলকখিবশিংগী অপুনবা মসিং অদু ২,৪৩,৬৮৬তা হেনগৎলকখ্রে। ই-ক্লিনিক ফ্রাঞ্চাইজনা রুরল তেলঙ্গনাদা সেন্তরশিং হাংদোক্লগনি; লাইচৎ অসিগী মনুংদা দোক্তরশিংগা হকথেংননা উনবা হায়বসি ওইথোকপা য়াম্না ৱাগনি, মসিগী ক্লিনিকশিং অসিনা দোক্তর কন্সল্তেশশিং, দাইগ্নোস্তিক তেস্তনচিংবা কয়া অমা ফংহনগনি।
ফেক্ত চেক
![](https://static.pib.gov.in/WriteReadData/userfiles/image/image007GLR9.jpg)
![](https://static.pib.gov.in/WriteReadData/userfiles/image/image008V5JH.jpg)
![](https://static.pib.gov.in/WriteReadData/userfiles/image/image009YIXR.jpg)
![Image](https://static.pib.gov.in/WriteReadData/userfiles/image/image010Q0D2.jpg)
*****
(Release ID: 1673993)
Visitor Counter : 166