মন্ত্রীমন্দল

হকশেল অমসুং হীদাক-লাংথক্কী লমদা খুৎশম্নদুনা চৎমিন্ননবা ভারত অমসুং কম্বোদিয়াগী মরক্তা ইন্নখিবা মেমোরেন্দম ওফ অন্দরস্তেন্দিং অদু মন্ত্রী-মন্দলনা অয়াবা পীখ্রে

Posted On: 29 OCT 2020 3:40PM by PIB Imphal

প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা ফমখিবা কেন্দ্রগী মন্ত্রী-মন্দলগী মীফমদা হকশেল অমসুং হীদাক-লাংথক্কী লমদা খুৎশম্নদুনা চৎমিন্ননবা ভারত অমসুং কম্বোদিয়াগী মরক্তা ইন্নখিবা মেমোরেন্দম ওফ অন্দরস্তেন্দিং (এম.ও.য়ু.) অদু খুৎয়েক পীনবা অয়াবা পীখ্রে

লৈবাক অনিগী এম.ও.য়ু. অসিনা হকশেলগী সেক্তরদা পুন্না খোঙথাং লৌখৎপা অমসুং তেক্নোলোজীগী চাউখৎ থৌরাংগী খুত্থাংদা লৈবাক অনিগী মরক্তা খুৎশম্নদুনা চংশিনবা অসিদা থৌনা হাপ্লগনি। এম.ও.য়ু. অসি খুৎয়েক পীনখিবা নুমিৎ অদুদগী চৎনবা হৌদুনা চহি মঙাগী মতম ফাওবা চৎনগনি।

সরকার অনি অসিগী মরক্তা পুন্না খুৎশম্নদুনা থবক লৌখৎকদবা মরু ওইবা লমশিং অদুদি:

  1. মমা অমসুং অঙাংগী হকশেল ;
  2. ফেমিলী প্লানিং;
  3. ঐচ.আই.ভি./এদস অমসুং তি.বি.;
  4. দ্রগশিং অমসুং ফার্মাকোতিকেলশিং;
  5. তেক্নোলোজী ত্রান্সফর;
  6. পব্লিক হেল্থ অমসুং ইপিদেমিওলোজী;
  7. দিজিজ কন্ত্রোল (লৌনগনবা অমসুং লৌনগৎন্দবা);
  8. নেস্নেল ইথিক কম্মিতী ওফ কম্বোদিয়াগী অয়াবা লৌরগা অমসুং মরী লৈনবা ভারতকী বিভাগ/মন্ত্রালয়গী ক্লিয়রেন্স য়াওরগা মেদিকেল রিসর্চ অমসুং দিবেলপমেন্ত;
  9. মেদিকেল এজুকেসন;
  10. পব্লিক হেল্থকী লমদা হেল্থ মেনপাৱর হেনগৎহনবা;
  11. ক্লিনিকেল, পেরা-ক্লিনিকেল অমসুং মেনেজমেন্ত স্কিলশিংগী ত্রেনিং; অমসুং
  12. পুন্না য়ানবগী মখা পোন্না খুৎশম্নদুনা থবক পাইখৎকদবা লম অমা হেক্তা।

*******



(Release ID: 1668559) Visitor Counter : 166


Read this release in: English , Urdu , Marathi , Hindi , Bengali , Punjabi , Gujarati , Odia , Tamil , Telugu , Kannada , Malayalam