হৌখিবা পুং ২৪দা কোবিদ-১৯গী পোজিতিব ওইবা মীওই ৪৫,৬৭৪গা লোইননা ভারত্তা নুংতিগী ওইবা অনৌবা কেস অসি ৫০,০০০দগী তাথনা রিপোর্ত তৌখ্রে। অনৌবা নুংতিগী ওইবা কেস অসি ওক্তোবর ১৫দগী তাথরক্লি।

অনৌবা কেস মশিংগী ফগৎলকপগী চাং অসি ঙাক্না চৎলদুনা, অনাবা ৪৯,০৮২ হৌখিবা পুং ২৪ অসিদা ফগৎলকখ্রে। মসিগী মওং অসি ঙসি ৩৭শুবা নুমিৎ ওইনা উবা ফংলি। মসিনা হৌজিক লাখ ৫.১২ ওইরিবা কেসলোদ অসি হন্থহনবদা অচৌবা থৌদাং লৌরি।

ঙসি লৈবাক অসিদা এক্তিব কেসলোদ অসি ৫,১২,৬৬৫নি। কেস অসি ভারতকী অপুনবা পোজিতিব কেসশিংগী শুপ্নগী ৬.০৩%তমক শরুক য়ারি, লেপ্তনা হন্থরকপগী খুদম পীরি।

৯২.৪৯%গী ফগৎলকপগী চাং অসি ফগৎলকপা কেস ৭৮,৬৮,৯৬৮কী মমিনি। ফগৎলকপা কেস অমসুং এক্তিব কেসকী ওইরিবা খেন্নবা অসি ৭৩,৫৬,৩০৩নি। খেন্নবা অসি খোংজেল য়াংনা হেনগৎলক্লি।

অনৌবা ফগৎলকপা কেসকী ৭৬%তি রাজ্য/য়ু.তি. ১০দা য়ুম্ফম ওইরি।

কেরলানা নোংমদা মশিং খ্বাইদগী য়াম্না ফগৎলক্তুনা মহারাস্ত্রগী মহুৎ শিনখ্রে। হৌখিবা পুং ২৪দা কেরলানা মীওই ৭,১২০ ফগৎলকখ্রে মহারাস্ত্রনা ৬,৪৭৮ ওইদুনা ইন্নরি।

অনৌবা কেস ৭৬%দি রাজ্য অমসুং য়ু.তি. ১০দগীনি।

কেরলানা হৌখিবা পুং ২৪দা অনৌবা কেস ৭,২০১ রিপোর্ত তৌখ্রে দিল্লীনা কেস ৬,৯৫৩ রিপোর্ত তৌদুনা নক্না ইন্নরি। মহারাস্ত্রনা ঙরাং অনৌবা কেস ৩,৯৫৯ রিপোর্ত তৌদুনা অহুশুবদা লৈরি।

হৌখিবা পুং ২৪দা শিবগী কেস ৫৫৯ রিপোর্ত তৌখ্রে।

মসিগী মনুংদা, রাজ্য/য়ু.তি. ১০দা চাউরাক্না ৭৯% ওইরি। মহারাস্ত্রদা অনৌবা শিবগী কেস ২৬.৮%দগী হেন্না রিপোর্ত তৌখ্রে (শিবা মশিং ১৫০)। দিল্লী অমসুং নোংচুপ বেঙ্গলনা অনৌবা শিবা মশিং মথংশিৎনা ৭৯ অমসুং ৫৮ রিপোর্ত তৌখ্রে।

***