ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ
ଗୁଜରାଟର ପୂର୍ବତନ ମୁଖ୍ୟମନ୍ତ୍ରୀ କେଶୁଭାଇ ପଟେଲଙ୍କ ବିୟୋଗରେ ପ୍ରଧାନମନ୍ତ୍ରୀଙ୍କ ଶୋକ
ପୋଷ୍ଟ କରାଯିବା ଦିନାଙ୍କ:
29 OCT 2020 2:26PM by PIB Bhubaneswar
ଗୁଜରାଟର ପୂର୍ବତନ ମୁଖ୍ୟମନ୍ତ୍ରୀ କେଶୁଭାଇ ପଟେଲଙ୍କ ବିୟୋଗରେ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଗଭୀର ଶୋକ ବ୍ୟକ୍ତ କରିଛନ୍ତି । ଏକାଧିକ ଟ୍ଵିଟ ଜରିଆରେ ପ୍ରଧାନମନ୍ତ୍ରୀ କହିଛନ୍ତି ଯେ, “ଆମର ପ୍ରିୟ ଏବଂ ସମ୍ମାନସ୍ପଦ କେଶୁଭାଇ ଆଉ ନାହାନ୍ତି । ଏଥିପାଇଁ ମୁଁ ଗଭୀର ଭାବେ ମର୍ମାହତ । ସେ ଜଣେ ତୁଙ୍ଗ ନେତା ଓ ସମାଜର ସବୁବର୍ଗର ଲୋକଙ୍କ ପ୍ରତି ସହାନୁଭୂତିଶୀଳ ଥିଲେ । ଗୁଜରାଟର ବିକାଶ ସହ ପ୍ରତ୍ୟେକ ଗୁଜରାଟୀଙ୍କୁ ସଶକ୍ତ କରିବା ଦିଗରେ ତାଙ୍କ ଜୀବନ ଥିଲା ଉତ୍ସର୍ଗୀକୃତ ।
ଜନସଂଘ ଓ ବିଜେପିକୁ ସୁଦୃଢ କରିବା ପାଇଁ କେଶୁଭାଇ ଗୁଜରାଟର କୋଣ ଅନୁକୋଣ ଭ୍ରମଣ କରିଥିଲେ । ସେ ଜରୁରୀକାଳିନ ପରିସ୍ଥିତିର ଘୋର ବିରୋଧୀ ଥିଲେ । ଚାଷୀଙ୍କ କଲ୍ୟାଣ ତାଙ୍କ ହୃଦୟକୁ ସବୁବେଳେ ସ୍ପର୍ଶ କରୁଥିଲା । ବିଧାୟକ ହୁଅନ୍ତୁ ବା ସାଂସଦ, ମନ୍ତ୍ରୀ ବା ମୁଖ୍ୟମନ୍ତ୍ରୀ ସେ ଚାଷୀମାନଙ୍କୁ ସୁହାଇବା ଭଳି ଅନେକ ବିଧେୟକ ପାରିତ କରାଇବା ସୁନିଶ୍ଚିତ କରୁଥିଲେ ।
ମୋ ସମେତ ଅନେକ ଦଳର କର୍ମକର୍ତ୍ତାଙ୍କୁ କେଶୁଭାଇ ଦିଗଦର୍ଶନ ଦେଇଛନ୍ତି । ପ୍ରତ୍ୟେକ ବ୍ୟକ୍ତି ତାଙ୍କ ସୁଗୁଣର ଅନୁରାଗୀ ଥିଲେ । ଆଜି ଆମେ ସମସ୍ତେ ମର୍ମାହତ । ତାଙ୍କ ପରିବାର ଓ ଶୁଭେଚ୍ଛୁମାନଙ୍କ ସହ ମୁଁ ରହିଛି । ତାଙ୍କ ପୁଅ ଭରତ ସହ କଥା ହୋଇ ଶୋକ ବ୍ୟକ୍ତ କରିଛି” । ଓମ ଶାନ୍ତି ।
**********
(ରିଲିଜ ଆଡି: 1668618)
ପରିଦର୍ଶକ କାଉଣ୍ଟର : 167
ଏହି ରିଲିଜ ପଢନ୍ତୁ :
English
,
Urdu
,
Marathi
,
हिन्दी
,
Bengali
,
Assamese
,
Manipuri
,
Punjabi
,
Gujarati
,
Tamil
,
Telugu
,
Kannada
,
Malayalam