(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• ভারতনা হৌজিক হৌখিবা চয়োল মঙাদগী কেস অনৌবশিংদগী অনৌবা ফগৎলকখিবশিংনা হেনখিবগী রিপোর্ত তৌরি
• হৌখিবা পুং ২৪সিদা কোবিদনা নাবা মীওই ৫৪,১৫৭ নারম্বদগী ফগৎখিবদা অনৌবা কনফর্ম কেস অসি হৌজিক-হৌজিক ৪৭,৬৩৮ ওইরি
• লৈবাক অসিগী ফগৎলকপগী চাং অসি মখা তানা চাদা ৯২.৩২ ওইরি
• ঙসি এক্তিব কেসশিং ৫,২০,৭৭৩ ওইখি
• প্রধান মন্ত্রীনা হায়খি চহি অসিদগী, ভারতনা মালেমগী লাইচৎ অসি থৌনা ফনা লান্থেংনবদা, মালেম অসিনা ভারতকী লৈবাক্কী ওইবা লমচৎ অমসুং ভারতকী অশেংবা মপাঙ্গল অদু উবা ফংখি
• য়ু.জি.সি.না কোবিদ-১৯ লায়চৎ অসিনা মরম ওইদুনা থম্লিবা লোকদাউন অসিগী মতুংদা য়ুনিবর্সিতিশিং অমসুং কোলেজশিং অমুক হন্না হাংবগী চৎন-পথাপ পীখ্রে

#Unite2FightCorona

#IndiaFightsCorona

হৌখিবা চয়োল ৫দগী কেস অনৌবশিংদগী অনৌবা ফগৎলকখিবশিংনা হেনখ্রে, এক্তিব কেসশিং অসি মখা তানা হন্থরক্তুনা ঙসি লাখ ৫.২ ওইরে

হৌখিবা পুং ২৪সিদা লৈবাক অসিদা অনৌবা কেস ৫০,০০০দগী তানা রিপোর্ত তৌরকখিবদা নুতিগী অনৌবা ফগৎলকপশিং অসি ৫৪,০০০ হেনখ্রে। হৌখিবা চয়োল মঙাদগী ভারত্তা অনৌবা ফগৎলকখিবশিং অসি নুতিগী অনৌবা কেসশিংগী মনিং চেল্লি। হৌখিবা পুং ২৪সিদা কোবিদনা নাবা মীওই ৫৪,১৫৭ নারম্বদগী ফগৎখিবদা অনৌবা কনফর্ম কেস অসি হৌজিক-হৌজিক ৪৭,৬৩৮ ওইরি। হৌখিবা চয়োল ৫দগী নুতিগী অনৌবা কেসশিংগী চাংচৎ অসি লেপ্তনা হন্থরক্লি। ওক্তোবরগী অহানবা চয়োলদা নুতিগী অনৌবা কেসশিংগী চাংচৎ অসি ৭৩,০০০দগী হেন্না রেজিস্তর তৌরকখিদুনা নুতিগী অনৌবা কেসকী চাংচৎ অসি ৪৬,০০০দা তাথরকখ্রে। ফগৎলকপশিং অসি লেপ্তনা হেনগৎলকপগী মহৈনা এক্তিব কেসশিং অসি মখা তানা হন্থরক্লি। এক্তিব কেসকী মশিং অসি ঙসি ৫,২০,৭৭দা লৈরি। লৈবাক অসিদা পোজিতিব ওইবগী অপুনবা মশিং অসি হৌজিক এক্তিব কেসকী চাদা ৬.১৯ ওইরে। এক্তিব কেসশিং অসি লেপ্তনা হন্থরকপা অসিনা চাং ৱাংনা ফগৎলকপা কেসশিংগী মশিংনা শৌগৎলি। অপুনবা ফগৎলকখ্রবা কেসশিং অসি ৭,৭৬৫,৯৬৬ ওইরে। ফগৎলকপা অমদি এক্তিব কেসশিংগী মরক্তা লাপ্নরিবা অসি লাখ ৭২.৫(৭২,৪৫,১৯৩) নক্না লৈরে। লৈবাক অসিগী ফগৎলকপগী চাং অসি মখা তানা চাদা ৯২.৩২ ওইরি। রাজ্যশিং/য়ুনিয়ন তেরিতোরীশিংদা অনৌবা ফগৎলকপগী চাং অসি চাদা ৮০ ওইখি। মহারাস্ত্র অসিনা নোংমখক্তদা ১১,০০০হেন্না খ্বাইদগী মশিং য়াম্না ফগৎলকখ্রে। অনৌবা কেস মশিং অসি চাদা ৭৯দি রাজ্য অমসুং য়ুনিয়ন তেরিতোরী ১০দগীনি।

কেস ৯,০০০দগী হেন্না কেরলানা মথং চেন্দুনা কেস ১০,০০০ হেনবা অনৌবা কেসশিং রিপোর্ত তৌরক্তুনা মহারাস্ত্রদা অনৌবা কেস মশিং অসি খ্বাইদগী য়াম্লি। হৌখিবা পুং ২৪সিদা কেস ফেতেলিতী ৬৭০গী রিপোর্ত তৌরকখি। মসিগীশিং অসিদা রাজ্য/য়ুনিয়ন তেরিতোরী তরাদা চাউরাক্না চাদা ৮৬ ওইখি। অনৌবা ফেতেলিতীশিংগী রিপোর্ত তৌরকখিবা অসিদগী চাদা ৩৮দি মহারাস্ত্র(অশিবা ২৫৬)দগীনি। নৌনা মীওই ৬৬ শিদুনা দিল্লীনা মথংদা লৈরি।

অকুপ্পা ৱারোলগীদমক:

পি.এম.না ভর্চ্যুএল গ্লোবেল ইনবেস্তর রাউন্দতেবলদা ময়াই তাংবল লৌখ্রে

প্রধান মন্ত্রী শ্রী নরেন্দ্র মোদীনা ঙরাং ভর্চ্যুএল গ্লোবেল ইনবেস্তর রাউন্দতেবলদা ময়াই তাংবল লৌখ্রে। রাউন্দতেবল অসিদা ৱা ঙাংলদুনা প্রধান মন্ত্রীনা হায়খি চহি অসিদগী, ভারতনা মালেমগী লাইচৎ অসি থৌনা ফনা লান্থেংনবদা, মালেম অসিনা ভারতকী লৈবাক্কী ওইবা লমচৎ অমসুং ভারতকী অশেংবা মপাঙ্গল অদু উবা ফংখি। মহাক্না হায়খি লাইচৎ অসিনা ভারত মচাশিংবু খঙনরিবা মগুনশিং ওইরিবা থৌদাং লৌবা ঙম্বগী ৱাখল্লোন, মীনুংশি লৈবগী ৱাখল্লোন, লৈবাক্কী অপুনবগী শক্তম ঙাকপা অমসুং অনৌবা ৱাখল্লোন পুথোকপগী ইনোৎ অদু মাই পাক্না উৎপা ঙমখি। প্রধান মন্ত্রীনা ফোঙদোকখি মদুদি ভাইরস অসি লান্থেংন্দুনা লোয়ননা শেন্মীৎলোন্দা তাংদাংবা অমা পুরক্তুনা ভারতনা হন্দক্কী লাইচৎ অসি থেংনবদা শিংথানীংঙাই ওইবা মওংদা অখাং কনবা অদু উৎখি। মহাক্না মখা তারদুনা হায়খি অখাং কনবা অসিনা ভারতকী সিস্তেম মপাঙ্গলদা, মীয়ামনা মতেং পাংবদা অমসুং সরকারগী পোলিসীশিং তাংদাংবা ফীভমদা পুরকপদা থৌনা হাপখি। প্রধান মন্ত্রীনা হায়খি অরিবা চৎনবীশিং লৈতবা অনৌবা ভারত অমা শেমগৎলি অমসুং ঙসিদি, ভারত অসি অফবগীদম্তা অহোংবা নাইরক্লি। মহাক্না মখা তারদুনা হায়খি ভারতনা আত্মানির্ভর ওইননবা হোৎনরিবা অসি মঙলান অমা খক্তা নত্তে, মসি নীংথিনা য়াৎলবা শেন্মীৎলোগী লালোং অমনি। মহাক্না হায়খি লালোং অসিনা ভারতপু মালেমগী মেন্যুফেকচরিং পাৱর-হাউস অমা ওইনবা ভারতকী বিজনেসশিংগী কেপেবিলিতীশিং অমসুং ৱার্করশিংগী স্কিলশিং অদু শীজিন্নবদা পান্দম থম্লি। শ্রী মোদীনা হায়খি, মসিনা অনৌবা ৱাখল্লোনশিং পুথোকপদা মালেমগী সেন্তর অমা ওইহন্নবা লৈবাক অসিগী তেক্নোলোজীগী মপাঙ্গল শীজিন্নবদা পান্দম থম্লি অমসুং মশাগী য়াম্লবা হ্যুমেন রিসোর্সশিং অমসুং মখোয়গী তেলেন্তশিং অদু শীজিন্নদুনা মালেমগী চাউখৎ-থৌরাংদা শরুক য়ানবা পান্দম থম্লি।

অকুপ্পা ৱারোলগীদমক:

ভর্চুএল গ্লোবেল ইনভেস্তর রাউন্দতেবলদা পি.এম. ৱা ঙাংখিবা অদুগী অইবা মরোল

অকুপ্পা ৱারোলগীদমক:

কোবিদ-১৯গুম্বা হেল্থ চেলেঞ্জশিং অসি থেংন্নবা মেদিকেল দিভাইস ইন্দস্ত্রী অসি হেন্না পাকথোক চাওথোকহন্নবগীদমক ই.ই.পি.সি. ইন্দিয়া অমসুং এন.আই.দি. খুৎশম্নদুনা চৎমিন্নখ্রে

লৈবাক অসিগী হেল্থ সেক্তরদা মরু ওইনা কোবিদ-১৯ লাইনা-লাইচৎ অসিগী মতুংদা থোক্লকপা য়াবা তঙাই ফদবশিং অদু মেনশিনবা ঙম্নবা মেদিকেল দিভাইস ইন্দস্ত্রীগীদমক দিজাইনশিং অমসুং তেক্নোলোজীশিং হেন্না ফহন্নবা অমসুং এপগ্রেদ তৌনবা ই.ই.পি.সি. ইন্দিয়া অমসুং নেস্নেল ইন্সতিত্যুত ওফ দিজাইননা পুন্না খুৎশম্নদুনা চৎমিন্নখ্রে৷ ইন্নোভেতিব অমসুং সুপেরিয়র দিজাইনশিং অদু চৎনবা য়াবা লেভেল অমদা পুরকপা য়ানবগী পান্দমদা, সরকার অসিগী অখন্নবা স্কিম অমগী মখাদা হেল্থ সেক্তর অসিগীদমক ইনকুবেসন আইদিয়া তরেৎ এম.এস.এম.ই. মন্ত্রালয়না অয়াবা পীখ্রে হায়না (এম.এস.এম.ই.)এদিস্নেল সেক্রেতরী অমসুং দিভেলপমেন্ত কমিশনার শ্রী দি.কে. সিংহনা ঙসি ফোংদোকখ্রে৷ ই.ই.পি.সি. ইন্দিয়া-এন.আই.দি. দিজাইন সেরিস লোঞ্চ তৌবগী ৱেবিনার অমদা মহাক্না ৱা ঙাংখ্রে৷ ৱেবিনার অদু অসুম্না মমিং থোনখি: মেদিকেল দিভাইস ইন্দস্ত্রীগীদমক পোস্ত কোবিদ ১৯- দিজাইন ইন্তর্ভেন্সন৷ অহানবা দিজাইন সেরিস অসি মেদিকেল সেক্তরগীদমক হৌদোকখ্রে হায়না মহাক্না ফোংদোকখ্রে৷ ''কোবিদ-১৯ লাইনা-লাইচৎ অসিনা হৌজিক ওইহল্লিবা ফিভম অসিদা লৈবাক অসিনা অসিগুম্বা য়াম্না লুবা তানফম অসি লান্থোকপা ঙম্নবা ফিভম অসি লাকশিন্নবা লৈবাক অসিনা হোৎনরি৷ কোবিদ-১৯ অসি লান্থেংন্নবা নোংমদা পি.পি.ই.কিৎ লাখ ২ হেন্না ঐখোয়না পুথোকপা ঙম্মী৷ মেদিকেল দিভাইসশিং অসি ঐখোয়গী লৈবাক অসিদা য়াম্না মরু ওইবা ইমপোর্ত-দোমিনেন্ত সেক্তর অমা ওইরে৷ ক্রিতিকেল কেয়রগীদমক কমপ্লেক্স মেদিকেল দিভাইসশিংদা মখা পোনবা অসি তেক্নোলোজী সেন্ত্রিক ওই অমসুং ইন্নোভেসন অমসুং দিজাইন্দা হেন্না মীৎযেং চংনবা হায়খ্রে,'' হায়না শ্রী সিংহনা ফোংদোকখ্রে৷

অকুপ্পা ৱারোলগীদমক:

য়ু.জি.সি.না কোবিদ-১৯ লায়চৎ অসিনা মরম ওইদুনা থম্লিবা লোকদাউন অসিগী মতুংদা য়ুনিবর্সিতিশিং অমসুং কোলেজশিং অমুক হন্না হাংবগী চৎন-পথাপ পীখ্রে

য়ুনিবর্সিতি গ্রান্ত কম্মিসন্না য়ুনিবর্সিতি অমসুং কোলেজ মখোয়গী কেম্পসসিং অমুক হাংদোক্নবা চৎন-পথাপ শেমখ্রে অমসুং পীখ্রে। মসিগী চৎন-পথাপ অসি হেলথ অমসুং ফেমিলি ৱেলফিয়র মিনিস্ত্রীনা য়াম্না কুপ্না য়েংদুনা লৌখিবনি অমসুং হোম এফিয়র্স মিনিস্ত্রী অমসুং এজুকেসন মিনিস্ত্রীনা অয়াবা পীখিবনি। চৎন-পথাপ অসি ইন্সতিত্যুসন অসিনা মফম-মফমগী ওইনা য়েংদুনা অমসুং সরকারগী ওথোরিতি পীরকপা য়েংলগা লৌবনি। কন্তেমেন্ত জোনগী ৱাংমদা লৈবা য়ুনিবর্সিতি অমসুং কোলেজশিং অসি মখোয়গী স্তেত/য়ু.তি.শিংগা তান্নরগা হাংদোকপা য়ারি অমসুং মসিদা চেকশিন্না চৎনগদবা য়ু.জি.সি.না পীবা চৎন পথাপ/এস.ও.পি. অসি মখাদা পীরি। মসিগী চৎন-পথাপ অসিগী পীগদবা খোঙথাং খুদিং হাইয়র ইজুকেসনেল ইন্সতিত্যুসনশিংনা কেম্পস অসি অমুক হাংবগী মমাংদা লৌখৎকদবনি। মসিনা শন্দোক্না তাক্লি মদুদি শোইদনবা খোঙথাং অসি ঐচ.ই.আই.শিংনা চংফম অমসুং থোকফম পোইন্তশিংদা, ক্লাসরুম অমসুং অতৈ মহৈ তমফম, কেম্পসকী মনুং অমসুং হোস্তেলশিং অসিদা লৌগদবনি। অহানবদা, য়ুনিবর্সিতি গ্রান্ত কম্মিসন্না “গাইদলাইন ওন একজামিনেসন এন্দ একাদেমিক কেলেন্দর ফোর দ য়ুনিবর্সিতিস ইন ভিয়ু ওফ কোবিদ-১৯ পেন্দেমিক এন্দ সবসেক্বেন্ত লোকদাউন” অসি ২০২০গী এপ্রিলগী ২৯দা অমা মদুদগী ২০২০গী জুলাই ৬তা অমা।

অকুপ্পা ৱারোলগীদমক:

পুনেদা নেস্নেল আর্চরী কেম্পদা আর.তি.-পি.সি.আর. তেস্তশিং পাংথোকখ্রে, আর্চর হিমানি মালিক পোজিতিব ওইরে

স্পোর্তস ওথোরিতী ওফ ইন্দিয়ানা শেম্বা স্তেন্দর্দ ওপরেতিং প্রোসিদ্যোরশিংগী মতুং ইন্না পুনেদা লৈরিবা আর্মী স্পোর্তস ইন্সতিত্যুততা হৌজিক হৌজিক চৎথরিবা নেস্নেল আর্চরী কেম্পদা শরুক য়ারিবা কেম্পরশিং মখোয় মখোয়গী কোবিদ-19 স্তেতস খঙদোক্নবা আর.তি.-পি.সি.আর. তেস্ত অমা তৌখ্রে৷ কেম্পর 23 তেস্ত তৌবগী মনুংদা হিমানি মালিক কোবিদ-19 পোজিতিব ওইরে অমসুং অতোপ্পা 22 অদুনা নেগেতিব ওইরে৷ মালিক হৌজিক হৌজিক সিম্পোম উৎতে অমসুং চেকশিন থৌরাং ওইনা হোস্পিতাল অমদা থমখ্রে৷

অকুপ্পা ৱারোলগীদমক:

দোমেস্তিক ফ্লাইতশিংগী ফেয়র বেন্দশিং ২০২১গী ফেব্রুৱারিগী ২৪ ফাওবা শাংদোকখ্রে

এয়রলাইন্না চৎনগদৌরিবা ফেয়র বেন্দশিং অসি সিবিল এবিএসন মিনিস্ত্রীনা ২০২১গী ফেব্রুৱারিগী ২৪ ফাওবা শাংদোকখ্রে। মসিগী ফেয়র বেন্দশিং অসি ২০২০গী মেগী ২১দা নমফুদা চৎনবা হৌখিবনি। নুতিগী ওইবা পেসেঞ্জর ত্রাফিক অসিশু ২০২০গী নবেম্বরগী ১দা লাখ ২.০৫ য়ৌখি। দোমেস্তিক এবিএসন্না ২০২০গী মেদা হাংদোকপদা এয়রলাইনশিং অসি মহৌশানা পাইবা ঙম্লম্বা অদুদগী ৩৩% খক্ত পাইবা ঙমখি (২০২০গী, কালেনগী শেদ্যুলগী মতুং ইন্না)। মতম অদুদা, নুতিগী ত্রাফিক অসি চাওরাক্না ৩০,০০০নি। মসিগী কেপাসিতি অসি ২০২০গী জুনগী ২৬তগী ৪৫%দা হেনগৎখি। মসিগী কেপাসিতি অসি অমুক ২০২০গী সেপ্তেম্বরগী ২দা ৬০%হেনগৎখি। হৌজিক এয়রলাইন্না পাইবা ঙম্লিবা অসি ৬০%নি।

অকুপ্পা ৱারোলগীদমক:

পি.আই.বি. ফিল্দ ওফিসশিংদগী ফংবা পাউ

•           অরুনাচল প্রদেশ: রাজ্য অসিদা ঙরাং কোবিদ-১৯গী অনৌবা পোজিতিব কেস ৮৪ থেংনখি। হৌজিক রাজ্য অসিদা এক্তিব কেস ১৬২১ লৈরি। ফগৎলকপগী চাং অসি হৌজিক চাদা ৮৯দগী হেনখ্রে। রাজ্য অসিদা হৌজিক লৈরিবা এক্তিব কোবিদ-১৯ কেসশিংগী অপুনবা মশিং অদুগী চাদা ৫৭.৫৫দি ইতানাগর কেপিতল রিজনদগী ওইখি।

•          অসাম: অসামদা হৌখিবা পুং ২৪ অসিদা পোজিতিব ওইবগী চাং ১.১২% ওইখিবগা লোইননা তেস্ত ১৭৯৫৯ পাংথোকখিবা অদুগী মনুংদা কোবিদ-১৯গী কেস ৩১৩ থেংনখি।

•          মঘালয়া: মেঘালয়াদা কোবিদ-১৯ এক্তিব কেসশিংগী অপুনবা মশিং অদু ৯৮৯ য়ৌখ্রে অমসুং ফগৎলকখিবা কেসশিংগী মশিংনা ৮৮১৩ শুখ্রে। অদুগা রাজ্য অসিদা অনৌবা কেস ৯২ থেংনখি।

•          মিজোরাম: মিজোরামদা ঙরাং কোবিদ-১৯গী অনৌবা কেস ৩২ থেংনখি। অপুনবা কেসশিংগী মশিং অদু ২৯৯০ য়ৌখ্রে অমসুং এক্তিব কেসশিংগী মসিং অদু ৫১৫ শুখ্রে।

•          নাগালেন্দ: নাগালেন্দদা শগোলশেল নুমিত্তা কোবিদ-১৯গী অনৌবা কেস ৫৭ থেংনখি। ১৪৪ ফগৎখিবসু লৈখি।

•          মহারাস্ত্র: মহারাস্ত্রনা শগোলশেল নুমিত্তা পোজিতিব কেস ৫,২৪৬ থেংনখিবগা লোইননা নোংমদা থেংনখিবা কোবিদ-১৯ কেসশিং হন্থরকপগী ত্রেন্দ অদু মখাতানা অদুমক চৎথখি, আয়রিবা অসি দিল্লীদা নুমিৎ খুদিংগী থেংনবা মসিং অদদগী য়াম্না হন্থখি। মুম্বাইনা এক্তিব কেসলোদ অদু ১৬,১১৬তা হন্থখিবগা লোইননা অনৌবা কেস ৮৪১ থেংনখি, হায়রিবা অসি রাজ্যগী এক্তিব কেসলোদ অদুগী শরুক তরুক্কী মনুংদা অমা ওইখি। 

•          মধ্য প্রদেশ: মধ্য প্রদেশতং লৈরিবা কোবিদ-১৯ কেসশিংগী মশিং অদু শগোলশেল নুমিত্তা মীওই ৭৩৪ গী মথক্তা পোজিতিব ওইখিবগা লোইননা ১,৭৪,৮২৫দা হেনগৎলকখ্রে, অদুগা নৌনা মঙা লৈখিদবনা, লৈখিদবশিংগী অপুনবা মশিং অদু ২,৯৯২দা য়ৌহনখ্রে। হৌখিবা পুং ২৪দা হোসপিতালশিংদগী পুন্না পেসেন্ত ৮১৭ দিসচার্জ তৌখ্রে, মসিনা রাজ্য আসিদা ফগৎলকখিবগী অপুনবা মসিং অদু ১,৬৪,০৬৭ য়ৌহনখ্রে।

•          ছত্তিসগর: ছত্তিসগর সরকারনা ছত্তিসগর সরকারনা কোবিদ-১৯গী এন্তিদোত হেক ফংবগা, ভেক্সিনেশনগীদমক্তা রাজ্যনা চলাইবা অমসুং লনাইগী হেল্থ ফেসিলিতীশিংদগী হেল্থ ৱার্করশিং দেতাবেস অমা শেম্নবগী প্রোসেস অমা হৌদোকখ্রে। দিপার্তমেন্তশিংগী মরক্তা কোওর্দিনেশন লৈহন্নবা রাজ্যগী ওইবা তাস্ক ফোর্স অমা শেমখ্রে। 

•          গোৱা: লৈবাক অসিদা ক্বাইদগী হেন্না মমিং চৎপা তুরিস্ত হোতস্পোতশিংগী মনুংদা অমা ওইরিবা গোৱা হায়রিবা কোস্তেল স্তেত অসিগীদমক্তা ফ্কাইত অমসুং হোতেল বুকিংশিং হেনগৎলকপনা ভিজিতরশিংনা লাকপদা য়াম্না চাউনা হেনগৎলকপা থেংননবগীদমক্তা শেম-শাখ্রে। থা অমগী মমাংদগী গোৱাগী বুকিংশিং অসি চাদা ৭৪দা হেনগৎলকখ্রে, অমসুং ওক্তোবরদা চাদা ৬৬দা ইনক্বারীশিং হেনগৎলকখ্রে হায়না ওনলাইন ত্রাভেল এজেন্সি ইক্সিগোনা হায়খি। হন্দক্কী চয়োল অসিগী অহৌবদা গোৱা সরকারনা চাদা ৫০গী এপাসিতীগা লোইননা কেসিনোশিং হাংদোক্নবগী অয়াবা পীখ্রে।

•          কেরলা: রাজ্য অসিগী ইলেক্সন কমিশন্না কোবিদ-১৯গী চৎনা-কাংলোনশিং য়াম্না চেকশিন্না ঙাক্না চত্তুনা তাঙ্কক অহুম থোক্না পাথোক্কদবা লোকল বোদী পোলশিং অদুগী মতম অদু লাউথোকখ্রে। লোকল বোদী ১১৯৯গীদমক্তা পোলিং তৌবা অদু দিসেম্বরগী ৮, ১০ অমসুং ১৪দা পাংথোক্লগনি। মশিং থিবা অদুনা দিসেম্বরগী ১৬তা পাংথোক্।গনি। কেরলাদা ঙরাং অনৌবা কেস ৬৮২০ থেংনখি অমসুং ২৬ শিখি।

•          তামিল নাদু: মদ্রাস হাই কোর্তকী চীফ জস্তিস, অমরেশ্বর প্রতেপ সাহি কোবিদ-১৯গীদমক্তা পোজিতিব ওইখ্রে অমসুং চেন্নাইগী রাজিব গান্ধি গোভর্নমেন্ত জেনেরেল হোসপিতালদা এদমিত তৌখ্রে। আর্কোতকী প্রিঞ্চনা স্কুলশিং অমসুং কোলেজশিং অদু অমুক হন্না হাংদোকপদা তপ্থনবা হায়খি; হৌজিক স্কুলশিং অমুক হন্না হাংদোকহনবা হায়বসি মৈ পাইদুনা শান্নবগা চপ মান্নগনি অমসুং কেসশিং হেনগৎলকপগী মচাক অমা ওইগনি হায়না মহাক্না হায়খি।

•          কর্নাতকা: কর্নাতকানা কোবিদ-১৯ লাইচৎ অসিনা মরম ওইরগা ফায়রক্রেকরশিংদা অথিংবা থমখিবা খ্বাইদগী অকোনবা রাজ্য ওইরে। মসিগী ৱারেপ অসি কর্নাতকানা হৌজিক ফাওবদা নুমিৎ খুদিংগী চাংচত্তা চয়োল অমা হেন্না কেস ৩০০০গী মথক্তা থেংনরিঙৈ মতম অসিদা লেপখিবনি।

•          অন্ধ্র প্রদেশ: অন্ধ্র প্রদেশনা কোরনাভাইরস কেসশিংগী মশিংদা হেনগৎলকপা থেংনরি, মসিনা সরকারগী স্কুলশিং অমুক হন্না হাংদোক্লবা মতুংদা লৌনগনবা লাইনা অসিনা শোকহল্লবা ওজাশিং অমসুং মহৈরোইশিংগী মশিং অদু তপ্না-তপ্না হেনগৎলকপনা মরম ওইরগা তেন্সন লৈহল্লি। দিপার্তমেন্ত ওফ এজুকেশনগী মতুং ইন্না, কোবিদ-১৯গীদমক্তা ওজা ৭০,৭৯০ তেস্ত তৌখি, মসিদা মখোয়গী মরক্তগী ৮২৯ পোজিতিব ওইবা থেংনখি অদুগা সেমপল ৯৫,৭৬৩ একজামিন তৌরবা মতুংদা মহৈরোই ৫৭৫দি কিনিংঙাই ওইরবা ভাইরস অসি লৈবা থেংনখি।

•          তেলঙ্গনা: তেলঙ্গনাদা হৌখিবা পুং ২৪দা অনৌবা কেস ১৬০২ থেংনখি, ৯৮২ ফগৎখি অমসুং ৪ শিখি; কেস ১৬০২গী মনুংদা কেস ২৯৫দি জি.ঐচ.এম.সিদগী থেংনখি। অপুনবা কেসশিং: ২,৪৭,২৮৪; এক্তিব কেসশিং: ১৯,২৭২; শিখিশিং: ২,২৬,৬৪৬; দিসচার্জশিং: ফগৎলকপগী চাং চাদা ৯১.৬৫ ওইখিবগা লোইননা ২,২৬,৬৪৬ দিসচার্জ তৌখ্রে।

ফেক্ত চেক

*****