نئی دلّی  ،  10 نومبر 2020 /  بھارت میں 6 دنوں کے بعد کووڈ – 19 کے یومیہ  نئے معاملات  40 ہزار سے کم درج کئے گئے۔ گزشتہ 24   گھنٹوں کے دوران  یومیہ نئے معاملات کی  تعداد  38073 ہزار  رہی ۔ مسلسل  تیسرے دن نئے معاملات کی  یومیہ تعداد  50 ہزار  کے ہندسے سے  کم رہی ہے۔

یہ تعداد کچھ ممالک کے تناظر میں انتہائی اہم ہے، کیونکہ  وہاں گزشتہ  تین چار دنوں کے دوران  یومیہ نئے معاملات کی تعداد  ایک لاکھ سے زیادہ  رہی ہے۔

گزشتہ چند ہفتوں کے دوران  ایکٹیو معاملات کی تعداد میں مسلسل کمی  درج کی گئی ہے۔

آج 38 ویں دن صحت یاب ہونے والے مریضوں کی تعداد یومیہ  معاملات سے زیادہ  ہوگئی ہے، کیونکہ گزشتہ  24 گھنٹوں کے دوران 42033 افراد  صحت یاب ہوئے ہیں۔

ایکٹیو معاملات کی تعدادکم ہو کر  505265 رہ گئی ہے۔ کمی کے رجحان کے ساتھ ہی  بھارت کے کُل پوزیٹو  معاملات میں ایکٹیو معاملات کا  موجودہ تعاون 5.88  فیصد  ہے۔

اس کے نتیجے میں صحت یابی کی شرح بھی  بڑھ کر  92.64  ہوگئی ہے۔ آج تک  صحت یاب ہونے والے مریضوں کی مجموعی تعداد  7959406 ہے۔ صحت یاب  ہونے والے مریضوں کی تعداد  اور  ایکٹیو معاملات کی تعداد میں فرق  بڑھ کر  7454141  ہوگئی ہے۔

نئے صحت یاب ہونے والے مریضوں کی  78 فیصد  کا  تعلق  10 ریاستوں ؍  مرکز کے زیر انتظام علاقوں سے ہے۔

دہلی میں ایک دن میں صحت یاب ہونے والوں کی سب سے بڑی تعداد درج کی گئی ہے، جہاں  7014 مریض  ایک دن میں صحت یاب ہوئے ہیں۔ اس کے بعد ایک دن میں سب سے زیادہ 5983  افراد کیرل میں اور  4396 افراد  مغربی بنگال میں صحت یاب ہوئے ہیں۔

72 فیصد  نئے معاملات 10 ریاستوں ؍  مرکز کے زیر انتظام علاقوں سے  آئے ہیں۔

دہلی میں یومیہ  سب سے زیادہ  تعداد میں 5983 نئے معاملات  سامنے آنے کا سلسلہ جاری ہے، جو کہ اس کے نئے معاملات کی  گزشتہ  دن کی تعداد 7745 سے کم ہے۔ دہلی کے بعد مغربی بنگال کا نمبر ہے، جہاں 3907 نئے معاملات سامنے آئے ہیں۔ کیرالہ میں یومیہ  معاملات کی تعداد کم ہو کر 3593 ہوگئی ہے، جب کہ مہاراشٹر میں نئے معاملات کی تعداد میں کمی آئی ہے اور یہ  3277 تک پہنچ گئی ہے۔ تاہم یومیہ  نئے معاملات کی  آمد کے حوالے سے یہ اب بھی  تیسرے اور  چوتھے مقام پر ہیں۔

گزشتہ 24 گھنٹوں کے دوران  448 اموات  ہوئی ہیں۔ اموات کی تعداد میں مسلسل کمی جاری ہے،  کیونکہ دوسرے دن  500 سے کم  اموات  درج کی گئی ہیں۔

10ریاستوں ؍ مرکز کے زیر انتظام علاقوں میں کووڈ  کے معاملات تقریب 78 فیصد ہیں۔ حالانکہ  سب سے زیادہ اموات  مہاراشٹر میں (85) ہوئی ہیں۔ تاہم یومیہ اموات میں  اس کے تعاون میں کمی آئی ہے اور یہ  18.97  فیصد  پر آگئی ہیں۔ دہلی اور مغربی بنگال میں  بالترتیب 71 اور 56 اموات ہوئی ہیں۔

۔۔۔۔۔۔۔۔۔۔۔۔۔۔

 ( م ن  ۔م م  ۔  ق ر )

U.NO. 7121