(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• ভারত অসি মীশিং মিলিয়ন অমদা থেংনখিবা কেস অমসুং শিখিবশিংগী মশিংদা খ্বাইদগী হেন্না নেম্বা লৈবাকশিংগী মরক্তা চল্লি
• হৌখিবা পুং ২৪দা তেস্ত ১০,৬৬,৭৮৬ তৌখিবগা লোইননা তৌখিবা তেস্তশিংগী অপুনবা মশিং অদু করোর ১০.৫ হেনখ্রে
• লৈবাক অসিদা হৌখিবা পুং ২৪ অসিদা অনৌবা কেস ৪৩,৮৯৩ রেজিস্তর তৌখি অদুগা নৌনা ফগৎখিবা কেসশিংনা ৫৮,৪৩৯নি
• হৌজিক লৈরিবা এক্তিব কেসশিং অসি লৈবাক অসিদা লৈরিবা পোজিতিব কেসশিং অদুগী য়ামদ্রবা ৭.৬৪% খক্তমক ওইদুনা ৬,১০,৮০৩দা লৈ
• তেলিমেদিসিন সর্ভিস, ই-সঞ্জীবনি, তেলি-কন্সল্তেসন লাখ ৬ মপুং ফাখ্রে
• কোবিদ-১৯গীদমক বেক্সিনশিং অমসুং হিদাক-লাংথকশিং মরাং কাইনা অমসুং অহোংবা মমলশিংদা মতম চানা অমসুং চপ মান্ননা ফংহন্নবা মালেমদা লৈরিবা মীয়ামদা শ্রী পিয়ুশ গোয়লনা ফোঙদোকখি

#Unite2FightCorona

#IndiaFightsCorona

ভারত অসি মীশিং মিলিয়ন অমদা থেংনখিবা কেস অমসুং শিখিবশিংগী মশিংদা খ্বাইদগী হেন্না নেম্বা লৈবাকশিংগী মরক্তা চল্লি, অমসুং তেস্ত তৌবগী চাং য়াম্না ৱাংঙি

রাজ্যশিং অমসুং য়ু.তি.শিংগা লোইননা কেন্দ্র সরকারগী নীংথিনা শেম-শারবা পাম্বৈশিংগা লোইননা অখন্নবা মীৎয়েং চংলবা লাল্লোং অমসুং হকথেংননা থবক তৌবদগী ভারত অসিনা মীশিং মিলিয়ন অমদা থেংনখিবা কেসশিংগী মশিং অমসুং শিখিবশিংগী মশিংদা খ্বাইদগী হেন্না নেম্বা লৈবাক অমা ওইনা মালেম অসিদা মশাগী ফম অমা কন্দুনা লৈরি। অমরোমদনা মালেমগী ওইনা মিলিয়ন অমদা লৈরিবা কেসশিংগী মশিং অদু ৫,৫৫২নি, অদুগা ভারতনা ৫,৭৯০নি। য়ু.এস.এ., ফ্রান্স, য়ু.কে., অমসুং সাউথ অফ্রিকাদা হেন্না ৱাংবা মশিং থেংনরি। ভারত্তা মীশিং মিলিয়ন অমদা শিখিবশিংগী মশিং অসি ৮৭নি, মসি মালেমগী ওইবা চাংচৎ ১৪৮ অসিদগী য়াম্না নেম্লি। ভারতনা হৌখিবা থা কয়া অসিদা কোবিদ-১৯ লাকশিন্নবাশিনখিবা লাল্লোংশিং অমসুং মীয়ামগী ওইবা হকশেলগী ফিভমদা নীংথিনা শেম-শাদুনা অমসুং হকথেংননা য়েংশিনখিবা অদুনা মরম ওইরগা পুক্নিং থৌগৎনিংঙাই ওইবা ফল অসি ফংবা ঙম্লিবনি। তেস্ত তৌখিবশিংগী অপুনবা মশিংগী মতাংদা ভারত অসিনা খ্বাইদগী মকোক থোংবা লৈবাক অমা ওইরিবনি। হৌখিবা পুং ২৪দা তেস্ত ১০,৬৬,৭৮৬ তৌখিবগা লোইননা তৌখিবা তেস্তশিংগী অপুনবা মশিং অদু করোর ১০.৫ (১০.৫৪,৮৭,৬৮০) হেনখ্রে। লেপ্তনা পাকশন্না অমসুং পুল্লপকী ওইবা মওংদা তেস্ত তৌবা অসিনা ঙন্না খঙদোকপা অমসুং মতম চানা লাইয়েংবদা মতেং পাংখি, মসিনা মরম ওইরগা মশিং য়াম্না ফগৎলকখি অমসুং শিবগী চাং নেমখি। ভারতকী কেস ফেতেলিতী রেত অসি হৌজিক ১.৫০.%নি। ভারতনা এক্তিব কেসশিং অসি লাপ্পা লৈতনা হন্থরকপগী মওং অমা মখাতানা অদুমক থেংনরি। হৌজিক লৈরিবা এক্তিব কেসশিং অসি লৈবাক অসিদা লৈরিবা পোজিতিব কেসশিং অদুগী য়ামদ্রবা ৭.৬৪% খক্তমক ওইদুনা ৬,১০,৮০৩দা লৈ। ফগৎখিবা কেসশিংগী অপুনবা মশিং অদু ৭২,৫৯,৫০৯নি। লৈবাক অসিদা হৌখিবা পুং ২৪ অসিদা অনৌবা কেস ৪৩,৮৯৩ রেজিস্তর তৌখি অদুগা নৌনা ফগৎখিবা কেসশিংনা ৫৮,৪৩৯নি। নৌনা ফগৎখিবা কেসশিংগী ৭৭%দি রাজ্য/য়ু.তি.দগীনি। মহারাস্ত্র, কর্নাতকা অমসুং কেরলানা নোংমদা ফগৎখিবশিংগী মশিংদা ৭,০০০ হেন্না শরুক য়ারি। নৌনা কনফর্ম তৌখিবা কেসশিংগী ৭৯%দি রাজ্য অমসুং য়ু.তি. ১০দগীনি। কেরলানা নৌনা থেংনখিবা কেসশিংগী মশিংদা খ্বাইদগী হেন্না ৱাংদুনা মহারাস্ত্রদগী হেনখ্রে। অনিমক অসিনা অনোবা কেস ৫,০০০গী মথক্তা থেংনরি। কেসশিং নৌনা হেনগৎলকপা থেংনরিবা রাজ্যশিং অদুদি দিল্লী, ৱেস্ত বেঙ্গাল, কর্নাতকা, অন্ধ্র প্রদেশ অমসুং তামিল নাদুনি। হৌখিবা পুং ২৪দা কেস ফেতেলিতী ৫০৮ থেংনখি।

অকুপ্পা ৱারোলগীদমক:

কেন্দ্রগী হকশেল মন্ত্রালয়গী তেলিমেদিসিন সর্ভিস ওইরিবা ই-সঞ্জীবনিগী তেলি-কন্সল্তেসন লাখ ৬ শুখ্রে

হকশেল অমসুং য়াইফ য়ুম্বালগী মন্ত্রালয়গী তেলিমেদিসিনগী খোঙথাং অমা ওইরিবা ইশঞ্জীবনিগী তেলি কন্সল্তেসন লাখ ৬ শুখ্রে। অকোনবগী কন্সল্তেসন লাখ অমদি নুমিৎ ১৫ খক্তদা শুবা ঙমখি। প্রধান মন্ত্রীগী ‘দিজিতেল ইন্দিয়া’গী অচৌবা খোঙথাং অমা ওইনা ইসঞ্জীবনি দিজিতেল প্লেৎফোর্ম অসিনা ক্যেরগিবরশিং অমসুং মেদিকেল কম্ম্যুনিতী অমদি কোবিদকী মতম অসিদা হেল্থক্যেরগী সর্ভিসশিং ফংনবা হোৎনরিবশিংদা কান্নবা পীরি অমসুং অরাইবা মওংদা ফংহল্লি হায়না উৎখ্রে। তামিল নাদু, কেরেলা অমসুং গুজরাতগুম্বা রাজ্যশিংদা নোংমদা পুং ১২ অমসুং চয়োল অমদা নুমিৎ ৭ ইসঞ্জীবনি ও.পি.দি. চল্লাইরি। মসিনা ইসঞ্জীবনি অসিনা তপ্না-তপ্না পেসেন্তশিং অমসুং দোক্তরশিংগা লোয়ননা মাংলোমদা চংশিল্লী হায়বগী খুদম অমা ওইরি। ইসঞ্জীবনি অসি ভারতকী রাজ্য/য়ু.তি. ২৭কী মীপুম খুদিংমক্তা ফংহল্লি। দিজিতেল প্লেৎফোর্ম অসিনা পেসেন্ত তু দোক্তর তেলিমেদিসিন মোদেল হায়বদি ইসঞ্জীবনি ও.পি.দি.দা দোক্তর ৬০০০কী মথক্না ওনলাইন ও.পি.দি. ২১৭ চল্লাইদুনা ইহেল্থ সর্ভিসশিং ফংহল্লি।

অকুপ্পা ৱারোলগীদমক:

কোবিদ-১৯গীদমক বেক্সিনশিং অমসুং হিদাক-লাংথকশিং মরাং কাইনা অমসুং অহোংবা মমলশিংদা মতম চানা অমসুং চপ মান্ননা ফংহন্নবা মালেমদা লৈরিবা মীয়ামদা শ্রী পিয়ুশ গোয়লনা ফোঙদোকখি

কম্মর্স অমসুং ইন্দস্ত্রীগী কেন্দ্রগী মন্ত্রী শ্রী পিয়ুশ গোয়লনা মালেমগী মীয়ামদা মরাং কাইনা অমসুং অহোংবা মমলশিংদা কোবিদ-১৯গী বেক্সিনশিং অমসুং হিদাক-লাংথকশিং মতম চানা অমসুং চপ মান্ননা ফংহন্নবা ফোঙদোকখ্রে। দবল্যু.তি.ও.গী মন্ত্রীশিংগী ভর্চ্যুএল ওইনা ঙসি পাঙথোকপা ইনফোর্মেল ওইবা মীফম অমদা ৱা ঙাংলদুনা মহাক্না হায় মদুদি মেদিকেল সপ্লাইশিং অসি ফংহনবদা মেন্যুফেকচরিং কেপাসিতী য়াম্না লৈজদবা লৈবাকশিংনা থেংনগদবা অৱাবশিং অদু কোকহন্নবা ভারত অমসুং খা অফ্রিকানা ত্রিপ্স মতম খরা কোমথোকপিনবা প্রপোজেল পুখৎলকখি। মসিগী মতাংদা এম.সি.১২না ঙন্না ৱারেপ অমা লৌনবা মহাক্না মেম্বর পুম্নমক্না প্রপোজেল অসি শৌগৎপীনবা ফোঙদোকখি। শ্রী গোয়লনা হায়খি কোবিদ-১৯ লায়চৎ অসিনা মালেমগী শেন্মীৎলোন অমসুং ত্রেদিং সিস্তেমদা মশাগী লৈজরক্লবা অশোনবশিং অমসুং অৱাৎপশিং অদু উবা ফংহখি। হৌজিক অথুবদা মথৌ তারিবা অসি খুদোংচাদবশিং অসি খুদক্তা কোকহন্নবা কান্নগদবা খোঙথাংশিং লৌখৎপা অমসুং মালেমগী ত্রেদিং সিস্তেম অসিদা শোত্থরিবা অমসুং অৱাবা অসি করম্না কোকহনগনি হায়বগী মতাং শাংনা চৎকদবা পোরম অমা য়াৎপা অসিনি।

অকুপ্পা ৱারোলগীদমক:

প্রধান মন্ত্রীনা ভিজিলেন্স অমসুং এন্তি করপ্সনগী মতাংদা নেস্নেল কনফরেন্স হৌদোকখ্রে

প্রধান মন্ত্রীনা সতর্ক ভারত, সমৃদ্ধ ভারত (ভিজিলেন্ত ইন্দিয়া, প্রোস্পেরস ইন্দিয়া) হায়বসিদা ঙসি ভিদিও কনফরেন্সকী থোঙদা ভিজিলেন্স অমসুং এন্তি করপ্সনগী মতাংদা নেসনেল কনফরেন্স অমা হৌদোকখ্রে। থৌরম অদু সেন্ত্রেল ব্যুরো ওব ইনভেস্তিগেসন্না মীয়াম শরুক য়াহন্দুনা ভারতনা মীয়ামগী পুন্সিদা ইন্তিগ্রিতী অমসুং প্রোবিতী হেন্না লৈহন্নবগীদমক লৌরিবা থৌদাং অসি মীপুম তিংনা খঙহন্নবা অমসুং চেৎশিলহন্নবগী পান্দমদা শিনখিবনি। কনফরেন্স অসিদা ৱা ঙাংলদুনা প্রধান মন্ত্রীনা হায়খি মদুদি সর্দার পতেলনা অপুনবা ভারত অমগী অমসুং লৈবাক অসিগী এদমিনিস্ত্রেতিব সিস্তেমগী আর্কিতেক্তনি। লৈবাক অসিগী ইহান হানবা গৃহ মন্ত্রী ওইদুনা মহাক্না লৈবাক অসিগী মীচম প্রজাগী ওইবা অমসুং পোলিসীশিং অসি ইন্তিগ্রিতীদা য়ুম্ফম ওইবা সিস্তেম অমা শেমগৎনবা হোৎনবীখি। শ্রী নরেন্দ্র মোদীনা মতুং তারকপা চহী কয়াদা লুপা করোর কয়াগী শেঞ্জা থুমজা তৌবা, শেল কম্পেনী কয়া হাংদোক্লকপা, তেক্স হরাস্মেন্ত অমসুং তেক্স ইভেজন হৌরকপা তোঙানবা ফিবম অমা লাকখ্রে হায়রদুনা নুংনাংবা ফোংদোকখি। প্রধান মন্ত্রীনা ইদমিনিস্ত্রেসন সিস্তেম অসি মীয়ামদা মনুং মপান ফাওনা উহনবা, থৌদাং য়াবা, থাজবা পোকপা, পাউখুম পীবা ঙম্বা তঙাইফদবা লৈ হায়না পুক্নিং চিংশিনখি। মহাক্না মখা তানা হায়খি মদুদি মসিগী মায়োক্তা লৈরিবা খ্বাইদগী চাউবা য়েক্নবা অসি শেঞ্জা থুমজা তৌবসিনি। নাকল অমরোমদনা, শেঞ্জা থুমজানা লৈবাক অসিগী চাউখৎপদা য়ৈখায় থিনগাইবা পীরি, অদুগা নাকল অমদনা মসিনা খুন্নাইগী খল অমসুং সিস্তেম অসিদা মীয়াম্না থমগদবা থাজবসু মাংহল্লি। অমসুং মরম অসিনা, মহাক্না হায়খি, শেঞ্জা থুমজা মুত্থৎপা হায়বসি এজেন্সী নত্ত্রগা ইন্সতিত্যুসন অমহেক্তগী থৌদাং ওইবদা নত্তনা মসি মীপুম খুদিংগী থৌদাংনি হায়খি। মহাক্না হায়খি, শেঞ্জা থুমজা হায়বসি নাকল নাম্মা খক্তনা মুত্থৎপা ঙম্লোই।

অকুপ্পা ৱারোলগীদমক:

ভিজিলেন্স অমসুং এন্তী-করপসন্দা পাংথোকপা নেস্নেল কনফরেন্সতা প্রধান মন্ত্রীগী হৌদোক ৱারোল

অকুপ্পা ৱারোলগীদমক:

পি.আই.বি. ফিল্দ ওফিসশিংদগী ফংবা পাউ

কেরলা: কেরলা স্তেত হায়র এজুকেশন কাউন্সিলনা কোবিদ-১৯গী লৈরিবা ফিভম অসি য়েংলগা কমপ্যুতরাইস তৌরবা ওতোমেশন তুলশিংগী খুত্থাংদা য়ুনিভর্সিতী অমসুং কোলেজকী একজামিনেশনশিং অদু মপুং ফানা শেমদোক্নবা রাজ্য সরকারদা পোলিসী দোক্যুমেন্ত অমা পীশিনখ্রে। রাজ্য অসিদা ঙরাং পোজিতিব কেস ৫৪৫৭  থেংনখিবগা লোইননা অপুনবা মশিং অদু লাখ মরি হেনখ্রে।

তামিল নাদু: মেদগী হৌজিক ফাওবদা অহানবা ওইনা চেন্নাইদা ৬৯৫ পোজিতিব ওইখিবগা লোইননা কোবিদকী কেসশিং অদু লৈবাকপোকপা নুমিত্তা ৭০০কী মখাদা লৈখ্রে। মরক অসিদা সিতী অসিগী রাজিব গান্ধি জেনরেল হোসপিতাল (আর.জি.জি.জি.এন.ঐচ.)দা নুমিৎ মরিনি অসিগী মনুংদা অহানবা ওইনা হৌখিবা পুং ২৪ অসিদা কোবিদনা মরম ওইরগা শিখিবা অমত্তা লৈখিদে। কোইম্বাতোরদা কোবিদ-১৯ পোজিতিব ওইবগী চাং অদু চাদা ৬.২গী মখাদা লৈখ্রে; মমাংগী থাদা লৈখিবা চাং ২.১% অসিগী মায়োক্তা জিলা অসিদা শিখিবগী চাং অসি  ১.২৮%দা হন্থরকখ্রে; ফিবর কেম্পশিংনা ঙন্না দাইগ্নোসিস তৌবদা মতেং পাংঙি।

কর্নাতকা: মীশিংনা মখোয়গী মচিন অমসুং নাতোন খুমদুনা মাস্কশিং উপ্নবা অমসুং সোসিয়েল দিস্তেন্স ঙাক্না চৎহন্নবা অহকপা পাম্বৈশিং কয়া অমা থম্নবগী পান্দমগা লোইননা বি.বি.এম.পি.না ৱার্দ, জোনল, দিভিজনেল অমসুং হেদ ওফিসকী থাকশিংদা কমিতী মরি শেমখ্রে। থংনা-থংননা নুমিৎ নিনি শুবা ওইনা রাজ্য অসিদা কোবিদ তেস্ত তৌবগী মশিং অদু কুম্হৈশিং অসিনা মরম ওইরগা হন্থরকখ্রে। কোবিদকী গাইদলাইনশিং ঙাক্না চত্তুনা কর্নাতকা লেজিসলেতিব কাউন্সিলগী সীত মরিগীদমক্তা ভোত থাধবা হৌখ্রে।  

অন্ধ্র প্রদেশ: নেস্নেল সন্সকৃত য়ুনিভর্সিতী (এন.এস.য়ু.), তিরুপতিনা হৌদোরকপা ওনলাইন সার্তিফিকেত কোর্স অসিনা মহৈরোইশিংদগী অফবা রেসপোন্স ফংখি। হৌজিক ফাওবদা ভারত অমসুং মপান লৈবাক্তগী মহৈরোই ৪১৪ ময়ানা এন.এস.য়ু. ওনলাইন কোর্সশিং অসি তম্নিংবগী অপাম্বা উৎলকখ্রে। এন.এস.য়ু.না কোবিদ-১৯ লাইচৎ অসিগী য়েংলগা হন্দক্কী চই অসিগী এপ্রিলদগী মে ১৭ ফাওবা ওনলাইনগী খুত্থাংদা স্ত্রীম ১৯দা সন্সকৃত অমসুং য়োগা কোর্সশিং পাংথোকখ্রে।

তেলঙ্গনা: হৌখিবা পুং ২৪ অসিদা অনৌবা কেস ১৪৮১ লৈখি, ১৪৫১ ফগৎখি অমসুং ৪ শিখি; কেস ১৪৮১গী মনুংদা জি.ঐচ.‌এম.সি.দগী কেস ২৭৯ থেংনখি। অপুনবা কেসশিং: ২,৩৪,১৫২; এক্তিব কেসশিং: ১৭,৯১৬; শিখিবশিং: ১৩১৯; দিসচার্জ তৌখিবশিং: ফগৎলকপগী চাং চাদা ৯১.৭৮ ওইখিবগা লোইননা ২,১৪,৯১৭ দিসচার্জ তৌখি। তেলঙ্গনানা শেনফম লুপা করোর ২৭,৭১৮কী  ক্রোপ লোনশিং কোকথোকখিবা অমত্তা ঙাইরবা রাজ্য ওইখি। মখাতানা রাজ্য সরকার অসিনা মতম অদুমক্তা লৌমীশিং মশামক্তা কান্নবা ফংহন্দুনা রাইতু বন্ধুগী মখাদা অতোপ্পা লুপা করোর ২৮,০০০ অমসুং থাদোকখি।

মহারাস্ত্র: মুম্বাইগী এদমিনিস্ত্রেতিব ৱার্দ ২৪দা কোবিদ-১৯ কেসশিংগী চাং অসি শরুক অনি থোক্না হেনগৎলকপা অসি নুমিৎ ১০০ হেনখ্রে। অদুবু মুম্বাই অপুনবগী ওইনা কোবিদ-১৯ কেসশিংগী শরুক অনি থোক্না হেনগৎলকপা অদু নুমিৎ ১৩৯ য়ৌখ্রে। অনৌবা কেস ৫,৩৬৩গী মায়োক্তা লৈবাকপোকপা নুমিত্তা রাজ্য অসিদা ৭,৮৩৬ ফগৎলকখিবগা লোইননা মুম্বাইগা লোইননা মহারাস্ত্রগী অতোপ্পা মফমশিংদা লৈরিবা কোবিদকী ফিভমসু ফগৎলক্লি। রাজ্য অসিদা লৈরিবা এক্তিব কেসশিংগী অপুনবা মশিং অদু লাখ ১.৩১দা হন্থরকখ্রে।

গুজরাত:  গুজরাত্তা কেস ১,০০০গী মখাদা লৈখিবা অদু থংনা-থংননা নুমিৎ হুম্নি শুবা ওইনা হৌখিবা পুং ২৪ অসিগী মনুংদা অনৌবা কেস ৯৯২ থেংনখি। হৌজিক্কী ওইনদি  রাজ্য অসিদা লৈরিবা এক্তিব কেসশিংগী অপুনবা মশিং অসি ১৩,৪৮৭নি, মসিগী মনুংদা পেসেন্ত ৬৪দি ভেন্তিলেতরদা লৈরি। ঙরাং পেসেন্ত মঙা শিখিদুনা কোবিদ-১৯না মরম ওইরগা শিখিবশিংগী অপুনবা মশিং অদু ৩,৬৯৮ শুখ্রে।

রাজস্থান: স্তেত এজুকেশন দিপার্তমেন্তনা তাঙ্কক নাইনা নবেম্বর ২দগী রাজ্য অসিদা স্কুলশিং অমুক হন্না হাংদোক্নবগী প্রোপোজল অমা শেমখ্রে। প্রাইমরী স্কুলগী অঙাংশিংগীদমক্তা ওদ-ইভনগী প্রোপোজল অমা খন্নরি। লৈবাকপোকপা নুমিত্তা রাজস্থান্দা অনৌবা কেস ১,৭৯৬ থেংনখি। এক্তিব কেসশিংগী মশিং অসি ১৫,৯৪৯নি।

মধ্য প্রদেশ: থা অহুমগী মনুংদা অহানবা ওইনা মধ্য প্রদেশতা লৈবাকপোকপা নুমিত্তা কেস ৫১৪ থেংনখিবগা লোইনা কোবিদ কেসশিং অদু ৬০০কী মখাদা লৈখি। ইন্দোরদা অনৌবা কেস ১১২ থেংনখি অদুগা জবলপুরদা অনৌবা কেস ৪৬ থেংনখি। রাজ্য অসিদা লৈরিবা এক্তিব কেসশিংগী মশিং অসি ১০,৩৫৩ শুখ্রে।

ছত্তিসগর: ওগস্ত হৌরকপা ফাওবদা কোবিদ-১৯ লাইচৎ অসিনা ইশোক শোকহন্দনা লেরকপা ছত্তিসগরনা হৌজিক লমদম অসিদা কেসশিংগী মশিংদা য়াম্না য়াংনা হেনগৎলকপা মায়োক্নরি। রাজ্য অসিনা লৈবাকপোকপা নুমিত্তা অনৌবা কেস ২,০৪৬ অমসুং ২৯৭ ফগৎলকখিবা থেংনখি। এক্তিব কেসশিংগী মশিং অসি ১২,৬৯৩ শুখ্রে।

গোৱা: গোৱা কেবিনেতনা কোবিদ-১৯ ঙাকথোক্নবগী গাইদলাইনশিং ঙাক্না চত্তুনা নবেম্বর ১দগী রাজ্য অসিদা কেসিনোশিং অমুক হন্না হাংদোকপা য়াহন্নবা ৱারেপ লৌখ্রে।  কোস্তেল স্তেত অসিগী ওফশোর কেসিনো তরুক অমসুং ওনশোর কেসিনো চাউরাক্না তরানিথোই লৈ, হায়রিবশিং অসি হন্দক্কী চহি অসিগী মার্চতা কোবিদ-১৯ লাইচৎ থোরকখিবা অদুদগী লোনখিবনি। কেসিনোশিং অসিনা মখোয়গী কেপাসিতী অদুগী চাদা ৫০দা ওপরেত তৌগদবনি অমসুং স্তেত হোম দিপার্তমেন্তনা থমখিবা স্তেন্দার্দ ওপরেতিং প্রোসিজর পুম্নমক ঙাক্না চৎকদবনি।

অসাম: অসামদা ঙরাং কোবিদ-১৯গীদমক তেসত তৌবদা মীওই ৪০৩গী মথক্তা পোজিতিব ওইবা থেংনখি অমসুং পেসেন্ত ২৪৪৩ দিসচার্জ তৌখ্রে। অপুনবা কেসশিংগী মশিং অদু ২০৪৭৮৯দা হেনগৎখ্রে, ১৯১০২৭ দিসচার্জ তৌক্রে, ১২৮৪৫ এক্তিব ওইরি অমসুং ৯১৪ শিখ্রে।

মনিপুর: মনিপুর কোবিদ-১৯না মরম ওইরগা ৬ অমুক লৈখিদ্রে, শিখিবশিংগী মশিং অদু ১৫০ য়ৌখ্রে। হৌজিক-হৌজিক রাজ্য অসিদা ফগৎলকপগী চাং অসি চাদা ৭৫নি।

মঘালয়া: মঘালয়াদা লৈরিবা এক্তিব কেসশিংগী অপুনবা মশিং অসি ১৪১১নি অমসুং ফগৎখিবশিংগী অপুনবা মশিংনা ৭৬৪৩নি।

মিজোরাম: মিজোরামদা ঙরাং কোবিদ-১৯গী অনৌবা কেস ৮০ কনফর্ম তৌখ্রে, অপুনবা কেসশিংগী মশিং অদু ২৬০৭দা হেনগৎখ্রে। রাজ্য অসিদা কোবিদ-১৯গা মরী লৈননা  অহানবা ওইনা শিখিবগী পাউ লৈখি।

নাগালেন্দ: নাগালেন্দদা লৈবাকপোকপা নুমিত্তা য়ুনিয়ন হোম মিনিস্ত্রীনা নাগালেন্দ য়াওনা কোবিদ-১৯না মরম ওইরগা শিবগী চাং ১%দগী হেন্না নেম্বা রাজ্য অমসুং য়ুনিয়ন তেরিতোরী ১৪ উৎখি।

ফেক্ত চেক

*****