ঙাকশেল মন্ত্রালয়
মিশন সাগর- IIগী মনুং চন্না আই.এন.এস. ঐরাৱৎনা জিবুতীদা চানবা তেংবাং খুশিন্নবা
Posted On:
12 NOV 2020 12:38PM by PIB Imphal
লৈরিবা হ্যুমেনেতরিয়নগী তেংবাং পীবা অসি মখা চত্থবা ওইনা মিশন 'সাগর- II'গী মখাদা ইন্দিয়ন নেভেল শিপ ঐরাৱৎ অসি নবেম্বর ১০, ২০২০দা জিবুতীদা পোর্ত ওফ জিবুতীদা থুংখ্রে। ভারত সরকারনা মহৌশানা থোকহনবা খুদোংথিবশিং অমদি কোবিদ-১৯গী লায়চৎ অসিদগী নান্থোরক্নবগীদমক্তা মীরৈবাকশিংগা মরূপ-মপাং ওইনবগী মওংদা তেংবাং পীরি অমদি মসিগী মখাদা আই.এন.এস.ঐরাৱৎকী খুত্থাংদগী জিবুতীগী মীওইশিংগীদমক্তা মফমদুদা চানবগী তেংবাং .য়ৌহল্লি।
নবেম্বর ১১, ২০২০দা জিবুতী হিথাংফমদা থৌরম অমা পাংথোক্লদুনা জিবুতীগী সোসিএল এফেয়র্স মন্ত্রালয়গী জেনরেল সেক্রতরী হিজ হাইনেশ ইফরা অলী অহমদনা জিবুতীদা ভারতকী এম্বাসেদর ওইরিবা হিজ এক্সেলেন্সী শ্রী অশোক কুমারনা শরুক য়াদুনা চানবা তেংবাং অদু লৌশিনখি। থৌরম অসিদা আই.এন.এস.কী কমান্দিং ওফিসর শ্রী প্রসন্ন কুমারসু শরুক য়াখি।
মিশন সাগর- II অসি প্রধান মন্ত্রী নরেন্দ্র মোদীগী ভিজন ওইরিবা সাগর (মফম অসিগী মীওই খুদিংমকপু ঙাক-শেনবিবা অমদি চাউখৎহনবা)গা লোয়ননা হাপচিনখিবনি অমদি মসিগী সমুদ্রগী মফম অসিদা অহানবা অমনা-অমগী মখা পোন্না লৈনবগী মওংদা ভারতকী থাক অসি ইন্দিয়ন নেভেলগা লোয়ননা ইন্দিয়ন ওসিন রিজন(আই.ও.আর.)দা থাজননা শরুক য়ামিন্নবগী মওংদা হন্না-হন্না উবা ফংহল্লি। মসিগী মিশন অসি ভারতনা সমুদ্রগা য়ুম্লোন্নবশিংগা লৈনবা মরি অসি মরুওইবা অসিসু থোইদোক্না খংবা ঙমহল্লি অমদি লৈনরিবা মরিশিং অদু হেন্না মপাঙ্গল কনখৎহল্লি। ইন্দিয়ন নেভেল, দিফেন্স মন্ত্রালয় অমসুং ফোরেন এফেয়র্স মন্ত্রালয় অমদি ভারত সরকারগী অতোপ্পা এজেন্সীশিংগা লোয়ননা তেংবাং পীনদুনা মিশন অসি হেন্না খুমাং চাউশিলহল্লি।
******
(Release ID: 1672281)
Visitor Counter : 159