প্রধান মন্ত্রীনা ঙসি গুজারকী কেৱদিয়াদগী ভিদিও কনফরেন্স অমগী খুত্থাংদা এল.বি.এস.এন.এ.এ. মসুরীদা ইন্দিয়ন সিবিল সর্বিসেসকী ওফিসর ত্রেনীশিং (ও.তি.শিং)গা লোয়ননা ৱারী শাখি। মসি অহানবা ওইনা ২০১৯দা হৌদোকখিবা ইন্তিগ্রেতেদ ফাউন্দেসন কোর্স আরম্ভগী শরুক অমনি।

ও.তি.শিংনা পীবা প্রজেন্তেসনশিং য়েংলবা মতুংদা প্রধান মন্ত্রীনা মহাক্কী ৱারোলদা সরদার বল্লভভাই পতেলগী “সিবিল সর্বেন্ত অমগী খ্বাইদগী মরু ওইবা থৌদাংদি লৈবাক মীয়ামগী সেবা তৌবনি” হায়বা ৱাখল্লোন অদুবু প্রোবেস্নরশিংদা ঙাক্না চৎনবা ফোঙদোকখি।

শ্রী মোদীনা নহা ওইরিবা ওফিসরশিংনা ৱারেপশিং লৌবদা লৈবাক্কী য়েংলগা লৌগদবনি অমসুং লৈবাক্কী অপুনবা অমসুং পুন্না লৈমিন্নবগী মওংগী মপাঙ্গল হাপ্পা ওইগদবনি হায়না খঙহনখি।  মহাক্না হায়খি সিবিল সর্বেন্তশিংনা মখোয়া মথৌ তৌরিবা বিভাগ নত্ত্রগা লমদম অদুগী হিরম অদু নত্ত্রবসু মখোয়না লৌবা ৱারেপশিং অদু মতম পুম্বদা মীচম প্রজাগী য়াইফনবা ওইগদবনি।্রধান মন্ত্রীনা মারোলদা পীরধান মন্ত্র

প্রধান মন্ত্রীনা হায়খি লৈবাক অসিগী “স্তীল ফ্রেমগী” মথৌ অসি নোংমগী থবক-থৌরমশিং য়েংশিনবা খক্তা ওইগদবা নত্তে লৈবাক অসি খুমাং চাউশিন্নবা থবক পাইখৎপদা মীৎয়েং চংবা ওইগদবনি। মহাক্না হায়খি মসি অৱাবা তারবা মতমদা হেন্না মরু ওই।

শ্রী নরেন্দ্র মোদীনা লৈবাক অসিদা অনৌবা পান্দমশিং ফংনবা, অনৌবা পাম্বৈশিং শীজিন্ননবা অমসুং অনৌবা লম্বীশিংদা চৎপদা মাই পাকপা পুরকপদা ত্রেনীংগী মরু ওইবা অমসুং স্কিল সেৎপু দিবেলপ তৌবদা লৌরিবা অচৌবা থৌদাং অদু ফোঙদোকখি।

প্রধান মন্ত্রীনা হায় মমাংদা তৌখিবা অদুগা মান্নদবা মওংদা হৌজিক্তি লৈবাক অসিদা  হ্যুমেন রিসোর্স ত্রেনিং পীবদা মতমগা চুনবা এপ্রোচশিংদা মীৎয়েং চংলি। মহাক্না হৌখিবা চহি ২-৩ অসি খক্তদা সিবিল সর্বিস ত্রেনীংগী পথাপ্তা অহোংবা পুরকখিবা অদু পাউদমখি। মহাক্না হায় ইন্তিগ্রেতেদ ফাউন্দেসন কোর্স ‘আরম্ভ’ অসি শুপ্নগী অহৌবা অমখক্তা নত্তে, মসিদি অনৌবা চৎনবী অমগী খুদম অমনি।

শ্রী মোদীনা হন্দক্তা সিবিল সর্বিসেস্তা অহোংবা পুরকখিবা মিসন কর্ময়োগী অদু পনখি অমসুং মহাক্না হায়খি মসিনা সিবিল সর্বেন্তশিংবু হেন্না লৌশিং লৈনবা অমদি মশানা মশাবু থাজবা হেনগৎনবা মখোয়গী কেপাসিতী বিল্দিংগী তৌনবা হোৎনরি।

প্রধান মন্ত্রীনা হায়খি সরকার অসিনা তো-দাউন এপ্রোচ অমগা লোয়ননা চল্লাইদে। মহাক্না হায়খি মীয়ামগীদমক্তা শেম্লিবা পোলিসীশিং অসিদা মখোয়বু মনুং চলহনবা অসিসু য়াম্না মরু ওই। মহাক্না মখা তারদুনা হায়খি সরকার অমা চল্লাইহনবদা তশেংনা মরু ওইরিবা শাফু অসি মীয়াম্নি। 

মহাক্না হায় হৌজিক-হৌজিক লৈবাক অসিদা থবক তৌবগী মওং অসিদা ব্যুরোক্রেৎ পুম্নমক্না লৌরিবা থৌদাং অসি মিনিমম গবর্নমেন্ত অমসুং মেক্সিমম গবর্নেন্স পুরকপা ঙমহন্নবনি। মহাক্না সিবিল সর্বেন্তশিংদা প্রজাশিংগী পুন্সিদা মখোয়না য়াওশিনবা অসি হন্থনবা অমসুং মীচম প্রজাবু থৌনা হাপনবা খঙহনখি।

প্রধান মন্ত্রীনা সিবিল সর্বেন্ত ত্রেনীশিংনা আত্মানির্ভর ওইনবা লৈবাক অসিনা হোৎনরিবা অসিদা ভোকেল ফোর লোকেলগী মন্ত্রা অসি শীজিন্ননবা হায়খ্রে।

***