হকশেল অমসুং য়াইফ-য়ুম্বাল মন্ত্রালয়
ভারত্তা তেস্তিং শরুক কয়া হেনগৎলক্লি
হৌখিবা নুমিৎ ৯সিদা তেস্ত করোর ১ তৌখ্রে
চাংচত্তা হৌখিবা চয়োল ৬সিদা নুংতিগী তেস্ত লাখ ১১গী ময়াদা তৌরি
তেস্ত মশিং হেনগৎলকপগা লোয়ননা অপুনবা পোজিতিভিতী রেত অসুম অসুম তাথরক্লি
Posted On:
29 OCT 2020 1:38PM by PIB Imphal
ভারতনা জনুৱারী ২০২০দগী হৌরগা হৌজিক ফাওবদা কোবিদ-১৯ তেস্ত তৌনবগী মচাক মথুমশিং লেপ্পা নাইদনা হেনগৎহন্দুনা তেস্ত মশীং শরুক কয়া হেনগৎলক্লি। লৈবাকসিগী তেস্তিং কেপাসিতী শরুক কয়া হেনগৎহনখ্রে। হৌজিক্তি নোংমদা তেস্ত লাখ ১৫গী চাংদা তৌবা য়ারে।
হৌখিবা পুং ২৪দা তেস্ত ১০,৭৫,৭৬০ তৌদুনা অপুনবা তেস্ত মশিং করোর ১০.৬৫ (১০,৬৫,৬৩,৪৪০) লান্থোক্লে।
হৌখিবা চয়োল তরুকসিদা তেস্ত লাখ ১১গী ময়াদা নুংতিগী তৌরি।
খুদম চাংদমশিংনা তাকপগুম, পুম্নমক শুপচিল্লবা অমদি পাক্তক্ননা লেপ্পা নাইদনা তেস্ত তৌবনা পোজিতিভিতী রেত হন্থহল্লক্লি। লৈবাক্কী অপুনবা পোজিতিভিতী রেততা মশক থোক্না হন্থরকপা অসিনা শন্দোকপগী চাং মওং চুম্না লাকশিল্লি হায়বসি উৎলি। অপুনবা পোজিতিভিতী রেত অসুম অসুম হন্থরক্লি অমদি ঙসিদি চাদা ৭.৫৪দা লৈরে।
হৌখিবা চয়োল অহুমসিদা অপুনবা পোজিতিভিতী রেত হন্থরকপগী মওং অসিনা লৈবাকসিগী তেস্তিং ফেসিলিসতা পাক শন্না লৈরিবসিগী খুদম্নি।
হৌখিবা নুমিৎ মাপনসিদা তেস্ত করোর অমা তৌখি। নুংতিগী ওইবা পোজিতিভিতী রেত চাদা ৪.৬৪দা লৈরি।
ভারত্তা নারিবা মীশিং অসুম অসুম হন্থরকপগী মওংসু লৈরি। হৌজিক নারিবা মীশিং ঙসি ৬,০৩,৬৮৭ ওইরে। মসি লৈবাকসিগী অপুনবা অনাবা মশিংগী চাদা ৭.৫১ খক্তনি।
নারিবা মীশিং হন্থরকপগী মওং অসিদা ফগৎলকপা মশিং হেনগৎলকপনসু মতেং পাংশিল্লি। অপুনবা ফখ্রবা মীশিং লাখ ৭৩ (৭৩,১৫,৯৮৯) লানখ্রে। ফখ্রবা মীশিংগা নারিবা মীশিংগা অনিগী মরক্তা লৈবা খেন্নবা লাখ ৬৭ (৬৭,১২,৩০২) লানখ্রে।
ফগৎলকপা মীশিং অসুম অসুম হেনগৎলকপনা খেন্নবা অসিসু লেপ্পা লৈতনা হেনগৎলক্লি।
হৌখিবা পুং ২৪সিদা ৫৬,৪৮০ ফগৎলক্তুনা ময়ুমদা হলহনখ্রে অদুগা নৌনা নারে খঙলবা মশিংনা ৪৯,৮৮১ ওইরি।
নৌনা ফগৎলকখিবা মীশিংগী চাদা ৭৯দি স্তেত/য়ু.তি. ১০দা নৈশিন্দুনা লৈবা থেংনৈ।
মহারাস্ত্রনা নোংমদা মীশিং ৮,০০০ হেন্না ফগৎলক্তুনা খ্বাইদগী য়ামবা ওইরি অদুগা কেরলানা মীশিং ৭,০০০ ফগৎলক্তুনা মতুং ইল্লি।
হৌখিবা পুং ২৪সিদা নৌনা নারে খঙলবা মীশিং ৪৯,৮৮১ থেংনখি।
অনৌবা কেসকী চাদা ৭৯দি স্তেত অমসুং য়ু.তি. ১০দগীনি। কেরলানা নৌনা নাবা মীশিং ৮,০০০ থেংনদুনা খ্বাইদগী য়াম্না অনৌবা কেস থেংনবা ওইরি অদুগা মহারাস্ত্রনা অনৌবা কেস ৬,০০০ থেংনদুনা মতুং ইল্লি।
হৌখিবা পুং ২৪সিদা ৫১৭ লৈখিদবগী পাউ লাকই। মসিগী মনুংদা চাদা ৮১গী ময়াদি স্তেত/য়ু.তি. ১০দা নৈশিন্দুনা লৈবা থেংনৈ।
মহারাস্ত্রদা মীওই ৯১ শিদুনা খ্বাইদগী য়াম্না শিবা ওইরি।
****
(Release ID: 1668478)
Visitor Counter : 169
Read this release in:
English
,
Urdu
,
Hindi
,
Marathi
,
Assamese
,
Bengali
,
Punjabi
,
Gujarati
,
Tamil
,
Telugu
,
Kannada