খুরুমজরি!

মন্ত্রীমন্দলদা লৈবিরিবা ঐহাক্কী খোংবুরোই শ্রীমান দা. জিতেন্দ্র সিংহজী, সি.ভি.সি., আর.বি.আই.গী মীহুৎশিং, ভারত সরকারগী সেক্রতরীশিং, সি.বি.আই. ওফিসরশিং, রাজ্যশিংগী চীফ সেক্রতরীশিং, রাজ্যগী সি.আই.দি. তীমশিংগী মকোকশিং, বেঙ্কশিংগী মকোক থোংবা মেনেজরশিং অমদি থৌরম অসিদা শরুক য়াবিরিবা থোইদোক্না খঙ-হৈরবা ভিজিলেন্স অমসুং এন্তী করপশন্দা পাংথোকপা নেস্নেল কনফরেন্স অসিবু পাংথোকপিরিবা সি.বি.আই.তীমশিংগী মফমদা নুংঙাইবা ফোংদোকচরি।

ঙসিদগী ভিজিলেন্স এৱেয়রনেসকী চয়োল অসি হৌগদৌরে। নুমিৎ খরনিসিদা লৈবাক অসিনা সরদার বল্লভ ভাই পতেলগী মপোক কুমওন পাংথোক্নবা থৌরাং তৌরি।  সরদার সাহেব অসি 'ভারত অমা অথোইবা ভারত' কা লোয়ননা লৈবাক অসিগী এদ্মিনিস্ত্রেতিব সিস্তেমশিংগী আর্কিতেক অমসু ওইখি।   লৈবাক অহানবা গৃহ মন্ত্রী ওইনা মহাক্না লৈবাক অসিগী মীচম-মীয়াম অসিগী ওইনা, মদুগী চৎন-পথাপশিং অদুদা য়াইফনবগী ওইবা মওংদা ওইহন্নবা হোৎনখি। অদুবু চহি খরগী মতুংদা তোঙান-তোঙানবা মওংশিং ওইরকপা ঐখোয়না থেংনখ্রে। অদোম খুদিংমক্না নিংশিংবিরমগনি, করোর লিশিং কয়াগী স্কেমশিং, শেল কম্পনীশিংগী লাং, তেক্স হেরাশমেন্ত, তেক্স হুরানবা মসি পুম্নমক অসি চহি কয়াদগী খন্ননিংঙাই ওইদুনা লাক্লি। 

মরূপশিং, ২০১৪দা লৈবাক অসিদা অচৌবা অহোংবা অমগী ৱারেপ লৌখিবা মতমদা, লৈবাক অসি অনৌবা মায়োন অমদা মমাংলোমদা চংশিনবদা মসিগী ৱাখল্লোন অসি হোংদোকপা হায়বসি য়াম্না অচৌবা শিংনবা ওইখি। লৈবাক অসি অসুম্না অসুম লৈরদ্রা, অসুম্না অসুম্মক তৌরগদ্রা হায়বগী ৱাখল্লোন অসি হোংদোকপা অসিদা।  ৱাশক হেক লৌরবা মতুংদা সরকারগী অহানবা ওর্দরশিংদা ব্লেক মনিগী মায়োক্তা কমিতী শেম্নবা ৱারেপসি লৌখি।  সুপ্রীম কোর্তনা হায়রবফাওবদা কমিতী শেম্বা অসিসু পন্দুনা লৈখি। মসিগী ৱারেপ অসি মসিগী করপসনগী মায়োক্তা সরকারগী অচেৎপা ৱাশক অদু উহল্লে।  হৌখিবা চহি কয়াদা লৈবাক অসিদা করপসনদা জেরো তোলরেন্সকী পান্দম থমদুনা মাংলোমদা চংশিল্লি। ইং-কুমজা ২০১৪দগী হৌজিক ফাওবা লৈবাক অসিগী এদ্মিনিস্ত্রেতিব সিস্তেমশিংদা, বেঙ্কিং প্রোসেসতা, হেল্থ সেক্তরদা, এজুকেসন সেক্তরদা, লেবর, এগ্রীকলচরনচিংবা সেক্তর খুদিংমক্তা অনৌবা মওংদা ওন্থোকখ্রে। মসিগী মতাং পুম্বা অসিদা অচৌবা শেমদোকপা কয়া তৌখ্রে। মসিগী শেমদোকপশিং অসিদা য়ুম্ফম ওইরগা ঙসি ভারত অসি আত্মনির্ভর ভারতকী কেম্পেন অসি মায় পাক্নবা অঙম্বা থাদুনা হোৎনখ্রে।  

ঐখোয়গী পান্দম অসি ভারত অসি মালেমগী মমাং থাবা পরেংদা লৈরিবা লৈবাকশিংগা তুনা চৎমিন্নবনি।  অদুবু মরূপশিং, চাউখৎনবগীদমক্তা মথৌ তারিবা অসি ঐখোয়গী এদ্মিনিস্ত্রেতিব সিস্তেমশিং অসি নুং-পান শেংনা উহনবা, থৌদাং লৌবা ঙম্বা, চপ চানা থবক পাংথোকপা ঙম্বা, মীয়ামগী হায়রকপগী মতুং ইন্না থবক পাংথোকপা ঙম্বা অদুনি।  সিস্তেমশিং অসিগী য়েক্নবা অসি করপশন্নি। করপসন  অসি শুপ্নতগী শেনফম খক্তগী ওইবা ৱাফম নত্তে। মায়কৈ অমরোমদা করপসন  অসিনা লৈবাক অসি চাউখৎপদা থম্মোয় শোকহনবগা লোয়ননা করপসন, সোসিএল বেলেঞ্চ অসি থক-খা ওলহল্লি। অদুগা খ্বাইদগী মরুওইবা অসি লৈবাক অসিগী সিস্তেমশিং অসিদা থাজনা তৌজগদবদু, মশাগী ওইনা খঞ্জবগী ৱাখল্লোন অসি ওইহনগদবনি, করপসন  অসিদা চৈথেং ফংহল্লি। অদুগা মরম অসিনা করপসনগা কন্না লান্থেংনবা অসি শুপ্নতগী এজেন্সী অমা নত্রগা ইন্সতিত্যুৎখক্কী থৌদাং নত্তে, মসিদগী অপুনবা ওইনা লান্থেংননবগী থৌদাংনি।   

মরূপশিং, মসিগী কনফরেন্স অসিদা সি.বি.আই.গা লোয়ননা অতোপ্পা এজেন্সীশিংসু শরুক য়ারি।  নুমিৎ হুম্নি অসিদা এজেন্সীশিংনা প্লেতফোর্ম অমদা লৈদুনা  'মিৎকুপ-নাহুম শিংবা ভারত খুঞ্জাউ-লৈচাউবা ভারত'তা য়াম্না চাউবা থৌদাং লৌগদবগী মওংদনি। নুমিৎ হুম্নি অসি য়াম্না মকুওইবা তাঞ্জা অমনি। মরমদি করপসন অসিন মশানা মরোমদোম ওইজরকপা নত্তে।  লৈবাক অসিগী মতাংদা খন্নরকপা মতমদা  ভিজিলেন্সকী স্কোপ অসি য়াম্না পাক-চাউই।  করপসন ওইরো, শেন্মিৎলোনগী ওইনা মরাল লৈবা ওইরো, দ্রগশিংগী ওইরো, মনি লোন্দরিংগী ওইরো নত্রগা তরোরিজম, তেরর ফন্দিং ওইরো, মসি পুম্নমক অসি অমগা-অমগা মরি লৈনৈ। মরম অসিনা ঐখোয়না করপসনগী মায়োক্তা সিস্তেমিক ওইবা চেকশিং, নিংথিনা ওদিৎশিং তৌবা অমদি কেপাসিতী বিল্দিং অমসুং ত্রেনিং তৌবগী থবক অসি পুন্না তৌমিন্নবা তাবনি।  মসি লৈবাক অসিগী য়াম্না অফবা প্লেতফোর্ম ওইরক্কনি অমদি 'মিৎকুপ-নাহু  শিংবা ভারত, খুঞ্জাউ-লৈচাউবা ভারত'কী অনৌবা লম্বি য়াৎপিরক্কনি।

মরূপশিং, ২০১৬দা ভিজিলেন্স এৱেয়রনেসকী থৌরমদা ঐহাক্না হায়খি মদুদি লাইরবগী লান্থেং মায়োক্নরিবা ঐখোয়গী লৈবাক অসিদা করপসনগী মফম মচেৎ অমফাওবা লৈতে।  করপশন্না খ্বাইদগী য়াম্না অৱাবা মায়োক্নহল্লিবা অসি লৈবাক অসিগী লাইরবশিংনি। পুকচেল শেংবা মীওইশিংনা অৱাবা মায়োক্নৈ। চহি কয়াদগী লাইরবশিংনা হক ফংখিদবগী মওং কয়া অমা উনখ্রে।  হান্নগী ফীভমশিং অদুনা অমনি অদুবু হৌজিক অদোম খুদিংমক্না দি.বি.তি.গী থোংদা লাইরবশিংদা ফংগদবশিং অদু চুমদ্রিংনা য়ৌহল্লে, মখোয়গী বেঙ্ক একাউন্তা য়ৌহল্লে। দি.বি.তি. মথন্তগী মরম্না লুপা লাখ ১গা লিশিং ৭০দগী হেনবা অসি অরানবা মীগী খুত্তা তাগদবদগী কল্লে। ঙসি চাউথোক্না হায়বা য়ারে মদুদি স্কেমশিং তৌনরম্বা মতম অদু তুংওইনরম্লে। ঙসিলৈবাক অসিগী ইন্সতিত্যুসনশিংদা মীয়াম মীচম্না অমুক হন্না থাজনরকপা হায়বসি অফবা মওং অমদা ওইহল্লক্লিবা অসিদা ঐকোয়না নুংঙাইবা ফাওই।  

মরূপশিং, সরকারগী মসিগী  মসিগী ৱাফম অসিদা সরকারনা নম্ফু-শাফু ওইহন্দনবা অমদি সরকারগী অৱাৎপসু লৈহন্দনবা, মথৌ তারিবদুখক্তমক ওইহন্নবা অকনবা মিৎয়েং থম্লি। মীয়াম্না সরকারনা নম্ফু-শাফু তৌবা ওইনসু ফাওহন্দনবা অমদি মখোয়না সরকারগী অৱাৎপসু লৈহন্দনবা তৌগনি। মসিগীদমক্তা হৌখিবা চহিশিংদা ৱায়েল-পথাপ লিশিং অমগা মখাই থুপচিনখ্রে, চৎন-পথাপ কয়া অমা লাইথোকহনখ্রে। পেন্সন ওইরো, স্কোলর্শিপ ওইরো, ঈশিংগী বিল থিবা ওইরো, বেঙ্ক লোন ওইরো, পাসপোর্ত শাবা ওইরো, লাইসেন্স লৌবা ওইরো, করিগুম্বা সরকারগী তেংবাং অমা লৌবা ওইরো, কম্পনি অমা হাংবা ওইরো, পরে শাংনা-শাংনা লেপ্নদনবা মখোয়গী মনাক্তা দিজিতেল ওপ্সন লৈরি।

মরূপশিং, ঐখোয়গীসিদা হায়নৈ- ‘প্রক্ষালনাদ্ধী পঙ্কস্য দূরাত স্পর্শনম বরমা।’ হায়বদি মোৎশিল্লবকান্দা লৌথোক্নগদবগী মহুত্তা মোৎশিন্দনবা হোৎনগদবনি হায়বনি। চৈরাক ফংগদবা ভিজিলেন্স অসিদগী ঙাকথোক্নিংঙাই ওইবা  ভিজিলেন্সতা থবক তৌসি।  করপসন অসি অদুম্মক চত্থদুনা লৈরিবা মরমশিং অসি থিংবগী মথৌ তাই। অৱাংবা ফমদা ত্রান্সফর পোস্তিং অসিদা য়াম্না চাউনা শান্নরম্মি হায়বসি অদোম্না খঙবিরি। তোঙানবা ইন্দস্ত্রী অমা তৌনরম্মি।  

মরূপশিং, কৌতিল্যনা হায়বিরমখি- ন ভক্ষয়ন্তি য়ে ত্বর্থান ন্যায়তো বর্ধয়ন্তি চ। নিতেযাধিকারাঃ কার্য়াস্তে রাগ্যঃ প্রিয়হিতে রতাঃ॥ হায়বদি লৈঙাক্কী লন অসি খপ্লোইদবনি, য়ারিবমখৈ হেনগৎহন্নবা হোৎনগদবনি, লৈঙাক্কী ফনবা তৌরিবশিংনা অসিগুম্বা লৈঙাক্কী তবক পায়রিবশিংদা অচৌবা ফমশিংদা হাপকদবনি। অদুবু চহি খরগী মমাংদা অসিগী ৱাফম অসি কাউথোক্নরুরে। য়াম্না চাউনা লৈখা তাবা কয়া লৈবাক অসিনা উনখ্রে। মসিগী পীভম অসি হোংহোন্নবগীদমক্তা সরকারনা অকনবা পুক্নিংগী পাঙ্গল ফুদোক্তুনা উহল্লে, চৎন-পথাপ কয়া অমগী ৱারেপ লৌখ্রে। হৌজিক অৱাংবা ফমদা ৱাচৎ-ৱানোম তৌবা, মফম অমা-অমদগী নম্ফু-শাফু তৌরকপা অসি লোইশিনখ্রে। গ্রুপ বি. অমসুং গ্রুপ সি. অসিগীদা হৌজিক দা. জিতেন্দ্রনা হায়বিখিবগুম গন্তর্ভিয়ুগী অপনবা অমা লৈরম্বদু লৈররোই। হায়বদি পাংথোকহন্নবশিং অদু লৈহন্দ্রবদি মখোয়না শান্নগদৌরিবা লিলাশিং অদুসু লৈহল্লরোই। বেঙ্ক বোর্দ ব্যুরো শেম্বগা লোয়ননা বেঙ্কশিংগী মকোক থোংবা ফমশিংদা থবক লৌবা অসিদসু নুং-পান শেংনা উবা ফংহন্নবা তৌখ্রে।

মরূপশিং, লৈবাক অসিগী ভিজিলেন্স সিস্তেম অসি ফগৎহন্নবগীসু ৱায়েল-পথাপ কয়া অমা শেমদোকখ্রে। ব্লেক মনি অমদি মমিং লৈতবা লন-থুম কয়াদা লৈবাক অসিনা ৱায়েল –পথাপ শেমখ্রিবা, থবক পায়খৎলিবশিং অসিগী খুদম অসি ঙসি মালেম অসিগী অতোপ্পা লৈবাকশিংদা পীনরি। ফ্যুজিতিব ইকোনোমিক ওফেন্দর এক্তকী থোংদগী করপসন তৌরিবসিংদা ৱায়েলগী থবক চত্থবদা মতেং য়াম্না ফংলি। ঙসি ভারত অসি  মালেম অসিগী ফেস-লেস তেক্স এসেসমেন্তকী সিস্তেং অসি থবক ওইনা পাংথোকখিবা খনগৎলবা লৈবাকশিংগী মনুং চল্লে।  ঙসি ভারত মালেম অসিদা করপসন  থিংবদা তেক্নোলোজী য়াম্না শিজিন্নরিবা অমা ওইরি। সরকারনা হেন্না মরুওইনা লৌরিবা অসি বিজিলেন্সকা মরি লৈনবা এজেন্সীশিংদা হেন্না অফবা তেক্নোলোজী অসি ফংহন্নবা, কেপাসিতী বিল্দিং ওইরো, হেন্না অফবা মওংদা থবক তৌবা ঙম্নবা, রিজল্ত ফংহন্নবা মখোয়গীদা ইনফ্রাস্ত্রকচর অমসুং ইক্বীপ্মেন্তশিং লৈহনগদবনি।  

মরূপশিং, মসিগী হোৎনরিবশিং অসিগী মরক্তা ঐখোয়না মসিগীশিং অসি নিংশিংগদবনি করপসন  অসিগী মায়োক্তা কেম্পেন নোংমা খক্তগী নত্রগা চয়োল অমা খক্তগী নত্তে হায়বসিনি। মসিগী মতাং অসিদা ঙসি ঐহাক্না অদোমগী মাংদা অতোপ্পা শিংনবা অমা থমজগে। মসিগী শিংনবা অসি হৌখিবা চহি কয়াদা তপ্না-তপ্না হেনগৎলক্তুনা লৈবাক অসিগী মাংদা অকিবগী শক্লোন ওইনা থোরক্লে। মসিগী শিংনবশিং অসিদি –করপসনগী শাগৈ হায়বদি মীরোল অমদগী অমদা ত্রান্সফর তৌবা করপসন হায়বনি।

মরূপশিং, হৌখিবা চহি কয়াদগী ঐখোয়না উরে মদুদি করপসন তৌবা মীরোল অমত্তনা অচুম্বা চৈরাক ফংখিদবনা অতোপ্পা মীরোলনা হেন্না অরৈবা পাঙ্গল পুথোক্তুনা করপসন তৌই। মসিনা ময়ুম মক্তদা লুপা করোর কয়াগী ব্লেকমনি তাল্লিবশিংদা করিসু তৌবিদে হায়না খল্লি, মসিনা মখোয়দা মথৌনা হেনগৎহল্লি:পি.এম.

: হৌজিক দি.বি.তি.গী থোংদগী লাইরবশিংনা ফংগদবা অসি চাদা ১০০ লাইরবশিংদা চুমদ্রিংনা য়ৌহল্লি। দি.বি.তি. মথন্তগী মরম্না লুপা লাখ ১গা লিশিং ৭০দগী হেনবা অসি অরানবা মীগী খুত্তা তাগদবদগী কল্লে। ঙসি চাউথোক্না হায়বা য়ারে মদুদি স্কেমশিং তৌনরম্বা মতম অদু তুংওইনরম্লে। করপসন  অসিগী মায়োক্তা কেস অমা হেক কোমথোকপা মতমদা, কেস অসিখক্তনা লোইগদবা নত্তে, মসিনা পরিং অমা অমা শেম্মি, য়ুম্বি ওইহল্লি, তুংলমচৎকী স্কেমশিংগী ওইনা ওইরে। মতিক চানবা ৱায়েলগী থবক চত্থদবা তারগদি খুন্নাই অসিদা, মেদিয়া অসিদা, মসিগী মরাল অসিগী থাক্তা ফংবা হন্থগনি। মীয়ামগী অচৌবা কাংলুপ্না, মেদিয়ানা খঙবা তারবদি ইমাংদা লুপা করোর কয়া অমা অরানবা মওংদা তাল্লিবা অসিসু লায়না লৌনরকই। মসিগী ফীভম অসি লৈবাক অসিগী চাউখৎনবদা চাউনা পনবা ওইরি। মসি খুঞ্জাউ-লৈচাউবা ভারতকী মমাংদা, মরোমদোম লেপচবা  ভারতকী মমাংদা অচৌবা অপনবা অমনি।  

অদুগা ঐহাক্না ৱাফম অমগা হায়জগে.....অদোম্না খল্লগা য়েংবিয়ু মদুদি কনাগুম্বা পি.দব্লিয়ু.দি.দা থবক তৌরিবা ওইবা, ঈঞ্জীনিয়রিং থবক য়েংশিনবা ওইরো, শেল মীহৌদুনা করিগুম্বা থোং অমা শাবা মতমদা চেকশিল্লরোই, শেল খরা হৈনথোকঅনি, শেল খরা মাগী মরূপশিংদা য়েন্থোক্লনি অমদি কন্ত্রেক্তর অদুনসু নহাক্কীসু ফনবা ঐগীসু ফনবা  থোং অসি শঙ্গানবা ফজনা উনবা থোং অসি শাবিরে। শেল অদু য়ুমদা পুদুনা চৎলে, থবক্তগী পোত্থাখ্রবা, ফাবসু ফাহৌদ্রবা, অদুগা খনবিয়ু নোংমা অদোমগী ইচানুপা অদু লানবা মতমদা থোং অদু তেকথরক্লবা মতমদা অদোম্না খঙলক্কনি করপসনগী ওইনা তৌখিবা থবক অসিনা মীওই কয়া অমগী পুন্সি মাংনিংঙাই ওই অমদি অদোমগী ইচানুপাগী পুন্সি অসি মাংবা তারবদি অদোম্না থোং অসি পুকচেল শেংনা শাবা তারম্লবদি অমত্তা ঙাইরবা ইচানুপাগী পুন্সি অসি মাংলম্লোইদবনি  হায়না খল্লক্কনি।  করপশন্না অসুক য়াম্বা চৈথেং অসি ফংহল্লি।মসিগী ফীভম অসি হোংদোকপা হায়বসি ঐখোয় ময়াম পুম্নমক্কী থৌদাংনি অদুগা অদোম ময়াম পুম্নমক্কীনা খরা হেন্ননি। মসিগী নেস্নেল কনফরেন্স অসিদা মসিগী হিরম অসিগী মতাংদসু ৱা খন্নগনি হায়বা ঐহাক্না থাজৈ। মসিদা নত্তনা ৱাফম অমসু অদোম্না নিংশিংবিগদবনি। করপসনগী ৱাফম অসি মেদিয়াগী থখোংবা য়ৌহল্লি, অদু ওইরবদি করপসনগী মায়োক্তা চত্থরিবা ৱায়েলগী থবকশিং অসি মতম চানা পাংথোকপা তারবদি অসিগুম্বা মতমদা খুদম অসি অথোইবা মওংদা পীগদবনি। মসিদগী খুন্নাই অসিনা সিস্তেম অসিদা থাজবা হেনগৎলক্কনি অমসুং করপসন তৌরিবশিংদা মসিদগী চেনবসি লুগনি হায়বগী পাউজেল অমা ফংহনগনি। ঙসি মসিগী থৌরম অসিগী থোংদগী ঐহাক্না ইরৈচা খুদিংমক্তসু অপীল তৌজরি 'ভারত ভর্সেস করপসনগী লান্থেং অসিদা মতম পুম্নমক্তা ভারতনা অকনবা মওংদা থংননবা, করপসনবু মাইথিবা পীনবা হোৎনগদবনি।  অসিগুম্না তৌদুনা সরদার বল্লভভাই পতেলগী ফীদশিংগী ভারত ওইহন্নবগী মংলান অদু মপুং ফাবা ঙমহনগনি হায়না ঐহাক্না থাজৈ।  য়াইফ-পাউজেলশিং অসিগা লোয়ননা অদোম পুম্নমক্কী মফমদা নুংঙাইবা ফোংদোকচরি। হকচাং ফনা লৈবিয়ু, চেকশিন্না লৈবিয়ু।

হন্না-হন্না থাগৎচরি।

*****