থোইদোক হেন্দোক্না ইকায়খুম্নরবশিং

বি.আর.আই.সি.এস.কী তোঙান তোঙানবা লূপশিংনা পীবিরিবা পাউদমশিংগীদমক্তা থাগৎচরি‍। বি.আর.আই.সি.এস. নেসনেল সিক্যুরিতী এদভাইজরগী ১০শুবা মীফমবু হঙ্গৎনা নৈনবিগীদমক্তা মিস্তর পাত্রুসেববু থাগৎচরি‍।

ঐনা হৌরকপদা হায়খিবগুম, বি.আর.আই.সি.এস. কাউন্তর তেরোরিজম স্ত্রেতজীগী ৱাফম লোইশিন্নবা য়াম্না মরুওইবা খুদোংচাবা অমনি‍। ঐনা হায়জনিংবদি ঐখোয়না এন.এস.এ.না কাউন্তর তেরোরিজম এক্সন প্লান অমা খন্নরি‍।

ঐনা বি.আর.আই.সি.এস. বিজিনেস কাউন্সিলগী মতম খরগী চেয়রমেন মিস্তর সেরগৈ কাতিরিনবু থাগৎচরি‍।

ঐখোয়গী মশেল মরক্তা শেন্মিৎলোন পুনশিনবগী মরুওইবা থৌদাং লনাই সেক্তরদা লৈ‍। ঐনা হায়জনিংবদি বি.আর.আই.সি.এস. বিজিনেস কাউন্সিলনা ঐখোয় মশেলগী লল্লোন ইতিকপু দোলর বিলিয়ন ৫০০ ফাওবগী থাক্তা পুখৎনবা অরেপ্পা থৌরাং অমা শেম্বগী ৱাফমসিনি‍।

নিউ দেভেলপমেন্ত বেঙ্ককী প্রেসিদেন্তকী ফম পায়বিবগীদমক্তা মিস্তর মার্কোস ত্রোইজোগী মফমদা নুংঙাইবা ফোঙদোকচরি‍।

এন.দি.বি.গী শেলথুমগী ঙাক্লৌ অসি কোবিদগী ফীভমসিদা হেন্না কান্নগনি‍। এন.দি.বি.না রসিয়াদা ওফিস হাংদোকপদা ঐঙোন্দা নুংঙাইবা ফাওই‍। অদুগা অদোম্না মথঙ চহীদা ভারত্তা অদোমগী রিজনেল ওফিস হাংদোকপিরক্কনি হায়না ঐনা থাজবা থমজরি‍।

বি.আর.আই.সি.এস. ইন্তর-বেঙ্ক কোওপরেসন মেকানিজমগী থবক থৌরমশিংগীদমক ঐনা মিস্তর ইগর সুভালেবকী মফমদা নুংঙাইবা ফোঙদোকচরি‍। ঐখোয়গী চাউখৎ থৌরাংগী বেঙ্কশিংদা ‘প্রিন্সিপল ফোর রেস্পোন্সিবল ফাইনান্সিং’গী ৱাখল্লোন লৈবা অসিমক হরাওনিংঙাই ওইবা ৱাফম অমনি‍।

বি.আর.আই.সি.এস. ৱুমেন্স এলাইন্স লিংখৎখিবা অসি প্রেসিদেন্ত পুতিনগী মরুওইবা পান্দম্নি অমদি মহাক্কী হায়রিবা পান্দম অসি হৌজিক্তি মহৈ য়াল্লে‍।

ঐনা এলাইন্স অসিগী চেয়রপর্সন মিস এনা নেস্তেরোভাবু মহাক্কী পাউদমগীদমক্তা থাগৎচরি‍।

ঐখোয়না ভারত্তা নুপীশিংগী মপাঙ্গল কনখৎহন্নবগীদমক্তা থৌরাং কয়া পায়খৎলি‍। এলাইন্স অসিগী খুত্থাঙদা হীরম অসিদা ইন্ত্রা-বি.আর.আই.সি.এস.কী তেংবাংনবগী থাক হেনগৎলক্কনি হায়না থাজবা থমজরি‍।

অমুক্কা হন্না অদোম পুম্নমকপু, মরুওইনা ঐখোয়গী থৌবু ওইবিরিবা প্রেসিদেন্ত শ্রীমান পুতিনবু থম্মোইদগী থাগৎচবা ফোঙদোকচরি‍।

*****