କ୍ୟାବିନେଟ

ସ୍ୱାସ୍ଥ୍ୟ ଓ ଭେଷଜ ବିଜ୍ଞାନ କ୍ଷେତ୍ରରେ ସହଯୋଗ ନେଇ ଭାରତ-କାମ୍ବୋଡିଆ ମଧ୍ୟରେ ବୁଝାମଣାକୁ କେନ୍ଦ୍ର କ୍ୟାବିନେଟର ଅନୁମୋଦନ

Posted On: 29 OCT 2020 3:40PM by PIB Bhubaneshwar

ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଅନୁଷ୍ଠିତ କେନ୍ଦ୍ର କ୍ୟାବିନେଟ ବୈଠକରେ ଭାରତ-କାମ୍ବୋଡିଆ ମଧ୍ୟରେ ସ୍ୱାସ୍ଥ୍ୟ ଓ ଭେଷଜ ବିଜ୍ଞାନ କ୍ଷେତ୍ରରେ ବୁଝାମଣାପତ୍ର ସ୍ଵାକ୍ଷରକୁ ଅନୁମୋଦନ ମିଳିଛି । ଏହି ଦ୍ଵିପାକ୍ଷିକ ବୁଝାମଣାପତ୍ର ସ୍ଵାକ୍ଷରିତ ହେଲେ ଦୁଇ ଦେଶ ମଧ୍ୟରେ ସ୍ୱାସ୍ଥ୍ୟ କ୍ଷେତ୍ରରେ ଅଧିକ ବିକାଶ ହୋଇପାରିବ । ଏହି ଦ୍ଵିପାକ୍ଷିକ ରାଜିନାମା ଭାରତ ଓ କାମ୍ବୋଡିଆର ସଂପର୍କକୁ ମଜବୁତ କରିବ । ଯେଉଁଦିନ  ଏହା ସ୍ଵାକ୍ଷରିତ ହେବ ସେହିଦିନଠାରୁ 5 ବର୍ଷ ପର୍ଯ୍ୟନ୍ତ ଏହା ବଳବତ୍ତର ରହିବ । ଦୁଇ ଦେଶମଧ୍ୟରେ ଏହି ସହଯୋଗ ନିମ୍ନୋକ୍ତ କ୍ଷେତ୍ରରେ ଲାଗୁ ହେବ ।

  1. ମାତୃ ଓ ଶିଶୁ ସ୍ୱାସ୍ଥ୍ୟ
  2. ପରିବାର ନିୟନ୍ତ୍ରଣ
  3. ଏଚଆଇଭି/ଏଡସ ଏବଂ ଟିବି
  4. ଡ୍ରଗ ଏବଂ ଫାର୍ମାସ୍ୟୁଟିକାଲ
  5. ପ୍ରଯୁକ୍ତିବିଦ୍ୟା ହସ୍ତାନ୍ତର
  6. ଜନସ୍ୱାସ୍ଥ୍ୟ ଏବଂ ସଂକ୍ରାମକ ବ୍ୟାଧି
  7. ରୋଗ ନିୟନ୍ତ୍ରଣ (ସଂକ୍ରାମକ ଓ ଅଣସଂକ୍ରାମକ)
  8. ଭେଷଜ ଗବେଷଣା ଓ ବିକାଶ, ତେବେ ଏହା କାମ୍ବୋଡିଆର ନ୍ୟାସନାଲ ଏଥିକ୍ସ କମିଟି ଏବଂ ଭାରତର ଏଥି ସଂକ୍ରାନ୍ତ ବିଭାଗ ଓ ମନ୍ତ୍ରଣାଳୟର ଅନୁମୋଦନକ୍ରମେ କରାଯିବ
  9. ଡାକ୍ତରୀ ଶିକ୍ଷା
  10. ଜନସ୍ୱାସ୍ଥ୍ୟ କ୍ଷେତ୍ରରେ ସ୍ୱାସ୍ଥ୍ୟ ମାନବ ସମ୍ବଳ ବିକାଶ
  11. କ୍ଲିନିକାଲ ଅର୍ଦ୍ଧକ୍ଲିନିକାଲ ଓ କୌଶଳ ବିକାଶ ତାଲିମ ଏବଂ
  12. ପାରସ୍ପରିକ ସହଯୋଗ ଭିତ୍ତିରେ ଅନ୍ୟ ଯେକୌଣସି ବିଷୟ ବା କ୍ଷେତ୍ର

 

**********


(Release ID: 1668620) Visitor Counter : 187


Read this release in: English , Urdu , Marathi , Hindi , Bengali , Manipuri , Punjabi , Gujarati , Tamil , Telugu , Kannada , Malayalam