কমর্স অমসুং ইন্দস্ত্রী মন্ত্রালয়
পেতেন্ত (এমেন্দমেন্ত) রুল্স, ২০২০ – ফোর্ম ২৭ মেনশিনবা অমদি অচুম্বনি তাক্লবা ইংলিসতা হন্দোকপা মরুওইবা চে-চাংশিং থাজিনবগা মরী লৈনবা ৱাফম মওং মরিল চুমহনবা
পেতেন্তীশিংদা পেতেন্ত অমা নৎত্রগা অমদগী হেনবগী মতাঙদা ফোর্ম ২৭ অমখক্তমক থাজিনবা য়ানবা কোমথোক্কনি। মসিনা চৎন-কাংলোন ইনবগী পোৎলুম হন্থহনগনি অমদি অনৌবা ৱাখল্লোনদা ইনোৎ পীগনি
পেতেন্তীগীদমক অয়াবা পীরবা এজেন্তশিংনা ফোর্ম-২৭ থাজিনবা য়ারগনি। মসিনা ইনোভেতরশিংদা ‘লল্লোন ইতিক তৌবদা কোমহনবা’ ফীভম হেন্না ফংহনগনি
ফোর্ম-২৭ মেনশিন্নবগীদমক, পেতেন্তীশিংনা হৌজিক চৎনরিবা থা ৩গী মহুত্ততা থা ৬কী মতম ফংগনি
করিগুমবা মরুওইবা চে-চাংশিং অদু দব্লি.আই.পি.ও.গী দিজিতেল লাইব্রেরীদা ফংলবদি, এপ্লিকান্তনা ইন্দিয়ন পেতেন্ত ওফিসতা হায়রিবা চে-চাংশিং অদু অমুক থাজিনবগী মথৌ তাররোই
অচুম্বনি তাক্লবা ইংলিস্তা হন্দোক্লবা চে-চাংশিং থাজিনবগা মরী লৈনবা চঙদ্রবা য়াদ্রবা ৱাফমশিং মওং মরিল চুমহল্লে
Posted On:
28 OCT 2020 1:41PM by PIB Imphal
শামনাদ বসীর ভর্সেস য়ু.ও.আই. অমদি অতৈশিংগী মতাঙদা থারকখিবা রিত পেতিসন নম্বর দব্লিউ.পি.সি. – ৫৫৯০ ওফ ২০১৫গী মতাঙদা ২৩-০৪-২০১৮দা তাখিবা দিল্লী হায় কোর্তকী য়াথংগী মতুং তারকপা ওইনা ভারত্তা কম্মর্সিএল থাক্তা তৌবা পেতেন্তেত ইনভেন্সনগী থবক থৌরমশিংগী (ফোর্ম ২৭) মতাঙদা ৱারোল থাগৎপগা মরী লৈননা চঙদ্রবা য়াদ্রবা মচাকশিং মওং মরিল চুমহন্নবগীদমক স্তেতহোল্দরশিংগা তাথোক তাশিন তৌখ্রে।
ওক্তোবর ১৯, ২০২০দগী চৎনবা হৌখিবা দি পেতেন্তস (এমেন্দমেন্ত) রুল্স, ২০২০না ফোর্ম ২৭ মেনশিনবা অমদি ইংলিস লোন্দা লৈতবা অচুম্বনি তাক্লবা ইংলিস্তা হন্দোক্লবা মরুওইবা চে-চাংশিং থাজিনবগা মরি লৈননা চঙদ্রবা য়াদ্রবা ৱাফমশিংগী মতাঙদা মওং মরিল চুম্বা ফীভম মখা তানা পুরকখ্রে।
ফোর্ম-২৭ অমদি রুল ১৩১(২)গী মরী লৈনবা ৱাফমশিংগী মতাঙদা অহোংবা পুরকখ্রবা মরুওইবা ৱাফমশিং মখাদা পীরি:
পেতেন্তীশিংনা পেতেন্ত অমা নৎত্রগা অমদগী হেনবগী মতাঙদা ফোর্ম ২৭ অমখক্তমক থাজিনবা য়ানবা কোমথোকপা ফীভম ফংলগনি।
করিগুম্বা মীওই অনি নৎত্রগা অনিদগী হেনবা মীওইশিংদা পেতেন্ত অমা পীরবদি হায়রিবা মীওইশিং অদুনা ফোর্ম-২৭ পুন্না থাজিনমিন্নবা য়াগনি।
পেতেন্তীনা ‘চাউরাকপা রিভিন্যু / তাশিল্লকপা মমল’ পীবা মথৌ তাগনি।
পেতেন্তীশিংগীদমক্তা অয়াবা পীরবা এজেন্তশিংনা ফোর্ম-২৭ থাজিল্লকপা য়াগনি।
ফোর্ম-২৭ থাজিল্লকপগী মতম মতাঙদা শেনবা চহী লোইখ্রবা মতুংদগী হান্না লৈরমবা থা ৩গী মহুত্তা থা ৬কী মতম ফংগনি।
পেতেন্তীনা শেনবা চহি অমগী শরুক অমগী নৎত্রগা মচিৎ অমগী মতাঙদা ফোর্ম-২৭ থাজিল্লকপগী মথৌ তাররোই।
নাকল অমদা পেতেন্তীশিংনা ঈ-পাউ থাজিল্লকপগী মতাঙতা লৈরমবা ফোর্ম-২৭গী চঙদ্রবা য়াদ্রবা ৱাফমশিংদা কোমথোকপা পীবগা লোয়ননা, পনবা য়াবা ৱাফম অমদি পেতেন্তস এক্ত, ১৯৭০গী সেক্সন ১৪৬(১)না কন্ত্রোলরবু পেতেন্তীদগী ফীভমগী মতুং ইন্না ঈ-পাউশিং লৌবা য়াবগী পাঙ্গল পীরি।
রুল ২১গা মরী লৈনবা ৱাফমশিংগী মতাঙদা অহোংবা লাকখ্রবা মরুওইবা ৱাফমশিং মখাদা পীরি:
করিগুমবা মরুওইবা চে-চাংশিং দব্লিউ.আই.পি.ও.গী দিজিতেল লাইব্রেরীদা ফংলবদি, এপ্লিকান্তনা ইন্দিয়ন পেতেন্ত ওফিসতা হায়রিবা চে-চাংশিং অদু থাজিল্লকপগী মথৌ তাররোই।
করিগুমবা প্রাইওরিতী ক্লেম অদুগী ভেলিদিতী অদু নৌনা পুথোক্লিবা পোৎশক অদু পেতেন্ত তৌবা য়াব্রা নৎত্রগা য়াদব্রা হায়বা লেপথোকপগা মরী লৈনরবদি, এপ্লিকান্তনা প্রাইওরিতি চে-চাংগী অচুম্বনি তাক্লবা ইংলিস্তা হন্দোক্লবা চেরোল থাজিল্লকপা মথৌ তাগনি।
ভারত্তা কম্মর্সিএল থাক্তা তৌবা পেতেন্তেত ইনভেন্সনগী থবক থৌরমশিংগী (ফোর্ম ২৭) মতাঙদা ৱারোল থাগৎপা অমদি অচুম্বনি তাক্লবা ইংলিস্তা হন্দোক্লবা চে-চাংশিং থাজিনবগা মরী লৈনবা চঙদ্রবা য়াদ্রবা ৱাফমশিং অহোংবা পুরক্লিবা অসিনা মওং মরিল চুমহল্লে।
******
(Release ID: 1668339)
Visitor Counter : 201