শেনমিৎলোন্দা মন্ত্রীমন্দলগী মীফম (সি.সি.ই.এ.)

মন্ত্রী মন্দল মীফম্না জুৎকী পোৎলমশিংগী শোইদনা তৌগদবা পেকেজিংগী কাংলোনশিং হেনবা হাপ্পদা অয়াবা পীখ্রে

Posted On: 29 OCT 2020 3:46PM by PIB Imphal

ইকোনোমিক এফিয়র্সকী প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা ফমখিবা মন্ত্রী মন্দল কম্মিতীনা চীঞ্জাক্কী চাদা ১০০ অমসুং চিনিগী চাদা ২০ তোঙান-তোঙানবা জুৎকী খাউশিংদা শোইদনা য়োমবদা অয়াবা পীখ্রে।

চিনিবু তোঙান-তোঙানবা জুৎকী খাউশিংদা য়োম্বগী ৱারেপ অসিনা জুৎ ইন্দস্ত্রীবু মখল য়ামহনবদা থৌনা পীরগনি। মখা তানা, ৱারেপ অসিনা অহানবদা চীঞ্জাক্কী পোৎলমশিং  জুৎকী খাউশিংগী ইন্দেন্তকী চাদা ১০দি জেম পোর্তেলদা রিভর্স ওক্সনগে থোংঙদা তৌগনি। হায়রিবসি মমলগী দিস্কোবরী য়েংলগা তপ্না তপ্না মহুৎ শিল্লক্কনি। সরকারনা জুৎ পেকেজিং মতিরিএল (জে.পি.এম.) এক্ত, ১৯৮৭গী মখাদা তঙাইফদনা তৌগদবা য়োম্বগী কাংলোনশিং পাকথোক চাউথোকহনখ্রে।

জুৎকী য়োম্নবগী পোৎলমশিংগী সপ্লাই ৱাৎলকপা মতমদা নত্ত্রগা অসিগুম্বা মান্নবা মতাং লাকপা মতমদা, তেক্সতাইল মন্ত্রালয়না মরী লৈনবা মন্ত্রালয়শিংগা তান্নদুনা হায়রিবা প্রোভিজন অসি মখা তানা প্রোভিজনশিং অসিদা নত্ত্রগা মথক্তা চাদা ৩০ ফাওবা  কোমথোক্লকপা য়াই।

জুৎ সেক্তরদা শিন্মী লাখ ৩.৭ অমসুং ফার্মগী ইমুং মনুংদা লাখ কয়া অমা মখোয়গী পুন্সিগী লম্বী ওইরিবসি য়েংলদুনা সরকার অসিনা জুৎ সেক্তরবু চাউখৎহন্নবা থৌরাং কয়া লেপ্তনা লৌখৎলি; শেমদোক শাদোক্ত্রিবা জুৎকী মগুন অমসুং পুথোকপা হেনগৎহনবা, জুৎ সেক্তরবু মখল মখা কয়া থোকহনবা অমসুং জুৎকী পোত্থোকশিং হেনগৎনবা অমসুং তুং কোইনা দিমান্দ লৈনবা হোৎনবা।

কান্নবশিং:

অয়াবা পীরিবা অসিনা লৈবাক অসিগী নোংচুপ অমসুং অৱাং নোংপোক লমদমশিংদা লৈরিবা মরুওইনা ৱেস্ত বেঙ্গাল, বিহার, ওরিশা, অসম, অন্ধ্র প্রদেশ, মেঘালয় অমসুং ত্রিপুরাগী লৌমীশিং অমসুং শিন্মিশিংদা কান্নবা পীগনি।

জুৎ পেকেজিং মতিরিএল (কম্পলসরী য়ুজ ইন পেকিং কোমোদিতী) এক্ত, ১৯৮৭ (মফম অসিদনা "দি জি.পি.এম. এক্ত হায়রগা খঙনরগদবা)কী মখাদা, সরকার অসিনা অখন্নবা পোৎলমশিংগী সপ্লাই অমসুং য়েন্থোকপা মতমদা শেমদোক শাদোক্ত্রিবা জুৎ অমসুং জুৎ পেকেজিং মতিরিএল অমসুং পুথোকপদা চঙলিবা মীওইশিংগী য়েংলগা জুৎ পেকেজিং মতিরিএল শোইদনা শীজিন্নহনবা তঙাইফরক্তবনি। মরম অসিনা হৌজিক্কী প্রোপোজেল অসিদা লৈরিবা রিজর্বেসনগী কাংলোন অসিনা শেমদোক শাদোক্ত্রিবা জুৎ অমসুং ভারতকী জুৎ পেকেজিং মতিরিএলশিং লমদম অসিদা পুথোক্নবা হোৎনবদা হেনগৎলদুনা ভারতপু আত্মনির্ভর ভারতকা খুৎশম্নদুনা মরোমদোম লেপচবা লৈবাক অমা ওইহনগনি।

জুৎ ইন্দস্ত্রী অসি চীঞ্জাক পেক তৌনবা জুৎকী খাউ চহী খুদিংগী লুপা করোর ৭,৫০০ হেনবগী লৈরিবা সরকারগী সেক্তরদা মরুওইনা তাংজদুনা লৈরি। হায়রিবসি জুৎ সেক্তরগী মরুওইবা দিমান্দ অমসুং সেক্তর অসিদা তাংজদুনা লৈরিবা লৌমীশিং অমসুং শিন্মিশিংগী পুন্সিগী লম্বী পীনবগীদমক্নি।

জুৎ সেক্তরদা পীবা অতোপ্পা মতেংশিং

শেমদোক শাদোক্ত্রিবা জুৎ পুথোকপা অমসুং মগুনবু চেকশিন্না শেমখ্রবা ইন্তর্ভেন্সন অমা ওইরিবা আই.কেয়রগী থোঙদা হেনগৎনবগীদমক সরকার অসিনা মগুন লৈরবা এগ্রোনোমিক প্রেক্তিস হায়বদি সীদ দ্রিল শীজিন্নদুনা পরেং হুনবা, ৱীল হোইং অমসুং নেল ৱীদর শীজিন্নদুনা নাপী মুত্থৎপা, মগুন লৈরবা সর্তিফাইদ মরুশিং পীবা অমসুং মাইক্রোবাইএল এসিস্তেদ রেত্তিং পীদুনা জুৎকী লৌমী লাখ অনিগী ময়াদা মতেং পীরি। হায়রিবা থবকশিং অসিনা শেমদোক শাদোক্ত্রিবা জুৎশিংগী মগুন অমসুং পুথোকপগী চাং হেনগৎহল্লি অমসুং জুৎকী লৌমীশিংগী চাগা হেক্তর অমদা লুপা ১০,০০০ রোম হেনগৎহল্লি।

হন্দক্তা, জুৎ কোর্পোরেসন ওব ইন্দিয়ানা নেসনেল সীদ কোর্পোরেসনগা কম্মর্সিএল বেসিস্তা সর্তিফাইদ সীদ ক্বিন্তল ১০,০০০ য়েন্থোক্নবা য়ানচেরোলদা খুৎয়েক পীনখ্রে। তেক্নোলোজী চাউখৎহনবগী থবক্না অমসুং সর্তিফাইদ সীদ য়েন্থোকপনা জুৎকী মহৈ মরোং পুথোকপগী চাং অমসুং মগুন হেনগৎহনগনি অমসুং লৌমীশিংগী চাগা হেনগৎহনগনি।

মখল মখাগী জুৎকী সেক্তরদা মতেং পীনবগীদমক নেসনেল জুৎ বোর্দনা নেসনেল ইন্সতিত্যুৎ ওব দিজাইনগা খুৎশম্নদুনা গান্ধীনাগরদা জুৎ দিজাইন সেল অমা হাংদোকখ্রে। মখা তানা, জুৎ জিও তেক্সতাইল অমসুং এগ্রো তেক্সতাইল চাউখৎনবগীদমক মরুওইনা অৱাং নোংপোক লমদমদা লৈরিবা রাজ্য সরকারশিংনা হোৎনখ্রে অমসুং রোদ ত্রান্সপোর্ত মন্ত্রালয় অমসুং ৱাতর রিসোর্স মন্ত্রালয়গী বিভাগশিংগসু লোইনদুনা থৌরাং কয়া লৌখৎখ্রে।

জুৎ সেক্তরদা দিমান্দ হেনগৎনবগীদমক ভারত সরকারনা বঙ্গলাদেশ অমসুং নেপালদগী জুৎকী পোত্থোক পুশিল্লকপা মতমদা জনুৱারী ৫, ২০১৭দগী হৌদুনা দিফিনিতিব এন্তি দম্পিং দ্যুতী থমজিনখ্রে।

জুৎ সেক্তরদা মনুং মপান ফাওনা থবক তৌবা য়ানবগীদমক, জুৎ স্মার্ত হায়বা ই.-গবর্নমেন্তকী থৌরাং অমা দিসেম্বর, ২০১৬দা হাংদোকদুনা বি.তি. ৱিল সেকিং সরকারগী এজেন্সীশিংনা লৈনবগী ফম্বাক অমা পীখ্রে। মখা তানা, জে.সি.আই.না এম.এস.পি. অমসুং কম্মর্সিএল ওপরেসন্দা জুৎ লৈনবগীদমক জুৎকী লৌমীশিংদা চাদা ১০০গী ফন্দশিং ওনলাইন্দা থারি।

***************



(Release ID: 1669645) Visitor Counter : 106