ପ୍ରତିରକ୍ଷା ମନ୍ତ୍ରଣାଳୟ
ଏରୋ ଇଣ୍ଡିଆ 2021 ପାଇଁ ଆଜିଠାରୁ ମିଡିଆ ପଞ୍ଜୀକରଣ ଆରମ୍ଭ
Posted On:
02 NOV 2020 2:45PM by PIB Bhubaneshwar
‘ଏରୋ ଇଣ୍ଡିଆ 2021’ର 13ତମ ସଂସ୍କରଣ ବାୟୁସେନା ଷ୍ଟେସନ, ୟେଲାହାଙ୍କା, ବେଙ୍ଗାଲୁରୁ (କର୍ଣ୍ଣାଟକ)ରେ 03 ରୁ 07 ଫେବୃଆରୀ 2021ରେ ଅନୁଷ୍ଠିତ ହେବ ।
ପ୍ରଦର୍ଶନୀ ପରିଦର୍ଶନ କରିବାକୁ ଗଣମାଧ୍ୟମ କର୍ମଚାରୀଙ୍କ ପଞ୍ଜୀକରଣ ପାଇଁ ଆଜିଠାରୁ ଅର୍ଥାତ 02 ନଭେମ୍ବର 2020ରୁ ଖୋଲା ଯାଇଛି । ପଞ୍ଜୀକରଣ 06 ଡିସେମ୍ବର 2020ରେ ଶେଷ ହେବ ଏବଂ ଏରୋ ଇଣ୍ଡିଆ 2021 ୱେବସାଇଟରେ ଅନଲାଇନରେ କରାଯିବ । ମିଡିଆ ପଞ୍ଜୀକରଣ ପାଇଁ କୌଣସି ଶୁଳ୍କ ଦେବାକୁ ପଡିବ ନାହିଁ, କିନ୍ତୁ ଏହି କାର୍ଯ୍ୟକ୍ରମକୁ କଭର୍ କରିବାକୁ ଚାହୁଁଥିବା ବିଦେଶୀ ସାମ୍ବାଦିକମାନେ ଏକ ବୈଧ ‘ଜେ ଭିସା’ ପ୍ରାପ୍ତ କରିବାକୁ ପଡିବ।
ୱେବସାଇଟ୍ https://aeroindia.gov.in/media/mediaregcontentରେ ମିଡିଆ କର୍ମଚାରୀଙ୍କ ପଞ୍ଜୀକରଣ ପାଇଁ ଆବଶ୍ୟକ ବଟନ୍ ଅଛି ଏବଂ ଆବଶ୍ୟକସ୍ଥଳେ ଏକ ବୈଧ ମିଡିଆ ପରିଚୟ ପତ୍ର ନମ୍ବର, ପିଆଇବି / ରାଜ୍ୟ ମାନ୍ୟତା କାର୍ଡ ନମ୍ବର (ଯଦି ସ୍ୱୀକୃତିପ୍ରାପ୍ତ), ସରକାରଙ୍କ ତରଫରୁ ପ୍ରଦାନ କରାଯାଇଥିବା ଫଟୋ ପରିଚୟପତ୍ର କାର୍ଡ ନମ୍ବର ଏବଂ 512 କେବିରୁ କମ୍ ଫଟୋ ଦରକାର ।
ଏହି ପାଞ୍ଚ ଦିନିଆ କାର୍ଯ୍ୟକ୍ରମରେ ଏରୋସ୍ପେସ୍ ଏବଂ ପ୍ରତିରକ୍ଷା ଶିଳ୍ପଗୁଡିକର ପ୍ରମୁଖ ବାଣିଜ୍ୟ ପ୍ରଦର୍ଶନୀ ମିଳିତ ଭାବେ ହେବ । ଏରୋସ୍ପେସ୍ ଇଣ୍ଡଷ୍ଟ୍ରିର ବିଶ୍ଵସ୍ତରୀୟ ନେତା ଏବଂ ବଡ ନିବେଶକମାନଙ୍କ ବ୍ୟତୀତ ଏହି ଶୋ’ରେ ସାରା ବିଶ୍ୱରୁ ଥିଙ୍କ-ଟ୍ୟାଙ୍କ ମାନେ ଅଂଶଗ୍ରହଣ କରିବେ । ବିମାନ ଶିଳ୍ପରେ ସୂଚନା, ଜ୍ଞାନ ଏବଂ ନୂତନ ବିକାଶ ପାଇଁ ଏରୋ ଇଣ୍ଡିଆ ଏକ ଅନନ୍ୟ ସୁଯୋଗ ପ୍ରଦାନ କରିବ । ଏହା ଘରୋଇ ବିମାନ ଶିଳ୍ପକୁ ପ୍ରୋତ୍ସାହନ ଦେବା ସହିତ ମେକ ଇନ ଇଣ୍ଡିଆକୁ ଆହୁରି ଆଗକୁ ବଢାଇବ ।
ଏରୋ ଇଣ୍ଡିଆରେ ପ୍ରାୟ 500 କମ୍ପାନୀ ଉଭୟ ଭାରତୀୟ ଏବଂ ବିଦେଶୀ ଅଂଶଗ୍ରହଣ କରିବେ ବୋଲି ଆଶା କରାଯାଉଛି ।
**********
(Release ID: 1669578)
Visitor Counter : 166
Read this release in:
Bengali
,
English
,
Urdu
,
Hindi
,
Marathi
,
Manipuri
,
Assamese
,
Punjabi
,
Tamil
,
Telugu
,
Kannada
,
Malayalam