প্রধানমন্ত্রীগী লোইশঙ
ভারত-ইতলী ভর্চ্যুএল সম্মিৎ (নবেম্বর ৬, ২০২০)
Posted On:
06 NOV 2020 7:50PM by PIB Imphal
নবেম্বর ৬, ২০২০দা প্রধান মন্ত্রী শ্রী নরেন্দ্র মোদী অমসুং ইতলীগী প্রধান মন্ত্রী প্রোফেসর গীয়ুসেপ্পে কোন্তেগী মরক্তা ভর্চ্যুএল বাইলেতরেল সম্মিৎ অমা পাঙথোকখ্রে।
প্রধান মন্ত্রী নরেন্দ্র মোদীনা ২০১৮দা প্রোফেসর গীয়ুসেপ্পে কোন্তেনা ভারত্তা লাক্লম্বা অদু নীংশিংখি অমসুং হন্দক ভারত-ইতলীগী মরী থুনা ফগৎলকপা অসিদা থাগৎপা ফোঙদোকখি। প্রধান মন্ত্রী প্রোফেসর কোন্তেনা প্রধান মন্ত্রী মোদীবু ফীভমনা য়াবগা অথুবদা ইতলীদা লাক্নবা বর্তন তৌরকখি।
সম্মিৎ অসিনা, লুচিংবা অনিনা বাইলেতরেলগী মরী অসিগী অচৌবা ফ্রেমৱার্ক অদু কুপ্না য়েংশিন্নবা খুদোংচাবা অমা পীখি। কোবিদ-১৯ লাইচৎ য়াওনা পুম্নমক্না থেংনরিবা মালেমগী ওইবা খুদোংচাদবশিং অসি কোকহন্নবা খুৎশম্নদুনা চৎল্লিবা অসিগী মপাঙ্গল কনখৎহন্নবা মখোয়না হোৎনগনি হায়না লুচিংবা অনিনা থাজবা পীখি।
লুচিংবা অনিনা রাজনীতি, শেন্মিৎলোন, সাইন্তিফিক অমসুং তেক্নোলোজীকেল, স্পেস অমসুং ঙাকশেলগী চতেংবাং পীনবা য়াওনা মখল কয়াগী সমস্যাশিংগী মতাংদা খন্ন-নৈনখি। রিজনেল অমসুং ইন্তর্নেস্নেলগী সমস্যাশিংদা, মরু ওইনা জি-২০গী মখল কয়াগী মালেমগী ওইবা ফম্বাক্তা নাকল অনিমক্না পুন্না খুৎশম্নদুনা চৎমিন্ননবা য়ানখি। ইতলীনা দিসেম্বর ২০২১দা জি-২০গী প্রসিদেন্সী ওইরগনি মতুংদা ভারতনা ২০২২দা ওইরগনি। ভারত অমসুং ইতলীনা পুন্না দিসেম্বর ২০২০দগী জি২০ ত্রোইকাদা শরুক য়াগনি। রেতিফিকেসন প্রোসেস লোইবগা অথুবদা ইতলীনা আই.এস.এ. য়াওনবা লৌখিবা ৱারেপ অদু ভারতনা তরাম্না ওকখি।
ইনর্জী, ফিশরীজ, জহাজ শাবা, দিজাইন তৌবা অসিগুম্বা তোঙান তোঙানবা সেক্তরশিংগী এম.ও.য়ু./এগ্রীমেন্ত ১৫ অসি সম্মিৎ অসিদা পুন্না খুৎয়েক পীনখি।
*****
(Release ID: 1670893)
Visitor Counter : 142
Read this release in:
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam