কেমিকেলস অমসুং ফর্তিলাইজরস মন্ত্রালয়গী দিপার্তমেন্ত ওফ কেমিকেলস অমসুং পে্তরোকেমিকেলসকী মখাদা লৈবা পি.এস.য়ু., ঐচ.আই.এল. (ইন্দিয়া) লিমিতেদনা হন্দক্কী ফাইনান্সিয়েল য়িয়র (এফ.ৱাই. ২০২০-২১)গী অহানবা ক্বার্তর অনিদা এক্সপোর্ত্তা ৬৫% গ্রোথ লৈখি। কমপনী অসিনা হায়খি মদুদি মখোয়না মমাংগী ফাইনান্সিয়েল য়িয়রগী চপ মান্নবা মতম অদুগা চাংদম্নবদা এপ্রিল- সেপ্তেম্বর ২০২০ ফাওবগী মতম অসিগী মনুংদা এক্সপোর্তশিংদা গ্রোথ ৬৫%গী চাংদা গ্রোথ লৈখিবা থেংনখি।

কমপনী অসিনা মতম অসিগী মনুংদা সাউদর্ন অফ্রিকাগী লৈবাকশিং, লেতিন অমেরিকা অমসুং ইরানদা দাইক্লোরো দাইফিনাইল ত্রাইক্লোরোইথেন (দি.দি.তি.) অমসুং এগ্রোকেমিকেলশিংগী য়াম্লবা ক্বান্তিতী থাখিবনা মরম ওইরগা য়াম্না চাউরবা গ্রোথ অসি ফংবা ঙম্লিবনি।

কেন্দ্রগী কেমিকেলস অমসুং ফর্তিলাইজরসকী মন্ত্রী, শ্রী দি.ভি. সদানন্দা গৌদানা ঐচ.আই.এল. (ইন্দিয়া) লিমিতেদকী তীম হোৎনখিবশিং অদুবু থাগৎলদুনা হায়খি, “মমাংগী চহিগা চাংদম্নবদা এফ.ৱাই. ২০-২১গী অহানবা কার্তর অনিদা ৬৫%গী য়াম্না শিংথানিংঙাই ওইরবা গ্রোথ অসিগীদমক্তা হিন্দুস্তান ইন্সেক্তিসাইতস লিমিতেদ (ঐচ.আই.এল.) মেনেজমেন্ত অমসুং মখোয়গী তীমবু থাগৎপা ফোংদোক্লি। ঐআক্না ঐচ.আই.এল.বু তুংদা লাক্কদবা চহিদা মাইপাকপা অমসুং থোইদোক-হেন্দোকপা ওইরসনু হায়না য়াইফ পাওজেল পীরি।”

ঐচ.আই.এল.না কোরেসপোন্দিং পেরিয়দ লাস্ত য়িয়র (সি.পি.এল.ৱাই.)দা পুথোকখিবা এম.তি. ৩৭৫.৫ অদুগা চাংদম্নবদা হন্দক্কী চহি অসিগী অহানবা ক্বার্তর অনিদা হৌজিক ফাওবদা খ্বাইদগী হেন্না য়াম্লবা এম.তি. ৫৩০.১০গী মলাথিয়োন তেক্নিকেলগী প্রোদক্সনসু লৈখি।

কমপনী অসিনা অহানবা ক্বার্তর অনিদা প্রোদক্ত অসিগীদমক্তা খ্বাইদগী হেন্না ৱাংনা সেল তৌখিবগীসু রেজিস্তর তৌখি অমসুং মসিগী ক্বান্তিতী পুম্নমক ইন্সতিত্যুসন কবা অমদা খুদম ওইনা এগরিকলচর মন্ত্রালয়গী লোকস্ত কন্ত্রোল প্রোগ্রাম অমসুং মুনিসিপাল কোর্পোরেশনশিংদা ভেক্তর কন্ত্রোল প্রোগ্রামগীদমক্তা লৈবাক শিনবা থুংনা সপ্লাই তৌখি।

*****