প্রধানমন্ত্রীগী লোইশঙ

নবেম্বর ১৩, ২০২০দা পি.এম.না জামনাগর অমসুং জয়পুরদা তুংগী শেম-শারবা আয়ুর্বেদ ইন্সতিত্যুসন অনি শঙ্গাগনি

Posted On: 11 NOV 2020 3:08PM by PIB Imphal

প্রধান মন্ত্রী শ্রী নরেন্দ্র মোদীনা ভিদিও কনফরেন্সকী থোংদা ৫শুবা আয়ুর্বেদ নুমিৎ (হায়বদি) নবেম্বর ১৩, ২০২০দা জামনগরদা ইন্সতিত্যুৎ ওফ তীচিং এন্দ রিসর্স ইন আয়ুর্বেদ (আই.তি.আর.এ.) অমসুং জয়পুরদা নেস্নেল ইন্সতিত্যুৎ ওফ আয়ুর্বেদ শঙ্গাগনি। ইন্সতিত্যুসনশিং অসিনা ২১শুবা চহি চাদা আয়ুর্বেদগী চাউখৎ-থৌরাংদা মালেম্বু লুচিংবগী থৌদাং লৌগনি হায়না পানরি।

য়ুম্ফম:

আয়ুর্বেদগী নুমিৎ অসি ২০১৬তগী হৌরগা, ধনৱন্ত্রীগী মপোক নুমিত্তা চহি খুদিংগী পাংথোক্তুনা লাক্লি। হন্দক্কী চহি অসিদা মসি নবেম্বর ১৩, ২০২০দা তারি। আয়ুর্বেদগী নুমিৎ অসি শিনফম অমসুং খুন্নাইগা লোইননা কুম্মৈ অমসুং হরাও-তয়াম্বা পাংথোক্নবগীদমক্তা থমখিবা ৱাফম অদু অমুক হন্না ফোংদোক্নবগী তাঞ্জানি। চহি অসিগী আয়ুর্বেদ নুমিৎকী কুম্মৈ অসি কোবিদ-১৯ লাইচৎকী শিল-লাংলিবা অসিদা আয়ুর্বেদগী ওইথোকপা য়াবা থৌদাং অদুদা মিৎয়েং থমগনি।

সরকারনা হেল্থকেয়রগী মশিং থিঙমদ্রবা ওইথোকপা য়াবশিং শিজিন্নদুনা ভারতকী মীয়ামগী হকশেলগী শিংনবশিংগীদমক্তা কান্নগদবা অমদি তুং কোইগদবা পাম্বৈ পুথোকপা অসি মরুওইনা লৌদুনা লাক্লি। মসিগী ফল ওইনা, আয়ুশ এজুকেসন নৌথোকহনবা অসিসু মরুওইবা ৱাফম অমা ওইরে। হৌখিবা চহি অহুমদগীনা মরি ফাওবগী মনুংদা খোংথাং কয়ামরুম পায়খৎখ্রে। লৈবাক অসিগী মরুওইবা ইন্সতিত্যুৎ অমা ওইনা জামনগরদা আই.তি.আর.এ. অমসুং জয়পুরদা লৈবাক অসিগীদমক্তা মসিদা শুপনগী আয়ুর্বেদ খক তম্বীবা তুংলমচৎকী ইন্সতিত্যুৎ অমা ওইনা এন.আই.এ. শিন্নবা অসি পুৱারী ওইরবা খোংথাং অমনি। মসিনা আয়ুর্বেদ এজুকেসনগী থাক হেনগৎহন্নবা, হেনগৎলক্লিবা লৈবাক অসিগী অমসুং মালেমগী দিমান্দগী মতুং ইন্না মখল মখাগী কোর্স শেম্নবা অমসুং হেন্না খুদম চাংদম ওইহন্নবা অমসুং অনৌবা রিসর্সকীদমক্তা থোইদোক-হেন্দোকপা ওইহন্নবগীদমক ওতোনোমী পীগনি।

***



(Release ID: 1671975) Visitor Counter : 107