প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা ফমখিবা কেন্দ্রগী মন্ত্রী-মন্দলগী মীফমদা ভারত অমসুং জপানগী মরক্তা ইনফোর্মেসন অমসুং কম্ম্যুনিকেসন তেক্নোলোজীশিংগী (আই.সি.তি.শিং) লমদা লৈবাক অনিগী মরক্তা খুৎশম্নদুনা চৎমিন্ননবা ইন্নখিবা মেমোরেন্দম ওফ কোওপরেসন (এম.ও.সি.) অদু খুৎয়েক পীনবা অয়াবা পীখ্রে

এম.ও.সি. অসিনা কম্ম্যুনিকেসনগী লমদা বাইলেতরেল কোওপরেসন অমসুং নকল অনিমক্তগী য়ান্নবা অসিগী মপাঙ্গল কনখৎহনবদা মতেং ওইরগনি অমসুং জপান অসি “অখন্ননা কান্নবা অমসুং মালেমগী পার্তনরশিপ”কী থাক্তা লৈবা মরু ওইবা পার্তনর অমা ওইবনা ভারতকীদমক কান্নগদবা খোঙথাং অমা ওইরগনি।

এম.ও.সি. অসিনা ৫জি নেৎৱার্ক, তেলিকোম সেক্যুরিতী, সবমেরিন কেবল, কম্ম্যুনিকেসন ইক্বিপমেন্তগী স্তেন্দর্দ সর্তিফিকেসন, খ্বাইদগী নৌবা ৱায়রলেস তেক্নোলোজীশিং অমসুং আই.সি.তি.শিং, আই.সি.তি.শিংগী কেপাসিতী বিল্দিং, পব্লিক দিজাস্তর অমসুং দিজাস্তর রিলিফ, আর্তিফিসিএল ইন্তেলিজেন্স (এ.আই.)/ ব্লোক চেন, স্পেক্ত্রম চেন, স্পেক্ত্রম মেনেজমেন্ত, মল্তিলেতরেল প্লেৎফোর্মগী কোওপরেসন অসিনচিংবা তোঙান তোঙানবা লমশিংদা লৈবাক অসিনগী মরক্তা খুৎশম্নদুনা চৎমিন্নবদা মতেং পাংলগনি।

এম.ও.সি. অসিনা ভারতপু মালেমগী স্তেন্দর্দাইজেসন প্রোসেস্তা খুদোংচাবশিং ফংহনবদা হেনগৎলগনি। আই.সি.তি.শিংগী তেক্নোলোজীশিংদা খুৎশম্নবনা লৈবাক অসিগী আই.সি.তি.শিংগী ইনফ্রাস্ত্রকচরগী মপাঙ্গল কনখৎহনবদা মতেং পাংলগনি। তুংলমচৎকী সবমেরিন কেবল নেৎৱার্কশিং অমসুং তেক্নোলোজীশিং শেমগৎপদা খুৎশম্নবনা মেনলেন্দ ইন্দিয়া অমসুং অরাপ্পা মফমশিংগী ফাওনবা হেনগৎহনবদা মতেং পাংলগনি। এম.ও.সি. অসিনা আই.সি.তি.শিংগী লমদা হ্যুমেন কেপাসিতী বিল্দিং হেনগৎহন্নবা পান্দম থম্লি অমসুং মখা তানা স্তার্তঅপ ইকোসিস্তেম চাউখৎহনবনা আত্মানির্ভর ভারতকী পান্দম ফংনবা হোৎনবদা মতেং পাংলগনি।

*****