ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ନୂଆଦିଲ୍ଲୀର ଜେଏନୟୁ ପରିସରରେ ଆଜି ସ୍ଵାମୀ ବିବେକାନନ୍ଦଙ୍କ ପ୍ରତିମୂର୍ତ୍ତି ଭିଡିଓ କନଫରେନ୍ସ ଜରିଆରେ ଉନ୍ମୋଚନ କରିଛନ୍ତି ।

ଜେଏନୟୁର ଛାତ୍ରଛାତ୍ରୀ ଓ ଯୁବ ସମାଜକୁ ଏହି ଅବସରରେ ଉଦବୋଧନ ଦେଇ ପ୍ରଧାନମନ୍ତ୍ରୀ ଜାତୀୟ ସ୍ଵାର୍ଥକୁ ବ୍ୟକ୍ତିଗତ ଆଦର୍ଶ ଠାରୁ ଉର୍ଦ୍ଧ୍ଵରେ ରଖିବା ଉପରେ ନିଜର ମତ ରଖିଛନ୍ତି । ସେ କହିଛନ୍ତି ଯେ, ଏହା ଦେଶର ଗଣତାନ୍ତ୍ରିକ ପଦ୍ଧତି ପାଇଁ ଘୋର କ୍ଷତିକାରକ । କାରଣ “ମୋ ଆଦର୍ଶ ଯାହା କହୁଛି ଜାତୀୟ ସ୍ଵାର୍ଥ ଦୃଷ୍ଟିରୁ ମଧ୍ୟ ମୁଁ ତାହାର ଅନୁସରଣ କରିବି ଓ ସେହି ଢାଞ୍ଚାରେ କାମ କରିବି । ଏହା ଏକ ମସ୍ତବଡ ଭୁଲ” ବୋଲି ଶ୍ରୀ ମୋଦୀ କହିଛନ୍ତି । ଏହା ସ୍ଵାଭାବିକ ଯେ ଜେଏନୟୁ ତାହାର ଆଦର୍ଶ ନେଇ ଗର୍ବିତ ହେବା ଦରକାର, ମାତ୍ର ଯେତେବେଳେ ଜାତୀୟ ସ୍ଵାର୍ଥ ବିଷୟ ସାମନାକୁ ଆସେ, ସେତେବେଳେ ଆମର ଆଦର୍ଶ ଦେଶର ହିତ ଦୃଷ୍ଟିରୁ ବିଚାର କରାଯିବା ଉଚିତ ।

ପ୍ରଧାନମନ୍ତ୍ରୀ ଛାତ୍ରଛାତ୍ରୀଙ୍କୁ କହିଛନ୍ତି ଯେ, ଯେତେବେଳେ ଦେଶ ସମ୍ମୁଖରେ କୌଣସି ଖରାପ ସମୟ ଆସେ, ବିଭିନ୍ନ ଆଦର୍ଶର ଲୋକମାନେ ସେତେବେଳେ ଜାତୀୟ ସ୍ଵାର୍ଥ ପାଇଁ ଏକାଠି ହୋଇଯାନ୍ତି । ବିଭିନ୍ନ ଆଦର୍ଶର ଲୋକମାନେ ଏକାଠି ହୋଇ ସ୍ଵାଧୀନତା ସଂଗ୍ରାମ ବେଳେ ମହାତ୍ମା ଗାନ୍ଧୀଙ୍କ ନେତୃତ୍ଵରେ ଏକତ୍ରିତ ହୋଇଥିଲେ । ସେମାନେ ମିଳିମିଶି ଦେଶ ପାଇଁ ସଂଗ୍ରାମ କରିଥିଲେ । ଦେଶ ଜରୁରୀକାଳିନ ପରିସ୍ଥିତି ବେଳେ ମଧ୍ୟ ଏହି ଏକତା ଭାବକୁ ଦେଖିଥିଲା । ପୁରୁଖା କଂଗ୍ରେସ ନେତା ଓ କାର୍ଯ୍ୟକର୍ତ୍ତାମାନେ ମଧ୍ୟ ଜରୁରୀକାଳିନ ପରିସ୍ଥିତି ବିରୁଦ୍ଧରେ ସ୍ଵର ଉତ୍ତୋଳନ କରିଥିଲେ । ସେମାନଙ୍କ ମଧ୍ୟରେ ଆରଏସଏସର ସ୍ଵେଚ୍ଛାସେବୀ ଓ ଜନସଂଘର ସଦସ୍ୟମାନେ ମଧ୍ୟ ଥିଲେ । ସମାଜବାଦୀ ଓ କମ୍ୟୁନିଷ୍ଟମାନେ ମଧ୍ୟ ଏକାଠି ହୋଇଯାଇଥିଲେ ।  

ପ୍ରଧାନମନ୍ତ୍ରୀ ଏହି ଏକାଠି ହେବା ଉପରେ ନିଜର ଆଦର୍ଶ ସହିତ ସାଲିସ ନକରିବା ଉପରେ ଗୁରୁତ୍ଵାରୋପ କରିଥିଲେ । ଏଥିରେ କେବଳ ଗୋଟିଏ ମାତ୍ର ଉଦ୍ଦେଶ୍ୟ ଥିଲା ତାହା ହେଉଛି ଜାତୀୟ ସ୍ଵାର୍ଥ । ତେଣୁ ଯେତେବେଳେ ଜାତୀୟ ଐକ୍ୟ, ସଂହତି ଓ ଜାତୀୟ ସ୍ଵାର୍ଥ ଉପରେ ପ୍ରଶ୍ନବାଚୀ ଆସେ, କୌଣସି ଆଦର୍ଶର ଚାପରେ ନିଷ୍ପତ୍ତି ନେଲେ ତାହା ଦେଶର କ୍ଷତି କରିଥାଏ । ପ୍ରଧାନମନ୍ତ୍ରୀ ମତର ଆଦାନ ପ୍ରଦାନ ଓ ନୂତନ ଚିନ୍ତାଧାରା ନୀରବଚ୍ଛିନ୍ନ ଭାବେ ଅବ୍ୟାହତ ରଖିବା ଉପରେ ସ୍ପଷ୍ଟ ମତ ଦେଇଛନ୍ତି । ଆମର ଏପରି ଏକ ଦେଶ ଯେଉଁଠି ଭିନ୍ନ ଭିନ୍ନ ବୌଦ୍ଧିକତାର ବୀଜ ଅଙ୍କୁରୋଦଗମ ହୋଇଥିଲେ ମଧ୍ୟ ତାହା ବଞ୍ଚି ରହିଛି । ଯୁବ ସମାଜ ଏହି ପରମ୍ପରାକୁ ସୁଦୃଢ କରିବା ଆବଶ୍ୟକ । ଏହି ପରମ୍ପରା ଯୋଗୁଁ ଭାରତର ଗଣତନ୍ତ୍ର ବିଶ୍ଵରେ ବେଶ ମଜବୁତ ବୋଲି ଶ୍ରୀ ମୋଦୀ କହିଛନ୍ତି ।

ପ୍ରଧାନମନ୍ତ୍ରୀ ବିଦ୍ୟାର୍ଥୀମାନଙ୍କ ଆଗରେ ତାଙ୍କ ସରକାରଙ୍କ ସଂସ୍କାର ଉପରେ ଅବତାରଣା କରିଛନ୍ତି । ସେ କହିଛନ୍ତି ଯେ, ଆତ୍ମନିର୍ଭର ଭାରତର ଚିନ୍ତାଧାରା 130 କୋଟି ଭାରତବାସୀଙ୍କ ସମ୍ମିଳିତ ଚେତନା ଯାହାକି ଆମ ଆକାଂକ୍ଷାର ଏକ ଅଂଶବିଶେଷ । ଦେଶରେ ସଂସ୍କାର ସମ୍ପର୍କରେ ସୂଚନା ଦେଇ ପ୍ରଧାନମନ୍ତ୍ରୀ ଜେଏନୟୁ ଛାତ୍ରଛାତ୍ରୀମାନଙ୍କୁ କିପରି ଏକ ଭଲ ସଂସ୍କାର ଖରାପ ରାଜନୀତିକୁ ଭଲରେ ପରିଣତ କରିପାରେ ସେ ସମ୍ପର୍କରେ ବାରମ୍ବାର ଚିନ୍ତା କରିବାକୁ ଉପଦେଶ ଦେଇଛନ୍ତି । ବର୍ତ୍ତମାନ ଦେଶକୁ ଉନ୍ନତ କରିବାର ସଂକଳ୍ପ ବର୍ତ୍ତମାନ ସଂସ୍କାରର ଉଦ୍ଦେଶ୍ୟ । ବର୍ତ୍ତମାନର ଉଦ୍ଦେଶ୍ୟ ଓ ସଂକଳ୍ପ ନେଇ ଯେଉଁ ସଂସ୍କାର ହେଉଛି, ତାହା ସମୟାନୁବର୍ତ୍ତିତ ଉପରେ ପର୍ଯ୍ୟବେଷ୍ଟିତ । ବର୍ତ୍ତମାନ ଚାଲିଥିବା ସଂସ୍କାର ଉପରେ ଏକ ସୁରକ୍ଷାର କବଚ ରହିଛି ଓ ଆସ୍ଥା ହିଁ ହେଉଛି ଏହି ସୁରକ୍ଷା କବଚ ବୋଲି ସେ କହିଛନ୍ତି ।

ପ୍ରଧାନମନ୍ତ୍ରୀ କହିଛନ୍ତି ଯେ, ଦୀର୍ଘଦିନ ଧରି ଗରିବ ଲୋକମାନଙ୍କୁ କେବଳ ସ୍ଲୋଗାନ ବାଜି ମଧ୍ୟରେ ରଖାଯାଇଥିଲା ଓ ସେମାନଙ୍କୁ ଦେଶର ପଦ୍ଧତି ସହ ସଂଶ୍ଳିଷ୍ଟ କରାଯାଉନଥିଲା । ଗରିବ ଲୋକମାନେ ସବୁଠାରୁ ଅବହେଳିତ ଓ ଆର୍ଥିକ ଦୃଷ୍ଟିରୁ ଅଲଗା ହୋଇ ଆଗରୁ ରହୁଥିଲେ । ଏବେ ଗରିବମାନେ ସେମାନଙ୍କର ନିଜର ପକ୍କା ଘର ଓ ପାଇଖାନା, ବିଜୁଳି, ଗ୍ୟାସ, ସ୍ଵଚ୍ଛ ପାନୀୟ ଜଳ, ଡିଜିଟାଲ ବ୍ୟାଙ୍କିଙ୍ଗ, ସ୍ୱଳ୍ପ ବ୍ୟୟ ସାପେକ୍ଷ, ମୋବାଇଲ ଓ ଦ୍ରୁତ ଇଣ୍ଟରନେଟ ସଂଯୋଗ ପାଇପାରୁଛନ୍ତି । ଗରିବମାନଙ୍କ ପାଇଁ ଏହାହିଁ ଏକ ସୁରକ୍ଷା କବଚ, ଯାହାକି ସେମାନଙ୍କ ଆଶା ଆକାଂକ୍ଷା ପୂରଣ ଦିଗରେ ସହାୟକ ହେବ । ସେହିପରି ସୁଲଭ ଜଳସେଚନ ଭିତ୍ତିଭୂମି, ମଣ୍ଡିଗୁଡ଼ିକର ଆଧୂନିକୀକରଣ, ଇ-ନାମ, ମୃତ୍ତିକା ସ୍ୱାସ୍ଥ୍ୟ କାର୍ଡ, କମ ସହାୟକ ମୂଲ୍ୟରେ ୟୁରିଆର ଉପଲବ୍ଧତା ଇତ୍ୟାଦି ଚାଷୀମାନଙ୍କ ପାଇଁ ଏକ ସୁରକ୍ଷା କବଚ ସଦୃଶ୍ୟ ହୋଇଛି । ସରକାର ପ୍ରଥମେ ସେମାନଙ୍କ ଆବଶ୍ୟକତା ପୂରଣ କରୁଥିବା ବେଳେ ଏବେ ସେମାନଙ୍କ ଆକାଂକ୍ଷା ହାସଲ ପାଇଁ କାର୍ଯ୍ୟ କରୁଛନ୍ତି ।

ଜେଏନୟୁରେ ସ୍ଥାପିତ ସ୍ଵାମୀଜୀଙ୍କ ପ୍ରତିମୂର୍ତ୍ତି ସମସ୍ତଙ୍କୁ ଅନୁପ୍ରାଣିତ କରିବା ସହ ସାହାସ ପ୍ରଦାନ କରିବ ବୋଲି ପ୍ରଧାନମନ୍ତ୍ରୀ ଆଶା ପୋଷଣ କରିଥିଲେ । ଏହି ପ୍ରତିମୂର୍ତ୍ତି ସମସ୍ତଙ୍କୁ ଅନୁକମ୍ପାର ଶିକ୍ଷା ଦେବା ଯାହାକି ସ୍ଵାମୀଜୀଙ୍କ ଦର୍ଶନର ମୁଖ୍ୟ ଅଙ୍ଗ ଥିଲା ବୋଲି ପ୍ରଧାନମନ୍ତ୍ରୀ କହିଛନ୍ତି । ସେ କହିଛନ୍ତି ଯେ, ଏହି ପ୍ରତିମୂର୍ତ୍ତି ଆମକୁ ଦେଶ ପାଇଁ ଉତ୍ସର୍ଗ ଭାବନା ଓ ଦେଶ ପ୍ରେରଣାର ଶିକ୍ଷା ଦେବ ଯାହାକି ସ୍ଵାମୀଜୀଙ୍କ ଜୀବନାଦର୍ଶର ମୁଖ୍ୟ ଅଙ୍ଗ ଥିଲା ବୋଲି ସେ କହିଛନ୍ତି । ଏହି ପ୍ରତିମୂର୍ତ୍ତି ସମଗ୍ର ଦେଶକୁ ଅନୁପ୍ରାଣିତ କରିବା ସହ ଐକ୍ୟବଦ୍ଧ ସମାଜ ଯୁବ ସମାଜ  ସହଯୋଗ ଭିତ୍ତିକ ବିକାଶ କରିବ ଯାହାକି ସ୍ଵାମୀଜୀଙ୍କ ମୁଖ୍ୟ ଆଶା ଥିଲା । ଦେଶକୁ ମଜବୁତ ଓ ସମୃଦ୍ଧିଶାଳୀ କରିବା ପାଇଁ ତଥା ସ୍ଵାମୀଜୀଙ୍କ ସ୍ଵପ୍ନକୁ ସାକାର କରିବା ପାଇଁ ଏହି ପ୍ରତିମୂର୍ତ୍ତି ପ୍ରେରଣା ଯୋଗାଇ ଚାଲିବ ବୋଲି ପ୍ରଧାନମନ୍ତ୍ରୀ ଆଶା ପୋଷଣ କରିଥିଲେ ।

**********